ಶ್ರೀಶಂಕರ ಉವಾಚ |
ಅಥಾತಃ ಸಂಪ್ರವಕ್ಷ್ಯಾಮಿ ಲಕ್ಷ್ಮೀಸ್ತೋತ್ರಮನುತ್ತಮಂ |
ಪಠನಾಚ್ಛ್ರವಣಾದ್ಯಸ್ಯ ನರೋ ಮೋಕ್ಷಮವಾಪ್ನುಯಾತ್ || 1 ||
ಗುಹ್ಯಾದ್ಗುಹ್ಯತರಂ ಪುಣ್ಯಂ ಸರ್ವದೇವನಮಸ್ಕೃತಂ |
ಸರ್ವಮಂತ್ರಮಯಂ ಸಾಕ್ಷಾಚ್ಛೃಣು ಪರ್ವತನಂದಿನಿ || 2 ||
ಅನಂತರೂಪಿಣೀ ಲಕ್ಷ್ಮೀರಪಾರಗುಣಸಾಗರೀ |
ಅಣಿಮಾದಿಸಿದ್ಧಿದಾತ್ರೀ ಶಿರಸಾ ಪ್ರಣಮಾಮ್ಯಹಂ || 3 ||
ಆಪದುದ್ಧಾರಿಣೀ ತ್ವಂ ಹಿ ಆದ್ಯಾ ಶಕ್ತಿಃ ಶುಭಾ ಪರಾ |
ಆದ್ಯಾ ಆನಂದದಾತ್ರೀ ಚ ಶಿರಸಾ ಪ್ರಣಮಾಮ್ಯಹಂ || 4 ||
ಇಂದುಮುಖೀ ಇಷ್ಟದಾತ್ರೀ ಇಷ್ಟಮಂತ್ರಸ್ವರೂಪಿಣೀ |
ಇಚ್ಛಾಮಯೀ ಜಗನ್ಮಾತಃ ಶಿರಸಾ ಪ್ರಣಮಾಮ್ಯಹಂ || 5 ||
ಉಮಾ ಉಮಾಪತೇಸ್ತ್ವಂತು ಹ್ಯುತ್ಕಂಠಾಕುಲನಾಶಿನೀ |
ಉರ್ವೀಶ್ವರೀ ಜಗನ್ಮಾತರ್ಲಕ್ಷ್ಮಿ ದೇವಿ ನಮೋಽಸ್ತು ತೇ || 6 ||
ಐರಾವತಪತಿಪೂಜ್ಯಾ ಐಶ್ವರ್ಯಾಣಾಂ ಪ್ರದಾಯಿನೀ |
ಔದಾರ್ಯಗುಣಸಂಪನ್ನಾ ಲಕ್ಷ್ಮಿ ದೇವಿ ನಮೋಽಸ್ತು ತೇ || 7 ||
ಕೃಷ್ಣವಕ್ಷಃಸ್ಥಿತಾ ದೇವಿ ಕಲಿಕಲ್ಮಷನಾಶಿನೀ |
ಕೃಷ್ಣಚಿತ್ತಹರಾ ಕರ್ತ್ರೀ ಶಿರಸಾ ಪ್ರಣಮಾಮ್ಯಹಂ || 8 ||
ಕಂದರ್ಪದಮನಾ ದೇವಿ ಕಲ್ಯಾಣೀ ಕಮಲಾನನಾ |
ಕರುಣಾರ್ಣವಸಂಪೂರ್ಣಾ ಶಿರಸಾ ಪ್ರಣಮಾಮ್ಯಹಂ || 9 ||
ಖಂಜನಾಕ್ಷೀ ಖಗನಾಸಾ ದೇವಿ ಖೇದವಿನಾಶಿನೀ |
ಖಂಜರೀಟಗತಿಶ್ಚೈವ ಶಿರಸಾ ಪ್ರಣಮಾಮ್ಯಹಂ || 10 ||
ಗೋವಿಂದವಲ್ಲಭಾ ದೇವೀ ಗಂಧರ್ವಕುಲಪಾವನೀ |
ಗೋಲೋಕವಾಸಿನೀ ಮಾತಃ ಶಿರಸಾ ಪ್ರಣಮಾಮ್ಯಹಂ || 11 ||
ಜ್ಞಾನದಾ ಗುಣದಾ ದೇವಿ ಗುಣಾಧ್ಯಕ್ಷಾ ಗುಣಾಕರೀ |
ಗಂಧಪುಷ್ಪಧರಾ ಮಾತಃ ಶಿರಸಾ ಪ್ರಣಮಾಮ್ಯಹಂ || 12 ||
ಘನಶ್ಯಾಮಪ್ರಿಯಾ ದೇವಿ ಘೋರಸಂಸಾರತಾರಿಣೀ |
