Shiva Pada Mani Mala

Shivapadamanimaalaa

Shiveti dvauvarnau parapada nayaddham'sa garutau
Tat'au sam'saaraabdhernijavishaya bodhaankura dale |
Shruterantargopaayita pararahasyau hri'dicharau
Gharat't'agraavaanau bhava vit'api beejaugha dalane || 1 ||

Shiveti dvauvarnau janana vijaya stambha kalashau
Durantaantardhvaanta pramathana shubhaadhaana chaturau |
Mahaayaatraadhvasya pramukha janataa kanchukivarau
Marujghampaayautau kri'taphala navaambhodamathane || 2 ||

Shiveti dvauvarnau shivamavadataam' chaiva vasudhaa-
-mubhaabhyaam' varnaabhyaam' ratharathika yo raajyakalanaat |
Tatah' sarvah' sheshah' parikara ihaatyatkimapi no
Kva chaa'ham' kva tvam' naa kva paramidamoohyam' budhaganaih' || 3 ||

Shiveti dvauvarnau vihaparasukhaadhaana chaturau
Kramochchaaraaddhaatorvinimayavashaadarthaghat'ane |
Rahasyaartho hyeshah' prakat'ayati naamni kshitiratham'
Prajaanaamaanandam' kimiti na vidurmood'hadhishanaah' || 4 ||

Shiveti dvauvarnau yajushitu chaturthyekavachano
Namah' poorvo mantrah' samajanijanidhvam'sa hataye |
Tathaapi prajnyaandhaah' jananamri'ti nakraahijat'ile
Patantyetachchitram' bhavajaladhipanke shivashiva || 5 ||

Shiveti dvauvarnau bhajata bhajadaanandajanake
Bhuvo bhartaa bhootvaa sa tu bhavati mukterapi tathaa |
Ubhaabhyaam' varnaabhyaamadhigamayataartam' vinimayaat
Vavarno bhoobhaaram' dishati hi shikaarah' parapadam || 6 ||

Shiveti dvauvarnau dvivachana kri'ta dvandvakalanaa-
-dbruvantau good'haartham' bhagavadanubandhaanvita dhiyah' |
Na kashchinmantrashcha prathayati tadarthaanugamanam'
Tato'yam' sarvaasu shrutishu jayaghant'aa vijayate || 7 ||

Shiveti dvauvarnau prathamamabhidhaayaanugunatah'
Atho me sandhaanaadgatiriti cha sandhaana paratha |
Na kaalo badhnaati tyajati nanu tatkaala iha vah'
Kimartham' sam'saare patatha yatathemam' manuvaram || 8 ||

Shiveti dvauvarnau charamapada vishvasvarayutaa
Vaham' shabdochchaaraadbhavati khalu varnatrayamanuh' |
Imam' praanaayaamaih' pat'hatha hat'hayogaadibhiralam'
Bhavedaatmeshaikyam' karabadaratulyam' budhavaraah' || 9 ||

Shiveti dvauvarnau mama kanakaratnaayushakathaa
Sudhaabhogaabhogaamanujapatapodhyaanavidhayah' |
Prathaa bodhasmri'tiratigati praaptinidhayah'
Bhavetaam' praarabdha pramathana shubhaadhaana chaturau || 10 ||

Shiveti dvauvarnau prati saradharau muktijanane
Janurlakshaakot'i pramathana paraa nityasadri'shau |
Kiyanto visrastaa jagati janakaa majjananatah'
Smri'tim' jajnye chittam' shivashiva kadaapyastuva januh' || 11 ||

Shiveti dvauvarnau vihajanushi labdhaukilamuyaa
Puraa gangaa snaataa nanu kimu kri'tam' chaadhvarashatam |
Jad'asyaivam' kim' syaajjanakakri'tamaadyam' khalu tapah'
Kumaaro me syaadityanumitamidam' taddhi paramam || 12 ||

Shiveti dvauvarnau shivashiva kadaa no pat'hitavaan
Puraa no chet kim'svit jat'hara pit'haree sam'sthitiriyam |
Kva shambhornaamoktih' kva jananakathaa chand'akirane
Tapatyabhre'dabhra bhramanamiha kim' syaaddhi tamasah' || 13 ||

