ಶ್ರೀ ಆದಿ ವಾರಾಹೀ ಸಹಸ್ರನಾಮ ಸ್ತೋತ್ರಂ

ಶ್ರೀವಾರಾಹೀ ಧ್ಯಾನಂ:

ನಮೋಽಸ್ತು ದೇವಿ ವಾರಾಹಿ ಜಯೈಂಕಾರಸ್ವರೂಪಿಣಿ
ಜಯ ವಾರಾಹಿ ವಿಶ್ವೇಶಿ ಮುಖ್ಯವಾರಾಹಿ ತೇ ನಮಃ ||1||

ವಾರಾಹಮುಖಿ ವಂದೇ ತ್ವಾಂ ಅಂಧೇ ಅಂಧಿನಿ ತೇ ನಮಃ
ಸರ್ವದುರ್ಷ್ಟಪ್ರದುಷ್ಟಾನಾಂ ವಾಕ್ಸ್ತಂಭನಕರೇ ನಮಃ ||2||

ನಮಃ ಸ್ತಂಭಿನಿ ಸ್ತಂಭೇ ತ್ವಾಂ ಜೃಂಭೇ ಜೃಂಭಿಣಿ ತೇ ನಮಃ
ರುಂಧೇ ರುಂಧಿನಿ ವಂದೇ ತ್ವಾಂ ನಮೋ ದೇವೇಶಿ ಮೋಹಿನಿ ||3||

ಸ್ವಭಕ್ತಾನಾಂ ಹಿ ಸರ್ವೇಷಾಂ ಸರ್ವಕಾಮಪ್ರದೇ ನಮಃ
ಬಾಹ್ವೋಃ ಸ್ತಂಭಕರೀಂ ವಂದೇ ಜಿಹ್ವಾಸ್ತಂಭನಕಾರಿಣೀಂ ||4||

ಸ್ತಂಭನಂ ಕುರು ಶತ್ರೂಣಾಂ ಕುರು ಮೇ ಶತ್ರುನಾಶನಂ
ಶೀಘ್ರಂ ವಶ್ಯಂ ಚ ಕುರು ಮೇ ಯಾಽಗ್ನೌ ವಾಗಾತ್ಮಿಕಾ ಸ್ಥಿತಾ ||5||

ಠಚತುಷ್ಟಯರೂಪೇ ತ್ವಾಂ ಶರಣಂ ಸರ್ವದಾ ಭಜೇ
ಹುಮಾತ್ಮಿಕೇ ಫಡ್ರೂಪೇಣ ಜಯ ಆದ್ಯಾನನೇ ಶಿವೇ ||6||

ದೇಹಿ ಮೇ ಸಕಲಾನ್ ಕಾಮಾನ್ ವಾರಾಹಿ ಜಗದೀಶ್ವರಿ
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ನಮೋ ನಮಃ ||7||

ವಾರಾಹೀ ಗಾಯತ್ರೀ:

ವರಾಹಮುಖ್ಯೈ ವಿದ್ಮಹೇ ದಂಡನಾಥಾಯೈ ಧೀಮಹೀ ತನ್ನೋ ಅರ್ಘ್ರಿ ಪ್ರಚೋದಯಾತ್.

ಅಥ ಶ್ರೀ ಆದಿವಾರಾಹೀ ಸಹಸ್ರನಾಮ ಸ್ತೋತ್ರಂ:

ಅಥ ಧ್ಯಾನಂ

ವಂದೇ ವಾರಾಹವಕ್ತ್ರಾಂ ವರಮಣಿಮಕುಟಾಂ ವಿದ್ರುಮಶ್ರೋತ್ರಭೂಷಾಂ
ಹಾರಾಗ್ರೈವೇಯತುಂಗಸ್ತನಭರನಮಿತಾಂ ಪೀತಕೌಶೇಯವಸ್ತ್ರಾಂ
ದೇವೀಂ ದಕ್ಷೋರ್ಧ್ವಹಸ್ತೇ ಮುಸಲಮಥಪರಂ ಲಾಂಗಲಂ ವಾ ಕಪಾಲಂ
ವಾಮಾಭ್ಯಾಂ ಧಾರಯಂತೀಂ ಕುವಲಯಕಲಿಕಾಂ ಶ್ಯಾಮಲಾಂ ಸುಪ್ರಸನ್ನಾಂ

ದೇವ್ಯುವಾಚ:

ಶ್ರೀಕಂಠ ಕರುಣಾಸಿಂಧೋ ದೀನಬಂಧೋ ಜಗತ್ಪತೇ
ಭೂತಿಭೂಷಿತಸರ್ವಾಂಗ ಪರಾತ್ಪರತರ ಪ್ರಭೋ  ||1||

ಕೃತಾಂಜಲಿಪುಟಾ ಭೂತ್ವಾ ಪೃಚ್ಛಾಮ್ಯೇಕಂ ದಯಾನಿಧೇ
ಆದ್ಯಾ ಯಾ ಚಿತ್ಸ್ವರೂಪಾ ಯಾ ನಿರ್ವಿಕಾರಾ ನಿರಂಜನಾ  ||2||

ಬೋಧಾತೀತಾ ಜ್ಞಾನಗಮ್ಯಾ ಕೂಟಸ್ಥಾಽಽನಂದವಿಗ್ರಹಾ
ಅಗ್ರಾಹ್ಯಾಽತೀಂದ್ರಿಯಾ ಶುದ್ಧಾ ನಿರೀಹಾ ಸ್ವಾವಭಾಸಿಕಾ  ||3||

ಗುಣಾತೀತಾ ನಿಷ್ಪ್ರಪಂಚಾ ಹ್ಯವಾಙ್ಮನಸಗೋಚರಾ
ಪ್ರಕೃತಿರ್ಜಗದುತ್ಪತ್ತಿಸ್ಥಿತಿಸಂಹಾರಕಾರಿಣೀ  ||4||

ರಕ್ಷಾರ್ಥೇ ಜಗತಾಂ ದೇವಕಾರ್ಯಾರ್ಥಂ ವಾ ಸುರದ್ವಿಷಾಂ
ನಾಶಾಯ ಧತ್ತೇ ಸಾ ದೇಹಂ ತತ್ತತ್ಕಾರ್ಯೈಕಸಾಧನಂ  ||5||