ಘೋರಪಾಪಹರಾ ಚೈವ ಶಿರಸಾ ಪ್ರಣಮಾಮ್ಯಹಂ || 13 ||
ಚತುರ್ವೇದಮಯೀ ಚಿಂತ್ಯಾ ಚಿತ್ತಚೈತನ್ಯದಾಯಿನೀ |
ಚತುರಾನನಪೂಜ್ಯಾ ಚ ಶಿರಸಾ ಪ್ರಣಮಾಮ್ಯಹಂ || 14 ||
ಚೈತನ್ಯರೂಪಿಣೀ ದೇವಿ ಚಂದ್ರಕೋಟಿಸಮಪ್ರಭಾ |
ಚಂದ್ರಾರ್ಕನಖರಜ್ಯೋತಿರ್ಲಕ್ಷ್ಮಿ ದೇವಿ ನಮಾಮ್ಯಹಂ || 15 ||
ಚಪಲಾ ಚತುರಾಧ್ಯಕ್ಷೀ ಚರಮೇ ಗತಿದಾಯಿನೀ |
ಚರಾಚರೇಶ್ವರೀ ಲಕ್ಷ್ಮಿ ಶಿರಸಾ ಪ್ರಣಮಾಮ್ಯಹಂ || 16 ||
ಛತ್ರಚಾಮರಯುಕ್ತಾ ಚ ಛಲಚಾತುರ್ಯನಾಶಿನೀ |
ಛಿದ್ರೌಘಹಾರಿಣೀ ಮಾತಃ ಶಿರಸಾ ಪ್ರಣಮಾಮ್ಯಹಂ || 17 ||
ಜಗನ್ಮಾತಾ ಜಗತ್ಕರ್ತ್ರೀ ಜಗದಾಧಾರರೂಪಿಣೀ |
ಜಯಪ್ರದಾ ಜಾನಕೀ ಚ ಶಿರಸಾ ಪ್ರಣಮಾಮ್ಯಹಂ || 18 ||
ಜಾನಕೀಶಪ್ರಿಯಾ ತ್ವಂ ಹಿ ಜನಕೋತ್ಸವದಾಯಿನೀ |
ಜೀವಾತ್ಮನಾಂ ಚ ತ್ವಂ ಮಾತಃ ಶಿರಸಾ ಪ್ರಣಮಾಮ್ಯಹಂ || 19 ||
ಝಿಂಜೀರವಸ್ವನಾ ದೇವಿ ಝಂಝಾವಾತನಿವಾರಿಣೀ |
ಝರ್ಝರಪ್ರಿಯವಾದ್ಯಾ ಚ ಶಿರಸಾ ಪ್ರಣಮಾಮ್ಯಹಂ || 20 ||
ಟಂಕಕದಾಯಿನೀ ತ್ವಂ ಹಿ ತ್ವಂ ಚ ಠಕ್ಕಾರರೂಪಿಣೀ | [ಅರ್ಥಪ್ರದಾಯಿನೀಂ]
ಢಕ್ಕಾದಿವಾದ್ಯಪ್ರಣಯಾ ಡಂಫವಾದ್ಯವಿನೋದಿನೀ |
ಡಮರುಪ್ರಣಯಾ ಮಾತಃ ಶಿರಸಾ ಪ್ರಣಮಾಮ್ಯಹಂ || 21 ||
ತಪ್ತಕಾಂಚನವರ್ಣಾಭಾ ತ್ರೈಲೋಕ್ಯಲೋಕತಾರಿಣೀ |
ತ್ರಿಲೋಕಜನನೀ ಲಕ್ಷ್ಮಿ ಶಿರಸಾ ಪ್ರಣಮಾಮ್ಯಹಂ || 22 ||
ತ್ರೈಲೋಕ್ಯಸುಂದರೀ ತ್ವಂ ಹಿ ತಾಪತ್ರಯನಿವಾರಿಣೀ |
ತ್ರಿಗುಣಧಾರಿಣೀ ಮಾತಃ ಶಿರಸಾ ಪ್ರಣಮಾಮ್ಯಹಂ || 23 ||
ತ್ರೈಲೋಕ್ಯಮಂಗಳಾ ತ್ವಂ ಹಿ ತೀರ್ಥಮೂಲಪದದ್ವಯಾ |
ತ್ರಿಕಾಲಜ್ಞಾ ತ್ರಾಣಕರ್ತ್ರೀ ಶಿರಸಾ ಪ್ರಣಮಾಮ್ಯಹಂ || 24 ||
ದುರ್ಗತಿನಾಶಿನೀ ತ್ವಂ ಹಿ ದಾರಿದ್ರ್ಯಾಪದ್ವಿನಾಶಿನೀ |
ದ್ವಾರಕಾವಾಸಿನೀ ಮಾತಃ ಶಿರಸಾ ಪ್ರಣಮಾಮ್ಯಹಂ || 25 ||
