ಶ್ರೀ ಕಾಮಾಕ್ಷೀ ಸ್ತವಃ

 ಶ್ರೀ ಕಾಮಾಕ್ಷೀ ಸ್ತವಃ

ಕಂಡೂಲಗಂಡವಿಗಳನ್ಮದವಾರಿಧಾರಾ-
    ಗಂಡೂಷಪಂಡಿತಮಧುವ್ರತಮಂಡಿತಾಯ |
ಶುಂಡಾಲಬಂಧುರಮುಖಾಯ ತುಷಾರಭಾನು-
    ಖಂಡಾವತಂಸಕಲಿತಾಯ ನಮಃ ಶಿವಾಯ ||1||

ರಸಾಳತಲಭೂಷಿತಂ ರಜನಿಬಂಧುನಾ ಭೂಷಿತಂ
    ಸಮಗ್ರಮನುಕಂಪಯಾ ಸವಿಧಸೇವಿತಂ ಕಂಪಯಾ |
ನಮತ್ಸುಮನಸಂ ಪದೇ ನಮತ ಸಂತತಂ ಸಂಪದೇ
    ಗಿರೀಶಮಧಿಕಾಂಚಿ ತಂ ಗಿರಿಸುತಾಕುಚಾಂಕಾಂಚಿತಂ ||2||

ಜಯಂತಿ ಶ್ರೀಮಂತೋ ಜಡಿಮಹಿಮಸಂಹಾರಮಿಹಿರಾ
    ಮನೀಷಾಮಾಕಂದಪ್ರಸವನವವಾಸಂತದಿವಸಾಃ |
ಗಿರಾಂ ನಾಥೇ! ನಾನಾರಸಭಣಿತಿಯೋಷಾಭಿಸರಣ-
    ಪ್ರದೋಷಾ ನಿರ್ದೋಷಾಸ್ತವ ಚರಣ ಸನ್ನಾಮವಿಧಯಃ ||3||

ಕ ಏಷ ಪ್ರಸ್ತಾವಸ್ತವ ನವನಸನ್ನಾಹಪದವೀ -
    ದವೀಯೋ ದೇವೀದಂ ಧಿಷಣಧಿಷಣಾನೈಪುಣಮಪಿ |
ತದಾಸ್ತಾಮುದ್ಯೋಗಃ ಸ್ತುತಿವಚಸಿ ಯಾಚೇ ಪುನರಿದಂ
    ಸಮಸ್ತೋಽತ್ರ ಸ್ತೋತ್ರೀಭವತು ಮಮ ಸಂಜಲ್ಪನವಿಧಿಃ ||4||

ಸದಾ ಯಾಚಂ ಯಾಚಂ ಕಥಿತಬಹುವಾಚಂ ಜನಮಿಮಂ
    ಪ್ರತಿ ಕ್ರೋಧೋ ವೇಧೋರಮಣಿ! ಕರಣೀಯೋ ನ ಕಲಯಾ |
ನ ಯೋಗಪ್ರಾವೀಣ್ಯಂ ನ ಚ ಬಹುವಿಧಸ್ತೋತ್ರಪಟಿಮಾ
    ನ ವಾ ಸೇವಾದಾಕ್ಷ್ಯಂ ಕಿಮಿಹ ವಿದಧೇ ಯಾಚನಮೃತೇ ||5||

ಜತುದ್ರಾವಂ ದೇವಿ! ದ್ರವತು ಜವತಶ್ಚಿತ್ತಜಡಿಮಾ
    ಶರತ್ಪದ್ಮೋನ್ಮೀಲಂ ಮಮ ವಿಲಲಮುನ್ಮೀಲತು ಮನಃ |
ಮುಖಾದ್ವೀಚೀ ವಾಚಾಂ ತ್ರಿದಿವವಿಗಳನ್ನಿರ್ಜರಧುನೀ-
    ತರಂಗಾಳೀಗಾಳಂ ಗಳತು ಮಧುನಿಷ್ಯಂದಮಧುರಾ ||6||

ಜಗನ್ನಾಥೇ ! ಜಾಲ್ಮಂ ನಿಬಿಡಜಡಿಭಗ್ರಂಥಿಜಟಿಲಂ
    ಜನಂ ದೀನಂ ಮೈನಂ ಜನನಿ ! ಮನುಥಾಃ ಸ್ಮಾನ್ಯಶರಣಂ |
ಪ್ರಮೀಳಾಪ್ರಭ್ಲಾನಂ ಪದಯುಗಳನಾಳೀಕವಿಗಳ-
    ನ್ಮಧೂಳೀಪಾಳೀಭಿರ್ಮಮ ಸರಜಸಂ ಕ್ಷಾಳಯ ಮನಃ ||7||

