Sri Matangi Sahasranama Stotram

śrī mātaṃgī sahasranāma stotraṃ

īśvara uvāca |
śṛṇu devi pravakṣyāmi sāmprataṃ tattvataḥ param |
nāmnāṃ sahasraṃ paramaṃ sumukhyāḥ siddhaye hitam || 1 ||

sahasranāmapāṭhī yaḥ sarvatra vijayī bhavet |
parābhavo na tasyāsti sabhāyāṃ vā mahāraṇe || 2 ||

yathā tuṣṭā bhaveddevī sumukhī cāsya pāṭhataḥ |
tathā bhavati deveśi sādhakaḥ śiva eva saḥ || 3 ||

aśvamedhasahasrāṇi vājapeyasya koṭayaḥ |
sakṛtpāṭhena jāyaṃte prasannā sumukhī bhavet || 4 ||

mataṃgo'sya ṛṣiśchaṃdo'nuṣṭubdevī samīritā |
sumukhī viniyogaḥ syātsarvasaṃpattihetave |
evaṃ dhyātvā paṭhedetadyadīcchetsiddhimātmanaḥ || 5 ||

dhyānam |
devīṃ ṣoḍaśavārṣikīṃ śavagatāṃ mādhvīrasāghūrṇitāṃ
śyāmāṃgīmaruṇāṃbarāṃ pṛthukucāṃ guṃjāvalīśobhitām |
hastābhyāṃ dadhatīṃ kapālamamalaṃ tīkṣṇāṃ tathā kartrikāṃ
dhyāyenmānasapaṃkaje bhagavatīmucchiṣṭacāṃḍālinīm || 1 ||

stotram |
oṃ sumukhī śemuṣī sevyā surasā śaśiśekharā |
samānāsyā sādhanī ca samastasurasammukhī || 2 ||

sarvasaṃpattijananī saṃpadā siṃdhusevinī |
śaṃbhusīmaṃtinī saumyā samārādhyā sudhārasā || 3 ||

sāraṃgā savalī velā lāvaṇyavanamālinī |
vanajākṣī vanacarī vanī vanavinodinī || 4 ||

veginī vegadā vegā bagalasthā balādhikā |
kālī kālapriyā kelī kamalā kālakāminī || 5 ||

kamalā kamalasthā ca kamalasthā kalāvatī |
kulīnā kuṭilā kāṃtā kokilā kalabhāṣiṇī || 6 ||

kīrā kelikarā kālī kapālinyapi kālikā |
keśinī ca kuśāvartā kauśāṃbhī keśavapriyā || 7 ||

kālī kāśī mahākālasaṃkāśā keśadāyinī |
kuṃḍalā ca kulasthā ca kuṃḍalāṃgadamaṃḍitā || 8 ||

kuṃḍapadmā kumudinī kumudaprītivardhinī |
kuṃḍapriyā kuṃḍaruciḥ kuraṃganayanākulā || 9 ||

kuṃdabiṃbālinadinī kusuṃbhakusumākarā |
kāṃcī kanakaśobhāḍhyā kvaṇatkiṃkiṇikākaṭiḥ || 10 ||

kaṭhorakaraṇā kāṣṭhā kaumudī kaṃḍavatyapi |
kapardinī kapaṭinī kaṭhinī kalakaṃḍinī || 11 ||

kīrahastā kumārī ca kurūḍhakusumapriyā |
kuṃjarasthā kujaratā kuṃbhī kuṃbhastanī kalā || 12 ||

kuṃbhīkāṃgā karabhorūḥ kadalīkuśaśāyinī |
kupitā koṭarasthā ca kaṃkālī kaṃdalālayā || 13 ||

kapālavāsinī keśī kaṃpamānaśiroruhā |
kādaṃbarī kadaṃbasthā kuṃkumapremadhāriṇī || 14 ||

kuṭuṃbinī kṛpāyuktā kratuḥ kratukarapriyā |
kātyāyanī kṛttikā ca kārtikī kuśavartinī || 15 ||