ದೇವತಾನಾಂ ದುರಾರಾಧ್ಯಾ ದುಃಖಶೋಕವಿನಾಶಿನೀ |
ದಿವ್ಯಾಭರಣಭೂಷಾಂಗೀ ಶಿರಸಾ ಪ್ರಣಮಾಮ್ಯಹಂ || 26 ||
ದಾಮೋದರಪ್ರಿಯಾ ತ್ವಂ ಹಿ ದಿವ್ಯಯೋಗಪ್ರದರ್ಶಿನೀ |
ದಯಾಮಯೀ ದಯಾಧ್ಯಕ್ಷೀ ಶಿರಸಾ ಪ್ರಣಮಾಮ್ಯಹಂ || 27 ||
ಧ್ಯಾನಾತೀತಾ ಧರಾಧ್ಯಕ್ಷಾ ಧನಧಾನ್ಯಪ್ರದಾಯಿನೀ |
ಧರ್ಮದಾ ಧೈರ್ಯದಾ ಮಾತಃ ಶಿರಸಾ ಪ್ರಣಮಾಮ್ಯಹಂ || 28 ||
ನವಗೋರೋಚನಾ ಗೌರೀ ನಂದನಂದನಗೇಹಿನೀ |
ನವಯೌವನಚಾರ್ವಂಗೀ ಶಿರಸಾ ಪ್ರಣಮಾಮ್ಯಹಂ || 29 ||
ನಾನಾರತ್ನಾದಿಭೂಷಾಢ್ಯಾ ನಾನಾರತ್ನಪ್ರದಾಯಿನೀ |
ನಿತಂಬಿನೀ ನಲಿನಾಕ್ಷೀ ಲಕ್ಷ್ಮಿ ದೇವಿ ನಮೋಽಸ್ತು ತೇ || 30 ||
ನಿಧುವನಪ್ರೇಮಾನಂದಾ ನಿರಾಶ್ರಯಗತಿಪ್ರದಾ |
ನಿರ್ವಿಕಾರಾ ನಿತ್ಯರೂಪಾ ಲಕ್ಷ್ಮಿ ದೇವಿ ನಮೋಽಸ್ತು ತೇ || 31 ||
ಪೂರ್ಣಾನಂದಮಯೀ ತ್ವಂ ಹಿ ಪೂರ್ಣಬ್ರಹ್ಮಸನಾತನೀ |
ಪರಾಶಕ್ತಿಃ ಪರಾಭಕ್ತಿರ್ಲಕ್ಷ್ಮಿ ದೇವಿ ನಮೋಽಸ್ತು ತೇ || 32 ||
ಪೂರ್ಣಚಂದ್ರಮುಖೀ ತ್ವಂ ಹಿ ಪರಾನಂದಪ್ರದಾಯಿನೀ |
ಪರಮಾರ್ಥಪ್ರದಾ ಲಕ್ಷ್ಮಿ ಶಿರಸಾ ಪ್ರಣಮಾಮ್ಯಹಂ || 33 ||
ಪುಂಡರೀಕಾಕ್ಷಿಣೀ ತ್ವಂ ಹಿ ಪುಂಡರೀಕಾಕ್ಷಗೇಹಿನೀ |
ಪದ್ಮರಾಗಧರಾ ತ್ವಂ ಹಿ ಶಿರಸಾ ಪ್ರಣಮಾಮ್ಯಹಂ || 34 ||
ಪದ್ಮಾ ಪದ್ಮಾಸನಾ ತ್ವಂ ಹಿ ಪದ್ಮಮಾಲಾವಿಧಾರಿಣೀ |
ಪ್ರಣವರೂಪಿಣೀ ಮಾತಃ ಶಿರಸಾ ಪ್ರಣಮಾಮ್ಯಹಂ || 35 ||
ಫುಲ್ಲೇಂದುವದನಾ ತ್ವಂ ಹಿ ಫಣಿವೇಣಿ ವಿಮೋಹಿನೀ |
ಫಣಿಶಾಯಿಪ್ರಿಯಾ ಮಾತಃ ಶಿರಸಾ ಪ್ರಣಮಾಮ್ಯಹಂ || 36 ||
ವಿಶ್ವಕರ್ತ್ರೀ ವಿಶ್ವಭರ್ತ್ರೀ ವಿಶ್ವತ್ರಾತ್ರೀ ವಿಶ್ವೇಶ್ವರೀ |
ವಿಶ್ವಾರಾಧ್ಯಾ ವಿಶ್ವಬಾಹ್ಯಾ ಲಕ್ಷ್ಮಿ ದೇವಿ ನಮೋಽಸ್ತು ತೇ || 37 ||
