Sri Kanakadurga Ananda Lahari

Shree kanakadurgaanandalaharee

Vande gurupadadvandvamavaangmaanasagocharam |
Raktashuklaprabhaamishramatarkyam' traipuram' mahah' ||

Akhand'amand'alaakaaram' vishvam' vyaapya vyavasthitam |
Tatpadam' darshitam' yena tasmai shreegurave namah' ||

Shive sevaasaktaashritabharanakaaryaikachature
Shirobhirvedaanaam' chiravinutakal'yaanacharite |
Smitajyotsnaaleelaaruchiraruchimachchandravadane
Jaganmaatarmaatarjaya kanakadurge bhagavati || 1 ||

Nagaadheeshet'kanye nalinadal'asankaashanayane
Sugeetairgandharvaih' surayuvatibhishchaanucharite |
Aganyairaamnaayairapi gunanikaayairvilasite
Jaganmaatarmaatarjaya kanakadurge bhagavati || 2 ||

Nijashreyaskaamairnit'alaghat'itaanchatkaraput'e
Stuvadbhih' saanandam' shrutimadhuravaachaam' virachanaih' |
Asankhyairbrahmaadyairamarasamudaayaih' parivri'te
Dayaa kartavyaa te mayi kanakadurge bhagavati || 3 ||

Bhavatpaadanyaasochitakanakapeet'heeparisare
Patantah' saasht'aangam' muditahri'dayaa brahmari'shayah' |
Na vaanchhanti svargam' na cha kamalasambhootabhavanam'
Na vaa muktermaargam' nanu kanakadurge bhagavati || 4 ||

Shacheesvaahaadeveepramukhaharideeshaanaramanee
Maneehastanyastairmanikhachitapaatrairanudinam |
Sasangeetam' neeraajitacharanapankeruhayuge
Kri'paapooram' mahyam' disha kanakadurge bhagavati || 5 ||

Pravarshatyashraantam' bahugunamabheesht'aarthanichayam'
Svaroopadhyaatree'naam' chikura nikurumbam' tava shive |
Apaamekam' varsham' vitarati kadaachijjaladharo
Dvayoh' saamyam' kim' syaannanu kanakadurge bhagavati || 6 ||

Kri'shaangam' svaaraatim' tuhinakaramaavri'tya tarasaa
Sthitam' manye dhanye timiranikaram' te kachabharam |
Sahaayam' kri'tvaayam' haramanasi mohaandhatamasam'
Vitene kaamah' shreemati kanakadurge bhagavati || 7 ||

Tamo naamnaa samyaggal'itapunarudvaantaruchira-
-prabhaashesham' bhaanoriva tarunimaanam' dhri'tavatah' |
Tvadeeye seemante kri'tapadamidam' kunkumarajo-
-vasedashraantam' me hri'di kanakadurge bhagavati || 8 ||

Trilokee vaichitreejanakaghanasaundaryasadanam'
Viraajatkastooreetilakamapi phaale vijayate |
Yadaalokavreed'aakupita iva joot'e pashupate-
-rvileeno baalendurnanu kanakadurge bhagavati || 9 ||

Paraabhootashcheshaal'ikanayanakeelaavilasanaa-
-dvisri'jya praacheenam' bhuvanavinutam' kaarmukavaram |
Haram' jetum' tvadbhroochchhalamaparabaanaasanayugam'
Smaro dhatte sarveshvari kanakadurge bhagavati || 10 ||

Tvadeeyabhroovalleechchhalamadanakodand'ayugal'ee
Sameepe vibhraajattava suvipulam' netrayugal'am |
Vijetum' svaaraatim' vikachanavaneelotpalashara-
-dvayam' tenaaneetam' khalu kanakadurge bhagavati || 11 ||

Daridram' shreemantam' jarat'hamabalaanaam' priyatamam'
Jad'am' sankhyaavantam' samarachalitam' shauryakalitam |
Manushyam' kurvanto'maraparivri'd'ham' nityasadayaah'
Kat'aakshaaste kaaryaa mayi kanakadurge bhagavati || 12 ||