kāmapatnī kāmadātrī kāmeśī kāmavaṃditā |
kāmarūpā kāmaratiḥ kāmākhyā jñānamohinī || 16 ||

khaḍginī khecarī khaṃjā khaṃjarīṭekṣaṇā khagā |
kharagā kharanādā ca kharasthā khelanapriyā || 17 ||

kharāṃśuḥ khelinī khaṭvā kharā khaṭvāṃgadhāriṇī |
kharakhaṃḍinyapi khyātiḥ khaṃḍitā khaṃḍanapriyā || 18 ||

khaṃḍapriyā khaṃḍakhādyā khaṃḍasiṃdhuśca khaṃḍinī |
gaṃgā godāvarī gaurī gautamyapi ca gomatī || 19 ||

gaṃgā gayā gaganagā gāruḍī garuḍadhvajā |
gītā gītapriyā geyā guṇaprītirgururgirī || 20 ||

gaurgaurī gaṃḍasadanā gokulā gopratāriṇī |
goptā goviṃdinī gūḍhā gūḍhavigrastaguṃjinī || 21 ||

gajagā gopinī gopī gokṣā jayapriyā gaṇā |
giribhūpāladuhitā gogā gokulavāsinī || 22 ||

ghanastanī ghanarucirghanorurghananiḥsvanā |
ghuṃkāriṇī ghukṣakarī ghūghūkaparivāritā || 23 ||

ghaṃṭānādapriyā ghaṃṭā ghoṭā ghoṭakavāhinī |
ghorarūpā ca ghorā ca ghṛtaprītirghṛtāṃjanī || 24 ||

ghṛtācī ghṛtavṛṣṭiśca ghaṃṭāghaṭaghaṭāvṛtā |
ghaṭasthā ghaṭanā ghātakarī ghātanivāriṇī || 25 ||

caṃcarīkī cakorī ca cāmuṃḍā cīradhāriṇī |
cāturī capalā caṃcuścitā ciṃtāmaṇisthitā || 26 ||

cāturvarṇyamayī caṃcuścorācāryā camatkṛtiḥ |
cakravartivadhūścitrā cakrāṃgī cakramodinī || 27 ||

cetaścarī cittavṛttiścetanā cetanapriyā |
cāpinī caṃpakaprītiścaṃḍā caṃḍālavāsinī || 28 ||

ciraṃjīvinī taccittā ciṃcāmūlanivāsinī |
churikā chatramadhyasthā chiṃdā chiṃdakarī chidā || 29 ||

chucchuṃdarī chalaprītiśchucchuṃdarinibhasvanā |
chalinī chatradā chinnā chiṃṭicchedakarī chaṭā || 30 ||

chadminī chāṃdasī chāyā charucchaṃdakarītyapi |
jayadājayadā jātī jāyinī jāmalā jatuḥ || 31 ||

jaṃbūpriyā jīvanasthā jaṃgamā jaṃgamapriyā |
japāpuṣpapriyā japyā jagajjīvā jagajjaniḥ || 32 ||

jagajjaṃtupradhānā ca jagajjīvaparā javā |
jātipriyā jīvanasthā jīmūtasadṛśīruciḥ || 33 ||

janyā janahitā jāyā janmabhūrjaṃbhasī jabhūḥ |
jayadā jagadāvāsā jāyinī jvarakṛcchrajit || 34 ||

japā ca japatī japyā japārhā jāyinī janā |
jālaṃdharamayī jānurjālaukā jāpyabhūṣaṇā || 35 ||

jagajjīvamayī jīvā jaratkārurjanapriyā |
jagatījananiratā jagacchobhākarī javā || 36 ||

jagatītrāṇakṛjjaṃghā jātīphalavinodinī |
jātīpuṣpapriyā jvālā jātihā jātirūpiṇī || 37 ||

jīmūtavāhanarucirjīmūtā jīrṇavastrakṛt |
jīrṇavastradharā jīrṇā jvalatī jālanāśinī || 38 ||

jagatkṣobhakarī jātirjagatkṣobhavināśinī |
janāpavādā jīvā ca jananīgṛhavāsinī || 39 ||