ತತ್ರ ಭೂಧರಣಾರ್ಥಾಯ ಯಜ್ಞವಿಸ್ತಾರಹೇತವೇ
ವಿದ್ಯುತ್ಕೇಶಹಿರಣ್ಯಾಕ್ಷಬಲಾಕಾದಿವಧಾಯ ಚ  ||6||

ಆವಿರ್ಬಭೂವ ಯಾ ಶಕ್ತಿರ್ಘೋರಾ ಭೂದಾರರೂಪಿಣೀ
ವಾರಾಹೀ ವಿಕಟಾಕಾರಾ ದಾನವಾಸುರನಾಶಿನೀ  ||7||

ಸದ್ಯಃಸಿದ್ಧಿಕರೀ ದೇವೀ ಧೋರಾ ಘೋರತರಾ ಶಿವಾ
ತಸ್ಯಾಃ ಸಹಸ್ರನಾಮಾಖ್ಯಂ ಸ್ತೋತ್ರಂ ಮೇ ಸಮುದೀರಯ ||8||

ಕೃಪಾಲೇಶೋಽಸ್ತಿ ಮಯಿ ಚೇದ್ಭಾಗ್ಯಂ ಮೇ ಯದಿ ವಾ ಭವೇತ್
ಅನುಗ್ರಾಹ್ಯಾ ಯದ್ಯಹಂ ಸ್ಯಾಂ ತದಾ ವದ ದಯಾನಿಧೇ  ||9||

ಈಶ್ವರ ಉವಾಚ:

ಸಾಧು ಸಾಧು ವರಾರೋಹೇ ಧನ್ಯಾ ಬಹುಮತಾಸಿ ಮೇ
ಶುಶ್ರೂಷಾದಿಸಮುತ್ಪನ್ನಾ ಭಕ್ತಿಶ್ರದ್ಧಾಸಮನ್ವಿತಾ ತವ  ||10||

ಸಹಸ್ರನಾಮ ವಾರಾಹ್ಯಾಃ ಸರ್ವಸಿದ್ಧಿವಿಧಾಯಿ ಚ
ತವ ಚೇನ್ನ ಪ್ರವಕ್ಷ್ಯಾಮಿ ಪ್ರಿಯೇ ಕಸ್ಯ ವದಾಮ್ಯಹಂ  ||11||

ಕಿಂತು ಗೋಪ್ಯಂ ಪ್ರಯತ್ನೇನ ಸಂರಕ್ಷ್ಯಂ ಪ್ರಾಣತೋಽಪಿ ಚ
ವಿಶೇಷತಃ ಕಲಿಯುಗೇ ನ ದೇಯಂ ಯಸ್ಯ ಕಸ್ಯಚಿತ್
ಸರ್ವೇಽನ್ಯಥಾ ಸಿದ್ಧಿಭಾಜೋ ಭವಿಷ್ಯಂತಿ ವರಾನನೇ  ||12||

ಓಂ ಅಸ್ಯ ಶ್ರೀ ವಾರಾಹೀಸಹಸ್ರನಾಮಸ್ತೋತ್ರಸ್ಯ ಮಹಾದೇವ ಋಷಿಃ ಅನುಷ್ಟುಪ್ಛಂದಃ

ವಾರಾಹೀ ದೇವತಾ  “ಐಂ” ಬೀಜಂ “ಕ್ರೋಂ” ಶಕ್ತಿಃ “ಹುಂ” ಕೀಲಕಂ

ಮಮ ಸರ್ವಾರ್ಥಸಿದ್ಧ್ಯರ್ಥೇ ಜಪೇ ವಿನಿಯೋಗಃ

ಓಂ ವಾರಾಹೀ ವಾಮನೀ ವಾಮಾ ಬಗಲಾ ವಾಸವೀ ವಸುಃ
ವೈದೇಹೀ ವಿರಸೂರ್ಬಾಲಾ ವರದಾ ವಿಷ್ಣುವಲ್ಲಭಾ ||13||

ವಂದಿತಾ ವಸುದಾ ವಶ್ಯಾ ವ್ಯಾತ್ತಾಸ್ಯಾ ವಂಚಿನೀ ಬಲಾ
ವಸುಂಧರಾ ವೀತಿಹೋತ್ರಾ ವೀತರಾಗಾ ವಿಹಾಯಸೀ  ||14||

ಸರ್ವಾ ಖನಿಪ್ರಿಯಾ ಕಾಮ್ಯಾ ಕಮಲಾ ಕಾಂಚನೀ ರಮಾ
ಧೂಮ್ರಾ ಕಪಾಲಿನೀ ವಾಮಾ ಕುರುಕುಲ್ಲಾ ಕಲಾವತೀ ||15||

ಯಾಮ್ಯಾಽಗ್ನೇಯೀ ಧರಾ ಧನ್ಯಾ ಧರ್ಮಿಣೀ ಧ್ಯಾನಿನೀ ಧ್ರುವಾ
ಧೃತಿರ್ಲಕ್ಷ್ಮೀರ್ಜಯಾ ತುಷ್ಟಿಃ ಶಕ್ತಿರ್ಮೇಧಾ ತಪಸ್ವಿನೀ ||16||

ವೇಧಾ ಜಯಾ ಕೃತಿಃ ಕಾಂತಿಃ ಸ್ವಾಹಾ ಶಾಂತಿರ್ದಮಾ ರತಿಃ
ಲಜ್ಜಾ ಮತಿಃ ಸ್ಮೃತಿರ್ನಿದ್ರಾ ತಂದ್ರಾ ಗೌರೀ ಶಿವಾ ಸ್ವಧಾ ||17||

ಚಂಡೀ ದುರ್ಗಾಽಭಯಾ ಭೀಮಾ ಭಾಷಾ ಭಾಮಾ ಭಯಾನಕಾ
ಭೂದಾರಾ ಭಯಾಪಹಾ ಭೀರುರ್ಭೈರವೀ ಭಂಗರಾ ಭಟೀ ||18||

ಘುರ್ಘುರಾ ಘೋಷಣಾ ಘೋರಾ ಘೋಷಿಣೀ ಘೋಣಸಂಯುತಾ
ಘನಾಧನಾ ಘರ್ಘರಾ ಚ ಘೋಣಯುಕ್ತಾಽಘನಾಶಿನೀ ||19||

ಪೂರ್ವಾಗ್ನೇಯೀ ಪಾತು ಯಾಮ್ಯಾ ವಾಯವ್ಯುತ್ತರವಾರುಣೀ
ಐಶಾನ್ಯೂರ್ಧ್ವಾಧಃಸ್ಥಿತಾ ಚ ಪೃಷ್ಟಾ ದಕ್ಷಾಗ್ರವಾಮಗಾ ||20||

