Sri Rama Raksha Stotram
śrī rāma rakṣā stotraṃ
asya śrīrāmarakṣāstotramaṃtrasya budhakauśika ṛṣiḥ śrīsītārāmacaṃdro devatā anuṣṭup chaṃdaḥ sītā śaktiḥ śrīmān hanumān kīlakaṃ śrīrāmacaṃdraprītyarthe rāmarakṣāstotrajape viniyogaḥ ||
dhyānaṃ |
dhyāyedājānubāhuṃ dhṛtaśaradhanuṣaṃ baddhapadmāsanasthaṃ
pītaṃ vāso vasānaṃ navakamaladal̤aspardhinetraṃ prasannam |
vāmāṃkārūḍhasītāmukhakamalamilallocanaṃ nīradābhaṃ
nānālaṃkāradīptaṃ dadhatamurujaṭāmaṃḍalaṃ rāmacaṃdram ||
atha stotraṃ |
caritaṃ raghunāthasya śatakoṭipravistaram |
ekaikamakṣaraṃ puṃsāṃ mahāpātakanāśanam || 1 ||
dhyātvā nīlotpalaśyāmaṃ rāmaṃ rājīvalocanam |
jānakīlakṣmaṇopetaṃ jaṭāmukuṭamaṃḍitam || 2 ||
sā'sitūṇadhanurbāṇapāṇiṃ naktaṃcarāṃtakam |
svalīlayā jagattrātumāvirbhūtamajaṃ vibhum || 3 ||
rāmarakṣāṃ paṭhetprājñaḥ pāpaghnīṃ sarvakāmadām |
śiro me rāghavaḥ pātu phālaṃ daśarathātmajaḥ || 4 ||
kausalyeyo dṛśau pātu viśvāmitrapriyaḥ śrutī |
ghrāṇaṃ pātu makhatrātā mukhaṃ saumitrivatsalaḥ || 5 ||
jihvāṃ vidyānidhiḥ pātu kaṃṭhaṃ bharatavaṃditaḥ |
skaṃdhau divyāyudhaḥ pātu bhujau bhagneśakārmukaḥ || 6 ||
karau sītāpatiḥ pātu hṛdayaṃ jāmadagnyajit |
madhyaṃ pātu kharadhvaṃsī nābhiṃ jāṃbavadāśrayaḥ || 7 ||
sugrīveśaḥ kaṭī pātu sakthinī hanumatprabhuḥ |
ūrū raghūttamaḥ pātu rakṣaḥkulavināśakṛt || 8 ||
jānunī setukṛtpātu jaṃghe daśamukhāṃtakaḥ |
pādau vibhīṣaṇaśrīdaḥ pātu rāmo'khilaṃ vapuḥ || 9 ||
etāṃ rāmabalopetāṃ rakṣāṃ yaḥ sukṛtī paṭhet |
sa cirāyuḥ sukhī putrī vijayī vinayī bhavet || 10 ||
pātālabhūtalavyomacāriṇaśchadmacāriṇaḥ |
na draṣṭumapi śaktāste rakṣitaṃ rāmanāmabhiḥ || 11 ||
rāmeti rāmabhadreti rāmacaṃdreti vā smaran |
naro na lipyate pāpairbhuktiṃ muktiṃ ca viṃdati || 12 ||
jagajjaitraikamaṃtreṇa rāmanāmnābhirakṣitam |
yaḥ kaṃṭhe dhārayettasya karasthāḥ sarvasiddhayaḥ || 13 ||
vajrapaṃjaranāmedaṃ yo rāmakavacaṃ smaret |
avyāhatājñaḥ sarvatra labhate jayamaṃgal̤am || 14 ||
ādiṣṭavānyathā svapne rāmarakṣāmimāṃ haraḥ |
tathā likhitavānprātaḥ prabuddho budhakauśikaḥ || 15 ||
ārāmaḥ kalpavṛkṣāṇāṃ virāmaḥ sakalāpadām |
abhirāmastrilokānāṃ rāmaḥ śrīmān sa naḥ prabhuḥ || 16 ||
taruṇau rūpasaṃpannau sukumārau mahābalau |
puṃḍarīka viśālākṣau cīrakṛṣṇājināṃbarau || 17 ||
phalamūlāśinau dāṃtau tāpasau brahmacāriṇau |
putrau daśarathasyaitau bhrātarau rāmalakṣmaṇau || 18 ||
śaraṇyau sarvasattvānāṃ śreṣṭhau sarvadhanuṣmatām |
rakṣaḥ kulanihaṃtārau trāyetāṃ no raghūttamau || 19 ||
āttasajyadhanuṣāviṣuspṛśāvakṣayāśuganiṣaṃgasaṃginau |
rakṣaṇāya mama rāmalakṣmaṇāvagrataḥ pathi sadaiva gacchatām || 20 ||
sannaddhaḥ kavacī khaḍgī cāpabāṇadharo yuvā |
gacchanmanorathānnaśca rāmaḥ pātu salakṣmaṇaḥ || 21 ||
rāmo dāśarathiḥ śūro lakṣmaṇānucaro balī |
kākutsthaḥ puruṣaḥ pūrṇaḥ kausalyeyo raghūttamaḥ || 22 ||
vedāṃtavedyo yajñeśaḥ purāṇapuruṣottamaḥ |
jānakīvallabhaḥ śrīmānaprameyaparākramaḥ || 23 ||
ityetāni japennityaṃ madbhaktaḥ śraddhayānvitaḥ |
aśvamedhādhikaṃ puṇyaṃ saṃprāpnoti na saṃśayaḥ || 24 ||
rāmaṃ dūrvādalaśyāmaṃ padmākṣaṃ pītavāsasam |
stuvaṃti nāmabhirdivyairna te saṃsāriṇo narāḥ || 25 ||
rāmaṃ lakṣmaṇapūrvajaṃ raghuvaraṃ sītāpatiṃ suṃdaraṃ
kākutsthaṃ karuṇārṇavaṃ guṇanidhiṃ viprapriyaṃ dhārmikam |
rājeṃdraṃ satyasaṃdhaṃ daśarathatanayaṃ śyāmalaṃ śāṃtamūrtiṃ
vaṃde lokābhirāmaṃ raghukulatilakaṃ rāghavaṃ rāvaṇārim || 26 ||
rāmāya rāmabhadrāya rāmacaṃdrāya vedhase |
raghunāthāya nāthāya sītāyāḥ pataye namaḥ || 27 ||
śrīrāma rāma raghunaṃdana rāma rāma
śrīrāma rāma bharatāgraja rāma rāma |
śrīrāma rāma raṇakarkaśa rāma rāma