janānurāgā jānusthā jalavāsā jalārtikṛt |
jalajā jalavelā ca jalacakranivāsinī || 40 ||

jalamuktā jalārohā jalasā jalajekṣaṇā |
jalapriyā jalaukā ca jalaśobhāvatī tathā || 41 ||

jalavisphūrjitavapurjvalatpāvakaśobhinī |
jhiṃjhā jhillamayī jhiṃjhājhaṇatkārakarī jayā || 42 ||

jhaṃjhī jhaṃpakarī jhaṃpā jhaṃpatrāsanivāriṇī |
ṭaṃkārasthā ṭaṃkakarī ṭaṃkārakaraṇāṃhasā || 43 ||

ṭaṃkāroṭṭakṛtaṣṭhīvā ḍiṃḍīravasanāvṛtā |
ḍākinī ḍāmarī caiva ḍiṃḍimadhvaninādinī || 44 ||

ḍakāraniḥsvanarucistapinī tāpinī tathā |
taruṇī tuṃdilā tuṃdā tāmasī ca tamaḥpriyā || 45 ||

tāmrā tāmravatī taṃtustuṃdilā tulasaṃbhavā |
tulākoṭisuvegā ca tulyakāmā tulāśrayā || 46 ||

tudanī tunanī tuṃbī tulākālā tulāśravā |
tumulā tulajā tulyā tulādānakarī tathā || 47 ||

tulyavegā tulyagatistulākoṭininādinī |
tāmroṣṭhā tāmraparṇī ca tamaḥsaṃkṣobhakāriṇī || 48 ||

tvaritā jvarahā tīrā tārakeśī tamālinī |
tamodānavatī tāmratālasthānavatī tamī || 49 ||

tāmasī ca tamisrā ca tīvrā tīvraparākramā |
taṭasthā tilatailāktā taruṇī tapanadyutiḥ || 50 ||

tilottamā ca tilakṛttārakādhīśaśekharā |
tilapuṣpapriyā tārā tārakeśī kuṭuṃbinī || 51 ||

sthāṇupatnī sthirakarī sthūlasaṃpadvivardhinī |
sthitiḥ sthairyasthaviṣṭhā ca sthapatiḥ sthūlavigrahā || 52 ||

sthūlasthalavatī sthālī sthalasaṃgavivardhinī |
daṃḍinī daṃtinī dāmā daridrā dīnavatsalā || 53 ||

devī devavadhūrdityā dāminī devabhūṣaṇā |
dayā damavatī dīnavatsalā dāḍimastanī || 54 ||

devamūrtikarā daityā dāriṇī devatānatā |
dolākrīḍā dayāluśca daṃpatī devatāmayī || 55 ||

daśādīpasthitā doṣā doṣahā doṣakāriṇī |
durgā durgārtiśamanī durgamyā durgavāsinī || 56 ||

durgaṃdhanāśinī duḥsthā duḥkhapraśamakāriṇī |
durgaṃdhā duṃdubhidhvāṃtā dūrasthā dūravāsinī || 57 ||

daradā daradātrī ca durvyādhadayitā damī |
dhuraṃdharā dhurīṇā ca dhaureyī dhanadāyinī || 58 ||

dhīrāravā dharitrī ca dharmadā dhīramānasā |
dhanurdharā ca dhamanī dhamanīdhūrtavigrahā || 59 ||

dhūmravarṇā dhūmrapānā dhūmalā dhūmamodinī |
naṃdinīnaṃdinī naṃdā naṃdinī naṃdabālikā || 60 ||

navīnā narmadā narmanamirniyamaniḥsvanā |
nirmalā nigamādhārā nimnagā nagnakāminī || 61 ||

nīlā niratnā nirvāṇā nirlobhā nirguṇā natiḥ |
nīlagrīvā nirīhā ca niraṃjanajanānavā || 62 ||

nirguṃḍikā ca nirguṃḍā nirnāsā nāsikābhidhā |
patākinī patākā ca patraprītiḥ payasvinī || 63 ||