ಹೃನ್ನಾಭಿಬ್ರಹ್ಮರಂಧ್ರಾರ್ಕಸ್ವರ್ಗ ಪಾತಾಲಭೂಮಿಗಾ
ಐಂ ಶ್ರೀಃ ಹ್ರೀಃ ಕ್ಲೀಂ ತೀರ್ಥಗತಿಃ ಪ್ರೀತಿರ್ಧೀರ್ಗೀಃ ಕಲಾಽವ್ಯಯಾ ||21||

ಋಗ್ಯಜುಃ ಸಾಮರೂಪಾ ಚ ಪರಾ ಯಾತ್ರಿಣ್ಯುದುಂಬರಾ
ಗದಾಸಿಶಕ್ತಿಚಾಪೇಷುಶೂಲಚಕ್ರಕ್ರಷ್ಟಿಧಾರಿಣೀ ||22||

ಜರತೀ ಯುವತೀ ಬಾಲಾ ಚತುರಂಗಬಲೋತ್ಕಟಾ
ಸತ್ಯಾಕ್ಷರಾ ಚಾಧಿಭೇತ್ರೀ ಧಾತ್ರೀ ಪಾತ್ರೀ ಪರಾ ಪಟುಃ  ||23||

ಕ್ಷೇತ್ರಜ್ಞಾ ಕಂಪಿನೀ ಜ್ಯೇಷ್ಠಾ ದೂರಧರ್ಶಾ ಧುರಂಧರಾ
ಮಾಲಿನೀ ಮಾನಿನೀ ಮಾತಾ ಮಾನನೀಯಾ ಮನಸ್ವಿನೀ ||24||

ಮಹೋತ್ಕಟಾ ಮನ್ಯುಕರೀ ಮನುರೂಪಾ ಮನೋಜವಾ
ಮೇದಸ್ವಿನೀ ಮದ್ಯರತಾ ಮಧುಪಾ ಮಂಗಲಾಽಮರಾ  ||25||

ಮಾಯಾ ಮಾತಾಽಽಮಯಹರೀ ಮೃಡಾನೀ ಮಹಿಲಾ ಮೃತಿಃ
ಮಹಾದೇವೀ ಮೋಹಹರೀ ಮಂಜುರ್ಮೃತ್ಯುಂಜಯಾಽಮಲಾ  ||26||

ಮಾಂಸಲಾ ಮಾನವಾ ಮೂಲಾ ಮಹಾರಾತ್ರಿಮಹಾಲಸಾ
ಮೃಗಾಂಕಾ ಮೀನಕಾರೀ  ಸ್ಯಾನ್ಮಹಿಷಘ್ನೀ ಮದಂತಿಕಾ  ||27||

ಮೂರ್ಚ್ಛಾಮೋಹಮೃಷಾಮೋಘಾಮದಮೃತ್ಯುಮಲಾಪಹಾ
ಸಿಂಹರ್ಕ್ಷಮಹಿಷವ್ಯಾಘ್ರಮೃಗಕ್ರೋಡಾನನಾ ಧುನೀ ||28||

ಧರಿಣೀ ಧಾರಿಣೀ ಧೇನುರ್ಧರಿತ್ರೀ ಧಾವನೀ ಧವಾ
ಧರ್ಮಧ್ವನಾ ಧ್ಯಾನಪರಾ ಧನಧಾನ್ಯಧರಾಪ್ರದಾ  ||29||

ಪಾಪದೋಷರಿಪುವ್ಯಾಧಿನಾಶಿನೀ ಸಿದ್ಧಿದಾಯಿನೀ
ಕಲಾಕಾಷ್ಠಾತ್ರಪಾಪಕ್ಷಾಽಹಸ್ತ್ರುಟಿಶ್ವಾಸರೂಪಿಣೀ  ||30||

ಸಮೃದ್ಧಾ ಸುಭುಜಾ ರೌದ್ರೀ ರಾಧಾ ರಾಕಾ ರಮಾಽರಣಿಃ
ರಾಮಾ ರತಿಃ ಪ್ರಿಯಾ ರುಷ್ಟಾ ರಕ್ಷಿಣೀ ರವಿಮಧ್ಯಗಾ  ||31||

ರಜನೀ ರಮಣೀ ರೇವಾ ರಂಕಿನೀ ರಂಜಿನೀ ರಮಾ
ರೋಷಾ ರೋಷವತೀ ರೂಕ್ಷಾ ಕರಿರಾಜ್ಯಪ್ರದಾ ರತಾ  ||32||

ರೂಕ್ಷಾ ರೂಪವತೀ ರಾಸ್ಯಾ ರುದ್ರಾಣೀ ರಣಪಂಡಿತಾ
ಗಂಗಾ ಚ ಯಮುನಾ ಚೈವ ಸರಸ್ವತಿಸ್ವಸೂರ್ಮಧುಃ  ||33||

ಗಂಡಕೀ ತುಂಗಭದ್ರಾ ಚ ಕಾವೇರೀ ಕೌಶಿಕೀ ಪಟುಃ
ಖಟ್ವೋರಗವತೀ ಚಾರಾ ಸಹಸ್ರಾಕ್ಷಾ ಪ್ರತರ್ದನಾ  ||34||

ಸರ್ವಜ್ಞಾ ಶಾಂಕರೀ ಶಾಸ್ತ್ರೀ ಜಟಾಧಾರಿಣ್ಯಯೋರದಾ
ಯಾವನೀ ಸೌರಭೀ ಕುಬ್ಜಾ ವಕ್ರತುಂಡಾ ವಧೋದ್ಯತಾ  ||35||

ಚಂದ್ರಾಪೀಡಾ ವೇದವೇದ್ಯಾ ಶಂಖಿನೀ ನೀಲ್ಲಓಹಿತಾ
ಧ್ಯಾನಾತೀತಾಽಪರಿಚ್ಛೇದ್ಯಾ ಮೃತ್ಯುರೂಪಾ ತ್ರಿವರ್ಗದಾ ||36||

