Sri Vaikunta Gadyam

Shree vaikunt'ha gadyam'

Yaamunaaryasudhaambhodhimavagaahya yathaamati |
Aadaaya bhaktiyogaakhyam' ratnam' sandarshayaamyaham ||

Svaadheena trividhachetanaachetanasvaroopasthiti pravri'ttibhedam', klesha karmaadyasheshadoshaasam'spri'sht'am', svaabhaavikaanavadhikaatishaya jnyaanabalaishvaryaveeryashaktitejah' prabhri'tyasankhyeya kalyaanagunaganaugha mahaarnavam', paramapurusham', bhagavantam', naaraayanam', svaamitvena suhri'tvena gurutvena cha parigri'hya aikaantikaatyantika tatpaadaambujadvaya paricharyaikamanorathah', tatpraaptaye cha tatpaadaambujadvaya prapatteranyanna me kalpakot'isahasrenaapi saadhanamasteeti manvaanah', tasyaiva bhagavato naaraayanasya akhilasattvadayaikasaagarasya anaalochita gunagunaakhand'a janaanukoolaamaryaada sheelavatah', svaabhaavikaanavadhikaatishaya gunavattayaa devatiryangmanushyaadyakhilajana hri'dayaanandanasya aashritavaatsalyaikajaladheh' bhaktajanasam'shleshaikabhogasya nityajnyaanakriyaishvaryaadi bhogasaamagreesamri'ddhasya, mahaavibhooteh', shreemachcharanaaravindayugal'am' ananyaatmasanjeevanena tadgatasarvabhaavena sharanamanuvrajet | tatashcha pratyahamaatmojjeevanaayaivamanusmaret | chaturdashabhuvanaatmakam' and'am', dashagunitottaram' cha aavaranasaptakam', samastam' kaaryakaarana(jaata)mateetya, vartamaane paramavyomashabdaabhidheye, brahmaadeenaam' vaangmanasaa'gochare, shreemati vaikunt'he divyaloke, sanakavidhishivaadibhirapi achintyasvabhaavaishvaryaih', nityasiddhairanantairbhagavadaanukoolyaika bhogairdivyapurushaih' mahaatmabhih' aapoorite, teshaamapi iyatparimaanam', iyadaishvaryam', eedri'shasvabhaavamiti parichchhettumayogye, divyaavaranashatasahasraavri'te, divyakalpakataroopashobhite, divyodyaana shatasahasrakot'ibhiraavri'te, atipramaane divyaayatane, kasmim'shchidvichitra divyaratnamaya divyaasthaanamand'ape, divyaratnastambha shatasahasrakot'ibhirupashobhite,
Divyanaanaaratnakri'tasthala vichitrite, divyaalankaaraalankri'te, paritah' patitaih' patamaanaih' paadapasthaishcha naanaagandhavarnairdivyapushpaih' shobhamaanairdivyapushpopavanairupashobhite, sankeernapaarijaataadi kalpadrumopashobhitaih', asankeernaishcha kaishchidantassthapushparatnaadinirmita divyaleelaamand'apa shatasahasropashobhitaih', sarvadaa'nubhooyamaanairapyapoorvavadaashcharyamaavahadbhih' kreed'aashaila shatasahasrairalankri'taih', kaishchinnaaraayanadivyaleelaa'saadhaaranaih', kaishchitpadmavanaalayaa divyaleelaa'saadhaaranaih', saadhaaranaishcha kaishchit shukashaarikaamayoorakokilaadibhih' komalakoojitairaakulaih', divyodyaana shatasahasrairaavri'te, manimuktaapravaala kri'tasopaanaih', divyaamalaamri'tarasodakaih', divyaand'ajavaraih', atiramaneeyadarshanaih' atimanoharamadhurasvaraih' aakulaih', antastha muktaamaya divyakreed'aasthaanopashobhitaih' divyasaugandhikavaapeeshatasahasraih', divyaraajaham'saaval'eeviraajitairaavri'te, nirastaatishayaanandaikarasatayaa chaanantyaachcha pravisht'aanunmaadayadbhih' kreed'oddeshairviraajite, tatra tatra kri'ta divyapushpaparyankopashobhite, naanaapushpaasavaasvaada mattabhri'ngaavaleebhih' udgeeyamaana divyagaandharvenaapoorite, chandanaagarukarpoora divyapushpaavagaahi mandaanilaasevyamaane, madhye pushpasanchaya vichitrite, mahati divyayogaparyanke anantabhogini, shreemadvaikunt'haishvaryaadi divyalokam' aatmakaantyaa vishvamaapyaayayantyaa shesha sheshaashanaadi sarvaparijanam' bhagavatastattadavasthochita paricharyaayaam' aajnyaapayantyaa, sheelaroopaguna vilaasaadibhih' aatmaanuroopayaa shriyaa sahaaseenam', pratyagronmeelita sarasijasadri'sha nayanayugal'am', svachchhaneelajeemootasankaasham', atyujjvalapeetavaasasam', svayaa prabhayaa'tinirmalayaa atisheetalayaa atikomalayaa svachchhamaanikyaabhayaa kri'tsnam' jagadbhaasayantam',