Puraaraaterbaanaah' kusumasharatooneeragal'itaa
Nataanaam' santraane niravadhisudhaaveechinichayaah' |
Viyadgangaabhangaa bahuduritajaalaavri'timataam'
Kat'aakshaaste kaaryaa mayi kanakadurge bhagavati || 13 ||

Daridraanaam' kalpadrumasumamarandodakajharaa
Avidyaadhvaantaanaamarunakiranaanaam' vihri'tayah' |
Puraa punyashreneesulalitalataachaitrasamayaah'
Kat'aakshaaste kaaryaa mayi kanakadurge bhagavati || 14 ||

Gajanto vaahantah' kanakamaninirmaanavilasaa
Rathantashchhatranto balayuta bhat'antah' pratidinam |
Svabhaktaanaam' gehaanganabhuvi charanto nirupamaah'
Kat'aakshaaste kaaryaa mayi kanakadurge bhagavati || 15 ||

Puraaraaterangam' pulakanikurumbaih' parivri'tam'
Munivraatairdhyaatam' mukul'ayutakalpadrumanibham |
Shrayantashchaanandam' vichaladal'ipotaa iva chiram'
Kat'aakshaaste kaaryaa mayi kanakadurge bhagavati || 16 ||

Haribrahmendraadyaih' shrutividitageervaananichayai-
-rvasisht'havyaasaadyairapi cha paramabrahmari'shibhih' |
Samastairaashaasyaah' sakalashubhadaa yadvihri'tayah'
Kat'aakshaaste kaaryaa mayi kanakadurge bhagavati || 17 ||

Virinchiryadyogaadvirachayati lokaan pratidinam'
Vidhatte lakshmeesho vividhajagataam' rakshanavidhim |
Lalaat'aaksho daksho'bhavadakhilasam'haarakarane
Kat'aakshaaste kaaryaa mayi kanakadurge bhagavati || 18 ||

Urobhaage shambhorvikachanavaneelotpaladal'a-
-srajam' sangri'hnanto mri'gamadarasam' phaalaphalake |
Shiro'gre gangaayaam' raviduhitri'sandehajanakaah'
Kat'aakshaaste kaaryaa mayi kanakadurge bhagavati || 19 ||

Madeeyashreeleelaaharanapat'upaat'achcharamiti
Kvataa hantaagantum' shrutivimalaneelotpalamiva |
Tadabhyarnam' yaataah' sahajanijavaishaalyakalitaah'
Kat'aakshaaste kaaryaa mayi kanakadurge bhagavati || 20 ||

Kal'ankee maasaante vahati kri'shataam' nityajad'a i-
-tyamum' chandram' hitvaa tava vadanachandraashritamidam |
Sthitam' jeevam' jeevadvitayamiti manye nayanayo-
-ryugam' kaamaaraateh' sati kanakadurge bhagavati || 21 ||

Prasaado mayyaaste mayi cha sahajam' saurabhamidam'
Tulaa me maitasyetyaviratavivaadaabhiratayoh' |
Nivri'ttaa nedaaneemapi cha riputaa glaunal'inayo-
-stvadaasyam' dri'sht'vaa shreemati kanakadurge bhagavati || 22 ||

Manojaataadarshapratimanijaleelau tava shive
Kapolau bhooyaastaam' mama sakalakal'yaanajanakau |
Shritashreetaat'ankadvitayaruchayo yatra mil'itaah'
Sudhaaruksooryaabhaa iva kanakadurge bhagavati || 23 ||

Trayeestutye nitye tava vadanapankeruhabhava-
-tsugandhaayaatashreeprachaladal'ineevaaranadhiyaa |
Lasannaasaakaare vahasi sahasaa champakatulaam'
Na tatsaundaryaartham' nanu kanakadurge bhagavati || 24 ||

Vahanme kaarunyam' varakamalaraagaahvayamanih'
Sudhaapooram' saaram' suruchiramri'dutvam' yadi vahet |
Tadaa labdhum' yogyo bhavati bhavadeeyaadharatulaam'
Jagadrakshaadeekshaavati kanakadurge bhagavati || 25 ||

