ಶ್ರೀ ದುರ್ಗಾಷ್ಟಾಕ್ಷರ ಕವಚಂ

ಶ್ರೀ ದುರ್ಗಾಷ್ಟಾಕ್ಷರ ಕವಚಂ

ಶ್ರೀ ಭೈರವ ಉವಾಚ |
ಅಧುನಾ ದೇವಿ ವಕ್ಷ್ಯೇಽಹಂ ಕವಚಂ ಮಂತ್ರಗರ್ಭಕಂ |
ದುರ್ಗಾಯಾಃ ಸಾರಸರ್ವಸ್ವಂ ಕವಚೇಶ್ವರಸಂಜ್ಞಕಂ || 1 ||

ಪರಮಾರ್ಥಪ್ರದಂ ನಿತ್ಯಂ ಮಹಾಪಾತಕನಾಶನಂ |
ಯೋಗಿಪ್ರಿಯಂ ಯೋಗಿಗಮ್ಯಂ ದೇವಾನಾಮಪಿ ದುರ್ಲಭಂ || 2 ||

ವಿನಾ ದಾನೇನ ಮಂತ್ರಸ್ಯ ಸಿದ್ಧಿರ್ದೇವಿ ಕಲೌ ಭವೇತ್ |
ಧಾರಣಾದಸ್ಯ ದೇವೇಶಿ ಶಿವಸ್ತ್ರೈಲೋಕ್ಯನಾಯಕಃ || 3 ||

ಭೈರವೀ ಭೈರವೇಶಾನೀ ವಿಷ್ಣುರ್ನಾರಾಯಣೋ ಬಲೀ |
ಬ್ರಹ್ಮಾ ಪಾರ್ವತಿ ಲೋಕೇಶೋ ವಿಘ್ನಧ್ವಂಸೀ ಗಜಾನನಃ || 4 ||

ಸೇನಾನೀಶ್ಚ ಮಹಾಸೇನೋ ಜಿಷ್ಣುರ್ಲೇಖರ್ಷಭಃ ಪ್ರಿಯೇ |
ಸೂರ್ಯಸ್ತಮೋಽಪಹೋ ಲೋಕೇ ಚಂದ್ರೋಽಮೃತವಿಧಿಸ್ತಥಾ || 5 ||

ಬಹುನೋಕ್ತೇನ ಕಿಂ ದೇವಿ ದುರ್ಗಾಕವಚಧಾರಣಾತ್ |
ಮರ್ತ್ಯೋಽಪ್ಯಮರತಾಂ ಯಾತಿ ಸಾಧಕೋ ಮಂತ್ರಸಾಧಕಃ || 6 ||

ಕವಚಸ್ಯಾಸ್ಯ ದೇವೇಶಿ ಋಷಿಃ ಪ್ರೋಕ್ತೋ ಮಹೇಶ್ವರಃ |
ಛಂದೋಽನುಷ್ಟುಪ್ ಪ್ರಿಯೇ ದುರ್ಗಾ ದೇವತಾಽಷ್ಟಾಕ್ಷರಾ ಸ್ಮೃತಾ |
ಚಕ್ರಿಬೀಜಂ ಚ ಬೀಜಂ ಸ್ಯಾನ್ಮಾಯಾಶಕ್ತಿರಿತೀರಿತಾ || 7 ||

ಓಂ ಮೇ ಪಾತು ಶಿರೋ ದುರ್ಗಾ ಹ್ರೀಂ ಮೇ ಪಾತು ಲಲಾಟಕಂ |
ದುಂ ನೇತ್ರೇಽಷ್ಟಾಕ್ಷರಾ ಪಾತು ಚಕ್ರೀ ಪಾತು ಶ್ರುತೀ ಮಮ || 8 ||

ಮಂ ಠಂ ಗಂಡೌ ಚ ಮೇ ಪಾತು ದೇವೇಶೀ ರಕ್ತಕುಂಡಲಾ |
ವಾಯುರ್ನಾಸಾಂ ಸದಾ ಪಾತು ರಕ್ತಬೀಜನಿಷೂದಿನೀ || 9 ||

ಲವಣಂ ಪಾತು ಮೇ ಚೋಷ್ಠೌ ಚಾಮುಂಡಾ ಚಂಡಘಾತಿನೀ |
ಭೇಕೀ ಬೀಜಂ ಸದಾ ಪಾತು ದಂತಾನ್ಮೇ ರಕ್ತದಂತಿಕಾ || 10 ||

