Shri Ekadanta Stotram
śrī ekadaṃtastotraṃ
gṛtsamada uvāca |
madāsuraṃ suśāṃtaṃ vai dṛṣṭvā viṣṇumukhāḥ surāḥ |
bhṛgvādayaśca yogīṃdrā ekadaṃtaṃ samāyayuḥ ||1||
praṇamya taṃ prapūjyā''dau punaste nemurādarāt |
tuṣṭuvurharṣasaṃyuktā ekadaṃtaṃ gajānanaṃ ||2||
devarṣaya ūcuḥ |
sadātmarūpaṃ sakalādibhūta-
-mamāyinaṃ so'hamaciṃtyabodhaṃ |
athādimadhyāṃtavihīnamekaṃ
tamekadaṃtaṃ śaraṇaṃ vrajāmaḥ ||3||
anaṃtacidrūpamayaṃ gaṇeśa-
-mabhedabhedādivihīnamādyaṃ |
hṛdi prakāśasya dharaṃ svadhīsthaṃ
tamekadaṃtaṃ śaraṇaṃ vrajāmaḥ ||4||
samādhisaṃsthaṃ hṛdi yogināṃ tu
prakāśarūpeṇa vibhāṃtamevaṃ |
sadā nirālaṃbasamādhigamyaṃ
tamekadaṃtaṃ śaraṇaṃ vrajāmaḥ ||5||
svabiṃbabhāvena vilāsayuktaṃ
prakṛtya māyāṃ vividhasvarūpaṃ |
suvīryakaṃ tatra dadāti yo vai
tamekadaṃtaṃ śaraṇaṃ vrajāmaḥ ||6||
yadīya vīryeṇa samarthabhūtaṃ
svamāyayā saṃracitaṃ ca viśvaṃ |
turīyakaṃ hyātmakavittisaṃjñaṃ
tamekadaṃtaṃ śaraṇaṃ vrajāmaḥ ||7||
tvadīyasattādharamekadaṃtaṃ
guṇeśvaraṃ yaṃ guṇabodhitāraṃ |
bhajaṃta ādyaṃ tamajaṃ trisaṃsthā-
-stamekadaṃtaṃ śaraṇaṃ vrajāmaḥ ||8||
tatastvayā preritanādakena
suṣuptisaṃjñaṃ racitaṃ jagadvai |
samānarūpaṃ ca tathaikabhūtaṃ
tamekadaṃtaṃ śaraṇaṃ vrajāmaḥ ||9||
tadeva viśvaṃ kṛpayā prabhūtaṃ
dvibhāvamādau tamasā vibhātaṃ |
anekarūpaṃ ca tathaikabhūtaṃ
tamekadaṃtaṃ śaraṇaṃ vrajāmaḥ ||10||
tatastvayā preritakena sṛṣṭaṃ
susūkṣmabhāvaṃ jagadekasaṃsthaṃ |
susāttvikaṃ svapnamanaṃtamādyaṃ
tamekadaṃtaṃ śaraṇaṃ vrajāmaḥ ||11||
tat svapnamevaṃ tapasā gaṇeśa
susiddhirūpaṃ dvividhaṃ babhūva |
sadaikarūpaṃ kṛpayā ca te ya-
-ttamekadaṃtaṃ śaraṇaṃ vrajāmaḥ ||12||
tvadājñayā tena sadā hṛdistha
tathā susṛṣṭaṃ jagadaṃśarūpaṃ |
vibhinnajāgranmayamaprameyaṃ
tamekadaṃtaṃ śaraṇaṃ vrajāmaḥ ||13||
tadeva jāgradrajasā vibhātaṃ
vilokitaṃ tvatkṛpayā smṛteśca |
babhūva bhinnaṃ ca sadaikarūpaṃ
tamekadaṃtaṃ śaraṇaṃ vrajāmaḥ ||14||
tadeva sṛṣṭvā prakṛtisvabhāvā-
-ttadaṃtare tvaṃ ca vibhāsi nityaṃ |
dhiyaḥ pradātā gaṇanātha eka-
-stamekadaṃtaṃ śaraṇaṃ vrajāmaḥ ||15||
sarve grahā bhāni yadājñayā ca
prakāśarūpāṇi vibhāṃti khe vai |
bhramaṃti nityaṃ svavihārakāryā-
-ttamekadaṃtaṃ śaraṇaṃ vrajāmaḥ ||16||
tvadājñayā sṛṣṭikaro vidhātā
tvadājñayā pālaka eva viṣṇuḥ |
tvadājñayā saṃharako haro vai
tamekadaṃtaṃ śaraṇaṃ vrajāmaḥ ||17||
yadājñayā bhūstu jale prasaṃsthā
yadājñayā''paḥ pravahaṃti nadyaḥ |
svatīrasaṃsthaśca kṛtaḥ samudra-
-stamekadaṃtaṃ śaraṇaṃ vrajāmaḥ ||18||
yadājñayā devagaṇā divisthā
yacchaṃti vai karmaphalāni nityaṃ |
yadājñayā śailagaṇāḥ sthirā vai
tamekadaṃtaṃ śaraṇaṃ vrajāmaḥ ||19||
yadājñayā śeṣa ilādharo vai
yadājñayā mohada eva kāmaḥ |
yadājñayā kāladharo'ryamā ca
tamekadaṃtaṃ śaraṇaṃ vrajāmaḥ ||20||
yadājñayā vāti vibhāti vāyu-
-ryadājñayā'gnirjaṭharādisaṃsthaḥ |
yadājñayedaṃ sacarācaraṃ ca
tamekadaṃtaṃ śaraṇaṃ vrajāmaḥ ||21||
tadaṃtarikṣaṃ sthitamekadaṃtaṃ
tvadājñayā sarvamidaṃ vibhāti |
anaṃtarūpaṃ hṛdi bodhakaṃ tvāṃ
tamekadaṃtaṃ śaraṇaṃ vrajāmaḥ ||22||
suyogino yogabalena sādhyaṃ
prakurvate kaḥ stavane samarthaḥ |
ataḥ praṇāmena susiddhido'stu
tamekadaṃtaṃ śaraṇaṃ vrajāmaḥ ||23||
gṛtsamada uvāca |
evaṃ stutvā gaṇeśānaṃ devāḥ samunayaḥ prabhuṃ |
tūṣṇīṃ bhāvaṃ prapadyaiva nanṛturharṣasaṃyutāḥ ||24||
sa tānuvāca prītātmā devarṣīṇāṃ stavena vai |
ekadaṃto mahābhāgān devarṣīn bhaktavatsalaḥ ||25||
ekadaṃta uvāca |
stotreṇāhaṃ prasanno'smi surāḥ sarṣigaṇāḥ khalu |
vṛṇudhvaṃ varado'haṃ vo dāsyāmi manasīpsitaṃ ||26||
bhavatkṛtaṃ madīyaṃ yat stotraṃ prītipradaṃ ca tat |
bhaviṣyati na saṃdehaḥ sarvasiddhipradāyakaṃ ||27||
