Daya Shatakam

Dayaa shatakam'

Prapadye tam' girim' praayah' shreenivaasaanukampayaa |
Ikshusaarasravantyeva yanmoortyaa sharkaraayitam || 1 ||

Vigaahe teerthabahulaam' sheetalaam' gurusantatim |
Shreenivaasadayaambhodhipareevaahaparamparaam || 2 ||

Kri'tinah' kamalaavaasakaarunyaikaantino bhaje |
Dhatte yatsooktiroopena trivedee sarvayogyataam || 3 ||

Paraasharamukhaanvande bhageerathanaye sthitaan |
Kamalaakaantakaarunyagangaaplaavitamadvidhaan || 4 ||

Asheshavighnashamanamaneekeshvaramaashraye |
Shreematah' karunaambhodhau shikshaasrota ivotthitam || 5 ||

Samastajananeem' vande chaitanyastanyadaayineem |
Shreyaseem' shreenivaasasya karunaamiva roopineem || 6 ||

Vande vri'shagireeshasya mahisheem' vishvadhaarineem |
Tatkri'paapratighaataanaam' kshamayaa vaaranam' yayaa || 7 ||

Nishaamayatu maam' neel'aa yadbhogapat'alairdhruvam |
Bhaavitam' shreenivaasasya bhaktadosheshvadarshanam || 8 ||

Kamapyanavadhim' vande karunaavarunaalayam |
Vri'shashailatat'asthaanaam' svayam' vyaktimupaagatam || 9 ||

Akinchananidhim' sootimapavargatrivargayoh' |
Anjanaadreeshvaradayaamabhisht'aumi niranjanaam || 10 ||

Anucharashaktyaadigunaamagresarabodhavirachitaalokaam |
Svaadheenavri'shagireeshaam' svayam' prabhootaam' pramaanayaami dayaam || 11 ||

Api nikhilalokasucharitamusht'indhayaduritamoorchhanaajusht'am |
Sanjeevayatu daye maamanjanagirinaatharanjanee bhavatee || 12 ||

Bhagavati daye bhavatyaam' vri'shagirinaathe samaaplute tunge |
Apratighamajjanaanaam' hastaalambo madaagasaam' mri'gyah' || 13 ||

Kri'panajanakalpalatikaam' kri'taaparaadhasya nishkriyaamaadyaam |
Vri'shagirinaathadaye tvaam' vidanti sam'saarataarineem' vibudhaah' || 14 ||

Vri'shagirigri'hamedhigunaa bodhabalaishvaryaveeryashaktimukhaah' |
Doshaa bhaveyurete yadi naama daye tvayaa vinaabhootaah' || 15 ||

Aasri'sht'i santataanaamaparaadhaanaam' nirodhineem' jagatah' |
Padmaasahaayakarune pratisancharakel'imaacharasi || 16 ||

Achidavishisht'aanpralaye jantoonavalokya jaatanirvedaa |
Karanakalebarayogam' vitarasi vri'shashailanaathakarune tvam || 17 ||

Anugunadashaarpitena shreedharakarune samaahitasnehaa |
Shamayasi tamah' prajaanaam' shaastramayena sthirapradeepena || 18 ||

Rud'haa vri'shaachalapateh' paade mukhakaantipatralachchhaayaa |
Karune sukhayasi vinataankat'aakshavit'apaih' karaapacheyaphalaih' || 19 ||

Nayane vri'shaachalendostaaraamaitreem' dadhaanayaa karune |
Dri'sht'astvayaiva janimaanapavargamakri'sht'apachyamanubhavati || 20 ||

Samayopanataistava pravaahairanukampe kri'tasamplavaa dharitree |
Sharanaagatasasyamaalineeyam' vri'shashaileshakri'sheevalam' dhinoti || 21 ||

Kalashodadhisampado bhavatyaah' karune sanmatimanthasam'skri'taayaah' |
Amri'taam'shamavaimi divyadeham' mri'tasanjeevanamanjanaachalendoh' || 22 ||

Jaladheriva sheetataa daye tvam' vri'shashailaadhipatessvabhaavabhootaa |
Pralayaarabhat'eem'nat'eem' tadeekshaam' prasabham' graahayasi prasaktilaasyam || 23 ||

