Tripurasundari Veda Pada Stava

Shree tripurasundaree vedapaada stavah'

Vedapaadastavam' vakshye devyaah' priyachikeershayaa |
Yathaamati matim' devastanno dantih' prachodayaat || 1 ||

Akinchitkarakarmabhyah' pratyaahri'tya kri'paavashaat |
Subrahmanyah' stutaavasyaam' tannah' shanmukhah' prachodayaat || 2 ||

Akaaraadikshakaaraantavarnaavayavashaalinee |
Veenaapustakahastaavyaatprano devee sarasvatee || 3 ||

Yaa varnapadavaakyaarthagadyapadyasvaroopinee |
Vaachi nartayatu kshipram' medhaam' devee sarasvatee || 4 ||

Upaasyamaanaa viprendraih' sandhyaasu cha tisri'shvapi |
Sadyah' praseeda me maatah' sandhyaavidye sarasvatee || 5 ||

Mandaa nindaalolupaaham' svabhaavaa-
-detatstotram' pooryate kim' mayeti |
Maa te bheetirhe mate tvaadri'shaanaa-
-meshaa netree raadhasaa soonri'taanaam || 6 ||

Tarangabhrukut'eekot'ibhangyaa tarjayate jaraam |
Sudhaamayaaya shubhraaya sindhoonaam' pataye namah' || 7 ||

Tasya madhye manidveepah' kalpakaaraamabhooshitah' |
Astu me lalitaavaasah' svastidaa abhayankarah' || 8 ||

Kadambamanjareeniryadvaaruneepaaranonmadaih' |
Dvirephairvarnaneeyaaya vanaanaam' pataye namah' || 9 ||

Tatra vapraavalee leelaa gaganollanghigopuram |
Maatah' kautoohalam' dadyaatsagm'haaryam' nagaram' tava || 10 ||

Makarandajhareemajjanmilindakulasankulaam |
Mahaapadmaat'aveem' vande yashasaa sampareevri'taam || 11 ||

Tatraiva chintaamanidhoranaarchibhi-
-rvinirmitam' ropitaratnashri'ngam |
Bhaje bhavaaneebhavanaavatam'sa-
-maadityavarnam' tamasah' parastaat || 12 ||

Munibhih' svaatmalaabhaaya yachchakram' hri'di sevyate |
Tatra pashyaami buddhyaa tadakshare parame vyoman || 13 ||

Panchabrahmamayo manchastatra yo bindumadhyagah' |
Tava kaameshi vaaso'yamaayushmantam' karotu maam || 14 ||

Naanaaratnaguluchchhaaleekaantikimmeelitodaram |
Vimri'shaami vitaanam' te'tishlakshnamatilomasham || 15 ||

Paryankatalpopari darshaneeyam'
Sabaanachaapaankushapaashapaanim |
Asheshabhooshaaramaneeyameed'e
Trilochanam' neelakant'ham' prashaantam || 16 ||

Jat'aarunam' chandrakalaalalaamam'
Udvelalaavanyakalaabhiraamam |
Kaameshvaram' kaamasharaasanaankam'
Samastasaakshim' tamasah' parastaat || 17 ||

Tatra kaameshavaamaanke khelanteemalikuntalaam |
Sachchidaanandalahareem' mahaalakshmeemupaasmahe || 18 ||

Chaarugorochanaapankajambaalitaghanastaneem |
Namaami tvaamaham' lokamaataram' padmamaalineem || 19 ||

Shive namannirjarakunjaraasura-
-pratolikaamaulimareechiveechibhih' |
Idam' tava kshaalanajaatasaubhagam'
Charanam' no loke sudhitaam' dadhaatu || 20 ||

Kalpasyaadau kaaraneshaanapi tree-
-nsrasht'um' devi treengunaanaadadhaanaam |
Seve nityam' shreyase bhooyase tvaa-
-majaamekaam' lohitashuklakri'shnaam || 21 ||

Keshodbhootairadbhutaamodapoorai-
-raashaabri'ndam' saandramaapoorayanteem |
Tvaamaanamya tvatprasaadaatsvayambhoo-
-rasmaanmaayee sri'jate vishvametat || 22 ||

Ardhonmeeladyauvanoddaamadarpaam'
Divyaakalpairarpayanteem' mayookhaan |
Devi dhyaatvaa tvaam' puraa kait'abhaari-
-rvishvam' bibharti bhuvanasya naabhih' || 23 ||