Lasannaasaabhooshaagragapri'thulamuktaamaniyutam'
Nitaantaarunyantattava dashanavaaso vijayate |
Sudhaasindhormadhye nipatita sudhaabindusahita-
-pravaal'ashreechoram' nanu kanakadurge bhagavati || 26 ||

Ayogyaa ityaarye tava dashanasaamyaaya kavibhi-
-rvimuktaa muktaa ityadhikaviditaa mauktikaganaah' |
Dashaamalpaangatvaa tadanumukhataamboolasahitaa
Gataastatsaahityam' khalu kanakadurge bhagavati || 27 ||

Jito'ham' paarvatyaa mri'dulataravaaneevilasanaih'
Katham' dri'pyasyambaadharasamatayaa bimba kathaya |
Iti krodhaachchanchvaadal'itavadane raktimayutah'
Shuko'yam' vijnyaanee khalu kanakadurge bhagavati || 28 ||

Phalam' bimbasyedam' bhavati bhavadeeyaadharatul'aa
Kri'taal'am' tanmaadyam' vahati matirasyeti viditaa |
Na chettasmin bhukte sumati kavitaanaamapi sri'naam'
Katham' syaattanmaadyam' bhuvi kanakadurge bhagavati || 29 ||

Atulyam' te kant'ham' harataruni dri'sht'vaa sukavayah'
Prabhaashante shankham' parihasanapaatram' bhavati tat |
Svaroopadhyaatree'naam' subhavati nidhih' shankha itiche-
-dasandeham' sthaane khalu kanakadurge bhagavati || 30 ||

Akant'ham' te kant'hasthitakanakasootram' vijayate
Haro yatsaamarthyaadamri'tamiva peetvaapi garal'am |
Samaakhyaam' vikhyaataam' samalabhata mri'tyunjaya iti
Trayeevedyakreed'aavati kanakadurge bhagavati || 31 ||

Chiram' dhyaatvaa dhyaatvaa sakalavibudhaabheesht'anichayam'
Tatastvallaavanyaamri'tajaladhisampraaptajanane |
Bhujaakaarenaike bhuvanavinute kalpakalate
Shriyai me bhooyaastaam' nanu kanakadurge bhagavati || 32 ||

Viraajatkeyooradvayamanivibhaabhaanukiranai-
-rnitaantavyaakocheekri'tamadanajinnetrakamalau |
Vibhoh' kant'haashleshaadvipulapulakaankoorajanakau
Bhujau me traataarau nanu kanakadurge bhagavati || 33 ||

Suparvaaraamaantah'sphuritasahakaaradrumalataa-
-samagrashreejaagratkisalayasagarvodyamaharau |
Karau te bhooyaastaam' mama shubhakarau kaantinikaraa
Karau nishshankam' shaankari kanakadurge bhagavati || 34 ||

Prashastau trailokye bahul'adanujatraasavichala-
-nmarunmastanyastau janani tava hastau hri'di bhaje |
Smaro yatsankaashaa iti kisalayaaneva dhri'tavaan
Trilokeejetaa''seetkhalu kanakadurge bhagavati || 35 ||

Puraaraateh' paanigrahanasamaye mauktikachayaan
Vidhaatum' tachchheershe janakavachanaadunnamitayoh' |
Yayoroopam' dri'sht'vaa'bhavaduditalajjaa suranadee
Kadaartitraataarau mama kanakadurge bhagavati || 36 ||

Sphuranto nishshankam' puraharaniraatankavijaya-
-kriyaayaatrodyuktasmarabirudapaat'haa iva bhri'sham |
Jhanatkaaraaraavaah' kanakavalayaanaam' tava shive
Vitanvantu shreyo mama kanakadurge bhagavati || 37 ||

Kuchau te roopashreevijitalakuchau me shubhakarau
Bhavetaam' vyaakeernau prakat'ataramuktaamaniruchau |
Virinchaadyaa devaa yaduditasudhaapaaturanisham'
Sunamraah' senaanyo nanu kanakadurge bhagavati || 38 ||