Pranatapratikoolamoolaghaatee pratighah' ko'pi vri'shaachaleshvarasya |
Kalame yavasaapachaayaneetyaa karune kinkarataam' tavopayaati || 24 ||

Abahishkri'tanigrahaanvidantah' kamalaakaantagunaansvatantrataadeen |
Avikalpamanugraham' duhaanaam' bhavateemeva daye bhajanti santah' || 25 ||

Kamalaanilayastvayaa dayaaluh' karune nishkarunaa niroopane tvam |
Ata eva hi taavakaashritaanaam' duritaanaam' bhavati tvadeva bheetih' || 26 ||

Atilanghitashaasaneshvabheekshnam' vri'shashailaadhipatirvijri'mbhitoshmaa |
Punareva daye kshamaanidaanairbhavateemaadriyate bhavatyadheenaih' || 27 ||

Karune duriteshu maamakeshu pratikaaraantaradurjayeshu khinnah' |
Kavachaayitayaa tvayaiva shaarngee vijayasthaanamupaashrito vri'shaadrim || 28 ||

Mayi tisht'hati dushkri'taam' pradhaane mitadoshaanitaraanvichinvatee tvam |
Aparaadhaganairapoornakukshih' kamalaakaantadaye katham' bhavitree || 29 ||

Ahamasmyaparaadhachakravartee karune tvam' cha guneshu saarvabhaumee |
Vidushee sthitimeedri'sheem' svayam' maam' vri'shashaileshvarapaadasaatkuru tvam || 30 ||

Ashithilakarane'sminnakshatashvaasavri'ttau
Vapushi gamanayogye vaasamaasaadayeyam |
Vri'shagirikat'akeshu vyanjayatsu prateetai-
Rmadhumathanadaye tvaam' vaaridhaaraavisheshaih' || 31 ||

Aviditanijayogakshemamaatmaanabhijnyam'
Gunalavarahitam' maam' goptukaamaa daye tvam |
Paravati chaturaiste vibhramaih' shreenivaase
Bahumatimanapaayaam' vindasi shreedharanyoh' || 32 ||

Phalavitaranadaksham' pakshapaataanabhijnyam'
Pragunamanuvidheyam' praapya padmaasahaayam |
Mahati gunasamaaje maanapoorvam' daye tvam'
Prativadasi yathaarham' paapmanaam' maamakaanaam || 33 ||

Anubhavitumaghaugham' naalamaagaamikaalah'
Prashamayitumashesham' nishkriyaabhirna shakyam |
Svayamiti hi daye tvam' sveekri'tashreenivaasaa
Shithilitabhavabheetishshreyase jaayase nah' || 34 ||

Avataranavisheshairaatmaleelaapadeshai-
Ravamatimanukampe mandachitteshu vindan |
Vri'shabhashikharinaathastvannideshena noonam'
Bhajati charanabhaajaam' bhaavino janmabhedaan || 35 ||

Parahitamanukampe bhaavayantyaam' bhavatyaam'
Sthiramanupadhi haardam' shreenivaaso dadhaanah' |
Lalitaruchishu lakshmeebhoomineelaasu noonam'
Prathayati bahumaanam' tvatpratichchhandabuddhyaa || 36 ||

Vri'shagirisavidheshu vyaajato vaasabhaajaam'
Duritakalushitaanaam' dooyamaanaa daye tvam |
Karanavilayakaale kaandisheekasmri'teenaam'
Smarayasi bahuleelam' maadhavam' saavadhaanaa || 37 ||

Dishi dishi gatividbhirdeshikairneeyamaanaa
Sthirataramanukampe styaanalagnaa gunaistvam |
Parigatavri'shashailam' paaramaaropayantee
Bhavajaladhigataanaam' potapaatree bhavitree || 38 ||

Parimitaphalasangaatpraaninah' kimpachaanaa
Nigamavipanimadhye nityamuktaanushaktam |
Prasadanamanukampe praaptavatyaam' bhavatyaam'
Vri'shagiriharineelam' vyanjitam' nirvishanti || 39 ||

Tvayi bahumatiheenah' shreenivaasaanukampe
Jagati gatimihaanyaam' devi sammanyate yah' |
Sa khalu vibudhasindhau sannikarshe vahantyaam'
Shamayati mri'gatri'shnaaveechikaabhih' pipaasaam || 40 ||