pīnā pīnastanī patnī pavanāśā niśāmayī |
parā paraparā kālī pārakṛtyabhujapriyā || 64 ||

pavanasthā ca pavanā pavanaprītivardhinī |
paśuvṛddhikarī puṣpapoṣikā puṣṭivardhinī || 65 ||

puṣpiṇī pustakakarā pūrṇimā'talavāsinī |
peśī pāśakarī pāśā pāṃśuhā pāṃśulā paśuḥ || 66 ||

paṭuḥ parāśā paraśudhāriṇī pāśinī tathā |
pāpaghnī patipatnī ca patitā patitāpanī || 67 ||

piśācī ca piśācaghnī piśitāśanatoṣiṇī |
pānadā pānapātrī ca pānadānakarodyatā || 68 ||

peyā prasiddhā pīyūṣā pūrṇā pūrṇamanorathā |
pataṃgābhā pataṃgā ca paunaḥpunyamivāparā || 69 ||

paṃkilā paṃkamagnā ca pānīyā paṃjarasthitā |
paṃcamī paṃcayajñā ca paṃcatā paṃcamapriyā || 70 ||

picumaṃdā puṃḍarīkā pikī piṃgalalocanā |
priyaṃgumaṃjarī piṃḍī paṃḍitā pāṃḍuraprabhā || 71 ||

pretāsanā priyālasthā pāṃḍughnī pīnasāpahā |
phalinī phaladātrī ca phalaśrīḥ phalabhūṣaṇā || 72 ||

phūtkārakāriṇī sphārī phullā phullāṃbujānanā |
sphuliṃgahā sphītamatiḥ sphītakīrtikarī tathā || 73 ||

balamāyā balārātirbalinī balavardhinī |
veṇuvādyā vanacarī viraṃcijanayitryapi || 74 ||

vidyāpradā mahāvidyā bodhinī bodhadāyinī |
buddhamātā ca buddhā ca vanamālāvatī varā || 75 ||

varadā vāruṇī vīṇā vīṇāvādanatatparā |
vinodinī vinodasthā vaiṣṇavī viṣṇuvallabhā || 76 ||

vaidyā vaidyacikitsā ca vivaśā viśvaviśrutā |
vidyaughavihvalā velā vittadā vigatajvarā || 77 ||

virāvā vivarīkārā biṃboṣṭhī biṃbavatsalā |
viṃdhyasthā varavaṃdyā ca vīrasthānavarā ca vit || 78 ||

vedāṃtavedyā vijayā vijayā vijayapradā |
virogīvaṃdinī vaṃdhyā vaṃdyabaṃdhanivāriṇī || 79 ||

bhaginī bhagamālā ca bhavānī bhavanāśinī |
bhīmā bhīmānanābhīmā bhaṃgurā bhīmadarśanā || 80 ||

bhillī bhilladharā bhīrurbharuṃḍā bhīrbhayāvahā |
bhagasarpiṇyapi bhagā bhagarūpā bhagālayā || 81 ||

bhagāsanā bhagābhogā bherījhaṃkāraraṃjitā |
bhīṣaṇā bhīṣaṇārāvā bhagavatyahibhūṣaṇā || 82 ||

bhāradvājā bhogadātrī bhūtighnī bhūtibhūṣaṇā |
bhūmidā bhūmidātrī ca bhūpatirbharadāyinī || 83 ||

bhramarī bhrāmarī bhālā bhūpālakulasaṃsthitā |
mātā manoharā māyā māninī mohinī mahī || 84 ||

mahālakṣmīrmadakṣībā madirā madirālayā |
madoddhatā mataṃgasthā mādhavī madhumardinī || 85 ||

modā modakarī medhā medhyā madhyādhipasthitā |
madyapā māṃsalomasthā modinī maithunodyatā || 86 ||

mūrdhāvatī mahāmāyā māyāmahimamaṃdirā |
mahāmālā mahāvidyā mahāmārī maheśvarī || 87 ||

mahādevavadhūrmānyā mathurā merumaṃḍitā |
medasvinī miliṃdākṣī mahiṣāsuramardinī || 88 ||