Atulyam' te madhyam' vadati harimadhyena sadri'sham'
Jagattanno yuktam' janani khalu tadroopakalane |
Kri'taashah' panchaasyo bhavati tava vaahah' pratidinam'
Jagatsargakreed'aavati kanakadurge bhagavati || 39 ||

Asau punnaagasya prasavamri'dushaakhaachalagatam'
Tapah'kri'tvaa lebhe janani tava naabheh' sadri'shataam |
Pramattah' punnaagaprasava itarastaavaka gate-
-stulaamaaptum' vaanchhatyapi kanakadurge bhagavati || 40 ||

Trilokeevaasaanchadyuvatijanataadurgamabhava-
-nnitambashreechauryam' kri'tavaditi sanchintya pulinam |
Saro baahyanchakre janani bhavadeeyasmaranato
Jharevaadheereshaa janani kanakadurge bhagavati || 41 ||

Jito'ham' paarvatyaa mri'dutaragateenaam' vilasanaih'
Tadoorvoh' saundaryam' sahajamadhigantum' jad'atayaa |
Kri'taarambhaa rambhaa iti vidal'itaa''saam' vanamayam'
Karee saamarshah' shreekari kanakadurge bhagavati || 42 ||

Pravisht'aa te naabheebilamasitaromaaval'iriyam'
Kat'eechanchatkaancheegunavihitasautraamanamaneh' |
Ruchaam' rekhevaaste ruchirataramoordhvaayanagataa
Shritashreneesampatkari kanakadurge bhagavati || 43 ||

Anirvaachyam' janghaaruchiraruchisaundaryavibhavam'
Katham' praaptum' yogyastava kalamagarbho girisute |
Tadeeyam' saubhaagyam' kanishajananaikaavadhi sudhee-
-janaishchintaakaaryaa nanu kanakadurge bhagavati || 44 ||

Sadaa me bhooyaatte prapadamamitaabheesht'asukhadam'
Surastreevaahaagrachyutamri'gamadaanaam' samudayam |
Ashesham' nirdhautah' pranayakalahe yatra puraji-
-jjat'aagangaaneerairnanu kanakadurge bhagavati || 45 ||

Manojnyaakaaram' te madhuraninadam' noopurayugam'
Graheetum' vikhyaataan gativilasanaanaamatirayaan |
Sthitam' manye ham'sadvayamiti na cheddham'sakapadam'
Katham' dhatte naamnaa nanu kanakadurge bhagavati || 46 ||

Tvadeeyam' paadaabjadvayamachalakanye vijayate
Surastreekastooreetilakanikaraatyantasurabhi |
Bhramanto yatraaryaaprakarahri'dayendindiraganaah'
Sadaa maadyanti shreemati kanakadurge bhagavati || 47 ||

Aparne te paadaavatanutanulaavanyasarasee
Samudbhoote padme iti sukavibhirnishchitamidam |
Na chedgeervaanastreesamudayalalaat'abhramarakaah'
Katham' tatraasaktaa nanu kanakadurge bhagavati || 48 ||

Ramaavaaneendraaneemukhayuvatiseemantapadavee-
-naveenaarkachchhaayaasadri'sharuchi yatkunkumarajah' |
Svakaangaakaarena sthitamiti bhavatpaadakamala-
-dvaye manye shambhoh' sati kanakadurge bhagavati || 49 ||

Davaagnim' neehaaram' garal'amamri'tam' vaardhimavanee-
-sthalam' mri'tyum' mitram' ripumapi cha sevaakarajanam |
Vishankam' kurvanto janani tava paadaamburuhayoh'
Pranaamaah' sam'stutyaa mama kanakadurge bhagavati || 50 ||

Jalapraayaa vidyaa hri'di sakalakaamaah' karagataah'
Mahaalakshmeerdaasee manujapativaryaah' sahacharaah' |
Bhavatyashraantam' te padakamalayorbhaktisahitaam'
Natinkurvaanaanaam' nanu kanakadurge bhagavati || 51 ||