ವಿಷ್ಣುಪ್ರಿಯಾ ವಿಷ್ಣುಶಕ್ತಿರ್ಬೀಜಮಂತ್ರಸ್ವರೂಪಿಣೀ |
ವರದಾ ವಾಕ್ಯಸಿದ್ಧಾ ಚ ಶಿರಸಾ ಪ್ರಣಮಾಮ್ಯಹಂ || 38 ||
ವೇಣುವಾದ್ಯಪ್ರಿಯಾ ತ್ವಂ ಹಿ ವಂಶೀವಾದ್ಯವಿನೋದಿನೀ |
ವಿದ್ಯುದ್ಗೌರೀ ಮಹಾದೇವಿ ಲಕ್ಷ್ಮಿ ದೇವಿ ನಮೋಽಸ್ತು ತೇ || 39 ||
ಭುಕ್ತಿಮುಕ್ತಿಪ್ರದಾ ತ್ವಂ ಹಿ ಭಕ್ತಾನುಗ್ರಹಕಾರಿಣೀ |
ಭವಾರ್ಣವತ್ರಾಣಕರ್ತ್ರೀ ಲಕ್ಷ್ಮಿ ದೇವಿ ನಮೋಽಸ್ತು ತೇ || 40 ||
ಭಕ್ತಪ್ರಿಯಾ ಭಾಗೀರಥೀ ಭಕ್ತಮಂಗಳದಾಯಿನೀ |
ಭಯದಾಽಭಯದಾತ್ರೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 41 ||
ಮನೋಽಭೀಷ್ಟಪ್ರದಾ ತ್ವಂ ಹಿ ಮಹಾಮೋಹವಿನಾಶಿನೀ |
ಮೋಕ್ಷದಾ ಮಾನದಾತ್ರೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 42 ||
ಮಹಾಧನ್ಯಾ ಮಹಾಮಾನ್ಯಾ ಮಾಧವಮನಮೋಹಿನೀ |
ಮುಖರಾಪ್ರಾಣಹಂತ್ರೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 43 ||
ಯೌವನಪೂರ್ಣಸೌಂದರ್ಯಾ ಯೋಗಮಾಯಾ ಯೋಗೇಶ್ವರೀ |
ಯುಗ್ಮಶ್ರೀಫಲವೃಕ್ಷಾ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 44 ||
ಯುಗ್ಮಾಂಗದವಿಭೂಷಾಢ್ಯಾ ಯುವತೀನಾಂ ಶಿರೋಮಣಿಃ |
ಯಶೋದಾಸುತಪತ್ನೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 45 ||
ರೂಪಯೌವನಸಂಪನ್ನಾ ರತ್ನಾಲಂಕಾರಧಾರಿಣೀ |
ರಾಕೇಂದುಕೋಟಿಸೌಂದರ್ಯಾ ಲಕ್ಷ್ಮಿ ದೇವಿ ನಮೋಽಸ್ತು ತೇ || 46 ||
ರಮಾ ರಾಮಾ ರಾಮಪತ್ನೀ ರಾಜರಾಜೇಶ್ವರೀ ತಥಾ |
ರಾಜ್ಯದಾ ರಾಜ್ಯಹಂತ್ರೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 47 ||
ಲೀಲಾಲಾವಣ್ಯಸಂಪನ್ನಾ ಲೋಕಾನುಗ್ರಹಕಾರಿಣೀ |