Shiveti dvauvarnau nirata durita dhvam'sanaparau
Ayatnaadyasyaastaam' jagati sakri'daasyaantaragatau |
Na tasyaapyaashaasyah' surakuladhureenasya nilayah'
Na dhaatustasyaaseetpiturapi sa sarvasya janakah' || 14 ||

Shiveti dvauvarnau jagapati samavaayastadaparam'
Nimittam' varnaanaam' shrutipatha rahasyam' nigaditam |
Na chedittham' sri'sht'au parikara ihaanyostiyadikah'
Shive sarvaadvaite na kimapi cha vastuprathayati || 15 ||

Shiveti dvauvarnau vachasi manasi dhvasta duritau
Prahri'tyaantardhvaantam' mihira shashinoh' shaktimaghanaam |
Prahasya vyaakhyaatastaduchita tamobhedanapade
Samaase no shasht'hee vikasati tri'teeyaiva sukaraa || 16 ||

Shiveti dvauvarnau bhuvana bhavajaataand'aghat'anaa
Pat'isht'he chordhvaathah' sphut'apat'utare kharparayuge |
Shivolingam' sarvam' tadudaragatam' syaaddhi nigamah'
Tathaavaadee satyam' padati khalu tatkena bhavati || 17 ||

Shiveti dvauvarnau bhaja yaja shivaardhaanga vapusham'
Tyajaasantam' maargam' vrajashivapureem' muktinilayaam |
Na chedetau varau bhajasi yaja daivaasyamamutah'
Tyaja shrautam' maargam' vraja nirayamichchhaiva sukhadaa || 18 ||

Shiveti dvauvarnau pat'hati samahaan dhaatri'vishaye
Palaayadhvam' yooyam' bhavatha bhayabheetaa yamabhat'aah' |
Patantyaa sam'saara bhramana paritaapa pramathana
Prachand'aastasyaagre pramathapati veekshaarasajharaah' || 19 ||

Shiveti dvauvarnau mama vimala janmaavaniruhah'
Phale dve tatraikam' janayati rucheeh' paayasamayeeh' |
Phalatyekam' sarpirdvayamapi madagragrasanatah'
Tvaratyekaasvaade namati ruchitaaseeddvikalane || 20 ||

Shiveti dvauvarnau pat'hasi hat'hayogaadibhiralam'
Kimuddishyaatmaanam' vyathayasi vri'thaa bhraantiraphalaa |
Karasthe shreekhand'e mri'gayasi hi mustaam' sikatale
Jad'aadeshah' kaam' kaam' dishati vipadam' no shiva shiva || 21 ||

Shiveti dvauvarnau vada yadi shivam' vaanchhati bhavaan
Na chedetanneva shrutisamaya siddhaantamavadam |
Vinaa hetoh' kaaryam' na khalu pat'atantoon ghat'amri'dah'
Na jaaneeshe kim' vaa shivavirahito naapsyati shivam || 22 ||

Shiveti dvauvarnau paramashiva kaarunyajaladhe
Sthireekri'tya svaante mama vimalabhaavam' kuru sadaa |
Chareyam' sarvam' te nirupama niraatanka mahasaam'
Jvalajjvaalaajaala jvalitamidamaaseejjagaditi || 23 ||

Shiveti dvauvarnau vada vada rasajnye budhaganaah'
Bhavanteem' tannaamneemabhidadhatu chainam' yadi na chet |
Na yogam' rood'him' vaa bhajasi khalu d'itthaadi tulanaa
Bhaveddaiveeshaktistvayi viphalitaa syaaddhichinuhi || 24 ||

Shiveti dvauvarnau jagati khalu netradvayamidam'
Bahishchakshurdvandvam' na hi dishati vastu vyavahitam |
Idam' baahyaabhyantah' sphut'a vimala vijnyaana vibhavam'
Gareeyastvochchaaraaddishati khalu netram' samadhikam || 25 ||

Shiveti dvauvarnau vadanasadane yasya mahatah'
Tadeeyam' paadaabjam' raghupati padaabjam' prahasati |
Na tachchitram' tasmin parama purushaartham' pradarajo
Vrajaalaane maunerdishati kila sam'saarapatanam || 26 ||