Tava shreematpaadadvitayagatamanjeeravilasa-
-nmanichchhaayaachchhannaakri'tibhavati yatphaalaphalakam |
Sa tatraivaasheshaavanivahanadeekshaa samuchitam'
Vahetpat't'am' haimam' nanu kanakadurge bhagavati || 52 ||

Tanotu kshemam' tvachcharananakhachandraaval'iriyam'
Bhavatpraaneshasya pranayakalahaarambhasamaye |
Yadeeyajyotsnaabhirbhavati nitaraam' pooritatanuh'
Shiro'gre baalendurnanu kanakadurge bhagavati || 53 ||

Samastaashaadheesha pravaravanitaahastakamalaih'
Sumaih' kalpadroonaam' niratakri'tapoojau nirupamau |
Nataanaamisht'aarthaprakaraghat'anaapaat'avayutau
Namasyaamah' paadau tava kanakadurge bhagavati || 54 ||

Puraa baalye sheetaachalaparisarakshonicharane
Yayoh' sparsham' labdhvaa muditamanasah' keet'anichayaan |
Vilokya shlaaghante vibudhasamudaayaah' pratidinam'
Namaamastau paadau nanu kanakadurge bhagavati || 55 ||

Naraanaamajnyaanaam' prashamayitumantah'sthatimiraa-
-nyalakshmeesantaapam' gamitamanujaan sheetalayitum |
Samarthaannirdoshaam'shcharananakhachandraanabhinavaan
Namaamah' sadbhaktyaa tava kanakadurge bhagavati || 56 ||

Mukunda brahmendra pramukha bahubarhirmukhashikhaa-
-vibhooshaavibhraajanmaghavamani sandarbharuchibhih' |
Vishankam' saakam' tvachcharananakhachandreshughat'itam'
Kaveendraih' stotavyam' tava kanakadurge bhagavati || 57 ||

Nakhaanaam' dhaaval'yam' nijamarunimaanancha sahajam'
Namadgeervaanastreetilakamri'ganaabhishriyamapi |
Vahantau sattvaaditrigunaruchisaaraaniva sadaa
Namasyaamah' paadau tava kanakadurge bhagavati || 58 ||

Manishreneebhaasvatkanakamayamanjeerayugal'ee-
-jhanatkaaraaraavachchhalamadhuravaachaam' vilasanaih' |
Abheesht'aarthaan daatum' vinatajanataahvaanachaturaa-
-vipa khyaatau paadau tava kanakadurge bhagavati || 59 ||

Namadgeervaanastreetilakamri'ganaabheedravayutam'
Nakhachchhaayaayuktam' janani tava paadaambu jayati |
Samanchatkaal'indeejharasalilasammishritaviya-
-nnadeevaareeva shreekari kanakadurge bhagavati || 60 ||

Surashreneepaanidvitayagatamaanikyakalashai-
-rdhri'tam' hemaambhojaprakaramakarandena mil'itam |
Sataam' bri'ndairvandyam' charanayugasankshaal'anajalam'
Punaatvasmaannityam' tava kanakadurge bhagavati || 61 ||

Viraavanmanjeeradvayanihitaheeropalaruchi-
-prasaade nirbhedam' prathitaparamabrahmari'shibhih' |
Shirobhaagairdhaaryam' padakamalanirnejanajalam'
Vasanme sheershaagre tava kanakadurge bhagavati || 62 ||

Sameepe maanikyasthagitapadapeet'hasya namataam'
Shirah' su tvatpaadasnapanasalilam' yannivatati |
Tadevochchasthaanasthitikri'dabhishekaambu bhavati
Prabhaavo'yam' varnyastava kanakadurge bhagavati || 63 ||

Nri'naandeenaanaam' tvachcharanakamalaikaashrayavataam'
Mahaalakshmeepraaptirbhavati na hi chitraaspadamidam |
Samaashrityaambhojam' jad'amapi cha rekhaakri'tidharam'
Shriyo nityam' dhaamaajani kanakadurge bhagavati || 64 ||

Khagottam'saa ham'saastava gativilaasena vijitaah'
Salajjaastattulyam' gamanamadhigantum' sakutukaah' |
Bhajante srasht'aaram' rathavahana evaikanirataa
Manojaataaraateh' sati kanakadurge bhagavati || 65 ||