ಅರೂಪಾ ಬಹುರೂಪಾ ಚ ನಾನಾರೂಪಾ ನತಾನನಾ
ವೃಷಾಕಪಿರ್ವೃಷಾರೂಢಾ ವೃಷೇಶೀ ವೃಷವಾಹನಾ  ||37||

ವೃಷಪ್ರಿಯಾ ವೃಷಾವರ್ತಾ ವೃಷಪರ್ವಾ ವೃಷಾಕೃತಿಃ
ಕೋದಂಡಿನೀ ನಾಗಚೂಡಾ ಚಕ್ಷುಷ್ಯಾ ಪರಮಾರ್ಥಿಕಾ  ||38||

ದುರ್ವಾಸಾ ದುರ್ಗ್ರಹಾ ದೇವೀ ಸುರಾವಾಸಾ ದುರಾರಿಹಾ
ದುರ್ಗಾ ರಾಧಾ ದುರ್ಗಹಂತ್ರೀ ದುರಾರಾಧ್ಯಾ ದವೀಯಸೀ  ||39||

ದುರಾವಾಸಾ ದುಃಪ್ರಹಸ್ತಾ ದುಃಪ್ರಕಂಪಾ ದುರುಹಿಣೀ
ಸುವೇಣೀ ಶ್ರಮಣೀ ಶ್ಯಾಮಾ ಮೃಗವ್ಯಾಧಾಽರ್ಕತಾಪಿನೀ  ||40||

ದುರ್ಗಾ ತಾರ್ಕ್ಷೀ ಪಾಶುಪತೀ ಕೌಣಪೀ ಕುಣಪಾಶನಾ
ಕಪರ್ದಿನೀ ಕಾಮಕಾಮಾ ಕಮನೀಯಾ ಕಲೋಜ್ವಲಾ  ||41||

ಕಾಸಾವಹೃತ್ಕಾರಕಾನೀ ಕಂಬುಕಂಠೀ ಕೃತಾಗಮಾ
ಕರ್ಕಶಾ ಕಾರಣಾ ಕಾಂತಾ ಕಲ್ಪಾಽಕಲ್ಪಾ ಕಟಂಕಟಾ  ||42||

ಶ್ಮಶಾನನಿಲಯಾ ಭಿನ್ನೀ ಗಜಾರುಢಾ ಗಜಾಪಹಾ
ತತ್ಪ್ರಿಯಾ ತತ್ಪರಾ ರಾಯಾ ಸ್ವರ್ಭಾನುಃ ಕಾಲವಂಚಿನೀ  ||43||

ಶಾಖಾ ವಿಶಾಖಾ ಗೋಶಾಖಾ ಸುಶಾಖಾ ಶೇಷಶಾಖಿನೀ
ವ್ಯಂಗಾ ಸುಭಾಂಗಾ ವಾಮಾಂಗಾ ನೀಲಾಂಗಾಽನಂಗರೂಪಿಣೀ  ||44||

ಸಾಂಗೋಪಾಂಗಾ  ಚ ಶಾರಂಗಾ ಶುಭಾಂಗಾ ರಂಗರೂಪಿಣೀ
ಭದ್ರಾ ಸುಭದ್ರಾ ಭದ್ರಾಕ್ಷೀ ಸಿಂಹಿಕಾ ವಿನತಾಽದಿತಿಃ  ||45||

ಹೃದ್ಯಾ ವದ್ಯಾ ಸುಪದ್ಯಾ ಚ ಗದ್ಯಪದ್ಯಪ್ರಿಯಾ ಪ್ರಸೂಃ
ಚರ್ಚಿಕಾ ಭೋಗವತ್ಯಂಬಾ ಸಾರಸೀ ಶಬರೀ ನಟೀ  ||46||

ಯೋಗಿನೀ ಪುಷ್ಕಲಾಽನಂತಾ ಪರಾ ಸಾಂಖ್ಯಾ ಶಚೀ ಸತೀ
ನಿಮ್ನಗಾ ನಿಮ್ನನಾಭಿಶ್ಚ ಸಹಿಷ್ಣುರ್ಜಾಗೃತೀ ಲಿಪಿಃ  ||47||

ದಮಯಂತೀ ದಮೀ ದಂಡೋದ್ದಂಡಿನೀ ದಾರದಾಯಿಕಾ
ದೀಪಿನೀ ಧಾವಿನೀ ಧಾತ್ರೀ ದಕ್ಷಕನ್ಯಾ ದರಿದ್ರತೀ  ||48||

ದಾಹಿನೀ ದ್ರವಿಣೀ ದರ್ವೀ ದಂಡಿನೀ ದಂಡನಾಯಿಕಾ
ದಾನಪ್ರಿಯಾ ದೋಷಹಂತ್ರೀ ದುಃಖದಾರಿದ್ರ್ಯನಾಶಿನೀ ||49||

ದೋಷದಾ ದೋಷಕೃದ್ದೋಗ್ಧ್ರೀ ದೋಹದಾ ದೇವಿಕಾಽದನಾ .
ದರ್ವೀಕರೀ ದುರ್ವಲಿತಾ ದುರ್ಯುಗಾಽದ್ವಯವಾದಿನೀ  ||50||

ಚರಾಚರಾಽನಂತವೃಷ್ಟಿರುನ್ಮತ್ತಾ ಕಮಲಾಲಸಾ
ತಾರಿಣೀ ತಾರಕಾಂತಾರಾ ಪರಾತ್ಮಾ ಕುಬ್ಜಲೋಚನಾ  ||51||

ಇಂದುರ್ಹಿರಣ್ಯಕವಚಾ ವ್ಯವಸ್ಥಾ ವ್ಯವಸಾಯಿಕಾ
ಈಶನಂದಾ ನದೀ ನಾಗೀ ಯಕ್ಷಿಣೀ ಸರ್ಪಿಣೀ ವರೀ  ||52||

ಸುಧಾ ಸುರಾ ವಿಶ್ವಸಹಾ ಸುವರ್ಣಾಂಗದಧಾರಿಣೀ
ಜನನೀ ಪ್ರೀತಿಪಾಕೇರುಃ ಸಾಮ್ರಾಜ್ಞೀ ಸಂವಿದುತ್ತಮಾ  ||53||

ಅಮೇಯಾಽರಿಷ್ಟದಮನೀ ಪಿಂಗಲಾ ಲಿಂಗಧಾರಿಣೀ ಚಾಮುಂಡಾ ಪ್ಲಾವಿನೀ ಹಾಲಾ ಬೃಹಜ್ಜ್ಯೋತಿರುರುಕ್ರಮಾ  ||54||