ಜಗನ್ಮಾತರ್ಜಾತಪ್ರಥಿಮನಿ ಮನೀಷಾಜಡಿಮನಿ
    ಸ್ತೃಣಾನೇ ಖಿಂದಾನಃ ಕಿಮಿವ ಮನವೈ ಕಿಂ ವಿತನವೈ |
ಪ್ರಸೀದಾಸೀದಾತ್ಮನ್ಯಖಿಲದುರಿತೋತ್ಸಾದಿನಿ ! ದಿನೇ
    ದಿನೇ ದೀನೇಽದೀನೇ! ಮಯಿ ವಿತರ ಕಾರುಣ್ಯಕಣಿಕಾಂ ||8||

ಕರೇ ವಾಮೇ ವಾಮೇ ! ಕಮಲಮೃದುಳೇ ಪುಸ್ತಕಧರಂ
    ಪರಸ್ಮಿನ್ ಸಾಕ್ಷಸ್ರಕ್ಸ್ಫಟಿಕನಿಭಮತ್ರಾಸವರದಂ |
ಭವತ್ವಂತಃ ಸಾಕ್ಷಾದಕೃಪಣಕೃಪಾಕಂದಳಮಿಳತ್-
    ಕಟಾಕ್ಷವ್ಯಾಪಾರಂ ವಪುರುಪನಿಷಜ್ಜೀವಿತಮಿದಂ ||9||

ಕೃಪಾಕೋಪಾಟೋಪಸ್ಫುರಿತಪದಪಂಚಾಸ್ಯದಳಿತಾದ್
    ಧನಸ್ವಾಂತಧ್ವಾಂತಪ್ರಕರಕರಿಸಂದೋಹಶಿರಸಃ |
ಸಮುನ್ಮುಕ್ತಾ ಮುಕ್ತಾಮಣಯ ಇವ ಶುದ್ಧಾ ಭಣಿತಯೋಸ
    ಭವದ್ಭಕ್ತಾಸ್ಯೇಭ್ಯೋ ಭಗವತಿ! ವಿಸರ್ಪಂತಿ ಪರಿತಃ ||10||

ಮಮಾಂತರ್ವಾಣಿ ! ತ್ವಂ ಹರ ತಿಮಿರಮಿತ್ಯರ್ಥನವಿಧಾಂ
    ವಿಧಾಸ್ಯನ್ ಯಸ್ತಸ್ಮೈ ಪದಯುಗಳಮಾತ್ರಂ ಕಥಯತೇ |
ಅಸೌ ಶಾಸ್ತ್ರಜ್ಞತ್ವಂ ವರಯಿತುಮುಪಕ್ರಾಂತ ಇತಿ ತದ್
    ದದಾನಃ ಸದ್ಯಸ್ತೇ ಜಯತಿ ಸದಯಾಸಂಭ್ರಮರಸಃ ||11||

ಅಸೌ ಸೇವಾ ದಾವೇ ರುದಿತಮಿಯಮಿಜ್ಯಾ ಜಲಲಿಪಿ-
    ರ್ಗಜಸ್ನಾನಂ ಧ್ಯಾನಂ ತದಪಿ ಸ ಜಪೋ ಭಸ್ಮನಿ ಹುತಂ |
ಪ್ರಣಾಮೋ ನಾಮಷ ಪ್ರಕೃತಿಜಳಮೂಕಾಂಘ್ರಿಪತನಂ
    ಯದಂಬಾಲಂಬ್ಯೇತ ಪ್ರತಿದಿನಮನುದ್ದಿಶ್ಯ ಭವತೀಂ ||12||

ಸಜೀವೋ ಮಾ ಜೀವನ್ ಭವತಿ ಬತ ಮಾ ಜಾಗ್ರದಪಿ ಮಾ
    ವಿಜಾನನ್ ಮಾ ಧ್ಯಾಯನ್ ಜನಜನನಿ ! ತಸ್ಯಾಸ್ತ್ವಜನನಿಃ |
ನ ಯಸ್ತ್ವಾಮಾಶಾಸ್ತೇ ನ ವಿನಮತಿ ನ ಸ್ತೌತಿ ಮನುತೇ
    ನ ನೋಪಾಸ್ತೇ ನಾಧ್ಯೇತ್ಯವತಿ ನ ವೃಣೀತೇ ನ ಚ ಸಕೃತ್ ||13||