Kalhaarashreemanjareepunjareetim'
Dhikkurvanteemamba te paat'alimnaa |
Moortim' dhyaatvaa shaashvateem' bhootimaaya-
-nnindro raajaa jagato ya eeshe || 24 ||

Devataantaramantraughajapashreephalabhootayaa |
Jaapakastava devyante vidyayaa vindate'mri'tam || 25 ||

Pum'skokilakalakvaanakomalaalaapashaalini |
Bhadraani kuru me maatarduritaani paraasuva || 26 ||

Antevaasinnasti chette mumukshaa
Vakshye yuktim' muktasarvaishanah' san |
Sadbhyah' saakshaatsundareem' jnyaptiroopaam'
Shraddhaabhaktidhyaanayogaadavehi || 27 ||

Shod'haanyaasaadidevaishcha sevitaa chakramadhyagaa |
Kaameshamahishee bhooyah' shod'ashee sharma yachchhatu || 28 ||

Shaanto daanto deshikendram' pranamya
Tasyaadeshaattaarakam' mantratattvam |
Jaaneete chedamba dhanyah' samaanam'
Naatah' param' veditavyam' hi kinchit || 29 ||

Tvameva kaaranam' kaaryam' kriyaa jnyaanam' tvameva cha |
Tvaamamba na vinaa kinchittvayi sarvam' pratisht'hitam || 30 ||

Paraagamadreendrasute tavaanghri-
-sarojayoramba dadhaami moordhnaa |
Alankri'tam' vedavadhooshirobhi-
-ryato jaato bhuvanaani vishvaa || 31 ||

Dusht'aandaityaanhantukaamaam' maharsheen
Shisht'aananyaanpaatukaamaam' karaabjaih' |
Asht'aabhistvaam' saayudhairbhaasamaanaam'
Durgaam' deveegm' sharanamaham' prapadye || 32 ||

Devi sarvaanavadyaangi tvaamanaadri'tya ye kriyaah' |
Kurvanti nishphalaasteshaamadugdhaa iva dhenavah' || 33 ||

Naaham' manye daivatam' maanyamanya-
-ttvatpaadaabjaadambike kumbhajaadyaah' |
Ye dhyaataaro bhaktisam'shuddhachittaah'
Paraamri'taatparimuchyanti sarve || 34 ||

Kurvaano'pi duraarambhaam'stava naamaani shaambhavi |
Prajapanneti maayaantamati mri'tyum' taraamyaham || 35 ||

Kalyaani tvam' kundahaasaprakaashai-
-rantardhvaantam' naashayantee kshanena |
Hantaasmaakam' dhyaayataam' tvatpadaabja-
-muchchatisht'ha mahate saubhagaaya || 36 ||

Titeershayaa bhavaambhodherhayagreevaadayah' puraa |
Apramattaa bhavatpoojaam' suvidvaam'so vitenire || 37 ||

Madvashyaa ye duraachaaraa ye cha sanmaargagaaminah' |
Bhavatyaah' kri'payaa sarve suvaryantu yajamaanaah' || 38 ||

Shreechakrasthaam' shaashvataishvaryadaatreem'
Paund'ram' chaapam' pushpabaanaandadhaanaam |
Bandhookaabhaam' bhaavayaami trinetraam'
Taamagnivarnaam' tapasaa jvalanteem || 39 ||

Bhavaani tava paadaabjanirnejanapavitrataah' |
Bhavaamayaprashaantyai tvaamapo yaachaami bheshajam || 40 ||

Chidaanandasudhaambhodhestavaanandalavo'sti yah' |
Kaaraneshaistribhih' saakam' tadvishvamupajeevati || 41 ||

No vaa yaagairnaiva poortaadikri'tyai-
-rno vaa japyairno mahadbhistapobhih' |
No vaa yogaih' kleshakri'dbhih' sumedhaa
Nichaayyemaam' shaantimatyantameti || 42 ||

Praatah' paahi mahaavidye madhyaahne tu mri'd'apriye |
Saayam' paahi jagadvandye punarnah' paahi vishvatah' || 43 ||

Bandhookaabhairbhaanubhirbhaasayantee
Vishvam' shashvattungapeenastanaardhaa |
Laavanyaabdheh' sundari tvam' prasaadaa-
-daayuh' prajaagm' rayimasmaasu dhehi || 44 ||

Karnaakarnaya me tattvam' yaa chichchhaktiriteeryate |
Trirvadaami mumukshoonaam' saa kaasht'haa saa paraa gatih' || 45 ||