ಸುಪ್ರತೀಕಾ ಚ ಸುಗ್ರೀವಾ ಹವ್ಯವಾಹಾ ಪ್ರಲಾಪಿನೀ
ನಭಸ್ಯಾ ಮಾಧವೀ ಜ್ಯೇಷ್ಠಾ ಶಿಶಿರಾ ಜ್ವಾಲಿನೀ ರುಚಿಃ  ||55||

ಶುಕ್ಲಾ ಶುಕ್ರಾ ಶುಚಾ ಶೋಕಾ ಶುಕೀ ಭೇಕೀ ಪಿಕೀ ಭಕೀ
ಪೃಷದಶ್ವಾ ನಭೋಯೋನೀ ಸುಪ್ರತೀಕಾ ವಿಭಾವರೀ  ||56||

ಗರ್ವಿತಾ ಗುರ್ವಿಣೀ ಗಣ್ಯಾ ಗುರುರ್ಗುರುತರೀ ಗಯಾ
ಗಂಧರ್ವೀ ಗಣಿಕಾ ಗುಂದ್ರಾ ಗಾರುಡೀ ಗೋಪಿಕಾಽಗ್ರಗಾ  ||57||

ಗಣೇಶೀ ಗಾಮಿನೀ ಗಂತ್ರೀ ಗೋಪತಿರ್ಗಂಧಿನೀ ಗವೀ
ಗರ್ಜಿತಾ  ಗಾನನೀ ಗೋನಾ ಗೋರಕ್ಷಾ ಗೋವಿದಾಂ ಗತಿಃ  ||58||

ಗ್ರಾಥಿಕೀ ಗ್ರಥಿಕೃದ್ಗೋಷ್ಠೀ ಗರ್ಭರೂಪಾ ಗುಣೈಷಿಣೀ
ಪಾರಸ್ಕರೀ ಪಾಂಚನದಾ ಬಹುರೂಪಾ ವಿರೂಪಿಕಾ  ||59||

ಊಹಾ ವ್ಯೂಹಾ ದುರೂಹಾ ಚ ಸಮ್ಮೋಹಾ ಮೋಹಹಾರಿಣೀ
ಯಜ್ಞವಿಗ್ರಹಿಣೀ ಯಜ್ಞಾ ಯಾಯಜೂಕಾ ಯಶಸ್ವಿನೀ  ||60||

ಅಗ್ನಿಷ್ಠೋಮೋಽತ್ಯಗ್ನಿಷ್ಟೋಮೋ ವಾಜಪೇಯಶ್ಚ ಷೋಡಶೀ
ಪುಂಡರೀಕೋಽಶ್ವಮೇಧಶ್ಚ ರಾಜಸೂಯಶ್ಚ ನಾಭಸಃ  ||61||

ಸ್ವಿಷ್ಟಕೃದ್ಬಹುಸೌವರ್ಣೋ ಗೋಸವಶ್ಚ ಮಹಾವ್ರತಃ ವಿಶ್ವಜಿದ್ಬ್ರಹ್ಮಯಜ್ಞಶ್ಚ ಪ್ರಾಜಾಪತ್ಯಃ ಶಿಲಾಯವಃ ||62||

ಅಶ್ವಕ್ರಾಂತೋ ರಥಕ್ರಾಂತೋ ವಿಷ್ಣುಕ್ರಾಂತೋ ವಿಭಾವಸುಃ
ಸೂರ್ಯಕ್ರಾಂತೋ ಗಜಕ್ರಾಂತೋ ಬಲಿಭಿನ್ನಾಗಯಜ್ಞಕಃ ||63||

ಸಾವಿತ್ರೀ ಚಾರ್ಧಸಾವಿತ್ರೀ ಸರ್ವತೋಭದ್ರವಾರುಣಃ
ಆದಿತ್ಯಾಮಯಗೋದೋಹಗವಾಮಯಮೃಗಾಮಯಾಃ ||64||

ಸರ್ಪಮಯಃ ಕಾಲಪಿಂಜಃ ಕೌಂಡಿನ್ಯೋಪನಕಾಹಲಃ
ಅಗ್ನಿವಿದ್ದ್ವಾದಶಾಹಃ ಸ್ವೋಪಾಂಶುಃ ಸೋಮದೋಹನಃ  ||65||

ಅಶ್ವಪ್ರತಿಗ್ರಹೋ ಬರ್ಹಿರಥೋಽಭ್ಯುದಯ ಋದ್ಧಿರಾಟ್
ಸರ್ವಸ್ವದಕ್ಷಿಣೋ ದೀಕ್ಷಾ ಸೋಮಾಖ್ಯಾ ಸಮಿದಾಹ್ವಯಃ ||66||

ಕಠಾಯನಶ್ಚ ಗೋದೋಹಃ ಸ್ವಾಹಾಕಾರಸ್ತನೂನಪಾತ್
ದಂಡಾಪುರುಷಮೇಧಶ್ಚ ಶ್ಯೇನೋ ವಜ್ರ ಇಷುರ್ಯಮಃ ||67||

ಅಂಗಿರಾ ಕಂಗಭೇರುಂಡಾ ಚಾಂದ್ರಾಯಣಪರಾಯಣಾ
ಜ್ಯೋತಿಷ್ಠೋಮಃ ಕುತೋ ದರ್ಶೋ ನಂದ್ಯಾಖ್ಯಃ ಪೌರ್ಣಮಾಸಿಕಃ ||68||

ಗಜಪ್ರತಿಗ್ರಹೋ ರಾತ್ರಿಃ ಸೌರಭಃ ಶಾಂಕಲಾಯನಃ
ಸೌಭಾಗ್ಯಕೃಚ್ಚ ಕಾರೀಷೋ ವೈತಲಾಯನರಾಮಠೀ ||69||

ಶೋಚಿಷ್ಕಾರೀ ನಾಚಿಕೇತಃ ಶಾಂತಿಕೃತ್ಪುಷ್ಟಿಕೃತ್ತಥಾ
ವೈನತೇಯೋಚ್ಚಾಟನೌ ಚ ವಶೀಕರಣಮಾರಣೇ ||70||

ತ್ರೈಲೋಕ್ಯಮೋಹನೋ ವೀರಃ ಕಂದರ್ಪಬಲಶಾತನಃ ಶಂಖಚೂಡೋ ಗಜಾಚ್ಛಾಯೋ ರೌದ್ರಾಖ್ಯೋ ವಿಷ್ಣುವಿಕ್ರಮಃ  ||71||

