ಶ್ರೀ ಕಾಳೀ ಕ್ರಮ ಸ್ತವಃ

ಶ್ರೀ ಕಾಳೀ ಕ್ರಮ ಸ್ತವಃ

ನಮಾಮಿ ಕಾಳಿಕಾ ದೇವೀಂ ಕಲಿಕಲ್ಮಷನಾಶಿನೀಂ |
ನಮಾಮಿ ಶಂಭುಪತ್ನೀಂ ಚ ನಮಾಮಿ ಭವಸುಂದರೀಂ || 1 ||

ಆದ್ಯಾಂ ದೇವೀ ನಮಸ್ಕೃತ್ಯ ನಮಸ್ತ್ರೈಲೋಕ್ಯಮೋಹಿನೀಂ |
ನಮಾಮಿ ಸತ್ಯಸಂಕಲ್ಪಾಂ ಸರ್ವಪರ್ವತವಾಸಿನೀಂ || 2 ||

ಪಾರ್ವತೀಂ ಚ ನಮಸ್ಕೃತ್ಯ ನಮೋ ನಿತ್ಯಂ ನಗಾತ್ಮಜೇ || 3 ||

ಮಾತಸ್ತ್ವದೀಯ ಚರಣಂ ಶರಣಂ ಸುರಾಣಾಂ
ಧ್ಯಾನಾಸ್ಪದೈರ್ದಿಶತಿ ವಾಂಛಿತವಾಂಛನೀಯಂ |
ಯೇಷಾಂ ಹೃದಿ ಸ್ಫುರತಿ ತಚ್ಚರಣಾರವಿಂದಂ
ಧನ್ಯಾಸ್ತ ಏವ ನಿಯತಂ ಸುರಲೋಕಪೂಜ್ಯಾಃ || 4 ||

ಗಂಧೈಃ ಶುಭೈಃ ಕುಂಕುಮ ಪಂಕಲೇಪೈ
ಮತಿಸ್ತ್ವದೀಯಂ ಚರಣಂ ಹಿ ಭಕ್ತಾಃ |
ಸ್ಮರಂತಿ ಶೃಣ್ವಂತಿ ಲುಠಂತಿಧೀರಾ-
-ಸ್ತೇಷಾಂ ಜರಾನೈವ ಭವೇದ್ಭವಾನಿ || 5 ||

ತವಾಂಘ್ರಿ ಪದ್ಮಂ ಶರಣಂ ಸುರಾಣಾಂ
ಪರಾಪರಾ ತ್ವಂ ಪರಮಾ ಪ್ರಕೃಷ್ಟಿಃ |
ದಿನೇ ದಿನೇ ದೇವ ಭವೇತ್ ಕರಸ್ಥಃ
ಕಿಮನ್ಯಮುಚ್ಚೈಃ ಕಥಯಂತಿ ಸಂತಃ || 6 ||

ಕವೀಂದ್ರಾಣಾಂ ದರ್ಪಂ ಕರಕಮಲಶೋಭಾ ಪರಿಚಿತಂ |
ವಿಧುನ್ವಜ್ಜಂಘಾ ಮೇ ಸಕಲಗಣಮೇತದ್ಗಿರಿಸುತೇ || 7 ||

ಅತಸ್ತ್ವತ್ಪಾದಾಬ್ಜಂ ಜನನಿ ಸತತಂ ಚೇತಸಿ ಮಮ |
ಹಿತಂ ನಾರೀಭೂತಂ ಪ್ರಣಿಹಿತಪದಂ ಶಾಂಕರಮಪಿ || 8 ||

ಯೇ ತೇ ದರಿದ್ರಾಃ ಸತತಂ ಹಿ ಮಾತ-
-ಸ್ತ್ವದೀಯಪಾದಂ ಮನಸಾ ನಮಂತಿ |
ದೇವಾಸುರಾಃ ಸಿದ್ಧವರಾಶ್ಚ ಸರ್ವೇ
ತವ ಪ್ರಸಾದಾತ್ ಸತತಂ ಲುಠಂತಿ || 9 ||

ಹರಿಸ್ತ್ವತ್ಪಾದಾಬ್ಜಂ ನಿಖಿಲಜಗತಾಂ ಭೂತಿರಭವತ್ |
ಶಿವೋ ಧ್ಯಾತ್ವಾ ಧ್ಯಾತ್ವಾ ಕಿಮಪಿ ಪರಮಂ ತತ್ಪರತರಂ || 10 ||

