Sri Shiva Kavacham

Shree shiva kavacham'

Ri'shabha uvaacha |
Namaskri'tya mahaadevam' vishvavyaapinameeshvaram |
Vakshye shivamayam' varma sarvarakshaakaram' nri'naam || 1 ||

Shuchau deshe samaaseeno yathaavatkalpitaasanah' |
Jitendriyo jitapraanashchintayechchhivamavyayam || 2 ||

Hri'tpund'areekaantarasannivisht'am'
Svatejasaa vyaaptanabhovakaasham |
Ateendriyam' sookshmamanantamaadyam'
Dhyaayetparaanandamayam' mahesham || 3 ||

Dhyaanaavadhootaakhilakarmabandha-
-shchiram' chidaanandanimagnachetaah' |
Shad'aksharanyaasasamaahitaatmaa
Shaivena kuryaatkavachena rakshaam || 4 ||

Maam' paatu devo'khiladevataatmaa
Sam'saarakoope patitam' gabheere |
Tannaama divyam' varamantramoolam'
Dhunotu me sarvamagham' hri'distham || 5 ||

Sarvatra maam' rakshatu vishvamoorti-
-rjyotirmayaanandaghanashchidaatmaa |
Anoraneeyaanurushaktirekah'
Sa eeshvarah' paatu bhayaadasheshaat || 6 ||

Yo bhoosvaroopena bibharti vishvam'
Paayaatsa bhoomergirisho'sht'amoortih' |
Yo'paam' svaroopena nri'naam' karoti
Sanjeevanam' so'vatu maam' jalebhyah' || 7 ||

Kalpaavasaane bhuvanaani dagdhvaa
Sarvaani yo nri'tyati bhoorileelah' |
Sa kaalarudro'vatu maam' davaagne-
-rvaatyaadibheeterakhilaachcha taapaat || 8 ||

Pradeeptavidyutkanakaavabhaaso
Vidyaavaraabheetikut'haarapaanih' |
Chaturmukhastatpurushastrinetrah'
Praachyaam' sthitam' rakshatu maamajasram || 9 ||

Kut'haara khet'aankushapaashashoola
Kapaalad'hakkaakshagunaandadhaanah' |
Chaturmukho neelaruchistrinetrah'
Paayaadaghoro dishi dakshinasyaam || 10 ||

Kundendushankhasphat'ikaavabhaaso
Vedaakshamaalaavaradaabhayaankah' |
Tryakshashchaturvaktra uruprabhaavah'
Sadyodhijaatovatu maam' prateechyaam || 11 ||

Varaakshamaalaabhayat'ankahastah'
Sarojakinjalkasamaanavarnah' |
Trilochanashchaaruchaturmukho maam'
Paayaadudeechyaam' dishi vaamadevah' || 12 ||

Vedaabhayesht'aankushat'ankapaasha-
-kapaalad'hakkaaksharashoolapaanih' |
Sitadyutih' panchamukho'vataanmaa-
-meeshaana oordhvam' paramaprakaashah' || 13 ||

Moordhaanamavyaanmama chandramaul'ih'
Phaalam' mamaavyaadatha phaalanetrah' |
Netre mamaavyaadbhaganetrahaaree
Naasaam' sadaa rakshatu vishvanaathah' || 14 ||

Paayaachchhrutee me shrutigeetakeertih'
Kapolamavyaatsatatam' kapaalee |
Vaktram' sadaa rakshatu panchavaktro
Jihvaam' sadaa rakshatu vedajihvah' || 15 ||

Kant'ham' gireesho'vatu neelakant'hah'
Paanidvayam' paatu pinaakapaanih' |
Dormoolamavyaanmama dharmabaahuh'
Vakshah'sthalam' dakshamakhaantako'vyaat || 16 ||

Mamodaram' paatu gireendradhanvaa
Madhyam' mamaavyaanmadanaantakaaree |
Herambataato mama paatu naabhim'
Paayaatkat'im' dhoorjat'ireeshvaro me || 17 ||