ಭೈರವಃ ಕವಹಾಖ್ಯಶ್ಚಾವಭೃಥೋಽಷ್ಟಾಕಪಾಲಕಃ
ಶ್ರೌಷಟ್ ವೌಷಟ್ ವಷಟ್ಕಾರಃ ಪಾಕಸಂಸ್ಥಾ ಪರಿಶ್ರುತೀ ||72||

ಚಯನೋ ನರಮೇಧಶ್ಚ ಕಾರೀರೀ ರತ್ನದಾನಿಕಾ
ಸೌತ್ರಾಮಣೀ ಚ ಭಾರುಂದಾ ಬಾರ್ಹಸ್ಪತ್ಯೋ ಬಲಂಗಮಃ ||73||

ಪ್ರಚೇತಾಃ ಸರ್ವಸತ್ರಶ್ಚ ಗಜಮೇಧಃ ಕರಂಭಕಃ
ಹವಿಃಸಂಸ್ಥಾ ಸೋಮಸಂಸ್ಥಾ ಪಾಕಸಂಸ್ಥಾ ಗರುತ್ಮತೀ ||74||

ಸತ್ಯಸೂರ್ಯಶ್ಚಮಸಃ ಸ್ರುಕ್ಸ್ರುವೋಲೂಖಲಮೇಕ್ಷಣೀ
ಚಪಲೋ ಮಂಥಿನೀ ಮೇಢೀ ಯೂಪಃ ಪ್ರಾಗ್ವಂಶಕುಂಜಿಕಾ ||75||

ರಶ್ಮಿರಶುಶ್ಚ ದೋಭ್ಯಶ್ಚ ವಾರುಣೋದಃ ಪವಿಃ ಕುಥಾ
ಆಪ್ತೋರ್ಯಾಮೋ ದ್ರೋಣಕಲಶೋ ಮೈತ್ರಾವರುಣ ಆಶ್ವಿನಃ ||76||

ಪಾತ್ನೀವತಶ್ಚ ಮಂಥೀ ಚ ಹಾರಿಯೋಜನ ಏವ ಚ
ಪ್ರತಿಪ್ರಸ್ಥಾನಶುಕ್ರೌ ಚ ಸಾಮಿಧೇನೀ ಸಮಿತ್ಸಮಾ ||77||

ಹೋತಾಽಧ್ವರ್ಯುಸ್ತಥೋದ್ಘಾತಾ ನೇತಾ ತ್ವಷ್ಟಾ ಚ ಯೋತ್ರಿಕಾ
ಆಗ್ನೀಧ್ರೋಽಚ್ಛವಗಾಷ್ಟಾವಗ್ರಾವಸ್ತುತ್ಪ್ರತರ್ದಕಃ ||78||

ಸುಬ್ರಹ್ಮಣ್ಯೋ ಬ್ರಾಹ್ಮಣಶ್ಚ ಮೈತ್ರಾವರುಣವಾರುಣೌ
ಪ್ರಸ್ತೋತಾ ಪ್ರತಿಪ್ರಸ್ಥಾತಾ ಯಜಮಾನಾ ಧ್ರುವಂತ್ರಿಕಾ ||79||

ಆಮಿಕ್ಷಾಮೀಷದಾಜ್ಯಂ ಚ ಹವ್ಯಂ ಕವ್ಯಂ ಚರುಃ ಪಯಃ
ಜುಹೂದ್ಧುಣೋಭೃತ್ ಬ್ರಹ್ಮಾ ತ್ರಯೀ ತ್ರೇತಾ ತರಶ್ವಿನೀ  ||80||

ಪುರೋಡಾಶಃ ಪಶುಕರ್ಷಃ ಪ್ರೇಕ್ಷಣೀ ಬ್ರಹ್ಮಯಜ್ಞಿನೀ
ಅಗ್ನಿಜಿಹ್ವಾ ದರ್ಭರೋಮಾ ಬ್ರಹ್ಮಶೀರ್ಷಾ ಮಹೋದರೀ ||81||

ಅಮೃತಪ್ರಾಶಿಕಾ ನಾರಾಯಣೀ ನಗ್ನಾ ದಿಗಂಬರಾ
ಓಂಕಾರಿಣೀ ಚತುರ್ವೇದರೂಪಾ ಶ್ರುತಿರನುಲ್ವಣಾ ||82||

ಅಷ್ಟಾದಶಭುಜಾ ರಂಭಾ ಸತ್ಯಾ ಗಗನಚಾರಿಣೀ
ಭೀಮವಕ್ತ್ರಾ ಮಹಾವಕ್ತ್ರಾ ಕೀರ್ತಿರಾಕೃಷ್ಣಪಿಂಗಲಾ  ||83||

ಕೃಷ್ಣಮೂರ್ದ್ಧಾ ಮಹಾಮೂರ್ದ್ಧಾ ಘೋರಮೂರ್ದ್ಧಾ ಭಯಾನನಾ
ಘೋರಾನನಾ ಘೋರಜಿಹ್ವಾ ಘೋರರಾವಾ ಮಹಾವ್ರತಾ ||84||

ದೀಪ್ತಾಸ್ಯಾ ದೀಪ್ತನೇತ್ರಾ ಚಂಡಪ್ರಹರಣಾ ಜಟೀ
ಸುರಭೀ ಸೌನಭೀ ವೀಚೀ ಛಾಯಾ ಸಂಧ್ಯಾ ಚ ಮಾಂಸಲಾ ||85||

ಕೃಷ್ಣಾ ಕೃಷ್ಣಾಂಬರಾ ಕೃಷ್ಣಶಾರ್ಙ್ಗಿಣೀ ಕೃಷ್ಣವಲ್ಲಭಾ ತ್ರಾಸಿನೀ ಮೋಹಿನೀ ದ್ವೇಷ್ಯಾ ಮೃತ್ಯುರೂಪಾ ಭಯಾವಹಾ  ||86||

ಭೀಷಣಾ ದಾನವೇಂದ್ರಘ್ನೀ ಕಲ್ಪಕರ್ತ್ರೀ ಕ್ಷಯಂಕರೀ
ಅಭಯಾ ಪೃಥಿವೀ ಸಾಧ್ವೀ ಕೇಶಿನೀ ವ್ಯಾಧಿಜನ್ಮಹಾ ||87||

ಅಕ್ಷೋಭ್ಯಾ ಹ್ಲಾದಿನೀ ಕನ್ಯಾ ಪವಿತ್ರಾ ರೋಪಿಣೀ ಶುಭಾ
ಕನ್ಯಾದೇವೀ ಸುರಾದೇವೀ ಭೀಮಾದೇವೀ ಮದಂತಿಕಾ ||88||