Vaagdeveeti tvaam' vadantyamba kechi-
-llakshmeergaureetyevamanye'pyushanti |
Shashvanmaatah' pratyagadvaitaroopaam'
Sham'santi kechinnivido janaah' || 46 ||

Laliteti sudhaapooramaadhureechoramambike |
Tava naamaasti yattena jihvaa me madhumattamaa || 47 ||

Ye sampannaah' saadhanaistaishchatturbhih'
Shushrooshaabhirdeshikam' preenayanti |
Samyagvidvaan shuddhasattvaantaraanaam'
Teshaamevaitaam' brahmavidyaam' vadeta || 48 ||

Abhichaaraadibhih' kri'tyaam' yah' prerayati mayyume |
Tava hunkaarasantrastaa pratyakkartaaramri'chchhatu || 49 ||

Jagatpavitri maamikaamapaaharaashu durjaraam |
Praseeda me dayaadhune prashastimamba nah' skri'dhi || 50 ||

Kadambaarunamambaayaa roopam' chintaya chitta me |
Muncha paapeeyaseem' nisht'haam' maa gri'dhah' kasya sviddhanam || 51 ||

Bhand'abhand'analeelaayaam' raktachandanapankilah' |
Ankushastava tam' hanyaadyashcha no dvishate janah' || 52 ||

Re re chitta tvam' vri'dhaa shokasindhau
Majjasyantarvachmyupaayam' vimuktyai |
Devyaah' paadau poojayaikaaksharena
Tatte padam' sangrahena braveemyom || 53 ||

Chanchadbaalaatapajyotsnaakalaamand'alashaaline |
Aikshavaaya namo maatarbaahubhyaam' tava dhanvane || 54 ||

Taamevaadyaam' brahmavidyaamupaase
Moortairvedaih' stooyamaanaam' bhavaaneem |
Hanta svaatmatvena yaam' muktikaamo
Matvaa dheero harshashokau jahaati || 55 ||

Sharanam' karavaanyamba charanam' tava sundari |
Shape tvatpaadukaabhyaam' me naanyah' panthaa ayanaaya || 56 ||

Ratnachchhatraishchaamarairdarpanaadyai-
-shchakreshaaneem' sarvadopaacharantyah' |
Yoginyo'nyaah' shaktayashchaanimaadyaa
Yooyam' paatah' svastibhih' sadaa nah' || 57 ||

Daridram' maam' vijaaneehi sarvajnyaasi yatah' shive |
Dooreekri'tyaashu duritamathaa no vardhayaa rayim || 58 ||

Maheshvari mahaamantrakoot'atrayakalebare |
Kaadividyaaksharashrenimushantastvaa havaamahe || 59 ||

Moolaadhaaraadoordhvamantashcharanteem'
Bhittvaa grantheenmoordhni niryatsudhaardraam |
Pashyantastvaam' ye cha tri'ptim' labhante
Teshaam' shaantih' shaashvatee netareshaam || 60 ||

Mahyam' druhyanti ye maatastvaddhyaanaasaktachetase |
Taanamba saayakairebhirava brahmadvisho jahi || 61 ||

Tvadbhaktaanaamamba shaantaishanaanaam'
Brahmisht'haanaam' dri'sht'ipaatena pootah' |
Paapeeyaanapyaavri'tah' svarvadhoobhih'
Shokaatigo modate svargaloke || 62 ||

Santu vidyaa jagatyasminsam'saarabhramahetavah' |
Bhaje'ham' tvaam' yayaa vidvaanvidyayaamri'tamashnute || 63 ||

Vidvanmukhyairvidrumaabham' vishaala-
-shroneeshinjanmekhalaakinkineekam |
Chandrottam'sam' chinmayam' vastu kinchi-
-dviddhi tvametannihitam' guhaayaam || 64 ||

Na vismaraami chinmoortimikshukodand'ashaalineem |
Munayah' sanakapresht'haastaamaahuh' paramaam' gatim || 65 ||

Chakshuh'prenkhatpremakaarunyadhaaraam'
Ham'sajyotsnaapoorahri'shyachchakoraam |
Yaamaashlishyanmodate devadevah'
Saa no devee suhavaa sharma yachchhatu || 66 ||

Muncha vanchakataam' chitta paamaram' chaapi daivatam |
Gri'haana padamambaayaa etadaalambanam' param || 67 ||

