Sri Gayatri Hridayam

shree gaayatree hri'dayam'

||atha shreemaddeveebhaagavate mahaapuraane gaayatreehri'dayam' ||

        naarada uvaacha |
bhagavandevadevesha bhootabhavya jagatprabho  |
kavacham' cha shri'tam' divyam' gaayatreemantravigraham'  ||1||

adhunaa shrotumichchhaami gaayatreehri'dayam' param'  |
yaddhaaranaadbhavetpunyam' gaayatreejapato'khilam'  ||2||

        shreenaaraayana uvaacha |
devyaashcha hri'dayam' proktam' naaradaatharvane sphut'am'  |
tadevaaham' pravakshyaami rahasyaatirahasyakam'  ||3||

viraad'roopaam' mahaadeveem' gaayatreem' vedamaataram'  |
dhyaatvaa tasyaastvathaangeshu dhyaayedetaashcha devataah'  ||4||

pind'abrahmand'ayoraikyaadbhaavayetsvatanau tathaa  |
deveeroope nije dehe tanmayatvaaya saadhakah'  ||5||

naadevo'bhyarchayeddevamiti vedavido viduh'  |
tato'bhedaaya kaaye sve bhaavayeddevataa imaah'  ||6||

atha tatsampravakshyaami tanmayatvamayo bhavet  |
gaayatreehri'dayasyaasyaapyahameva ri'shih' smri'tah'  ||7||

gaayatreechhanda uddisht'am' devataa parameshvaree  |
poorvoktena prakaarena kuryaadangaani shat' kramaat  |
aasane vijane deshe dhyaayedekaagramaanasah'  ||8||

athaarthanyaasah' |  dyaumoordhni daivatam' |
dantapanktaavashvinau |  ubhe sandhye chausht'hau |
mukhamagnih' |  jihvaa sarasvatee |  greevaayaam' tu bri'haspatih' |
stanayorvasavo'sht'au |  baahvormarutah' |  hri'daye parjanyah' |
aakaashamudaram' |  naabhaavantariksham' |  kat'yorindraagnee |
jaghane vijnyaanaghanah' prajaapatih' |  kailaasamalaye ooroo |
vishvedevaa jaanvoh' |  janghaayaam' kaushikah' |  guhyamayane |
ooroo pitarah' |  paadau pri'thivee |  vanaspatayonguleeshu |
ri'shayo romaani |  nakhaani muhoortaani |  asthishu grahaah' |
asri'ngmaam'samri'tavah' |  sam'vatsaraa vai nimisham' |
ahoraatraavaadityashchandramaah' |
pravaram' divyaam' gaayatreem' sahasranetraam' sharanamaham' prapadye |
om tatsaviturvarenyaaya namah' |  om tatpoorvaajayaaya namah' |
tatpraataraadityaaya namah' |  tatpraataraadityapratisht'haayai namah' |
praataradheeyaano raatrikri'tam' paapam' naashayati |
saayamadheeyaano divasakri'tam' paapam' naashayati |
saayampraataradheeyaanah' apaapo bhavati |
sarvateertheshu snaato bhavati |  sarvairdevairjnyaato bhavati |
avaachyavachanaatpooto bhavati |  abhakshyabhakshanaatpooto bhavati |
abhojyabhojanaatpooto bhavati |  achoshyachoshanaatpooto bhavati |
asaadhyasaadhanaatpooto bhavati |  dushpratigrahashatasahasraatpooto bhavati |
panktidooshanaatpooto bhavati |  amri'tavachanaatpooto bhavati |
athaabrahmachaaree brahmachaaree bhavatee |
anena hri'dayenaadheetena kratusahasrenesht'am' bhavati |
shasht'ishatasahasragaayatryaa japyaani phalaani bhavanti |
asht'au braahmanaansamyaggraahayet |  tasya siddhirbhavati |
ya idam' nityamadheeyaano braahmanah' praatah' shuchih' sarvapaapah'
pramuchyata iti |  brahmaloke maheeyate |
ityaaha bhagavaan shreenaaraayanah' ||

iti shreedeveebhaagavate mahaapuraane dvaadashaskandhe
gaayatreehri'dayam' naama chaturtho'dhyaayah' |