ಉದಿಸುವುದೆಂದು

ಉದಿಸುವುದೆಂದು ಶ್ರೀಮಲೆ ಮೇಲೆ ತೇಜೋನಕ್ಷತ್ರ

(ಸ್ವಾಮಿಯೇ ಶರಣಂ )

ಬರುತಿದೆ ನೋಡು ಅರಸುತ ನಿನ್ನ ಭಕ್ತರಹೋ ಯಾತ್ರ

(ಅಯ್ಯಪ್ಪ ಶರಣಂ) ||

ನಮಗಿಹುದೊಂದೇ ನಿನ್ನಾಶ್ರಯವು ಸರಿಸದಿರು ಮಾತ್ರ ||ಉದಿಸುವುದೆಂದು||

ಕಲಿಯುಗ ವರದ ಬ್ರಹ್ಮಚಾರಿ ಬರುವೆವು ನಿನ್ನೆಡೆಗೆ ||

ಕಲಿಯುಗ ಪೂರ್ತಿ ಕರಿಮಲೆ ಮೇಲೆ ಸೇರಿಸಿಕೋ ಬಳಿಗೆ ||

ಪಾದವ ಬಿಡೆವು ಬೇರೆಡೆ ಇರೆವು||

ಭಕ್ತ ಜನ ಪ್ರಿಯನೇ ||ಉದಿಸುವುದೆಂದು||

ಇರುಮುಡಿಯೊಂದೇ ತಂದೆವು ತಂದೇ ನಿಯಮಗಳ ಮಾಡಿ|| ಕರುಣಾಮಯನೇ ನಿನ್ನನು ಕಾಣಲು ನಡೆದೂ ನಿನ್ನೆಡೆಗೆ ||

ಹರಿಹರ ನಂದನ ಭಕ್ತರ ಚೇತನ ||

ಸೇರಿಸು ಶ್ರೀ ಮಲೆಗೆ ||ಉದಿಸುವುದೆಂದು||