Aajnyaam' khyaatim' dhanamanucharaanaadhiraajyaadikam' vaa
Kaale dri'sht'vaa kamalavasaterapyakinchitkaraani |
Padmaakaantam' pranihitavateem' paalane'nanyasaadhye
Saaraabhijnyaa jagati kri'tinassam'shrayante daye tvaam || 41 ||

Praajaapatyaprabhri'tivibhavam' prekshya paryaayaduh'kham'
Janmaakaankshan vri'shagirivane jagmushaam' tasthushaam' vaa |
Aashaasaanaah' katichana vibhoh' tvatparishvangadhanyaih'
Angeekaaram' kshanamapi daye haardatungairapaangaih' || 42 ||

Naabheepadmasphuranasubhagaa navyaneelotpalaabhaa
Kreed'aashailam' kamapi karune vri'nvatee venkat'aakhyam |
Sheetaa nityam' prasadanavatee shraddhadhaanaavagaahyaa
Divyaa kaachijjayati mahatee deerghikaa taavakeenaa || 43 ||

Yasmindri'sht'e taditarasukhairgamyate goshpadatvam'
Satyam' jnyaanam' tribhiravadhibhirmuktamaanandasindhum |
Tvatsveekaaraattamiha kri'tinassooribri'ndaanubhaavyam'
Nityaapoorvam' nidhimiva daye nirvishantyanjanaadrau || 44 ||

Saaram' labdhvaa kamapi mahatah' shreenivaasaamburaasheh'
Kaale kaale ghanarasavatee kaalikevaanukampe |
Vyaktonmeshaa mri'gapatigirau vishvamaapyaayayantee
Sheelopajnyam' ksharati bhavatee sheetalam' sadgunaugham || 45 ||

Bheeme nityam' bhavajalanidhau majjataam' maanavaanaa-
Maalambaartham' vri'shagiripatistvannideshaatprayunkte |
Prajnyaasaaram' prakri'timahataa moolabhaagena jusht'am'
Shaakhaabhedaissubhagamanagham' shaashvatam' shaastrapaanim || 46 ||

Vidvatsevaakatakanikashairveetapankaashayaanaam'
Padmaakaantah' pranayati daye darpanam' te svashaastram |
Leelaadakshaam' tvadanavasare laalayanvipralipsaam'
Maayaashaastraanyapi shamayitum' tvatprapannaprateepaan || 47 || [damayitum']

Daivaatpraapte vri'shagiritat'am' dehini tvannidaanaa-
Tsvaaminpaaheetyavashavachane vindati svaapamantyam |
Devah' shreemaan dishati karune dri'sht'imichchham'stvadeeyaa-
Mudghaatena shrutiparishadaamuttarenaabhimukhyam || 48 ||

Shreyassootim' sakri'dapi daye sammataam' yassakheem' te
Sheetodaaraamalabhata janah' shreenivaasasya dri'sht'im |
Devaadeenaamayamanri'nataam' dehavattve'pi vinda-
Nbandhaanmukto balibhiranaghaih' pooryate tatprayuktaih' || 49 ||

Divyaapaangam' dishasi karune yeshu saddeshikaatmaa
Kshipram' praaptaa vri'shagiripatim' kshatrabandhvaadayaste |
Vishvaachaaryaa vidhishivamukhaassvaadhikaaroparuddhaa
Manye maataa jad'a iva sute vatsalaa maadri'she tvam || 50 ||

Atikri'pano'pi janturadhigamya daye bhavatee-
Mashithiladharmasetupadaveem' ruchiraamachiraat |
Amitamahormijaalamatilanghya bhavaambunidhim'
Bhavati vri'shaachaleshapadapattananityadhanee || 51 ||

Abhimukhabhaavasampadabhisambhavinaam' bhavinaam'
Kvachidupalakshitaa kvachidabhanguragood'hagatih' |
Vimalarasaavahaa vri'shagireeshadaye bhavatee
Sapadi sarasvateeva shamayatyaghamapratigham || 52 ||

Api karune janasya tarunenduvibhooshanataa-
Mapi kamalaasanatvamapi dhaama vri'shaadripateh' |
Taratamataavashena tanute nanu te vitatih'
Parahitavarshmanaa paripachelimakelimatee || 53 ||