ಓಂ ಹ್ರೀಂ ಶ್ರೀಂ ಪಾತು ಮೇ ಕಂಠಂ ನೀಲಕಂಠಾಂಕವಾಸಿನೀ |
ಓಂ ಐಂ ಕ್ಲೀಂ ಪಾತು ಮೇ ಸ್ಕಂಧೌ ಸ್ಕಂದಮಾತಾ ಮಹೇಶ್ವರೀ || 11 ||

ಓಂ ಸೌಃ ಕ್ಲೀಂ ಮೇ ಪಾತು ಬಾಹೂ ದೇವೇಶೀ ಬಗಲಾಮುಖೀ |
ಐಂ ಶ್ರೀಂ ಹ್ರೀಂ ಪಾತು ಮೇ ಹಸ್ತೌ ಶಿವಾಶತನಿನಾದಿನೀ || 12 ||

ಸೌಃ ಐಂ ಹ್ರೀಂ ಪಾತು ಮೇ ವಕ್ಷೋ ದೇವತಾ ವಿಂಧ್ಯವಾಸಿನೀ |
ಓಂ ಹ್ರೀಂ ಶ್ರೀಂ ಕ್ಲೀಂ ಪಾತು ಕುಕ್ಷಿಂ ಮಮ ಮಾತಂಗಿನೀ ಪರಾ || 13 ||

ಓಂ ಹ್ರೀಂ ಐಂ ಪಾತು ಮೇ ಪಾರ್ಶ್ವೇ ಹಿಮಾಚಲನಿವಾಸಿನೀ |
ಓಂ ಸ್ತ್ರೀಂ ಹ್ರೂಂ ಐಂ ಪಾತು ಪೃಷ್ಠಂ ಮಮ ದುರ್ಗತಿನಾಶಿನೀ || 14 ||

ಓಂ ಕ್ರೀಂ ಹ್ರುಂ ಪಾತು ಮೇ ನಾಭಿಂ ದೇವೀ ನಾರಾಯಣೀ ಸದಾ |
ಓಂ ಐಂ ಕ್ಲೀಂ ಸೌಃ ಸದಾ ಪಾತು ಕಟಿಂ ಕಾತ್ಯಾಯನೀ ಮಮ || 15 ||

ಓಂ ಹ್ರೀಂ ಶ್ರೀಂ ಪಾತು ಶಿಶ್ನಂ ಮೇ ದೇವೀ ಶ್ರೀಬಗಲಾಮುಖೀ |
ಐಂ ಸೌಃ ಕ್ಲೀಂ ಸೌಃ ಪಾತು ಗುಹ್ಯಂ ಗುಹ್ಯಕೇಶ್ವರಪೂಜಿತಾ || 16 ||

ಓಂ ಹ್ರೀಂ ಐಂ ಶ್ರೀಂ ಹ ಸೌಃ ಪಾಯಾದೂರೂ ಮಮ ಮನೋನ್ಮನೀ |
ಓಂ ಜೂಂ ಸಃ ಸೌಃ ಜಾನು ಪಾತು ಜಗದೀಶ್ವರಪೂಜಿತಾ || 17 ||

ಓಂ ಐಂ ಕ್ಲೀಂ ಪಾತು ಮೇ ಜಂಘೇ ಮೇರುಪರ್ವತವಾಸಿನೀ |
ಓಂ ಹ್ರೀಂ ಶ್ರೀಂ ಗೀಂ ಸದಾ ಪಾತು ಗುಲ್ಫೌ ಮಮ ಗಣೇಶ್ವರೀ || 18 ||

ಓಂ ಹ್ರೀಂ ದುಂ ಪಾತು ಮೇ ಪಾದೌ ಪಾರ್ವತೀ ಷೋಡಶಾಕ್ಷರೀ |
ಪೂರ್ವೇ ಮಾಂ ಪಾತು ಬ್ರಹ್ಮಾಣೀ ವಹ್ನೌ ಪಾತು ಚ ವೈಷ್ಣವೀ || 19 ||