ಶಾಕಂಬರೀ ಮಹಾಶ್ವೇತಾ ಧೂಮ್ರಾ ಧೂಮ್ರೇಶ್ವರೀಶ್ವರೀ
ವೀರಭದ್ರಾ ಮಹಾಭದ್ರಾ ಮಹಾದೇವೀ ಮಹಾಸುರೀ ||89||

ಶ್ಮಶಾನವಾಸಿನೀ ದೀಪ್ತಾ ಚಿತಿಸಂಸ್ಥಾ ಚಿತಿಪ್ರಿಯಾ
ಕಪಾಲಹಸ್ತಾ ಖಟ್ವಾಂಗೀ ಖಡ್ಗಿನೀ ಶೂಲಿನೀ ಹಲೀ ||90||

ಕಾಂತಾರಿಣೀ ಮಹಾಯೋಗೀ ಯೋಗಮಾರ್ಗಾ ಯುಗಗ್ರಹಾ
ಧೂಮ್ರಕೇತುರ್ಮಹಾಸ್ಯಾಯುರ್ಯುಗಾನಾಂ ಪರಿವರ್ತಿನೀ ||91||

ಅಂಗಾರಿಣ್ಯಂಕುಶಕರಾ ಘಂಟಾವರ್ಣಾ ಚ ಚಕ್ರಿಣೀ ವೇತಾಲೀ ಬ್ರಹ್ಮವೇತಾಲೀ ಮಹಾವೇತಾಲಿಕಾ ತಥಾ ||92||

ವಿದ್ಯಾರಾಜ್ಞೀ ಮೋಹರಾಜ್ಞೀ ಮಹಾರಾಜ್ಞೀ ಮಹೋದರೀ
ಭೂತಂ ಭವ್ಯಂ ಭವಿಷ್ಯಂ ಚ ಸಾಂಖ್ಯಂ ಯೋಗಸ್ತತೋ ದಮಃ ||93||

ಅಧ್ಯಾತ್ಮಂ ಚಾಧಿದೈವಂ ಚಾಧಿಭೂತಾಂಶ ಏವ ಚ
ಘಂಟಾರವಾ ವಿರೂಪಾಕ್ಷೀ ಶಿಖಿಚಿಚ್ಛ್ರೀಚಯಪ್ರಿಯಾ ||94||

ಖಡ್ಗಶೂಲಗದಾಹಸ್ತಾ ಮಹಿಷಾಸುರಮರ್ದಿನೀ
ಮಾತಂಗೀ ಮತ್ತಮಾತಂಗೀ ಕೌಶಿಕೀ ಬ್ರಹ್ಮವಾದಿನೀ ||95||

ಉಗ್ರತೇಜಾ ಸಿದ್ಧಸೇನಾ ಜೃಂಭಿಣೀ ಮೋಹಿನೀ ತಥಾ ಜಯಾ ಚ ವಿಜಯಾ ಚೈವ ವಿನತಾ ಕದ್ರುರೇವ ಚ ||96||

ಧಾತ್ರೀ ವಿಧಾತ್ರೀ ವಿಕ್ರಾಂತಾ ಧ್ವಸ್ತಾ ಮೂರ್ಚ್ಛಾ ಚ ಮೂರ್ಚ್ಛನೀ
ದಮನೀ ದಾಮಿನೀ ದಮ್ಯಾ ಛೇದಿನೀ ತಾಪಿನೀ ತಪೀ ||97||

ಬಂಧಿನೀ ಬಾಧಿನೀ ಬಂಧ್ಯಾ ಬೋಧಾತೀತಾ ಬುಧಪ್ರಿಯಾ
ಹರಿಣೀ ಹಾರಿಣೀ ಹಂತ್ರೀ ಧರಿಣೀ ಧಾರಿಣೀ ಧರಾ ||98||

ವಿಸಾಧಿನೀ ಸಾಧಿನೀ ಚ ಸಂಧ್ಯಾ ಸಂಗೋಪನೀ ಪ್ರಿಯಾ
ರೇವತೀ ಕಾಲಕರ್ಣೀ ಚ ಸಿದ್ಧಿಲಕ್ಷ್ಮೀರರುಂಧತೀ ||99||

ಧರ್ಮಪ್ರಿಯಾ ಧರ್ಮರತಿಃ ಧರ್ಮಿಷ್ಠಾ ಧರ್ಮಚಾರಿಣೀ
ವ್ಯುಷ್ಟಿಃ ಖ್ಯಾತಿಃ ಸಿನೀವಾಲೀ ಕುಹೂಃ ಋತುಮತೀ ಮೃತಿಃ ||100||

ತವಾಷ್ಟ್ರೀ ವೈರೋಚನೀ ಮೈತ್ರೀ ನೀರಜಾ ಕೈಟಭೇಶ್ವರೀ
ಭ್ರಮಣೀ ಭ್ರಾಮಣೀ ಭ್ರಾಮಾ ಭ್ರಮರೀ ಭ್ರಾಮರೀ ಭ್ರಮಾ ||101||

ನಿಷ್ಕಲಾ ಕಲಹಾ ನೀತಾ ಕೌಲಾಕಾರಾ ಕಲೇಬರಾ
ವಿದ್ಯುಜ್ಜಿಹ್ವಾ ವರ್ಷಿಣೀ ಚ ಹಿರಣ್ಯಾಕ್ಷನಿಪಾತಿನೀ ||102||

ಜಿತಕಾಮಾ ಕಾಮೃಗಯಾ ಕೋಲಾ ಕಲ್ಪಾಂಗಿನೀ ಕಲಾ
ಪ್ರಧಾನಾ ತಾರಕಾ ತಾರಾ ಹಿತಾತ್ಮಾ ಹಿತಭೇದಿನೀ ||103||

ದುರಕ್ಷರಾ ಪರಂಬ್ರಹ್ಮ ಮಹಾತಾನಾ ಮಹಾಹವಾ
ವಾರುಣೀ ವ್ಯರುಣೀ ವಾಣೀ ವೀಣಾ ವೇಣೀ ವಿಹಂಗಮಾ ||104||

ಮೋದಪ್ರಿಯಾ ಮೋದಕಿನೀ ಪ್ಲವನೀ ಪ್ಲಾವಿನೀ ಪ್ಲುತಿಃ ಅಜರಾ ಲೋಹಿತಾ ಲಾಕ್ಷಾ ಪ್ರತಪ್ತಾ ವಿಶ್ವಭೋಜಿನೀ ||105||