maṃḍalasthā bhagasthā ca madirārāgagarvitā |
mokṣadā muṃḍamālā ca mālā mālāvilāsinī || 89 ||

mātaṃginī ca mātaṃgī mātaṃgatanayāpi ca |
madhusravā madhurasā baṃdhūkakusumapriyā || 90 ||

yāminī yāminīnāthabhūṣā yāvakaraṃjitā |
yavāṃkurapriyā yāmā yavanī yavanārdinī || 91 ||

yamaghnī yamakalpā ca yajamānasvarūpiṇī |
yajñā yajñayajuryakṣī yaśoniṣkaṃpakāriṇī || 92 ||

yakṣiṇī yakṣajananī yaśodāyāsadhāriṇī |
yaśaḥsūtrapadā yāmā yajñakarmakarītyapi || 93 ||

yaśasvinī yakārasthā yūpastaṃbhanivāsinī |
raṃjitā rājapatnī ca ramā rekhā ravīraṇā || 94 ||

rajovatī rajaścitrā raṃjanī rajanīpatiḥ |
rogiṇī rajanī rājño rājyadā rājyavardhinī || 95 ||

rājanvatī rājanītistathā rajatavāsinī |
ramaṇī ramaṇīyā ca rāmā rāmāvatī ratiḥ || 96 ||

retoratī ratotsāhā rogaghnī rogakāriṇī |
raṃgā raṃgavatī rāgā rāgajñā rāgakṛddayā || 97 ||

rāmikā rajakī revā rajanī raṃgalocanā |
raktacarmadharā raṃgī raṃgasthā raṃgavāhinī || 98 ||

ramā raṃbhāphalaprītī raṃbhorū rāghavapriyā |
raṃgā raṃgāṃgamadhurā rodasī ca mahāravā || 99 ||

rogakṛdrogahaṃtrī ca rogabhṛdrogasrāviṇī |
vaṃdī vaṃdistutā baṃdhurbaṃdhūkakusumādharā || 100 ||

vaṃditā vaṃdyamānā ca vaidrāvī vedavidvidhā |
vikopā vikapālā ca vikasthā viṃkavatsalā || 101 ||

vedirvilagnalagnā ca vidhiviṃkakarī vidhā |
śaṃkhinī śaṃkhavalayā śaṃkhamālāvatī śamī || 102 ||

śaṃkhapātrāśinī śaṃkhasvanā śaṃkhagalā śaśī |
śabarī śāṃbarī śaṃbhuḥ śaṃbhukeśā śarāsinī || 103 ||

śavā śyenavatī śyāmā śyāmāṃgī śyāmalocanā |
śmaśānasthā śmaśānā ca śmaśānasthānabhūṣaṇā || 104 ||

śamadā śamahaṃtrī ca śaṃkhinī śaṃkharoṣaṇā |
śāṃtiḥ śāṃtipradā śeṣā śeṣākhyā śeṣaśāyinī || 105 ||

śemuṣī śoṣiṇī śeṣā śauryā śauryaśarā śarī |
śāpadā śāpahā śāpā śāpapaṃthāḥ sadāśivā || 106 ||

śṛṃgiṇī śṛṃgipalabhuk śaṃkarī śāṃkarī śivā |
śavasthā śavabhuk śāṃtā śavakarṇā śavodarī || 107 ||

śāvinī śavaśiṃśāśrīḥ śavā ca śavaśāyinī |
śavakuṃḍalinī śaivā śīkarā śiśirāśanā || 108 ||