Dhri'tabhuvanaa daye trividhagatyanukoolataraa
Vri'shagirinaathapaadaparirambhavatee bhavatee |
Aviditavaibhavaa'pi surasindhurivaatanute
Sakri'davagaahamaanamapataapamapaapamapi || 54 ||

Nigamasamaashritaa nikhilalokasamri'ddhikaree
Bhajadaghakoolamudvahagatih' paritaptahitaa |
Prakat'itaham'samatsyakamat'haadyavataarashataa
Vibudhasarichchhriyam' vri'shagireeshadaye vahasi || 55 ||

Jagati mitampachaa tvaditaraa tu daye taralaa
Phalaniyamojjhitaa bhavati santapanaaya punah' |
Tvamiha nirankushaprashakanaadivibhootimatee
Vitarasi dehinaam' niravadhim' vri'shashailanidhim || 56 ||

Sakarunalaukikaprabhuparigrahanigrahayo-
Rniyatimupaadhichakraparivri'ttiparamparayaa |
Vri'shabhamaheedhareshakarune vitarangayataam'
Shrutimitasampadi tvayi katham' bhavitaa vishayah' || 57 ||

Vri'shagirikri'shnameghajanitaam' janitaapaharaam'
Tvadabhimatim' suvri'sht'imupajeevya nivri'ttatri'shah' |
Bahushu jalaashayeshu bahumaanamapohya daye
Na jahati satpatham' jagati chaatakavatkri'tinah' || 58 ||

Tvadudayatoolikaabhiramunaa vri'shashailajushaa
Sthiratarashilpinaiva parikalpitachitradhiyah' |
Yatipatiyaamunaprabhri'tayah' prathayanti daye
Jagati hitam' na nastvayi bharanyasanaadadhikam || 59 ||

Mri'duhri'daye daye mri'ditakaamahite mahite
Dhri'tavibudhe budheshu vitataatmadhure madhure |
Vri'shagirisaarvabhaumadayite mayi te mahateem'
Bhavukanidhe nidhehi bhavamoolaharaam' lahareem || 60 ||

Akoopaarairekodakasamayavaitand'ikajavai-
Ranirvaapyaam' kshipram' kshapayitumavidyaakhyabad'abaam |
Kri'pe tvam' tattaadri'kprathimavri'shapri'thveedharapati-
Svaroopadvaigunyadvigunanijabinduh' prabhavasi || 61 ||

Vivitsaavetaaleevigamaparishuddhe'pi hri'daye
Pat'upratyaahaaraprabhri'tiput'apaakaprachakitaah' |
Namantastvaam' naaraayanashikharikoot'asthakarune
Niruddhatvaddrohaa nri'patisutaneetim' na jahati || 62 ||

Ananyaadheenassanbhavati paratantrah' pranamataam'
Kri'pe sarvadrasht'aa na ganayati teshaamapakri'tim |
Patistvatpaaraarthyam' prathayati vri'shakshmaadharapati-
Rvyavasthaam' vaiyaatyaaditi vighat'ayantee viharasi || 63 ||

Apaam' patyushshatroonasahanamunerdharmanigalam'
Kri'pe kaakasyaikam' hitamiti hinasti sma nayanam |
Vileenasvaatantryo vri'shagiripatistvadvihri'tibhi-
Rdishatyevam' devo janitasugatim' dand'anagatim || 64 ||

Nishaadaanaam' netaa kapikulapatih' kaapi shabaree
Kuchelah' kubjaa saa vrajayuvatayo maalyakri'diti |
Ameeshaam' nimnatvam' vri'shagiripaterunnatimapi
Prabhootaissrotobhih' prasabhamanukampe shamayasi || 65 ||

Tvayaa dri'sht'astusht'im' bhajati paramesht'hee nijapade
Vahanmoorteerasht'au viharati mri'd'aaneeparibri'd'hah' |
Bibharti svaaraajyam' vri'shashikharishri'ngaarikarune
Shunaaseero devaasurasamaranaaseerasubhat'ah' || 66 ||

Daye dugdhodanvadvyatiyutasudhaasindhunayata-
Stvadaashleshaannityam' janitamri'tasanjeevanadashaah' |
Svadante daantebhyashshrutivadanakarpooragulikaa
Vivri'nvantashchittam' vri'shashikharivishvambharagunaah' || 67 ||