Jaganmaatarbhavyaangul'ivivaramaargeshu gal'itam'
Chaturdhaa te paadaambujasalilametadvijayate |
Pradaatum' dharmaarthapramukhapurushaarthadvayayugam'
Chaturmoortyaa viddhaaviva kanakadurge bhagavati || 66 ||

Ajo'yam' shreesho'yam' suraparivri'd'ho'yam' ravirayam'
Shashaanko'yam' ko'yam' sakalajaladheenaam' patirayam |
Iti tvaam' sandrasht'um' samupagatadevaah' paricharai-
-rjanairvijnyaapyante khalu kanakadurge bhagavati || 67 ||

Mahaapeet'haaseenaam' maghavamukhabarhirmukhasakhee-
-nikaayaih' sam'sevyaam' karatalachalachchaamarayutaih' |
Pradoshe pashyanteem' pashupatimahaataand'avakal'aam'
Bhaje tvaam' shreekaantaasakhi kanakadurge bhagavati || 68 || [maaheshvari]

Paranjyotistadjnyaah' suratarulataam' durgatajanaa
Mahaajvaalaamagnerbhuvanabhayadaa raakshasaganaah' |
Lalaat'aakshah' saakshaadatanujayalakshmeemaviratam'
Hri'di dhyaayanti tvaam' kanakadurge bhagavati || 69 ||

Samudyadbaalaarkaayutashatasamaanadyutimateem'
Sharadraakaachandrapratimadarahaasaanchitamukheem |
Sakheem' kaamaaraateshchakitaharineeshaabanayanaam'
Sadaaham' seve tvaam' hri'di kanakadurge bhagavati || 70 ||

Tapah'kri'tvaa lebhe tripuramathanastvaam' priyasakheem'
Tapasyantee praaptaa tvamapi girisham' praanadayitam |
Tadevam' daampatyam' jayati yuvayorbheetadhavayoh'
Kavistutyam' nityam' nanu kanakadurge bhagavati || 71 ||

Vibhorjaanaasi tvam' vipulamahimaanam' pashupateh'
Sa eva jnyaataa te charitajalaraasheranavadheh' |
Na hi jnyaatum' daksho bhavati bhavatostatvamitara-
-streelokeesandhaaneshvapi kanakadurge bhagavati || 72 ||

Na vishnurnabrahmaa na cha surapatirnaapi savitaa
Na chandro novaayurvilasati hi kalpaantasamaye |
Tadaa naat'yam' kurvam'stava ramana eko vijayate
Tvayaa saakam' lokeshvari kanakadurge bhagavati || 73 ||

Dhanushchakre merum' gunamuragaraajam' shitasharam'
Ramaadheesham' chaapi tripuramathanena trinayanah' |
Tadetatsaamarthyam' sahajanijashaktestava shive
Jagadrakshaadeekshaavati kanakadurge bhagavati || 74 ||

Trikonaantarbindooparivilasanaatyantarasikaam'
Tribhirvedaih' stutyaam' trigunamayamoortitrayayutaam |
Trilokairaaraadhyaam' trinayanamanah' premajananeem'
Trikaalam' seve tvaam' hri'di kanakadurge bhagavati || 75 ||

Mano dhyaatum' naalam' janani tava moortim' nirupamaam'
Vacho vaktum' shakyam' na bhavati hi te chitracharitam |
Tanustvatsevaayaam' bhavati vivashaa deenasamaye
Katham' vaaham' rakshyastava kanakadurge bhagavati || 76 ||

Viyogam' te noonam' kshanamasahamaanah' pashupati-
-rdadau te dehaardham' tarunasumabaanaayutasamam |
Anena jnyaatavyastava janani saundaryamahimaa
Trilokee stotavyah' khalu kanakadurge bhagavati || 77 ||

Kri'taa yaagaa yena shrutishu viditaah' poorvajanane
Dhanam' dattam' yena dvijakulavarebhyo bahuvidham |
Tapastaptam' yenaaskhalitamatinaa tasya ghat'ite
Bhavadbhaktih' shambhoh' sati kanakadurge bhagavati || 78 ||