ಗಳದ್ದಭ್ಭಾಂ ಶುಭ್ಭತ್ಪೃಥುಲಕುಚಕುಂಭಾಂ ಹೃತಶಶಿ-
    ಪ್ರಭಾಡಭ್ಭಾಂ ಸಂಭಾವಿತಲಿಖಿತಗುಭ್ಫಾಜಪಪಟಾಂ |
ಮನಸ್ತಂಭಾರಭ್ಭಪ್ರಥುಮನಿ(?) ಭಜೇ ತ್ವಾಂ ಕೃತಕೃಪಾ-
    ಪರೀರಭ್ಭಾಮ್ಮಂಭೋರುಹಸದನಸಂಭೋಗಕಲಿಕಾಂ ||14||

ಭವತ್ಯಾ ನಿತ್ಯೋತ್ತಂಸಿತಸಿತಸುಧಾತಿವಿಗಳತ್-
    ಸುಧಾಸಾರಸ್ರೋತೋವಿಸರ ಇವ ಹೃತ್ಪಂಕಜಜುಷಃ |
ನೃಣಾಂ ತ್ವದ್ಧ್ಯಾತೄಣಾಂ ನವವದನನಾಳೀಕಕುಹರ-
    ಪ್ರಣಾಳೀನಾಳೇನ ಕ್ಷರತಿ ಕವಿತಾಸೌರಭಭರಃ ||15||

ಗತಿಸ್ವಿನ್ನಾಂ ವನ್ಯಸ್ತಬಕನಿವಹನ್ಯಾಸವಿಲಸತ್-
    ಕಚಾಂ ಕೇಚಿತ್ ಕಾಚಾವಲಿಖಚಿತನೀಚೇತರಕುಚಾಂ |
ಹೃದಿ ತ್ವಾಮೀಕ್ಷಂತೇ ಕಪಟಮೃಗಯೋಃ ಪತ್ರಪಟಲೀ-
    ದುಕೂಲಾಂ ಕಾಲಾರೇರನುಪದಚರೀಂ ಕಾನನಚರೀಂ ||16||

ಧರೇ ! ದುರ್ಗಾಂ ಸ್ವರ್ಗಾ ಧಿಪವಿಮತವರ್ಗಾಪಹರಣೀಂ
    ಮಹಾರಂಹಸ್ಸಿಂಹಪ್ರವರಪರಿವಿನ್ಯಸ್ತಚರಣಾಂ |
ಕರೇ ವಲ್ಗತ್ಖಡ್ಗಪ್ರವಿಹಿತಜಗತ್ತ್ರಾಣವಿಭವಾಂ
    ಭವಾರ್ತಿವ್ಯಾವೃತ್ತ್ಯೈ ಭಗವತಿ ! ಭಜಂತೇ ಹಿ ಭವತೀಂ ||17||

ಇದಂ ಸ್ಯಾದೇತತ್ ಸ್ಯಾನ್ಮಮ ಪುನರದಃ ಸ್ಯಾದಿತಿ ಸದಾ
    ಶ್ರುತಂ ವಾ ದೃಷ್ಟಂ ವಾ ಸಕಲಮುಪಯಾಚೇ ನ ಭವತೀಂ |
ಸಕೃನ್ಮಹ್ಯಂ ಮುಹ್ಯನ್ಮಲಿನಮನಸೇ ಮಾತರಮಲಾಂ
    ತ್ವದೀಯೇ ದೀಯೇತ ದ್ಯುತಿಮತಿ ಪದೇ ಭಾರತಿ! ರತಿಂ ||18||

ಅಥೋ ಯಾ ವಾ ಸಾ ವಾ ಭವ ಭವರಮೇಶಾಂಬುಜಭುವಾ-
    ಮಪೀಡ್ಯೇ ! ಪೀಡ್ಯೇಽಹಂ ಜನಜನನಿ ! ಜಾಡ್ಯೇನ ನ ಯಥಾ |
ತಥಾ ಭ್ರೂಯಾದ್ ಭೂಯಾನಿಹ ತವ ವಿಭೂತಿಸ್ತವವಿಧಿಃ
    ಕಥಂಕಾರಂ ಕರ್ತುಂ ಕವಿಭಿರಪಿ ಶಕ್ಯೇತ ಸಕಲಃ ||19||
    
ಇತಿ ಕಾಮಾಕ್ಷೀಸ್ತವಃ ಸಂಪೂರ್ಣಃ |