śrīrāma rāma śaraṇaṃ bhava rāma rāma || 28 ||
śrīrāmacaṃdracaraṇau manasā smarāmi
śrīrāmacaṃdracaraṇau vacasā gṛṇāmi |
śrīrāmacaṃdracaraṇau śirasā namāmi
śrīrāmacaṃdracaraṇau śaraṇaṃ prapadye || 29 ||
mātā rāmo matpitā rāmacaṃdraḥ
svāmī rāmo matsakhā rāmacaṃdraḥ |
sarvasvaṃ me rāmacaṃdro dayāl̤uḥ
nānyaṃ jāne naiva jāne na jāne || 30 ||
dakṣiṇe lakṣmaṇo yasya vāme ca janakātmajā |
purato mārutiryasya taṃ vaṃde raghunaṃdanam || 31 ||
lokābhirāmaṃ raṇaraṃgadhīraṃ
rājīvanetraṃ raghuvaṃśanātham |
kāruṇyarūpaṃ karuṇākaraṃ taṃ
śrīrāmacaṃdraṃ śaraṇaṃ prapadye || 32 ||
manojavaṃ mārutatulyavegaṃ
jiteṃdriyaṃ buddhimatāṃ variṣṭham |
vātātmajaṃ vānarayūthamukhyaṃ
śrīrāmadūtaṃ śaraṇaṃ prapadye || 33 ||
kūjaṃtaṃ rāmarāmeti madhuraṃ madhurākṣaram |
āruhya kavitāśākhāṃ vaṃde vālmīkikokilam || 34 ||
āpadāmapahartāraṃ dātāraṃ sarvasaṃpadām |
lokābhirāmaṃ śrīrāmaṃ bhūyo bhūyo namāmyaham || 35 ||
bharjanaṃ bhavabījānāmarjanaṃ sukhasaṃpadām |
tarjanaṃ yamadūtānāṃ rāmarāmeti garjanam || 36 ||
rāmo rājamaṇiḥ sadā vijayate rāmaṃ rameśaṃ bhaje
rāmeṇābhihatā niśācaracamū rāmāya tasmai namaḥ |
rāmānnāsti parāyaṇaṃ parataraṃ rāmasya dāso'smyahaṃ
rāme cittalayaḥ sadā bhavatu me bho rāma māmuddhara || 37 ||
śrīrāma rāma rāmeti rame rāme manorame |
sahasranāma tattulyaṃ rāmanāma varānane || 38 ||
iti śrībudhakauśikamuni viracitaṃ śrīrāmarakṣā stotram |
Meaning
1. Invocation: The Rama Raksha Stotram was composed by sage Budha Kaushika under Lord Shiva’s divine instruction. Chanting it invokes Lord Rama’s protection and grace.
2. Dhyana: Meditate upon Rama seated in padmasana, holding a bow and arrows, serene-faced, with Sita on His left, radiating compassion and divine light.
3. Each verse removes sin and grants peace — even one syllable of Rama’s story destroys the gravest karma.
4. Protection: Lord Rama guards every part of the devotee’s body — head to toe — with His divine energy.
5. Power of the Name: The very name “Rama” is equal to a thousand names of Vishnu — it purifies and liberates.
6. Kavacham: The “Rama Kavacham” forms a diamond shield against all evils, dangers, and unseen forces.
7. Glory of Rama: Rama is the jewel of kings, destroyer of Ravana, protector of the world, embodiment of dharma and compassion.
8. Devotee’s surrender: The devotee declares Rama as mother, father, friend, master, and everything.
9. Blessings: Reciting this hymn grants longevity, peace, victory, and spiritual upliftment.
10. Conclusion: Remembering Rama’s name is more powerful than all rituals — it grants both worldly joy and liberation.
Summary:
Sri Rama Raksha Stotram is a sacred hymn revealed by Lord Shiva to Sage Budha Kaushika in a dream. Every verse is filled with divine vibrations that protect, purify, and uplift the devotee. Rama’s name itself is a shield of light, destroying sins and fears while bringing peace, health, and prosperity. Chanting this stotra daily — especially on Thursdays or during Rama Navami — invokes Lord Rama’s unfailing protection and eternal grace.
Frequently Asked Questions
What is Sri Rama Raksha Stotram?
When and how should one recite the Sri Rama Raksha Stotram?
What are the main benefits of reciting the Sri Rama Raksha Stotram?
Who can recite the Sri Rama Raksha Stotram?
How many times should this stotram be recited?
What is the origin or who is the author of the Sri Rama Raksha Stotram?
Related Stotras
Comments
Please login to leave a comment
Loading comments...