yadyadicchati tattadvai prāpnoti stotrapāṭhakaḥ |
putrapautrādikaṃ sarvaṃ kalatraṃ dhanadhānyakaṃ ||28||
gajāśvādikamatyaṃtaṃ rājyabhogādikaṃ dhruvaṃ |
bhuktiṃ muktiṃ ca yogaṃ vai labhate śāṃtidāyakaṃ ||29||
māraṇoccāṭanādīni rājyabaṃdhādikaṃ ca yat |
paṭhatāṃ śṛṇvatāṃ nṛṇāṃ bhavettadbaṃdhahīnatā ||30||
ekaviṃśativāraṃ yaḥ ślokānevaikaviṃśatiṃ |
paṭhedvai hṛdi māṃ smṛtvā dināni tvekaviṃśatiṃ ||31||
na tasya durlabhaṃ kiṃcittriṣu lokeṣu vai bhavet |
asādhyaṃ sādhayenmartyaḥ sarvatra vijayī bhavet ||32||
nityaṃ yaḥ paṭhati stotraṃ brahmībhūtaḥ sa vai naraḥ |
tasya darśanataḥ sarve devāḥ pūtā bhavaṃti ca ||33||
evaṃ tasya vacaḥ śrutvā prahṛṣṭā amararṣayaḥ |
ūcuḥ sarve karapuṭairbhaktyā yuktā gajānanaṃ ||34||
iti śrīmudgalapurāṇe ekadaṃtacarite paṃcapaṃcāśattamo'dhyāye śrī ekadaṃta stotraṃ |
Meaning
1. Sage Gritsamada saw the calm form of Lord Ganesha, and along with Vishnu and other gods, approached the One-Tusked Lord.
2. They bowed before Him with deep reverence and praised the elephant-faced Lord with devotion and joy.
3. The sages described Ganesha as the eternal Self, the beginning and end of all creation, beyond thought and illusion.
4. He is the infinite consciousness dwelling in the heart, radiating wisdom—unto that Lord we take refuge.
5. The yogis experience Him as the light within, attainable only through deep meditation and detachment.
6–7. By His power, creation arises and sustains; He is the source of the Turiya state—the pure awareness beyond waking, dream, and sleep.
8–11. All the states of consciousness and the world manifest by His will, taking countless forms through His play of Maya.
12–15. He resides within all intellects as the giver of discrimination; through His grace, the world of wakefulness shines.
16–21. Sun, Moon, Air, Fire, Earth, Gods, and all beings act according to His divine command.
6. The entire cosmos shines through His consciousness—He alone is the awareness in every heart.
7. Only the realized yogis can truly comprehend Him; others should bow with devotion to seek His grace.
24–25. After hearing the hymn, Lord Ekadanta, pleased with the devotion of the gods and sages, blessed them.
26–27. He said: “This hymn delights Me; whoever recites it with faith shall attain all perfections.”
28–30. The devotee gains children, wealth, prosperity, kingdom, and even liberation—no bondage can remain.
31–33. Reciting this 21-verse hymn for 21 days ensures success in all endeavors; even his sight purifies others.
8. The delighted gods bowed with folded hands, rejoicing at His divine presence.
Summary:
The Ekadanta Stotram extols Lord Ganesha as the cosmic principle—creator, sustainer, and destroyer of all worlds. He governs every force of nature and consciousness. The hymn blends philosophy with devotion, declaring that all creation operates under His command. In response, Ganesha promises fulfillment of all desires—material and spiritual—for sincere reciters. This stotra grants wisdom, victory, wealth, and liberation, leading devotees from worldly limitation to divine realization.
Frequently Asked Questions
What is Shri Ekadanta Stotram?
When and how should one recite this Stotram?
What are the benefits of reciting Shri Ekadanta Stotram?
Who should recite this Stotram?
How many times should this Stotram be recited?
What is the origin of Shri Ekadanta Stotram?
Related Stotras
Comments
Please login to leave a comment
Loading comments...