Jagajjanmasthemapralayarachanaakelirasiko
Vimuktyaikadvaaram' vighat'itakavaat'am' pranayinaam |
Iti tvayyaayattam' dvitayamupadheekri'tya karune
Vishuddhaanaam' vaachaam' vri'shashikharinaathasstutipadam || 68 ||

Kalikshobhonmeelatkshitikalushakoolankashajavai-
Ranuchchhedai retairavat'atat'avaishamyarahitaih' |
Pravaahaiste padmaasahacharaparishkaarini kri'pe
Vikalpante'nalpaa vri'shashikharino nirjharagunaah' || 69 ||

Khilam' chetovri'tteh' kimidamiti vismerabhuvanam'
Kri'pe sim'hakshmaabhri'tkri'tamukhachamatkaarakaranam |
Bharanyaasachchhannaprabalavri'jinapraabhri'tabhri'taam'
Pratiprasthaanam' te shrutinagarashri'ngaat'akajushah' || 70 ||

Trividhachidachitsattaasthemapravri'ttiniyaamikaa
Vri'shagirivibhorichchhaa saa tvam' parairaparaahataa |
Kri'panabharabhri'tkinkurvaanaprabhootagunaantaraa
Vahasi karune vaichakshanyam' madeekshanasaahase || 71 ||

Vri'shagiripaterhri'dyaa vishvaavataarasahaayinee
Kshapitanikhilaavadyaa devi kshamaadinishevitaa |
Bhuvanajananee pum'saam' bhogaapavargavidhaayinee
Vitamasi pade vyaktim' nityaam' bibharshi daye svayam || 72 ||

Svayamudayinassiddhaadyaavishkri'taashcha shubhaalayaa
Vividhavibhavavyoohaavaasaah' param' cha padam' vibhoh' |
Vri'shagirimukheshveteshvichchhaavadhi pratilabdhaye
Dri'd'havinihitaa nishrenistvam' daye nijaparvabhih' || 73 ||

Hitamiti jagaddri'sht'yaa kluptairakluptaphalaantarai-
Ramativihitairanyairdharmaayitaishcha yadri'chchhayaa |
Parinatabahuchchhadmaa padmaasahaayadaye svayam'
Pradishasi nijaabhipretam' nah' prashaamyadapatrapaa || 74 ||

Atividhishivairaishvaryaatmaanubhootirasairjanaa-
Nahri'dayamihopachchhandyaishaamasangadashaarthinee |
Tri'shitajanataateerthasnaanakramakshapitainasaam'
Vitarasi daye veetaatankaa vri'shaadripateh' padam || 75 ||

Vri'shagirisudhaasindhau janturdaye nihitastvayaa
Bhavabhayapareetaapachchhittyai bhajannaghamarshanam |
Mushitakalusho mukteragresarairabhipooryate
Svayamupanataissvaatmaanandaprabhri'tyanubandhibhih' || 76 ||

Anitarajushaamantarmoole'pyapaayapariplave
Kri'tavidanaghaa vichchhidyaishaam' kri'pe yamavashyataam |
Prapadanaphalapratyaadeshaprasangavivarjitam'
Pratividhimupaadhatse saardham' vri'shaadrihitaishinaa || 77 ||

Kshanavilayinaam' shaastraarthaanaam' phalaaya niveshite
Pitri'suragane nirveshaatpraagapi pralayam' gate |
Adhigatavri'shakshmaabhri'nnaathaamakaalavasham'vadaam'
Pratibhuvamiha vyaachakhyustvaam' kri'pe nirupaplavaam || 78 ||

Tvadupasadanaadadya shvo vaa mahaapralaye'pi vaa
Vitarati nijam' paadaambhojam' vri'shaachalashekharah' |
Tadiha karune tattatkreed'aatarangaparamparaa-
Taratamatayaa jusht'aayaaste duratyayataam' viduh' || 79 ||

Pranihitadhiyaam' tvatsampri'kte vri'shaadrishikhaamanau
Prasri'marasudhaadhaaraakaaraa praseedati bhaavanaa |
Dri'd'hamiti daye dattaasvaadam' vimuktivalaahakam'
Nibhri'tagaruto nidhyaayanti sthiraashayachaatakaah' || 80 ||