Achintyadivyaadbhuta nityayauvana svabhaavalaavanyamayaamri'tasaagaram', atisaukumaaryaadi eeshat prasvinnavadaalakshyamaana lalaat'aphalaka divyaalakaavaleeviraajitam', prabuddhamugdhaambuja chaarulochanam', savibhramabhroolatam', ujjvalaadharam', shuchismitam', komalagand'am', unnasam', udagrapeenaam'sa vilambikund'alaalakaavalee bandhura kambukandharam', priyaavatam'sotpala karnabhooshanashlathaalakaabandha vimardasham'sibhih' chaturbhiraajaanuvilambibhirbhujairviraajitam', atikomala divyarekhaalankri'taataamrakaratalam', divyaangul'eeyakaviraajitam', atikomala divyanakhaaval'eeviraajitam', atiraktaanguleebhiralankri'tam', tatkshanonmeelita pund'areeka sadri'shacharanayugal'am', atimanohara kireet'amakut'a chood'aavatam'sa makarakund'ala graiveyaka haara keyoora kat'aka shreevatsa kaustubha muktaadaamodarabandhana peetaambara kaancheeguna noopuraadibhiratyanta sukhasparshaih' divyagandhairbhooshanairbhooshitam', shreematyaa vaijayantyaa vanamaalayaa viraajitam', shankhachakragadaa'si shaarngaadi divyaayudhaih' sevyamaanam', svasankalpamaatraavaklupta jagajjanmasthitidhvam'saadike shreemati vishvaksene nyasta samastaatmaishvaryam', vainateyaadibhih' svabhaavato nirasta samasta saam'saarika svabhaavaih' bhagavatparicharyaakarana yogyairbhagavatparicharyaikabhogai-rnityasiddhairanantaih' yathaa yogam' sevyamaanam', aatmabhogena ananusam'hitaparaadikaala divyaamala komalaavalokanena vishvamaahlaadayantam', eeshadunmeelita mukhaambujodaravinirgatena divyaananaaravinda shobhaajananena divyagaambheeryaudaarya saundarya maadhuryaadyanavadhika gunaganavibhooshitena, atimanohara divyabhaavagarbhena divyaleelaa''laapaamri'tena akhilajana hri'dayaantaraanyaapoorayantam' bhagavantam' naaraayanam' dhyaanayogena dri'sht'vaa, tato bhagavato nityasvaamyamaatmano nityadaasyam' cha yathaavasthitamanusandhaaya, kadaa'ham' bhagavantam' naaraayanam', mama kulanaatham', mama kuladaivatam', mama kuladhanam', mama bhogyam', mama maataram', mama pitaram', mama sarvam' saakshaatkaravaani chakshushaa |
Kadaa'ham' bhagavatpaadaambujadvayam' shirasaa sangraheeshyaami | kadaa'ham' bhagavatpaadaambujadvaya paricharyaa''shayaa nirastasamastetara bhogaashah', apagata samasta saam'saarikasvabhaavah' tatpaadaambujadvayam' pravekshyaami | kadaa'ham' bhagavatpaadaambujadvaya paricharyaakaranayogya-stadekabhogastatpaadau paricharishyaami | kadaa maam' bhagavaan svakeeyayaa atisheetalayaa dri'shaa avalokya, snigdhagambheeramadhurayaa giraa paricharyaayaam' aajnyaapayishyati, iti bhagavatparicharyaayaamaashaam' vardhayitvaa tayaivaa'shayaa tatprasaadopabri'm'hitayaa bhagavantamupetya, dooraadeva bhagavantam' sheshabhoge shriyaa sahaaseenam' vainateyaadibhih' sevyamaanam', samastaparivaaraaya shreemate naaraayanaaya namah', iti pranamya utthaayotthaaya punah' punah' pranamya atyanta saadhvasavinayaavanato bhootvaa, bhagavatpaarishadagananaayakairdvaarapaalaih' kri'payaa snehagarbhayaa dri'shaa'valokitah' samyagabhivanditaistaistairevaanumato bhagavantamupetya, shreemataa moolamantrena maamaikaantikaatyantika paricharyaakaranaaya parigri'hneeshva iti yaachamaanah' pranamyaatmaanam' bhagavate nivedayet |
Tato bhagavataa svayamevaatmasanjeevanena amaryaadasheelavataa atipremaanvitena avalokanenaavalokya sarvadesha sarvakaala sarvaavasthochitaatyantasheshabhaavaaya sveekri'to'nujnyaatashcha atyantasaadhvasavinayaavanatah' kinkurvaanah' kri'taanjaliput'o bhagavantamupaaseeta | tatashchaanubhooyamaana bhaavavisheshah' niratishayapreetyaa'nyatkinchitkartum' drasht'um' smartumashaktah' punarapi sheshabhaavameva yaachamaano bhagavantamevaavichchhinnasrotoroopenaavalokanena avalokayannaaseeta | tato bhagavataa svayamevaatmasanjeevanenaavalokanenaavalokya sasmitamaahooya samastakleshaapaham' niratishayasukhaavahamaatmeeyam', shreematpaadaaravindayugal'am' shirasi kri'tam' dhyaatvaa, amri'tasaagaraantarnimagnasarvaavayavah' sukhamaaseeta |

Lakshmeepateryatipateshcha dayaikadhaamnoh'
Yo'sau puraa samajanisht'a jagaddhitaartham |
Praapyam' prakaashayatu nah' paramam' rahasyam'
Sam'vaada esha sharanaagati mantrasaarah' ||

Iti shreebhagavadraamaanujavirachite shreevaikunt'hagadyam |