ಲಲನಾ ಪ್ರೀತಿದಾತ್ರೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 48 ||
ವಿದ್ಯಾಧರೀ ತಥಾ ವಿದ್ಯಾ ವಸುದಾ ತ್ವಂ ಹಿ ವಂದಿತಾ |
ವಿಂಧ್ಯಾಚಲವಾಸಿನೀ ಚ ಲಕ್ಷ್ಮಿ ದೇವಿ ನಮೋಽಸ್ತು ತೇ || 49 ||
ಶುಭ್ರಕಾಂಚನಗೌರಾಂಗೀ ಶಂಖಕಂಕಣಧಾರಿಣೀ |
ಶುಭದಾ ಶೀಲಸಂಪನ್ನಾ ಲಕ್ಷ್ಮಿ ದೇವಿ ನಮೋಽಸ್ತು ತೇ || 50 ||
ಷಟ್ಚಕ್ರಭೇದಿನೀ ತ್ವಂ ಹಿ ಷಡೈಶ್ವರ್ಯಪ್ರದಾಯಿನೀ |
ಷೋಡಶೀ ವಯಸಾ ತ್ವಂ ಹಿ ಲಕ್ಷ್ಮಿ ದೇವಿ ನಮೋಽಸ್ತು ತೇ || 51 ||
ಸದಾನಂದಮಯೀ ತ್ವಂ ಹಿ ಸರ್ವಸಂಪತ್ತಿದಾಯಿನೀ |
ಸಂಸಾರತಾರಿಣೀ ದೇವಿ ಶಿರಸಾ ಪ್ರಣಮಾಮ್ಯಹಂ || 52 ||
ಸುಕೇಶೀ ಸುಖದಾ ದೇವಿ ಸುಂದರೀ ಸುಮನೋರಮಾ |
ಸುರೇಶ್ವರೀ ಸಿದ್ಧಿದಾತ್ರೀ ಶಿರಸಾ ಪ್ರಣಮಾಮ್ಯಹಂ || 53 ||
ಸರ್ವಸಂಕಟಹಂತ್ರೀ ತ್ವಂ ಸತ್ಯಸತ್ತ್ವಗುಣಾನ್ವಿತಾ |
ಸೀತಾಪತಿಪ್ರಿಯಾ ದೇವಿ ಶಿರಸಾ ಪ್ರಣಮಾಮ್ಯಹಂ || 54 ||
ಹೇಮಾಂಗಿನೀ ಹಾಸ್ಯಮುಖೀ ಹರಿಚಿತ್ತವಿಮೋಹಿನೀ |
ಹರಿಪಾದಪ್ರಿಯಾ ದೇವಿ ಶಿರಸಾ ಪ್ರಣಮಾಮ್ಯಹಂ || 55 ||
ಕ್ಷೇಮಂಕರೀ ಕ್ಷಮಾದಾತ್ರೀ ಕ್ಷೌಮವಾಸವಿಧಾರಿಣೀ |
ಕ್ಷೀಣಮಧ್ಯಾ ಚ ಕ್ಷೇತ್ರಾಂಗೀ ಲಕ್ಷ್ಮಿ ದೇವಿ ನಮೋಽಸ್ತು ತೇ || 56 ||
ಶ್ರೀಶಂಕರ ಉವಾಚ |
ಅಕಾರಾದಿ ಕ್ಷಕಾರಾಂತಂ ಲಕ್ಷ್ಮೀದೇವ್ಯಾಃ ಸ್ತವಂ ಶುಭಂ |
ಪಠಿತವ್ಯಂ ಪ್ರಯತ್ನೇನ ತ್ರಿಸಂಧ್ಯಂ ಚ ದಿನೇ ದಿನೇ || 57 ||
ಪೂಜನೀಯಾ ಪ್ರಯತ್ನೇನ ಕಮಲಾ ಕರುಣಾಮಯೀ |
ವಾಂಛಾಕಲ್ಪಲತಾ ಸಾಕ್ಷಾದ್ಭುಕ್ತಿಮುಕ್ತಿಪ್ರದಾಯಿನೀ || 58 ||
ಇದಂ ಸ್ತೋತ್ರಂ ಪಠೇದ್ಯಸ್ತು ಶೃಣುಯಾಚ್ಛ್ರಾವಯೇದಪಿ |
ಇಷ್ಟಸಿದ್ಧಿರ್ಭವೇತ್ತಸ್ಯ ಸತ್ಯಂ ಸತ್ಯಂ ಹಿ ಪಾರ್ವತಿ || 59 ||
