ಸ್ವಾಮಿಯೇ ಗತಿಯೆಂದು

ಸ್ವಾಮಿಯೇ ಗತಿಯೆಂದು

ಮನ್ನಿಸು ತಪ್ಪೆಂದು

ಮಕ್ಕಳು ನಾವು ಬಂದೆವು ||

ತುಪ್ಪ ತುಂಬಿದ ಕಾಯಿ ತಂದೇವು

ಕರ್ಪೂರದಾರತಿ ಬೆಳಗೇವು

ಸ್ವಾಮಿಯ ದಯೆಗಾಗಿ

ಬಂದೆವು ತಲೆಬಾಗಿ ||ಸ್ವಾಮಿಯೇ ಗತಿಯೆಂದು||

ಬೆಟ್ಟದ ಸ್ವಾಮಿಗೆ ಸಿಟ್ಟಾಗದಂತೆ

ಕಟ್ಟು ನಿಟ್ಟಾಗಿ ನಡೆದೇವು ||

ಇಷ್ಟಾದ ವರವ ನೀಡುವನೆಂದು

ಗಟ್ಯಾಗಿ ಪಾದವ ಹಿಡಿದೇವು ||

ಸ್ವಾಮಿಯಾ ದಯೆಗಾಗಿ

ಬಂದೇವು ತಲೆಬಾಗಿ ||ಸ್ವಾಮಿಯೇ ಗತಿಯೆಂದು||

ಮುಳುಗುತ ಪಂಪೆಯಲಿ

ಹೊಗಳುತ್ತಾ ದೇವರನು

ಶಬರಿ ಮಲೆಯನು ಏರಿದೆವು ||

ಹದಿನೆಂಟು ಮೆಟ್ಟಲು ಏರುತ್ತ ಮುಂದಕೆ

ಸ್ವಾಮಿಯ ದರುಶನ ಮಾಡಿದೆವು ||

ಸ್ವಾಮಿಯಾ ದಯೆಗಾಗಿ

ಬಂದೇವು ತಲೆಬಾಗಿ ||ಸ್ವಾಮಿಯೇ ಗತಿಯೆಂದು||

ಹರಿಹರ ಸುತನೆ ಸತ್ಯ ಸ್ವರೂಪನೆ

ಎರುಮಲೆ ಶಾಸ್ತ ವಿಭೂಷಣನೆ ||

ಮಕರ ಜ್ಯೋತಿಯನು ತೋರಿಸು ಸ್ವಾಮಿ

ಅಯ್ಯಪ್ಪ ನಿನಗೆ ಶರಣಂ ಶರಣಂ ||

ಸ್ವಾಮಿಯಾ ದಯೆಗಾಗಿ

ಬಂದೇವು ತಲೆಬಾಗಿ ||ಸ್ವಾಮಿಯೇ ಗತಿಯೆಂದು||