ದಕ್ಷಿಣೇ ಚಂಡಿಕಾ ಪಾತು ನೈರೃತ್ಯೇ ನಾರಸಿಂಹಿಕಾ |
ಪಶ್ಚಿಮೇ ಪಾತು ವಾರಾಹೀ ವಾಯವ್ಯೇ ಮಾಪರಾಜಿತಾ || 20 ||

ಉತ್ತರೇ ಪಾತು ಕೌಮಾರೀ ಚೈಶಾನ್ಯಾಂ ಶಾಂಭವೀ ತಥಾ |
ಊರ್ಧ್ವಂ ದುರ್ಗಾ ಸದಾ ಪಾತು ಪಾತ್ವಧಸ್ತಾಚ್ಛಿವಾ ಸದಾ || 21 ||

ಪ್ರಭಾತೇ ತ್ರಿಪುರಾ ಪಾತು ನಿಶೀಥೇ ಛಿನ್ನಮಸ್ತಕಾ |
ನಿಶಾಂತೇ ಭೈರವೀ ಪಾತು ಸರ್ವದಾ ಭದ್ರಕಾಳಿಕಾ || 22 ||

ಅಗ್ನೇರಂಬಾ ಚ ಮಾಂ ಪಾತು ಜಲಾನ್ಮಾಂ ಜಗದಂಬಿಕಾ |
ವಾಯೋರ್ಮಾಂ ಪಾತು ವಾಗ್ದೇವೀ ವನಾದ್ವನಜಲೋಚನಾ || 23 ||

ಸಿಂಹಾತ್ ಸಿಂಹಾಸನಾ ಪಾತು ಸರ್ಪಾತ್ ಸರ್ಪಾಂತಕಾಸನಾ |
ರೋಗಾನ್ಮಾಂ ರಾಜಮಾತಂಗೀ ಭೂತಾದ್ಭೂತೇಶವಲ್ಲಭಾ || 24 ||

ಯಕ್ಷೇಭ್ಯೋ ಯಕ್ಷಿಣೀ ಪಾತು ರಕ್ಷೋಭ್ಯೋ ರಾಕ್ಷಸಾಂತಕಾ |
ಭೂತಪ್ರೇತಪಿಶಾಚೇಭ್ಯಃ ಸುಮುಖೀ ಪಾತು ಮಾಂ ಸದಾ || 25 ||

ಸರ್ವತ್ರ ಸರ್ವದಾ ಪಾತು ಓಂ ಹ್ರೀಂ ದುರ್ಗಾ ನವಾಕ್ಷರಾ |
ಇತ್ಯೇವಂ ಕವಚಂ ಗುಹ್ಯಂ ದುರ್ಗಾಸರ್ವಸ್ವಮುತ್ತಮಂ || 26 ||

ಮಂತ್ರಗರ್ಭಂ ಮಹೇಶಾನಿ ಕವಚೇಶ್ವರಸಂಜ್ಞಕಂ |
ವಿತ್ತದಂ ಪುಣ್ಯದಂ ಪುಣ್ಯಂ ವರ್ಮ ಸಿದ್ಧಿಪ್ರದಂ ಕಲೌ || 27 ||

ವರ್ಮ ಸಿದ್ಧಿಪ್ರದಂ ಗೋಪ್ಯಂ ಪರಾಪರರಹಸ್ಯಕಂ |
ಶ್ರೇಯಸ್ಕರಂ ಮನುಮಯಂ ರೋಗನಾಶಕರಂ ಪರಂ || 28 ||

ಮಹಾಪಾತಕಕೋಟಿಘ್ನಂ ಮಾನದಂ ಚ ಯಶಸ್ಕರಂ |
ಅಶ್ವಮೇಧಸಹಸ್ರಸ್ಯ ಫಲದಂ ಪರಮಾರ್ಥದಂ || 29 ||

ಅತ್ಯಂತಗೋಪ್ಯಂ ದೇವೇಶಿ ಕವಚಂ ಮಂತ್ರಸಿದ್ಧಿದಂ |
ಪಠನಾತ್ಸಿದ್ಧಿದಂ ಲೋಕೇ ಧಾರಣಾನ್ಮುಕ್ತಿದಂ ಶಿವೇ || 30 ||