śavakāṃcī śavaśrīkā śavamālā śavākṛtiḥ |
sravaṃtī saṃkucā śaktiḥ śaṃtanuḥ śavadāyinī || 109 ||

siṃdhuḥ sarasvatī siṃdhuḥ suṃdarī suṃdarānanā |
sādhuḥ siddhipradātrī ca siddhā siddhasarasvatī || 110 ||

saṃtatiḥ saṃpadā saṃvicchaṃkisaṃpattidāyinī |
sapatnī sarasā sārā sārasvatakarī sudhā || 111 ||

surā samāṃsāśanā ca samārādhyā samastadā |
samadhīḥ sāmadā sīmā sammohā samadarśanā || 112 ||

sāmatiḥ sāmadā sīmā sāvitrī savidhā satī |
savanā savanāsārā savarā sāvarā samī || 113 ||

simarā satatā sādhvī sadhrīcī sasahāyinī |
haṃsī haṃsagatirhaṃsī haṃsojjvalanicolayuk || 114 ||

halinī hālinī hālā halaśrīrharavallabhā |
halā halavatī hyeṣā helā harṣavivardhinī || 115 ||

haṃtirhaṃtā hayā hāhāhatā'haṃtātikāriṇī |
haṃkārī haṃkṛtirhaṃkā hīhīhāhāhitā hitā || 116 ||

hītirhemapradā hārārāviṇī harisammatā |
horā hotrī holikā ca homā homahavirhaviḥ || 117 ||

hariṇī hariṇīnetrā himācalanivāsinī |
laṃbodarī laṃbakarṇā laṃbikā laṃbavigrahā || 118 ||

līlā līlāvatī lolā lalanā lalitā latā |
lalāmalocanā lobhyā lolākṣī satkulālayā || 119 ||

lapatnī lapatī lamyā lopāmudrā lalaṃtikā |
latikā laṃghinī laṃghā lālimā laghumadhyamā || 120 ||

laghīyasī laghūdaryā lūtā lūtāvināśinī |
lomaśā lomalaṃbī ca lalaṃtī ca luluṃpatī || 121 ||

lulāyasthā ca laharī laṃkāpurapuraṃdarā |
lakṣmīrlakṣmīpradā labhyā lākṣākṣī lulitaprabhā || 122 ||

kṣaṇā kṣaṇakṣuḥ kṣutkṣiṇī kṣamā kṣāṃtiḥ kṣamāvatī |
kṣāmā kṣāmodarī kṣemyā kṣaumabhṛtkṣatriyāṃganā || 123 ||

kṣayā kṣayākarī kṣīrā kṣīradā kṣīrasāgarā |
kṣemaṃkarī kṣayakarī kṣayakṛtkṣayadā kṣatiḥ || 124 ||

kṣudrikā'kṣudrikā kṣudrā kṣutkṣamā kṣīṇapātakā |
mātuḥ sahasranāmedaṃ sumukhyāḥ siddhidāyakam || 125 ||

yaḥ paṭhetprayato nityaṃ sa eva syānmaheśvaraḥ |
anācārātpaṭhennityaṃ daridro dhanavānbhavet || 126 ||

mūkaḥ syādvākpatirdevi rogī nīrogatāṃ vrajet |
putrārthī putramāpnoti triṣu lokeṣu viśrutam || 127 ||

vaṃdhyāpi sūte satputraṃ viduṣaḥ sadṛśaṃ guroḥ |
satyaṃ ca bahudhā bhūyādgāvaśca bahudugdhadāḥ || 128 ||

rājānaḥ pādanamrāḥ syustasya hāsā iva sphuṭāḥ |
arayaḥ saṃkṣayaṃ yāṃti mānasā saṃsmṛtā api || 129 ||

darśanādeva jāyaṃte narā nāryo'pi tadvaśāḥ |
kartā hartā svayaṃ vīro jāyate nātra saṃśayaḥ || 130 ||

yaṃ yaṃ kāmayate kāmaṃ taṃ taṃ prāpnoti niścitam |
duritaṃ na ca tasyāsti nāsti śokaḥ kathaṃcana || 131 ||

catuṣpathe'rdharātre ca yaḥ paṭhetsādhakottamaḥ |
ekākī nirbhayo vīro daśavāraṃ stavottamam || 132 ||

manasā ciṃtitaṃ kāryaṃ tasya siddhyenna saṃśayaḥ |
vinā sahasranāmnāṃ yo japenmaṃtraṃ kadācana || 133 ||

na siddhirjāyate tasya kalpakoṭiśatairapi |
kujavāre śmaśāne vā madhyāhne yo japetsadā || 134 ||