Kri'pe vigatavelayaa kri'tasamagraposhaistvayaa
Kalijvalanadurgate jagati kaalameghaayitam |
Vri'shakshitidharaadishu sthitipadeshu saanuplavai-
Rvri'shaadripativigrahairvyapagataakhilaavagrahaih' || 81 ||

Prasooya vividham' jagattadabhivri'ddhaye tvam' daye
Sameekshanavichintanaprabhri'tibhissvayam' taadri'shaih' |
Vichitragunachitritaam' vividhadoshavaideshikeem'
Vri'shaachalapatestanum' vishasi matsyakoormaadikaam || 82 ||

Yugaantasamayochitam' bhajati yoganidraarasam'
Vri'shakshitibhri'deeshvare viharanakramaajjaagrati |
Udeernachaturarnaveekadanavedineem' medineem'
Samuddhri'tavatee daye tvadabhijusht'ayaa dam'sht'rayaa || 83 ||

Sat'aapat'alabheeshane sarabhasaat't'ahaasodbhat'e
Sphuratkrudhi parisphut'abhrukut'ike'pi vaktre kri'te |
Daye vri'shagireeshiturdanujad'imbhadattastanaa
Sarojasadri'shaa dri'shaa samuditaakri'tirdri'shyase || 84 ||

Prasaktamadhunaa vidhipranihitaissaparyodakai-
Ssamastaduritachchhidaa nigamagandhinaa tvam' daye |
Asheshamavisheshatastrijagadanjanaadreeshitu-
Shcharaacharamacheekarashcharanapankajenaankitam || 85 ||

Parashvathatapodhanaprathanasatkri'toopaakri'ta-
Kshiteeshvarapashuksharatkshatajakunkumasthaasakaih' |
Vri'shaachaladayaalunaa nanu vihartumaalipyathaah'
Nidhaaya hri'daye daye nihatarakshitaanaam' hitam || 86 ||

Kri'pe kri'tajagaddhite kri'panajantuchintaamane
Ramaasahacharam' tadaa raghudhureenayantyaa tvayaa |
Vyabhajyata saritpatissakri'davekshanaattatkshanaa-
Tprakri'sht'abahupaatakaprashamahetunaa setunaa || 87 ||

Kri'pe paravatastvayaa vri'shagireeshituh' kreed'itam'
Jagaddhitamasheshatastadidamitthamarthaapyate |
Madachchhalaparichyutapranatadushkri'taprekshitai-
Rhataprabaladaanavairhaladharasya helaashataih' || 88 ||

Prabhootavibudhadvishadbharanakhinnavishvambharaa-
Bharaapanayanachchhalaattvamavataarya lakshmeedharam |
Niraakri'tavatee daye nigamasaudhadeepashriyaa
Vipashchidavigeetayaa jagati geetayaa'ndham' tamah' || 89 ||

Vri'shaadrihayasaadinah' prabaladormarutprenkhita-
Stvishaa sphut'atat'idgunastvadavasekasam'skaaravaan |
Karishyati daye kaliprabalagharmanirmoolanam'
Punah' kri'tayugaankuram' bhuvi kri'paanadhaaraadharah' || 90 ||

Vishvopakaaramiti naama sadaa duhaanaa-
Madyaapi devi bhavateemavadheerayantam |
Naathe niveshaya vri'shaadripatau daye tvam'
Nyastasvarakshanabharam' tvayi maam' tvayaiva || 91 ||

Naisargikena tarasaa karune niyuktaa
Nimnetare'pi mayi te vitatiryadi syaat |
Vismaapayedvri'shagireeshvaramapyavaaryaa
Velaatilanghanadasheva mahaamburaasheh' || 92 ||

Vijnyaatashaasanagatirvipareetavri'ttyaa
Vri'traadibhih' parichitaam' padaveem' bhajaami |
Evam' vidhe vri'shagireeshadaye mayi tvam'
Deene vibhoshshamaya dand'adharatvaleelaam || 93 ||

Maasaahasoktighanakanchukavanchitaanyah'
Pashyatsu teshu vidadhaamyatisaahasaani |
Padmaasahaayakarune na runatsi kim' tvam'
Ghoram' kulingashakuneriva chesht'itam' me || 94 ||