Kaa me bheetih' kaa kshatih' kim' duraapam'
Kaameshaankottungaparyankasam'sthaam |
Tattvaateetaamachyutaanandadaatreem'
Deveemaham' nirri'tim' vandamaanah' || 68 ||

Chintaamanimayottam'sakaantikanchukitaanane |
Lalite tvaam' sakri'nnatvaa na bibheti kutashchana || 69 ||

Taarunyottungitakuche laavanyollaasitekshane |
Tavaajnyayaiva kaamaadyaa maasmaanpraapannaraatayah' || 70 ||

Aakarnaakri'sht'akaamaasastrasanjaatam' taapamamba me |
Aachaamatu kat'aakshaste parjanyo vri'sht'imaaniva || 71 ||

Kurve garvenaapachaaraanapaaraa-
-nadyapyamba tvatpadaabjam' tathaapi |
Manye dhanye devi vidyaavalambam'
Maateva putram' bibhri'taasvenam || 72 ||

Yathopaastikshatirna syaattava chakrasya sundari |
Kri'payaa kuru kalyaani tathaa me svastiraayushi || 73 ||

Chakram' seve taarakam' sarvasidhyai
Shreemanmaatah' siddhayashchaanimaadyaah' |
Nityaa mudraa shaktayashchaangadevyo
Yasmindevaa adhi vishve nisheduh' || 74 ||

Sukumaare sukhaakaare sunetre sookshmamadhyame |
Suprasannaa bhava shive sumri'd'eekaa sarasvatee || 75 ||

Vidyudvalleekandaleem' kalpayanteem'
Moortim' sphoortyaa pankajam' dhaarayanteem |
Dhyaayanhi tvaam' jaayate saarvabhaumo
Vishvaa aashaah' pri'tanaah' sanjayanjayan || 76 ||

Avijnyaaya paraam' shaktimaatmabhootaam' maheshvareem |
Aho patanti nirayeshveke chaatmahano janaah' || 77 ||

Sindooraabhaih' sundarairam'shubri'ndai-
-rlaakshaalakshmyaam' majjayanteem' jaganti |
Herambaamba tvaam' hri'daa lambate ya-
-stasmai vishah' svayamevaanamante || 78 ||

Tava tattvam' vimri'shataam' pratyagadvaitalakshanam |
Chidaanandaghanaadanyanneha naanaasti kinchana || 79 ||

Kant'haatkund'alineem' neetvaa sahasraaram' shive tava |
Na punarjaayate garbhe sumedhaa amri'tokshitah' || 80 ||

Tvatpaadukaanusandhaanapraaptasarvaatmataadri'shi |
Poornaahankri'timatyasminna karma lipyate nare || 81 ||

Tavaanugrahanirbhinnahri'dayagranthiradrije |
Svaatmatvena jaganmatvaa tato na vijugupsate || 82 ||

Kadaa vasudalopete trikonanavakaanvite |
Aavaahayaami chakre tvaam' sooryaabhaam' shriyamaishvareem || 83 ||

Hreemityekam' taavakam' vaachakaarnam'
Yajjihvaagre devi jaagarti kinchit |
Ko vaayam' syaatkaamakaamastrilokyaam'
Sarve'smai devaah' balimaavahanti || 84 ||

Naakastreenaam' kinnareenaam' nri'paanaa-
-mapyaakarshee chetasaa chintaneeyam |
Tvatpaanistham' kunkumaabham' shive yam'
Dvishmastasminprati munchaami paasham || 85 ||

Noonam' sim'haasaneshvaryaastavaajnyaam' shirasaa vahan |
Bhayena pavamaano'yam' sarvaa disho'nuvidhaavati || 86 ||

Trikalaad'hyaam' trihri'llekhaam' dviham'sasvarabhooshitaam |
Yo japatyamba te vidyaam' so'ksharah' paramah' svaraat' || 87 ||

Daaridryaabdhau devi magno'pi shashva-
-dvaachaa yaache naahamamba tvadanyam |
Tasmaadasmadvaanchhitam' poorayaita-
-dushaa saa naktaa sudugheva dhenuh' || 88 ||

Yo vaa yadyatkaamanaakri'sht'achittah'
Stutvopaaste devi te chakravidyaam |
Kalyaanaanaamaalayah' kaalayogaa-
-ttam' tam' lokam' jayate taam'shcha kaamaan || 89 ||

Saadhakah' satatam' kuryaadaikyam' shreechakradehayoh' |
Tathaa devyaatmanoraikyametaavadanushaasanam || 90 ||