Oorudvayam' paatu kuberamitro
Jaanudvayam' me jagadeeshvaro'vyaat |
Janghaayugam' pungavaketuravyaa-
-tpaadau mamaavyaatsuravandyapaadah' || 18 ||

Maheshvarah' paatu dinaadiyaame
Maam' madhyayaame'vatu vaamadevah' |
Triyambakah' paatu tri'teeyayaame
Vri'shadhvajah' paatu dinaantyayaame || 19 ||

Paayaannishaadau shashishekharo maam'
Gangaadharo rakshatu maam' nisheethe |
Gaureepatih' paatu nishaavasaane
Mri'tyunjayo rakshatu sarvakaalam || 20 ||

Antah'sthitam' rakshatu shankaro maam'
Sthaanuh' sadaa paatu bahih'sthitam' maam |
Tadantare paatu patih' pashoonaam'
Sadaashivo rakshatu maam' samantaat || 21 ||

Tisht'hantamavyaadbhuvanaikanaathah'
Paayaadvrajantam' pramathaadhinaathah' |
Vedaantavedyo'vatu maam' nishannam'
Maamavyayah' paatu shivah' shayaanam || 22 ||

Maargeshu maam' rakshatu neelakant'hah'
Shailaadidurgeshu puratrayaarih' |
Aranyavaasaadimahaapravaase
Paayaanmri'gavyaadha udaarashaktih' || 23 ||

Kalpaantakaat'opapat'uprakopah' [kaalogra]
Sphut'aat't'ahaasochchalitaand'akoshah' |
Ghoraarisenaarnavadurnivaara-
-mahaabhayaadrakshatu veerabhadrah' || 24 ||

Pattyashvamaatangaghat'aavarootha-
-sahasralakshaayutakot'ibheeshanam |
Akshauhineenaam' shatamaatataayinaam'
Chhindyaanmri'd'o ghorakut'haaradhaarayaa || 25 ||

Nihantu dasyoonpral'ayaanalaarchi-
-rjvalattrishoolam' tripuraantakasya |
Shaardoolasim'harkshavri'kaadihim'sraan
Santraasayatveeshadhanuh' pinaakam || 26 ||

Duh'svapna duh'shakuna durgati daurmanasya
Durbhiksha durvyasana duh'saha duryashaam'si |
Utpaatataapavishabheetimasadgrahaarti-
-vyaadheem'shcha naashayatu me jagataamadheeshah' || 27 ||

Om namo bhagavate sadaashivaaya sakalatattvaatmakaaya sakalatattvavidooraaya
Sakalalokaikakartre sakalalokabhartre sakalalokaikahartre sakalalokaikagurave sakalalokaikasaakshine sakalanigamaguhyaaya sakalavarapradaaya sakaladuritaartibhanjanaaya sakalajagadabhayankaraaya sakalalokaikashankaraaya shashaankashekharaaya shaashvatanijaavaasaaya nirgunaaya nirupamaaya neeroopaaya niraabhaasaaya niraamayaaya nishprapanchaaya nishkal'ankaaya nirdvandvaaya nih'sangaaya nirmalaaya nirgamaaya nityaroopavibhavaaya nirupamavibhavaaya niraadhaaraaya
Nityashuddhabuddhaparipoornasachchidaanandaadvayaaya paramashaantaprakaashatejoroopaaya
Jayajaya mahaarudra mahaaraudra bhadraavataara duh'khadaavadaarana mahaabhairava kaalabhairava kalpaantabhairava kapaalamaalaadhara khat'vaanga khad'ga charma paashaankusha d'amaru shoola chaapa baana gadaa shakti bhind'i paala tomara musala mudgara pat't'isha parashu parigha bhushund'ee shataghnee chakraadyaayudhabheeshanakara sahasramukha dam'sht'raakaraal'a vikat'aat't'ahaasa vispharita brahmaamand'ala naagendrakund'ala naagendrahaara naagendravalaya naagendracharmadhara mri'tyunjaya tryambaka tripuraantaka viroopaaksha vishveshvara vishvaroopa vri'shabhavaahana vishabhooshana vishvatomukha sarvato raksharaksha maam' jvalajvala mahaamri'tyubhayamapamri'tyubhayam' naashayanaashaya rogabhayamutsaadayotsaadaya vishasarpabhayam' shamayashamaya chorabhayam' maarayamaaraya mama shatroonuchchaat'ayochchaat'aya shoolena vidaaraya vidaaraya kut'haarena bhindhibhindhi khad'gena chhindhichhindhi khat'vaangena vipothaya vipothaya musalena nishpeshayanishpeshaya baanaih'santaad'aya santaad'aya rakshaam'si bheeshayabheeshaya bhootaani vidraavayavidraavaya kooshmaand'avetaal'amaareegana brahmaraakshasaan santraasayasantraasaya mamaabhayam' kurukuru vitrastam' maamaashvaasayaashvaasaya narakabhayaanmaamuddhaarayoddhaaraya sanjeevayasanjeevaya kshutri'd'bhyaam' maamaapyaayayaapyaayaya duh'khaaturam' maamaanandayaanandaya shivakavachena maamaachchhaadayaachchhaadaya tryambaka sadaashiva namaste namaste namaste |