kṛtakṛtyaḥ sa jāyeta kartā hartā nṛṇāmiha |
rogārto'rdhaniśāyāṃ yaḥ paṭhedāsanasaṃsthitaḥ || 135 ||

sadyo nīrogatāmeti yadi syānnirbhayastadā |
ardharātre śmaśāne vā śanivāre japenmanum || 136 ||

aṣṭottarasahasraṃ tu daśavāraṃ japettataḥ |
sahasranāma caitaddhi tadā yāti svayaṃ śivā || 137 ||

mahāpavanarūpeṇa ghoragomāyunādinī |
tato yadi na bhītiḥ syāttadā dehīti vāgbhavet || 138 ||

tadā paśubaliṃ dadyātsvayaṃ gṛhṇāti caṃḍikā |
yatheṣṭaṃ ca varaṃ dattvā prayāti sumukhī śivā || 139 ||

rocanāgurukastūrīkarpūraiśca sacaṃdanaiḥ |
kuṃkumena dine śreṣṭhe likhitvā bhūrjapatrake || 140 ||

śubhanakṣatrayoge ca kṛtamārutasatkriyaḥ |
kṛtvā saṃpātanavidhiṃ dhārayeddakṣiṇe kare || 141 ||

sahasranāma svarṇasthaṃ kaṃṭhe vā vijiteṃdriyaḥ |
tadā yaṃ praṇamenmaṃtrī kruddhaḥ sa mriyate naraḥ || 142 ||

duṣṭaśvāpadajaṃtūnāṃ na bhīḥ kutrāpi jāyate |
bālakānāmiyaṃ rakṣā garbhiṇīnāmapi priye || 143 ||

mohanastaṃbhanākarṣamāraṇoccāṭanāni ca |
yaṃtradhāraṇato nūnaṃ jāyaṃte sādhakasya tu || 144 ||

nīlavastre vilikhyaitattaddhvaje sthāpayedyadi |
tadā naṣṭā bhavatyeva pracaṃḍāpyarivāhinī || 145 ||

etajjaptaṃ mahābhasma lalāṭe yadi dhārayet |
tadvilokana eva syuḥ prāṇinastasya kiṃkarāḥ || 146 ||

rājapatnyo'pi vivaśāḥ kimanyāḥ purayoṣitaḥ |
etajjaptaṃ pibettoyaṃ māsena syānmahākaviḥ || 147 ||

paṃḍitaśca mahāvādī jāyate nātra saṃśayaḥ |
ayutaṃ ca paṭhet stotraṃ puraścaraṇasiddhaye || 148 ||

daśāṃśaṃ kamalairhutvā trimadhvaktairvidhānataḥ |
svayamāyāti kamalā vāṇyā saha tadālaye || 149 ||

maṃtro niṣkīlatāmāta sumukhī sumukhī bhavet |
anaṃtaṃ ca bhavetpuṇyamapuṇyaṃ ca kṣayaṃ vrajet || 150 ||

puṣkarādiṣu tīrtheṣu snānato yatphalaṃ bhavet |
tatphalaṃ labhate jaṃtuḥ sumukhyāḥ stotrapāṭhataḥ || 151 ||

etaduktaṃ rahasyaṃ te svasarvasvaṃ varānane |
na prakāśyaṃ tvayā devi yadi siddhiṃ tvamicchasi || 152 ||

prakāśanādasiddhiḥ syātkupitā sumukhī bhavet |
nātaḥ parataraṃ loke siddhidaṃ prāṇināmiha || 153 ||

vaṃde śrīsumukhīṃ prasannavadanāṃ pūrṇeṃdubiṃbānanāṃ
siṃdūrāṃkitamastakāṃ madhumadollolāṃ ca muktāvalīm |
śyāmāṃ kajjalikākarāṃ karagataṃ cādhyāpayaṃtīṃ śukaṃ
guṃjāpuṃjavibhūṣaṇāṃ sakaruṇāmāmuktaveṇīlatām || 154 ||

iti śrīnaṃdyāvartataṃtre uttarakhaṃḍe mātaṃgī sahasranāma stotram ||