Hastaambhojaprollasachchaamaraabhyaam'
Shreevaaneebhyaam' paarshvayorveejyamaanaam |
Shreesam'mraajnyi tvaam' sadaalokayeyam'
Sadaa sadbhih' sevyamaanaam' nigood'haam || 91 ||

Isht'aanisht'apraaptivichchhittihetuh'
Stotum' vaachaam' kluptirityeva manye |
Tvadroopam' hi svaanubhootyaikavedyam'
Na chakshushaa gri'hyate naapi vaachaa || 92 ||

Harasvaraishchaturvargapradam' mantram' sabindukam |
Devyaa japata viprendraa anyaa vaacho vimunchatha || 93 ||

Yaste raakaachandrabimbaasanasthaam'
Peeyooshaabdhim' kalpayanteem' mayookhaih' |
Moortim' bhaktyaa dhyaayate hri'tsaroje
Na tasya rogo na jaraa na mri'tyuh' || 94 ||

Tubhyam' maataryo'njalim' moordhni dhatte
Maulishrenyaa bhoobhujastam' namanti |
Yah' stauti tvaamamba chidvallivaachaa
Tam' dheeraasah' kavaya unnayanti || 95 ||

Vairinchoghairvishnurudrendrabri'ndai-
-rdurgaakaaleebhairaveeshaktisanghaih' |
Yantreshi tvam' vartase stooyamaanaa
Na tatra sooryo bhaati na chandrataarakam || 96 ||

Bhootyai bhavaani tvaam' vande suraah' shatamakhaadayah' |
Tvaamaanamya samri'ddhaah' syuraayo dhaamaani divyaani || 97 ||

Pushpavatpullataat'ankaam' praataraadityapaat'alaam |
Yastvaamantah' smaratyamba tasya devaa asanvashe || 98 ||

Vashye vidrumasankaashaam' vidyaayaam' vishadaprabhaam |
Tvaamamba bhaavayedbhootyai suvarnaam' hemamaalineem || 99 ||

Vaamaankasthaameeshiturdeepyamaanaam'
Bhooshaabri'ndairindurekhaavatam'saam |
Yastvaam' pashyan santatam' naiva tri'ptah'
Tasmai cha devi vashad'astu tubhyam || 100 ||

Navaneepavaneevaasalaalasottaramaanase |
Shri'ngaaradevate maatah' shriyam' vaasaya me kule || 101 ||

Bhaktyaabhaktyaa vaapi padyaavasaana-
-shrutyaa stutyaa chaitayaa stauti yastvaam |
Tasya kshipram' tvatprasaadena maatah'
Satyaah' santu yajamaanasya kaamaah' || 102 ||

Baalishena mayaa proktamapi vaatsalyashaalinoh' |
Aanandamaadidampatyorimaa vardhantu vaangirah' || 103 ||

Maadhureesaurabhaavaasachaapasaayakadhaarineem |
Deveem' dhyaayan pat'hedetatsarvakaamaarthasiddhaye || 104 ||

Stotrametatprajapatastava tripurasundari |
Anudveekshya bhayaaddooram' mri'tyurdhaavati panchamah' || 105 ||

Yah' pat'hati stutimetaam'
Vidyaavantam' tamamba dhanavantam |
Kuru devi yashasvantam'
Varchasvantam' manushyeshu || 106 ||

Ye shri'nvanti stutimimaam' tava devyanasooyakaah' |
Tebhyo dehi shriyam' vidyaamudvarcha uttanoobalam || 107 ||

Tvaamevaaham' staumi nityam' pranaumi
Shreevidyeshaam' vachmi sanchintayaami |
Adhyaaste yaa vishvamaataa viraajo
Hri'tpund'areekam' virajam' vishuddham || 108 ||

Shankarena rachitam' stavottamam'
Yah' pat'hejjagati bhaktimaannarah' |
Tasya siddhiratulaa bhaveddhruvaa
Sundaree cha satatam' praseedati || 109 ||

Yatraiva yatraiva mano madeeyam'
Tatraiva tatraiva tava svaroopam |
Yatraiva yatraiva shiro madeeyam'
Tatraiva tatraiva padadvayam' te || 110 ||

Iti shreematparamaham'saparivraajakaachaaryasya shreegovindabhagavatpoojyapaadashishyasya
Shreemachchhankarabhagavatah' kri'tau tripurasundaree vedapaada stavah' |