Shiveti dvauvarnau sakri'thavashamuchchaarana balaat
Dishetaam' saamraajyam' puramathana te muktinilayam |
Na chettasyaivaantah' kimiva nivasedaantaraguhaa-
-vihaarelolah' sannidamudavahanme dri'd'hapadam || 27 ||

Shiveti dvauvarnau kshitijalashikhisparshanaviyat
Vivasvachchheetaam'shu prathamapurushairasht'abhiridam |
Tatam' vishvam' pashchaadvadati iti matvaa sukhamaho
Narah' projjhan sarvam' kimiti na pibettanmathurasam || 28 ||

Shiveti dvauvarnau prakat'ita nijadvandvavidhayaa
Jaganmaataapitrormidhunamadadhaataam' shrutipathe |
Janaastasmaadyooyam' tarata charataavashyamavanau
Pitri'bhyaam' naivaanyat paramapada sampraapti vibhave || 29 ||

Shiveti dvauvarnau rasika rasanaa rangachaturau
Manodharmaadharmaabhyasana gajakant'heerava shishoo |
Vapuh' kaaryaakaarya vyasana harina vyaaghrakalabhau
Vinodam' tanvaate kimiha mama kaalaapanayane || 30 ||

Shiveti dvauvarnau jagati vashadhaatu prakat'itaa
Viti prochuh' kechiddhruvamiti tadeeyaastvachaturaah' |
Shivaatsootroddhaarastadanukhalu dhaatvartha vivri'tih'
Katham' paurvaaparyam' vadata vibudhaah' sam'shayamidam || 31 ||

Shiveti dvauvarnau gurumukhata yeshyannaharahah'
Japishyatyaashaasyam' na khalu tadayam' poornahri'dayah' |
Iti praacheenaaste shivapadamupetya sthitimitaah'
Kimuddishyaajaapeestvamiha shiva evaasi bhagavaan || 32 ||

Shiveti dvauvarnau manurayamabhinna svarahalaam'
Vibhedaashchatvaarah' phalita purushaarthah' shrutimataah' |
Nachaikasminmantre sakalapurushaartha pratigatih'
Kimartham' bhraantyaanyanmanu dhishanayaa bibhratha dhuram || 33 ||

Shiveti dvauvarnau madhurima garimnaa madhurase
Payah'poore kutsaam' na paramaparam' kim' janayataam |
Jihaasannaahaare surapuri sadaa gaanga salilam'
Piban ko vaa lipsaam' bhajati sarasah' palvalajale || 34 ||

Shiveti dvauvarnau paramapada maam' paahi padayo-
-rmil'itvaadhaavante yugamabhava dasht'aaksharamanuh' |
Sakri'ttam' yah' kovaa pat'hati tadadheeno giridhanuh'
Parah' sarvaadvaita prathita nijasaamraajyavibhavaih' || 35 ||

Shiveti dvauvarnau mama vapushi sarvaanga kavachau
Param' savyaasavya prasarana pat'isht'haambaka varau |
Ubhaavantarbaahyaahita mathanakodand'atilakau
Bhri'sham' syaattaam' mokshashriyamavasare daatu muditau || 36 ||

Shivapadaadadhiko na paro manuh'
Shivapadaadadhikaa na paraa gatih' |
Shivapadaadadhikam' na param' padam'
Shivapadaadadhikam' na hi shaasanam || 37 ||

Shivastraataa shivodaataa shivo maataa shivah' pitaa |
Shiva eva hi me sarvam' shivaadanyam' na vedmyaham || 38 ||

Shivapadamanimaalaam' ye tu kaivalyamoolaam'
Dadhati pat'hanamaatraaddraakchhivaadheena chittaah' |
Bhavati khalu bhavaanee bhargayo raajadhaanee
Pramatha vihri'tivaat'ee bhaanubhooteshcha pet'ee || 39 ||

Shivalingamumaivaanga manayaa sahitastathaa |
Tayoh' sambandha ityevam' padatrayamupaasmahe || 40 ||

Iti shreeshankaraachaaryakri'ta shivapadamanimaalaa |