Vikshepamarhasi daye vipalaayite'pi
Vyaajam' vibhaavya vri'shashailapatervihaaram |
Svaadheenasatvasaranissvayamatra jantau
Draagheeyasee dri'd'hataraa gunavaaguraa tvam || 95 ||

Santanyamaanamaparaadhaganam' vichintya
Trasyaami hanta bhavateem' cha vibhaavayaami |
Ahnaaya me vri'shagireeshadaye jaheemaa-
Maasheevishagrahanakelinibhaamavasthaam || 96 ||

Autsukyapoorvamupahri'tya mahaaparaadhaa-
Nmaatah' prasaadayitumichchhati me manastvaam |
Aalihya taanniravasheshamalabdhatri'pti-
Staamyasyaho vri'shagireeshadhri'taa daye tvam || 97 ||

Jahyaadvri'shaachalapatih' pratighe'pi na tvaam'
Gharmopatapta iva sheetalataamudanvaan |
Saa maamaruntudabharanyasanaanuvri'tti-
Stadveekshanaih' spri'sha daye tava kelipadmaih' || 98 ||

Dri'sht'e'pi durbaladhiyam' damane'pi dri'ptam'
Snaatvaa'pi dhoolirasikam' bhajane'pi bheemam |
Baddhvaa gri'haana vri'shashailapaterdaye maam'
Tvadvaaranam' svayamanugrahashri'nkhalaabhih' || 99 ||

Naatah' param' kimapi me tvayi naathaneeyam'
Maatardaye mayi kurushva tathaa prasaadam |
Baddhaadaro vri'shagiripranayee yathaa'sau
Muktaanubhootimiha daasyati me mukundah' || 100 ||

Nisseemavaibhavajushaam' mishataam' gunaanaam'
Stoturdaye vri'shagireeshaguneshvareem' tvaam |
Taireva noonamavashairabhinanditam' me
Satyaapitam' tava balaadakutobhayatvam || 101 ||

Adyaapi tadvri'shagireeshadaye bhavatyaa-
Maarambhamaatramanidam' prathamastuteenaam |
Sandarshitasvaparanirvahanaa sahethaah'
Mandasya saahasamidam' tvayi vandino me || 102 ||

Praayo daye tvadanubhaavamahaamburaashau
Praachetasaprabhri'tayo'pi param' tat'asthaah' |
Tatraavateernamatalaspri'shamaaplutam' maam'
Padmaapateh' prahasanochitamaadriyethaah' || 103 ||

Vedaantadeshikapade viniveshya baalam'
Devo dayaashatakametadavaadayanmaam |
Vaihaarikena vidhinaa samaye gri'heetam'
Veenaavisheshamiva venkat'ashailanaathah' || 104 ||

Anavadhimadhikri'tya shreenivaasaanukampaa-
Mavitathavishayatvaadvishvamavreel'ayantee |
Vividhakushalaneevee venkat'eshaprasootaa
Stutiriyamanavadyaa shobhate satvabhaajaam || 105 ||

Shatakamidamudaaram' samyagabhyasyamaanaan
Vri'shagirimadhiruhya vyaktamaalokayantee |
Anitarasharanaanaamaadhiraajye'bhishinche-
Chchhamitavimatapakshaa shaarngadhanvaanukampaa || 106 ||

Vishvaanugrahamaataram' vyatishajatsvargaapavargaam' sudhaa-
Sadhreecheemiva venkat'eshvarakavirbhaktyaa dayaamastuta |
Padmaanaamiha yadvidheyabhagavatsankalpakalpadrumaa-
Jjanjhaamaarutadhootachootanayatassaampaatiko'yam' kramah' || 107 ||

Kaamam' santu mithah' karambitagunaavadyaani padyaani nah'
Kasyaasmin shatake sadambukatake doshashrutim' kshaamyati |
Nishpratyoohavri'shaadrinirjharajharatkaarachchhalenochchala-
Ddeenaalambanadivyadampatidayaakallolakolaahalah' || 108 ||

Iti shreekavitaarkikasim'hasya sarvatantrasvatantrasya shreemadvenkat'anaathasya vedaantaachaaryasya kri'tishu dayaashatakam |