ಪ್ರಜಾನಾಂ ನಾಥೋಽಯಂ ತದನು ಜಗತಾಂ ಸೃಷ್ಟಿವಿಹಿತಂ |
ಕಿಮನ್ಯತ್ತೇ ಮಾತಸ್ತವ ಚರಣಯುಗ್ಮಸ್ಯ ಫಲತಾ || 11 ||

ಇಂದ್ರಃ ಸುರಾಣಾಂ ಶರಣಂ ಶರಣ್ಯೇ
ಪ್ರಜಾಪತಿಃ ಕಾಶ್ಯಪ ಏವ ನಾನ್ಯಃ |
ವರಃ ಪತಿರ್ವಿಷ್ಣುಭವಃ ಪರೇಶಿ
ತ್ವದೀಯಪಾದಾಬ್ಜಫಲಂ ಸಮಸ್ತಂ || 12 ||

ತ್ವದೀಯನಾಭೀ ನವ ಪಲ್ಲವೇವಾ
ನವಾಂಕುರೈರ್ಲೋಮವರೈಃ ಪ್ರಫುಲ್ಲಂ |
ಸದಾ ವರೇಣ್ಯೇ ಶರಣಂ ವಿಧೇಹಿ
ಕಿಂ ವಾಪರಂ ಚಿತ್ತವರೈರ್ವಿಭಾವ್ಯಂ || 13 ||

ತ್ವದೀಯ ಪಾದಾರ್ಚಿತ ವಸ್ತು ಸಂಭವಃ
ಸುರಾಸುರೈಃ ಪೂಜ್ಯಮವಾಯ ಶಂಭುಃ |
ತ್ವದೀಯ ಪಾದಾರ್ಚನ ತತ್ಪರೇ ಹರಿಃ
ಸುದರ್ಶನಾಧೀಶ್ವರತಾಮುಪಾಲಭತ್ || 14 ||

ಧರಿತ್ರೀ ಗಂಧರೂಪೇಣ ರಸೇನ ಚ ಜಲಂ ಧೃತಂ |
ತೇಜೋ ವಹ್ನಿಸ್ವರೂಪೇಣ ಪ್ರಣವೇ ಬ್ರಹ್ಮರೂಪಧೃಕ್ || 15 ||

ಮುಖಂ ಚಂದ್ರಾಕಾರಂ ತ್ರಿಭುವನಪದೇ ಯಾಮಸಹಿತಂ
ತ್ರಿನೇತ್ರಂ ಮೇ ಮಾತಃ ಪರಿಹರತಿ ಯಃ ಸ್ಯಾತ್ ಸ ತು ಪಶುಃ |
ನ ಸಿದ್ಧಿಸ್ತಸ್ಯ ಸ್ಯಾತ್ ಸುರತಸತತಂ ವಿಶ್ವಮಖಿಲಂ
ಕಟಾಕ್ಷೈಸ್ತೇ ಮಾತಃ ಸಫಲಪದಪದ್ಮಂ ಸ ಲಭತೇ || 16 ||

ಋತುಸ್ತ್ವಂ ಹರಿಸ್ತ್ವಂ ಶಿವಸ್ತ್ವಂ ಮುರಾರೇಃ
ಪುರಾ ತ್ವಂ ಪರಾ ತ್ವಂ ಸದಶೀರ್ಮುರಾರೇಃ |
ಹರಸ್ತ್ವಂ ಹರಿಸ್ತ್ವಂ ಶಿವಸ್ತ್ವಂ ಶಿವಾನಾಂ
ಗತಿಸ್ತ್ವಂ ಗತಿಸ್ತ್ವಂ ಗತಿಸ್ತ್ವಂ ಭವಾನಿ || 17 ||

ನವಾಽಹಂ ನವಾ ತ್ವಂ ನವಾ ವಾ ಕ್ರಿಯಾಯಾ
ವರಸ್ತ್ವಂ ಚರುಸ್ತ್ವಂ ಶರಣ್ಯಂ ಶರಾಯಾಃ |
ನದಸ್ತವಂ ನದೀಂ ತ್ವಂ ಗತಿಸ್ತ್ವಂ ನಿಧೀನಾಂ
ಸುತಸ್ತ್ವಂ ಸುತಾ ತ್ವಂ ಪಿತಾ ತ್ವಂ ಗೃಹೀಣಾಂ || 18 ||