ರವೌ ಭೂರ್ಜೇ ಲಿಖೇದ್ಧೀಮಾನ್ ಕೃತ್ವಾ ಕರ್ಮಾಹ್ನಿಕಂ ಪ್ರಿಯೇ |
ಶ್ರೀಚಕ್ರಾಂಗೇಽಷ್ಟಗಂಧೇನ ಸಾಧಕೋ ಮಂತ್ರಸಿದ್ಧಯೇ || 31 ||

ಲಿಖಿತ್ವಾ ಧಾರಯೇದ್ಬಾಹೌ ಗುಟಿಕಾಂ ಪುಣ್ಯವರ್ಧಿನೀಂ |
ಕಿಂ ಕಿಂ ನ ಸಾಧಯೇಲ್ಲೋಕೇ ಗುಟಿಕಾ ವರ್ಮಣೋಽಚಿರಾತ್ || 32 ||

ಗುಟಿಕಾಂ ಧಾರಯನ್ಮೂರ್ಧ್ನಿ ರಾಜಾನಂ ವಶಮಾನಯೇತ್ |
ಧನಾರ್ಥೀ ಧಾರಯೇತ್ಕಂಠೇ ಪುತ್ರಾರ್ಥೀ ಕುಕ್ಷಿಮಂಡಲೇ || 33

ತಾಮೇವ ಧಾರಯೇನ್ಮೂರ್ಧ್ನಿ ಲಿಖಿತ್ವಾ ಭೂರ್ಜಪತ್ರಕೇ |
ಶ್ವೇತಸೂತ್ರೇಣ ಸಂವೇಷ್ಟ್ಯ ಲಾಕ್ಷಯಾ ಪರಿವೇಷ್ಟಯೇತ್ || 34 ||

ಸವರ್ಣೇನಾಥ ಸಂವೇಷ್ಟ್ಯ ಧಾರಯೇದ್ರಕ್ತರಜ್ಜುನಾ |
ಗುಟಿಕಾ ಕಾಮದಾ ದೇವಿ ದೇವನಾಮಪಿ ದುರ್ಲಭಾ || 35 ||

ಕವಚಸ್ಯಾಸ್ಯ ಗುಟಿಕಾಂ ಧೃತ್ವಾ ಮುಕ್ತಿಪ್ರದಾಯಿನೀಂ |
ಕವಚಸ್ಯಾಸ್ಯ ದೇವೇಶಿ ಗುಣಿತುಂ ನೈವ ಶಕ್ಯತೇ || 36 ||

ಮಹಿಮಾ ವೈ ಮಹಾದೇವಿ ಜಿಹ್ವಾಕೋಟಿಶತೈರಪಿ |
ಅದಾತವ್ಯಮಿದಂ ವರ್ಮ ಮಂತ್ರಗರ್ಭಂ ರಹಸ್ಯಕಂ || 37 ||

ಅವಕ್ತವ್ಯಂ ಮಹಾಪುಣ್ಯಂ ಸರ್ವಸಾರಸ್ವತಪ್ರದಂ |
ಅದೀಕ್ಷಿತಾಯ ನೋ ದದ್ಯಾತ್ಕುಚೈಲಾಯ ದುರಾತ್ಮನೇ || 38 ||

ಅನ್ಯಶಿಷ್ಯಾಯ ದುಷ್ಟಾಯ ನಿಂದಕಾಯ ಕುಲಾರ್ಥಿನಾಂ |
ದೀಕ್ಷಿತಾಯ ಕುಲೀನಾಯ ಗುರುಭಕ್ತಿರತಾಯ ಚ || 39 ||

ಶಾಂತಾಯ ಕುಲಶಾಂತಾಯ ಶಾಕ್ತಾಯ ಕುಲವಾಸಿನೇ |
ಇದಂ ವರ್ಮ ಶಿವೇ ದದ್ಯಾತ್ಕುಲಭಾಗೀ ಭವೇನ್ನರಃ || 40 ||

ಇದಂ ರಹಸ್ಯಂ ಪರಮಂ ದುರ್ಗಾಕವಚಮುತ್ತಮಂ |
ಗುಹ್ಯಂ ಗೋಪ್ಯತಮಂ ಗೋಪ್ಯಂ ಗೋಪನೀಯಂ ಸ್ವಯೋನಿವತ್ || 41 ||

ಇತಿ ಶ್ರೀದೇವೀರಹಸ್ಯತಂತ್ರೇ ಶ್ರೀ ದುರ್ಗಾ ಕವಚಂ |