ಮನೋ ಬುದ್ಧಿರಹಂಕಾರಃ ಕ್ಷೇತ್ರಜ್ಞಾ ಕ್ಷೇತ್ರಪಾಲಿಕಾ
ಚತುರ್ವೇದಾ ಚತುರ್ಭಾರಾ ಚತುರಂತಾ ಚರುಪ್ರಿಯಾ ||106||

ಚರ್ವಿಣೀ ಚೋರಿಣೀ ಚಾರೀ ಚಾಂಕರೀ ಚರ್ಮಭೇಭೈರವೀ
ನಿರ್ಲೇಪಾ ನಿಷ್ಪ್ರಪಂಚಾ ಚ ಪ್ರಶಾಂತಾ ನಿತ್ಯವಿಗ್ರಹಾ ||107||

ಸ್ತವ್ಯಾ ಸ್ತವಪ್ರಿಯಾ ವ್ಯಾಲಾ ಗುರುರಾಶ್ರಿತವತ್ಸಲಾ
ನಿಷ್ಕಲಂಕಾ ನಿರಾಲಂಬಾ ನಿರ್ದ್ವಂದ್ವಾ ನಿಷ್ಪರಿಗ್ರಹಾ ||108||

ನಿರ್ಗುಣಾ ನಿರ್ಮಲಾ ನಿತ್ಯಾ ನಿರೀಹಾ ನಿರಘಾ ನವಾ
ನಿರಿಂದ್ರಿಯಾ ನಿರಾಭಾಸಾ ನಿರ್ಮೋಹಾ ನೀತಿನಾಯಿಕಾ ||109||

ನಿರಿಂಧನಾ ನಿಷ್ಕಲಾ ಚ ಲೀಲಾಕಾರಾ ನಿರಾಮಯಾ
ಮುಂಡಾ ವಿರೂಪಾ ವಿಕೃತಾ ಪಿಂಗಲಾಕ್ಷೀ ಗುಣೋತ್ತರಾ ||110||

ಪದ್ಮಗರ್ಭಾ ಮಹಾಗರ್ಭಾ ವಿಶ್ವಗರ್ಭಾ ವಿಲಕ್ಷಣಾ
ಪರಮಾತ್ಮಾ ಪರೇಶಾನೀ ಪರಾ ಪಾರಾ ಪರಂತಪಾ ||111||

ಸಂಸಾರಸೇತುಃ ಕ್ರೂರಾಕ್ಷೀ ಮೂರ್ಚ್ಛಾ ಮತ್ತಾ ಮನುಪ್ರಿಯಾ
ವಿಸ್ಮಯಾ ದುರ್ಜಯಾ ದಕ್ಷಾ ತನುಹಂತ್ರೀ ದಯಾಲಯಾ ||112||

ಪರಬ್ರಹ್ಮಾಽಽನಂದರೂಪಾ ಸರ್ವಸಿದ್ಧಿವಿಧಾಯಿನೀ ಓಂ
ಏವಮುಡ್ಡಾಮರತಂತ್ರಾನ್ಮಯೋದ್ಧೃತ್ಯ ಪ್ರಕಾಶಿತಂ ||113||

ಗೋಪನೀಯಂ ಪ್ರಯತ್ನೇನ ನಾಖ್ಯೇಯಂ ಯಸ್ಯ ಕಸ್ಯಚಿತ್
ಯದೀಚ್ಛಸಿ ದ್ರುತಂ ಸಿದ್ಧಿಂ ಐಶ್ವರ್ಯಂ ಚಿರಜೀವಿತಾಂ ||114||

ಆರೋಗ್ಯಂ ನೃಪಸಮ್ಮಾನಂ ತದಾ ನಾಮಾನಿ ಕೀರ್ತಯೇತ್
ನಾಮ್ನಾಂ ಸಹಸ್ರಂ ವಾರಾಹ್ಯಾಃ ಮಯಾ ತೇ ಸಮುದೀರಿತಂ ||115||

ಯಃ ಪಠೇಚ್ಛೃಣುಯಾದ್ವಾಪಿ ಸರ್ವಪಾಪೈಃ ಪ್ರಮುಚ್ಯತೇ .
ಅಶ್ಚಮೇಧಸಹಸ್ರಸ್ಯ ವಾಜಪೇಯಶತಸ್ಯ ಚ ||116||

ಪುಂಡರೀಕಾಯುತಸ್ಯಾಪಿ ಫಲಂ ಪಾಠಾತ್ ಪ್ರಜಾಯತೇ
ಪಠತಃ ಸರ್ವಭಾವೇನ ಸರ್ವಾಃ ಸ್ಯುಃ ಸಿದ್ಧಯಃ ಕರೇ ||117||

ಜಾಯತೇ ಮಹದೈಶ್ವರ್ಯಂ ಸರ್ವೇಷಾಂ ದಯಿತೋ ಭವೇತ್
ಧನಸಾರಾಯತೇ ವಹ್ನಿರಗಾಧೋಽಬ್ಧಿಃ ಕಣಾಯತೇ ||118||

ಸಿದ್ಧಯಶ್ಚ ತೃಣಾಯಂತೇ ವಿಷಮಪ್ಯಮೃತಾಯತೇ
ಹಾರಾಯಂತೇ ಮಹಾಸರ್ಪಾಃ ಸಿಂಹಃ ಕ್ರೀಡಾಮೃಗಾಯತೇ ||119||

ದಾಸಾಯಂತೇ ಮಹೀಪಾಲಾ ಜಗನ್ಮಿತ್ರಾಯತೇಽಖಿಲಂ
ತಸ್ಮಾನ್ನಾಮ್ನಾಂ ಸಹಸ್ರೇಣ ಸ್ತುತಾ ಸಾ ಜಗದಂಬಿಕಾ
ಪ್ರಯಚ್ಛತ್ಯಖಿಲಾನ್ ಕಾಮಾನ್ ದೇಹಾಂತೇ ಪರಮಾಂ ಗತಿಂ ||120||

ಇತಿ ಉಡ್ಡಾಮರತಂತ್ರಾಂತರ್ಗತಂ ಶ್ರೀ ಆದಿ ವಾರಾಹೀ ಸಹಸ್ರನಾಮ ಸ್ತೋತ್ರಂ ಸಂಪೂರ್ಣಂ