Ri'shabha uvaacha |
Ityetatkavacham' shaivam' varadam' vyaahri'tam' mayaa |
Sarvabaadhaaprashamanam' rahasyam' sarvadehinaam || 28 ||

Yah' sadaa dhaarayenmartyah' shaivam' kavachamuttamam |
Na tasya jaayate kvaapi bhayam' shambhoranugrahaat || 29 ||

Ksheenaayurmri'tyumaapanno mahaarogahato'pi vaa |
Sadyah' sukhamavaapnoti deerghamaayushcha vindati || 30 ||

Sarvadaaridryashamanam' saumaangalyavivardhanam |
Yo dhatte kavacham' shaivam' sa devairapi poojyate || 31 ||

Mahaapaatakasanghaatairmuchyate chopapaatakaih' |
Dehaante shivamaapnoti shivavarmaanubhaavatah' || 32 ||

Tvamapi shraddhayaa vatsa shaivam' kavachamuttamam |
Dhaarayasva mayaa dattam' sadyah' shreyo hyavaapsyasi || 33 ||

Soota uvaacha |
Ityuktvaa ri'shabho yogee tasmai paarthivasoonave |
Dadau shankham' mahaaraavam' khad'gam' chaarinishoodanam || 34 ||

Punashcha bhasma sam'mantrya tadangam' sarvato'spri'shat |
Gajaanaam' shat'sahasrasya dvigunam' cha balam' dadau || 35 ||

Bhasmaprabhaavaatsampraapya balaishvaryadhri'tismri'tih' |
Sa raajaputrah' shushubhe sharadarka iva shriyaa || 36 ||

Tamaaha praanjalim' bhooyah' sa yogee raajanandanam |
Esha khad'go mayaa dattastapomantraanubhaavatah' || 37 ||

Shitadhaaramimam' khad'gam' yasmai darshayasi sphut'am |
Sa sadyo mriyate shatruh' saakshaanmri'tyurapi svayam || 38 ||

Asya shankhasya nihraadam' ye shri'nvanti tavaahitaah' |
Te moorchhitaah' patishyanti nyastashastraa vichetanaah' || 39 ||

Khad'gashankhaavimau divyau parasainyavinaashinau |
Aatmasainyasvapakshaanaam' shauryatejovivardhanau || 40 ||

Etayoshcha prabhaavena shaivena kavachena cha |
Dvishat'sahasranaagaanaam' balena mahataapi cha || 41 ||

Bhasmadhaaranasaamarthyaachchhatrusainyam' vijeshyasi |
Praapya sim'haasanam' paitryam' goptaasi pri'thiveemimaam || 42 ||

Iti bhadraayusham' samyaganushaasya samaatri'kam |
Taabhyaam' sampoojitah' so'tha yogee svairagatiryayau || 43 ||

Iti shreeskaandapuraane tri'teeye brahmottarakhand'e shivakavachakathanam' naama dvaadasho'dhyaayah' |