ಇದಂ ಸ್ತೋತ್ರಂ ಮಹಾಪುಣ್ಯಂ ಯಃ ಪಠೇದ್ಭಕ್ತಿಸಂಯುತಃ |
ತಂ ಚ ದೃಷ್ಟ್ವಾ ಭವೇನ್ಮೂಕೋ ವಾದೀ ಸತ್ಯಂ ನ ಸಂಶಯಃ || 60 ||
ಶೃಣುಯಾಚ್ಛ್ರಾವಯೇದ್ಯಸ್ತು ಪಠೇದ್ವಾ ಪಾಠಯೇದಪಿ |
ರಾಜಾನೋ ವಶಮಾಯಾಂತಿ ತಂ ದೃಷ್ಟ್ವಾ ಗಿರಿನಂದಿನಿ || 61 ||
ತಂ ದೃಷ್ಟ್ವಾ ದುಷ್ಟಸಂಘಾಶ್ಚ ಪಲಾಯಂತೇ ದಿಶೋ ದಶ |
ಭೂತಪ್ರೇತಗ್ರಹಾ ಯಕ್ಷಾ ರಾಕ್ಷಸಾಃ ಪನ್ನಗಾದಯಃ |
ವಿದ್ರವಂತಿ ಭಯಾರ್ತಾ ವೈ ಸ್ತೋತ್ರಸ್ಯಾಪಿ ಚ ಕೀರ್ತನಾತ್ || 62 ||
ಸುರಾಶ್ಚ ಅಸುರಾಶ್ಚೈವ ಗಂಧರ್ವಾಃ ಕಿನ್ನರಾದಯಃ |
ಪ್ರಣಮಂತಿ ಸದಾ ಭಕ್ತ್ಯಾ ತಂ ದೃಷ್ಟ್ವಾ ಪಾಠಕಂ ಮುದಾ || 63 ||
ಧನಾರ್ಥೀ ಲಭತೇ ಚಾರ್ಥಂ ಪುತ್ರಾರ್ಥೀ ಚ ಸುತಂ ಲಭೇತ್ |
ರಾಜ್ಯಾರ್ಥೀ ಲಭತೇ ರಾಜ್ಯಂ ಸ್ತವರಾಜಸ್ಯ ಕೀರ್ತನಾತ್ || 64 ||
ಬ್ರಹ್ಮಹತ್ಯಾ ಸುರಾಪಾನಂ ಸ್ತೇಯಂ ಗುರ್ವಂಗನಾಗಮಃ |
ಮಹಾಪಾಪೋಪಪಾಪಂ ಚ ತರಂತಿ ಸ್ತವಕೀರ್ತನಾತ್ || 65 ||
ಗದ್ಯಪದ್ಯಮಯೀ ವಾಣೀ ಮುಖಾತ್ತಸ್ಯ ಪ್ರಜಾಯತೇ |
ಅಷ್ಟಸಿದ್ಧಿಮವಾಪ್ನೋತಿ ಲಕ್ಷ್ಮೀಸ್ತೋತ್ರಸ್ಯ ಕೀರ್ತನಾತ್ || 66 ||
ವಂಧ್ಯಾ ಚಾಪಿ ಲಭೇತ್ ಪುತ್ರಂ ಗರ್ಭಿಣೀ ಪ್ರಸವೇತ್ಸುತಂ |
ಪಠನಾತ್ ಸ್ಮರಣಾತ್ ಸತ್ಯಂ ವಚ್ಮಿ ತೇ ಗಿರಿನಂದಿನಿ || 67 ||
ಭೂರ್ಜಪತ್ರೇ ಸಮಾಲಿಖ್ಯ ರೋಚನಾಕುಂಕುಮೇನ ತು |
ಭಕ್ತ್ಯಾ ಸಂಪೂಜಯೇದ್ಯಸ್ತು ಗಂಧಪುಷ್ಪಾಕ್ಷತೈಸ್ತಥಾ || 68 ||
ಧಾರಯೇದ್ದಕ್ಷಿಣೇ ಬಾಹೌ ಪುರುಷಃ ಸಿದ್ಧಿಕಾಂಕ್ಷಯಾ |
ಯೋಷಿದ್ವಾಮಭುಜೇ ಧೃತ್ವಾ ಸರ್ವಸೌಖ್ಯಮಯೀ ಭವೇತ್ || 69 ||
ವಿಷಂ ನಿರ್ವಿಷತಾಂ ಯಾತಿ ಅಗ್ನಿರ್ಯಾತಿ ಚ ಶೀತತಾಂ |
ಶತ್ರವೋ ಮಿತ್ರತಾಂ ಯಾಂತಿ ಸ್ತವಸ್ಯಾಸ್ಯ ಪ್ರಸಾದತಃ || 70 ||