ತ್ವದೀಯ ಮುಂಡಾಖ್ಯ ಭವಾನಿ ಮಾಲಾಂ
ವಿಧಾಯ ಚಿತ್ತೇ ಭವ ಪದ್ಮಜಾಪ್ಯಃ |
ಸುರಾಧಿಪತ್ವಂ ಲಭತೇ ಮುನೀಂದ್ರಃ
ಶರಣ್ಯಮೇತತ್ ಕಿಮಯೀಹ ಚಾನ್ಯತ್ || 19 ||

ನರಸ್ಯ ಮುಂಡಂ ಚ ತಥಾ ಹಿ ಖಡ್ಗಂ
ಭುಜದ್ವಯೇ ಯೇ ಮನಸಾ ಜಪಂತಿ |
ಸವ್ಯೇತರೇ ದೇವಿ ವರಾಭಯಂ ಚ
ಭವಂತಿ ತೇ ಸಿದ್ಧಜನಾ ಮುನೀಂದ್ರಾಃ || 20 ||

ಶಿರೋಪರಿ ತ್ವಾಂ ಹೃದಯೇ ನಿಧಾಯ
ಜಪಂತಿ ವಿದ್ಯಾಂ ಹೃದಯೇ ಕದಾಚಿತ್ |
ಸದಾ ಭವೇತ್ಕಾವ್ಯರಸಸ್ಯ ವೇತ್ತಾ
ಅಂತೇ ಪರದ್ವಂದ್ವಮುಪಾಶ್ರಯೇತ || 21 ||

ದಿಗಂಬರಾ ತ್ವಾಂ ಮನಸಾ ವಿಚಿಂತ್ಯ
ಜಪೇತ್ಪರಾಖ್ಯಾಂ ಜಗತಾಂ ಜನೀತಿ |
ಜಪೇತ್ಪರಾಖ್ಯಾಂ ಜಗತಾಂ ಮತಿಶ್ಚ
ಕಿಂವಾ ಪರಾಖ್ಯಾಂ ಶರಣಂ ಭವಾಮಃ || 22 ||

ಶಿವಾವಿರಾವೈಃ ಪರಿವೇಷ್ಟಿತಾಂ ತ್ವಾಂ
ನಿಧಾಯ ಚಿತ್ತೇ ಸತತಂ ಜಪಂತಿ |
ಭವೇಯ ದೇವೇಶಿ ಪರಾಪರಾದಿ
ನಿರೀಶತಾಂ ದೇವಿ ಪರಾ ವದಂತಿ || 23 ||

ತ್ವದೀಯ ಶೃಂಗಾರರಸಂ ನಿಧಾಯ
ಜಪಂತಿ ಮಂತ್ರಂ ಯದಿ ವೇದಮುಖ್ಯಾ |
ಭವಂತಿ ತೇ ದೇವಿ ಜನಾಪವಾದಂ
ಕವಿಃ ಕವೀನಾಮಪಿ ಚಾಗ್ರಜನ್ಮಾ || 24 ||

ವಿಕೀರ್ಣವೇಶಾಂ ಮನಸಾ ನಿಧಾಯ
ಜಪಂತಿ ವಿದ್ಯಾಂ ಚಕಿತಂ ಕದಾಚಿತ್ |
ಸುಧಾಧಿಪತ್ಯಂ ಲಭತೇ ನರಃ ಸ
ಕಿಮಸ್ತಿ ಭೂಮ್ಯಾಂ ಶೃಣು ಕಾಲಕಾಳಿ || 25 ||

ತ್ವದೀಯ ಬೀಜತ್ರಯಮಾತರೇತ-
-ಜ್ಜಪಂತಿ ಸಿದ್ಧಾಸ್ತು ವಿಮುಕ್ತಿಹೇತೋಃ |
ತದೇವ ಮಾತಸ್ತವಪಾದಪದ್ಮಾ
ಭವಂತಿ ಸಿದ್ಧಿಶ್ಚ ದಿನತ್ರಯೇಽಪಿ || 26 ||

ತ್ವದೀಯ ಕೂರ್ಚದ್ವಯಜಾಪಕತ್ವಾ-
-ತ್ಸುರಾಸುರೇಭ್ಯೋಽಪಿ ಭವೇಚ್ಚ ವರ್ಣಃ |
ಧನಿತ್ವ ಪಾಂಡಿತ್ಯಮಯಂತಿ ಸರ್ವೇ
ಕಿಂ ವಾ ಪರಾನ್ ದೇವಿ ಪರಾಪರಾಖ್ಯಾ || 27 ||