Bhavanmoortidhyaanapravanamamalanchaapi hri'dayam'
Bhavannaamashreneepat'hananipunaam' chaapi rasanaam |
Bhavatsevaadaard'hyaprathitamapi kaayam' vitara me
Bhavaanandashreyaskari kanakadurge bhagavati || 79 ||

Prabhaashante vedaashchakitachakitam' taavakagunaan
Na paarasya drasht'aa tava mahimavaardhervidhirapi |
Bhavattattvam' jnyaatum' prakri'tichapalaanaamapi nri'naam'
Katham' vaa shaktih' syaannanu kanakadurge bhagavati || 80 ||

Nri'paa ekachchhatram' sakaladharaneepaalanaparaah'
Sudhaamaadhuryashreelalitakavitaakalpanachanaah' |
Niraatankam' shaastraadhyayanamanasaam' nityakavitaa
Tvadeeyaa jnyeyaa shreemati kanakadurge bhagavati || 81 ||

Kadambaanaam' naagaadhikachaturasanchaaribhasaree
Kadambaanaam' madhye khacharataruneekot'ikalite |
Sthitaam' veenaahastaam' tripuramathanaanandajananeem'
Sadaaham' seve tvaam' hri'di kanakadurge bhagavati || 82 ||

Giraam' devee bhootvaa viharasi chaturvaktravadane
Mahaalakshmeeroopaa madhumathanavakshah'sthalagataa |
Shivaakaarena tvam' shivatanunivaasam' kri'tavatee
Katham' jnyeyaa maayaa tava kanakadurge bhagavati || 83 ||

Mahaaraajyapraaptaavatishayitakautoohalavataam'
Sudhaamaadhuryodyatsarasakavitaa kautukayujaam |
Kri'taashaanaam' shashvatsukhajanakageervaanabhajane
Tvamevaikaa sevyaa nanu kanakadurge bhagavati || 84 ||

Phanee muktaahaaro bhavati bhasitam' chandanarajo
Gireendrah' praasaado garal'amamri'tam' charma supat'ah' |
Shive shambhoryadyadvikri'tacharitam' tattadakhilam'
Shubham' jaatam' yogaattava kanakadurge bhagavati || 85 ||

Daridre vaa kshudre girivarasute yatra manuje
Sudhaapooraadhaarastava shubhakat'aaksho nipatati |
Bahirdvaarapraantadviradamadagandhah' sa bhavati
Priye kaamaaraaternanu kanakadurge bhagavati || 86 ||

Prabhaashante vedaah' prakat'ayati pauraanikavachah'
Prashastam' kurvanti prathitabahushaastraanyaviratam |
Stuvantah' pratyagram' sukavinichayaah' kaavyarachanai-
-ranantaam' te keertim' nanu kanakadurge bhagavati || 87 ||

Asooyershyaadambhaadyavagunaparityaagachaturaah'
Sadaachaaraasaktaah' sadayahri'dayaah' satyavachanaah' |
Jitasvaantaah' shaantaa vimalacharitaa daananirataah'
Kri'paapaatreebhootaastava kanakadurge bhagavati || 88 ||

Yadeeyaambhasnaanaadduritacharitaanaam' samudayaa
Mahaapunyaayante mahimavati tasyaah' shubhakare |
Tat'e kri'shnaanadyaa vihitamahitaanandavasate
Kri'paa kartavyaa te mayi kanakadurge bhagavati || 89 ||

Yathaa pushpashreneevilasitakadambadrumavane
Tanorbhaage naageshvaravalayinah' shreemati yathaa |
Tathaa bhaktaughaanaam' hri'di kri'tavihaare girisute
Dayaa kartavyaa te mayi kanakadurge bhagavati || 90 ||

Samaaruhyaabhangam' mri'gapatiturangam' janayutam'
Gal'aagre dhoomraakshapramukhabalabarhirmukharipoon |
Nihatya pratyaksham' jagadavanaleelaam' kri'tavatee
Prasannaa bhooyaastvam' mayi kanakadurge bhagavati || 91 ||