ಬಹುನಾ ಕಿಮಿಹೋಕ್ತೇನ ಸ್ತವಸ್ಯಾಸ್ಯ ಪ್ರಸಾದತಃ |
ವೈಕುಂಠೇ ಚ ವಸೇನ್ನಿತ್ಯಂ ಸತ್ಯಂ ವಚ್ಮಿ ಸುರೇಶ್ವರಿ || 71 ||
ಇತಿ ರುದ್ರಯಾಮಲೇ ಶಿವಗೌರೀಸಂವಾದೇ ಅಕಾರಾದಿಕ್ಷಕಾರಾಂತವರ್ಣಗ್ರಥಿತಂ ಶ್ರೀ ಕಮಲಾ ಸ್ತವಃ |
ಶ್ರೀ ಕಮಲಾ ಸ್ತೋತ್ರಂ 2, ಮಹಾಲಕ್ಷ್ಮಿಯಾದ ಕಮಲಾದೇವಿಯನ್ನು ಸ್ತುತಿಸುವ ಒಂದು ಅತ್ಯಂತ ಶಕ್ತಿಶಾಲಿ ಮತ್ತು ಗೂಢವಾದ ಸ್ತೋತ್ರವಾಗಿದೆ. ಇದು ಆದಿ ಶಂಕರಾಚಾರ್ಯರಿಂದ ಉಪದೇಶಿಸಲ್ಪಟ್ಟಿದೆ ಎಂದು ಹೇಳಲಾಗುತ್ತದೆ, ಇದು ಭಕ್ತರಿಗೆ ಮೋಕ್ಷ ಮತ್ತು ಸಮೃದ್ಧಿಯನ್ನು ಕರುಣಿಸುವ ಆಕೆಯ ಸರ್ವವ್ಯಾಪಿ, ರಕ್ಷಣಾತ್ಮಕ ಮತ್ತು ಮೋಕ್ಷದಾಯಕ ಸ್ವರೂಪವನ್ನು ವಿವರಿಸುತ್ತದೆ. ಈ ಸ್ತೋತ್ರದ ಪಠಣವು ಕೇವಲ ಭೌತಿಕ ಲಾಭಗಳನ್ನು ಮಾತ್ರವಲ್ಲದೆ ಆಧ್ಯಾತ್ಮಿಕ ಉನ್ನತಿಯನ್ನೂ ನೀಡುತ್ತದೆ, ಭಕ್ತರನ್ನು ಅಜ್ಞಾನ ಮತ್ತು ದುಃಖದಿಂದ ಮುಕ್ತಗೊಳಿಸುತ್ತದೆ.
ಈ ಸ್ತೋತ್ರವು ಕಮಲಾದೇವಿಯನ್ನು ಕೇವಲ ಸಂಪತ್ತಿನ ದೇವತೆಯಾಗಿ ಮಾತ್ರವಲ್ಲದೆ, ಸಮಸ್ತ ಸೃಷ್ಟಿಯ ಮೂಲ, ಆದಿಶಕ್ತಿ ಮತ್ತು ಪರಬ್ರಹ್ಮ ಸ್ವರೂಪಿಣಿಯಾಗಿ ಚಿತ್ರಿಸುತ್ತದೆ. ಅವಳು ಓಂಕಾರ ಸ್ವರೂಪಿಣಿ, ಸರ್ವಮಂತ್ರಮಯಿ ಮತ್ತು ಅಪಾರ ಗುಣಗಳ ಸಾಗರ. ಅಣಿಮಾದಿ ಅಷ್ಟಸಿದ್ಧಿಗಳನ್ನು ಕರುಣಿಸುವವಳು, ಆಪತ್ತನ್ನು ನಿವಾರಿಸುವವಳು, ಆನಂದವನ್ನು ನೀಡುವವಳು ಮತ್ತು ಇಷ್ಟಾರ್ಥಗಳನ್ನು ಪೂರೈಸುವವಳು ಎಂದು ವರ್ಣಿಸಲಾಗಿದೆ. ಅವಳು ಜಗನ್ಮಾತೆ ಮತ್ತು ಸಮಸ್ತ ಜೀವಿಗಳ ಪೋಷಕಿ. ಅವಳ ಸ್ಮರಣೆಯಿಂದ ಭಕ್ತರು ಎಲ್ಲಾ ಬಂಧನಗಳಿಂದ ಮುಕ್ತರಾಗಿ, ಕಲ್ಯಾಣ, ಸಂಪತ್ತು, ವಾಕ್ಸಿದ್ಧಿ, ವಿದ್ಯೆ, ಸಾಮರ್ಥ್ಯ ಮತ್ತು ಯೋಗಸುಖಗಳನ್ನು ಪಡೆಯುತ್ತಾರೆ.