ತ್ವದೀಯ ಲಜ್ಜಾದ್ವಯ ಜಾಪಕತ್ವಾ-
-ದ್ಭವೇನ್ಮಹೇಶಾನಿ ಚತುರ್ಥಸಿದ್ಧಿಃ |
ತ್ವದೀಯ ಸತ್ಸಿದ್ಧಿ ವರಪ್ರಸಾದಾ-
-ತ್ತವಾಧಿಪತ್ಯಂ ಲಭತೇ ನರೇಶಃ || 28 ||

ತತಃ ಸ್ವನಾಮ್ನಃ ಶೃಣು ಮಾತರೇತ-
-ತ್ಫಲಂ ಚತುರ್ವರ್ಗ ವದಂತಿ ಸಂತಃ |
ಬೀಜತ್ರಯಂ ವೈ ಪುನರಪ್ಯುಪಾಸ್ಯ
ಸುರಾಧಿಪತ್ಯಂ ಲಭತೇ ಮುನೀಂದ್ರಃ || 29 ||

ಪುನಸ್ತಥಾ ಕೂರ್ಚಯುಗಂ ಜಪಂತಿ
ನಮಂತಿ ಸಿದ್ಧಾ ನರಸಿಂಹರೂಪಾ |
ತತೋಽಪಿ ಲಜ್ಜಾದ್ವಯಜಾಪಕತ್ವಾ
ಲಭಂತಿ ಸಿದ್ಧಿಂ ಮನಸೋ ಜನಾಸ್ತೇ || 30 ||

ತ್ರಿಪಂಚಾರೇ ಚಕ್ರೇ ಜನನಿ ಸತತಂ ಸಿದ್ಧಿ ಸಹಿತಾಂ |
ವಿಚಿನ್ವನ್ ಸಂಚಿನ್ವನ್ ಪರಮಮಮೃತಂ ದಕ್ಷಿಣ ಪದಂ || 31 ||

ಸದಾಕಾಳೀ ಧ್ಯಾತ್ವಾ ವಿಧಿ ವಿಹಿತ ಪೂಜಾಪರಿಕರಾ |
ನ ತೇಷಾಂ ಸಂಸಾರೇ ವಿಭವಪರಿಭಂಗಪ್ರಮಥನೇ || 32 ||

ತ್ವಂ ಶ್ರೀಸ್ತ್ವಮೀಶ್ವರೀ ಕಾಳೀ ತ್ವಂ ಹ್ರೀಸ್ತ್ವಂ ಚ ಕರಾಳಿಕಾ |
ಲಜ್ಜಾ ಲಕ್ಷ್ಮೀಃ ಸತೀ ಗೌರೀ ನಿತ್ಯಾಚಿಂತ್ಯಾ ಚಿತಿಃ ಕ್ರಿಯಾ || 33 ||

ಅಕುಲ್ಯಾದ್ಯೈಶ್ಚಿತ್ತೇ ಪ್ರಚಯಪದಪದ್ಯೈಃ ಪದಯುತೈಃ
ಸದಾ ಜಪ್ತ್ವಾ ಸ್ತುತ್ವಾ ಜಪತಿ ಹೃದಿ ಮಂತ್ರಂ ಮನುವಿದಾ |
ನ ತೇಷಾಂ ಸಂಸಾರೇ ವಿಭವಪರಿಭಂಗಪ್ರಮಥನೇ
ಕ್ಷಣಂ ಚಿತ್ತಂ ದೇವಿ ಪ್ರಭವತಿ ವಿರುದ್ಧೇ ಪರಿಕರಂ || 34 ||

ತ್ರಯಸ್ತ್ರಿಂಶೈಃ ಶ್ಲೋಕೈರ್ಯದಿ ಜಪತಿ ಮಂತ್ರಂ ಸ್ತವತಿ ಚ
ನಮಚ್ಚೈತಾನೇತಾನ್ ಪರಮಮೃತಕಲ್ಪಂ ಸುಖಕರಂ |
ಭವೇತ್ ಸಿದ್ಧಿ ಶುದ್ಧೌ ಜಗತಿ ಶಿರಸಾ ತ್ವತ್ಪದಯುಗಂ
ಪ್ರಣಮ್ಯಂ ಪ್ರಕಾಮ್ಯಂ ವರಸುರಜನೈಃ ಪೂಜ್ಯವಿತತಿಂ || 35 ||

ಇತಿ ಶ್ರೀ ಕಾಳೀ ಕ್ರಮ ಸ್ತವಃ |