Paraabhooya tryaksham' savanakarane yatrasahitam'
Duraatmaanam' daksham' pitaramapi santyajya tarasaa |
Gri'he neehaaraadrernijajanasamangeekri'tavatee
Prasannaa bhooyaastvam' mayi kanakadurge bhagavati || 92 ||

Tapah' kri'tvaa yasmin surapatisuto'nanyasulabham'
Bhavaadastram' lebhe prabalaripusam'haarakaranam |
Kiraate'smin preetyaa sahaviharane kautukavatee
Prasannaa bhooyaastvam' mayi kanakadurge bhagavati || 93 ||

Sharachchandraalokapratimaruchimandasmitayute
Surashreesangeetashravanakutukaalankri'tamate |
Kri'paapaatreebhootapranamadamaraabhyarchitapade
Prasannaa bhooyaastvam' mayi kanakadurge bhagavati || 94 ||

Kapaalasragdhaaree kat'hinagajacharmaambaradharah'
Smaradveshee shambhurbahubhuvanabhikshaat'anaparah' |
Avijnyaatotpattirjanani tava paanigrahanato
Jagatsevyo jaatah' khalu kanakadurge bhagavati || 95 ||

Padaabhyaam' pratyooshasphut'avikachashonaabjavilasat
Prabhaabhyaam' bhaktaanaamabhayavaradaabhyaam' tava shive |
Charadbhyaam' neehaaraachalapadashilaabhangasaranau
Namah' kurmah' kaameshvari kanakadurge bhagavati || 96 ||

Madeeye hri'tpadme nivasatu padaambhojayugal'am'
Jagadvandyam' rekhaadhvajakulishavajraankitamidam |
Sphuratkaantijyotsnaa vitatamanimanjeeramahitam'
Dayaa''dheyaa'meyaa mayi kanakadurge bhagavati || 97 ||

Sadaa'ham' seve tvatpadakamalapeet'heeparisare
Stuvan bhaktishraddhaaparichayapavitreekri'tadhiyaa |
Bhavanteem' kal'yaaneem' prachuratarakal'yaanacharitaam'
Dayaa''dheyaa'meyaa mayi kanakadurge bhagavati || 98 ||

Harah' shoolee chaikah' pitri'vananivaasee pashupati-
-rdishaavaaso haalaahalakabal'anavyagradhri'timaan |
Gireesho'bhoodevam'vidhagunacharitro'pi hi bhavat
Susaangatyaat shlaaghyo nanu kanakadurge bhagavati || 99 ||

Samastaashaadheesha pramukha suravaryaih' pranamitaa-
-maharnaathajvaalaapatiharanapaal'ee trinayanaam |
Sadaa dhyaaye'ham' tvaam' sakalavibudhaabheesht'akalane
Rataam' taam' kal'yaaneem' hri'di kanakadurge bhagavati || 100 ||

Susantosham' yo vaa japati niyamaadoohitashata-
-jvaladvri'ttaih' shraavyaam' nishi kanakadurgaastutimimaam |
Mahaalakshmeepaatram' bhavati sadanam' tasya vadanam'
Giraam' deveepaatram' kulamapi vidheh' kalpashatakam || 101 ||

Stutim' durgaadevyaah' satatamaghasam'haarakarane
Sushaktaam' vaa loke pat'hati sudhiyaa buddhikushalah' |
Shriyam' devee tasmai vitarati sutaanaam' cha jagataam'
Patitvam' vaagmitvam' bahu kanakadurge bhagavati || 102 ||

Shatashlokeebaddham' nanu kanakadurgaankitapadam'
Guroopanyastam' tadbhuvi kanakadurgaastavamidam |
Nibaddham' maanikyaih' kanakashatamaanam' bhavati te
Yathaa hri'dyam' devi sphut'apadavibhaktam' vijayataam || 103 ||

Iti shreematparamaham'sa parivraajakaachaaryavarya shreevidyaashankaraachaarya virachitam' shreematkanakadurgaanandalaharee stotram |