ಸ್ತೋತ್ರದ ಪ್ರತಿ ಶ್ಲೋಕವು ಕಮಲಾದೇವಿಯ ವಿವಿಧ ರೂಪಗಳು ಮತ್ತು ಗುಣಗಳನ್ನು ವೈಭವೀಕರಿಸುತ್ತದೆ. ಉದಾಹರಣೆಗೆ, ಅವಳನ್ನು "ಅನಂತರೂಪಿಣಿ" ಎಂದು ವರ್ಣಿಸಲಾಗಿದೆ, ಅಂದರೆ ಅಸಂಖ್ಯಾತ ರೂಪಗಳನ್ನು ಹೊಂದಿರುವವಳು. "ಆಪದುದ್ಧಾರಿಣಿ" ಎಂದರೆ ಸಂಕಷ್ಟಗಳನ್ನು ನಿವಾರಿಸುವವಳು, "ಇಂದುಮುಖಿ" ಎಂದರೆ ಚಂದ್ರನಂತೆ ಸುಂದರವಾದ ಮುಖವುಳ್ಳವಳು, ಮತ್ತು "ಇಷ್ಟದಾತ್ರೀ" ಎಂದರೆ ಇಷ್ಟಾರ್ಥಗಳನ್ನು ಈಡೇರಿಸುವವಳು. "ಉಮಾ" ಮತ್ತು "ಐಶ್ವರ್ಯಾಣಾಂ ಪ್ರದಾಯಿನಿ" ಎಂದು ಸಂಬೋಧಿಸಿ, ಶಿವನ ಪತ್ನಿ ಪಾರ್ವತಿಯ ರೂಪದಲ್ಲಿ ಮತ್ತು ಸಮಸ್ತ ಐಶ್ವರ್ಯಗಳ ದಾತೆಯಾಗಿ ಆಕೆಯ ಮಹಿಮೆಯನ್ನು ಎತ್ತಿ ಹಿಡಿಯಲಾಗಿದೆ. "ಕೃಷ್ಣವಕ್ಷಃಸ್ಥಿತಾ" ಎನ್ನುವುದು ವಿಷ್ಣುವಿನ ಹೃದಯದಲ್ಲಿ ನೆಲೆಸಿರುವ ಆಕೆಯ ರೂಪವನ್ನು ಸೂಚಿಸುತ್ತದೆ, ಇದು ಸಮಸ್ತ ಕಲ್ಮಷಗಳನ್ನು ನಾಶಪಡಿಸುವ ಮತ್ತು ಭಕ್ತರ ಚಿತ್ತವನ್ನು ಆಕರ್ಷಿಸುವ ಶಕ್ತಿಯನ್ನು ತೋರಿಸುತ್ತದೆ. "ಕಲ್ಯಾಣಿ" ಮತ್ತು "ಕರುಣಾರ್ಣವಸಂಪೂರ್ಣಾ" ಎಂಬ ಪದಗಳು ಆಕೆಯ ಮಂಗಳಕರ ಸ್ವರೂಪ ಮತ್ತು ಅಪಾರ ಕರುಣೆಯನ್ನು ಬಿಂಬಿಸುತ್ತವೆ.
ಈ ಸ್ತೋತ್ರವನ್ನು ಭಕ್ತಿ ಶ್ರದ್ಧೆಯಿಂದ ಪಠಿಸುವವರಿಗೆ ಅನೇಕ ಪ್ರಯೋಜನಗಳು ದೊರೆಯುತ್ತವೆ. ಭೂರ್ಜಪತ್ರದ ಮೇಲೆ ರೋಚನಾ ಅಥವಾ ಕುಂಕುಮದಿಂದ ಬರೆದು, ಅದನ್ನು ಪುರುಷರು ತಮ್ಮ ಬಲಗೈಗೆ ಮತ್ತು ಸ್ತ್ರೀಯರು ತಮ್ಮ ಎಡಗೈಗೆ ಧರಿಸುವುದರಿಂದ ಕವಚದಂತೆ ರಕ್ಷಣೆ ದೊರೆಯುತ್ತದೆ ಎಂದು ಹೇಳಲಾಗುತ್ತದೆ. ಪ್ರತಿದಿನ ಮೂರು ಸಂಧ್ಯಾಕಾಲಗಳಲ್ಲಿ (ಬೆಳಿಗ್ಗೆ, ಮಧ್ಯಾಹ್ನ, ಸಂಜೆ) ಇದನ್ನು ಪಠಿಸುವುದರಿಂದ ದೇವಿಯ ಸಂಪೂರ್ಣ ಕೃಪೆಗೆ ಪಾತ್ರರಾಗುತ್ತಾರೆ. ಈ ಸ್ತೋತ್ರದ ನಿಯಮಿತ ಪಠಣದಿಂದ ಜ್ವರದ ಭಯ ನಿವಾರಣೆಯಾಗುತ್ತದೆ, ಶತ್ರುಗಳು ಮಿತ್ರರಾಗುತ್ತಾರೆ, ವಿಷದ ಪರಿಣಾಮಗಳು ನಿಷ್ಕ್ರಿಯಗೊಳ್ಳುತ್ತವೆ ಮತ್ತು ವೈಕುಂಠವನ್ನು ಸೇರುವ ಪುಣ್ಯ ಲಭಿಸುತ್ತದೆ. ಇದು ರೋಗಗಳಿಂದ ಮುಕ್ತಿ, ಶತ್ರುಗಳ ಶಮನ, ಸಂಪತ್ತು ಮತ್ತು ಆಧ್ಯಾತ್ಮಿಕ ಮುಕ್ತಿಯನ್ನು ನೀಡುತ್ತದೆ.
ಪ್ರಯೋಜನಗಳು (Benefits):
Please login to leave a comment
Loading comments...