Apamarjana Stotram

Apaamaarjana stotram'

Shreedaalbhya uvaacha |
Bhagavanpraaninah' sarve visharogaadyupadravaih' |
Dusht'agrahaabhighaataishcha sarvakaalamupadrutaah' || 1 ||

Aabhichaarikakri'tyaabhih' sparsharogaishcha daarunaih' |
Sadaa sampeed'yamaanaastu tisht'hanti munisattama || 2 ||

Kena karmavipaakena visharogaadyupadravaah' |
Na bhavanti nri'naam' tanme yathaavadvaktumarhasi || 3 ||

Shree pulastya uvaacha |
Vratopavaasairyairvishnuh' naanyajanmani toshitah',
Te naraa munishaardoola visharogaadibhaaginah'. || 4 || [*graha*]

Yairna tatpravanam' chittam' sarvadaiva naraih' kri'tam |
Vishagrahajvaraanaam' te manushyaa daalbhya bhaaginah' || 5 ||

Aarogyam' paramaamri'ddhim' manasaa yadyadichchhati |
Tattadaapnotyasandigdham' paratraachyutatoshakri't || 6 ||

Naadheen praapnoti na vyaadheenna vishagrahabandhanam |
Kri'tyaa sparshabhayam' vaa'pi toshite madhusoodane || 7 ||

Sarvaduh'khashamastasya saumyaastasya sadaa grahaah' |
Devaanaamapradhri'shyo'sau tusht'o yasya janaardanah' || 8 ||

Yah' samah' sarvabhooteshu yathaa''tmani tathaa pare |
Upavaasaadi daanena toshite madhusoodane || 9 ||

Toshitaastatra jaayante naraah' poornamanorathaah' |
Arogaah' sukhino bhogaanbhoktaaro munisattama || 10 ||

Na teshaam' shatravo naiva sparsharogaabhichaarikaah' |
Graharogaadikam' vaa'pi paapakaaryam' na jaayate || 11 ||

Avyaahataani kri'shnasya chakraadeenyaayudhaani cha |
Rakshanti sakalaapadbhyo yena vishnurupaasitah' || 12 ||

Shree daalbhya uvaacha |
Anaaraadhitagovindaa ye naraa duh'khabhaaginah' |
Teshaam' duh'khaabhitaptaanaam' yatkartavyam' dayaal'ubhih' || 13 ||

Pashyadbhih' sarvabhootastham' vaasudevam' mahaamune |
Samadri'sht'ibhireeshesham' tanmahyam' broohyasheshatah' || 14 ||

Shreepulastya uvaacha |
Shrotu kaamosi vai daalbhya shri'nushva susamaahitah' |
Apaamaarjanakam' vakshye nyaasapoorvamidam' param || 15 ||

[* prayoga vidhi –
Gri'heetvaa tu samoolaagraankushaan shuddhaanupaskri'taan |
Maarjayetsarvagaatraani kushaagrairdaalbhya shaantikri't || 16 ||
Shareere yasya tisht'hanti kushaagrajalabindavah' |
Nashyanti sarvapaapaani garud'eneva pannagaah' || 17 ||
Kushamoole sthito brahmaa kusha madhye janaardanah' |
Kushaagre shankaram' vidyaattrayodevaa vyavasthitaah' || 18 ||
Vishnubhakto visheshena shuchistadgatamaanasah' |
Rogagrahavishaartaanaam' kuryaachchhaantimimaam' shubhaam || 19 ||
Shubhehani shuchirbhootvaa saadhakasyaanukoolatah' |
Nakshatre cha vipajjanmavadhapratyagvivarjite || 20 ||
Vaare'rkabhaumayormantree shuchaudeshe dvijottamah' |
Gocharmamaatram' bhoodesham' gomayenopalipya cha || 21 ||
Tatra bhaaradvayavreeheem'stadardham' vaa tadardhakam |
Nikshipyastand'ilam' kri'tvaa likhetpadmam' chaturdal'am || 22 ||
Sauvarnam' raajatam' taamram' mri'nmayam' vaa navam' dri'd'ham |
Avranam' kalasham' shuddham' sthaapayettand'ulopari || 23 ||
Tatrodakam' samaaneeya shuddham' nirmalameva cha |
Ekam' shatam' kushaan saagraan sthaapayetkalashopari || 24 ||
Kalashasya mukhe vishnuh' kant'he rudrah' samaashritah' |
Moole tatra sthito brahmaa madhye maatri'ganaah' smri'taah' || 25 ||
Kukshau tu saagaraassarve saptadveepaa vasundharaah' |
Sheshaastu devataassarvaah' kalasham' tu samaashritaah' || 26 ||
Ghat'am' pumaam' sanjaaneeyaattoyapoornam' tu vinyaset |
Ratnam' cha vinyaseddheemaan sootram' tu gal'a uchyate || 27 ||
Vastram' tu tvaksamaakhyaatam' naarikel'am' shirastathaa |
Koorcham' vai kesha ityaahurityekam' kumbhalakshanam || 28 ||
Dam'sht'raayaam' vasudhaam' sashailanagaraaranyaapagaam' hunkri'tau
Vaageesham' shvasite'nilam' ravividhoo baahvostu dakshaanyayoh' |
Kukshaavasht'avasoon dishashshravanayordasrau dri'shoh' paadayoh'
Padmottham' hri'daye harim' pri'thagabhidhyaayenmukhe shankaram || 29 ||
Naarasim'ham' samabhyarchya vaamanam' cha prayatnatah' |
Poojayettatra kalashamupachaaraih' samantrakaih' || 30 ||
Vaaraaham' naarasim'ham' cha vaamanam' vishnumeva cha |
Aavaahya teshu pratyekam' kumbheshvetaan samarchayet || 31 ||
Athavaikaghat'am' vaapi sthaapayetsaadhakottamah' |
Pidhaaya kumbhadvaaraani vidhinaa chootapallavaih' || 32 ||
Naarikel'a phalaishchaapi mantrairetairyathaavidhi |
Mantrairetairyathaalingam' kuryaaddigbandhanam' tatah' || 33 ||
Vaaraaham' naarasim'ham' cha vaamanam' vishnumeva cha |
Dhyaatvaa samaahito bhootvaa dikshu naamaani vinyaset || 34 ||

|| atha apaamaarjana nyaasavidhih' (kavacham') ||

Poorve naaraayanah' paatu vaarijaakshastu dakshine |
Pradyumnah' pashchime paatu vaasudevastathottare || 35 ||

Aishaanyaam' rakshataadvishnuh' aagneyyaam' cha janaardanah' |
Nairri'tyaam' padmanaabhastu vaayavyaam' madhusoodanah' || 36 ||

Oordhve govardhanoddhartaa hyadharaayaam' trivikramah' |
Etaabhyo dashadigbhyashcha sarvatah' paatu keshavah' || 37 ||

Evam' kri'tvaa tu digbandham' vishnum' sarvatra sam'smaran |
Avyagrachittah' kurveeta nyaasakarma yathaa vidhi || 38 ||

Angusht'haagre tu govindam' tarjanyaam' tu maheedharam |
Madhyamaayaam' hri'sheekeshamanaamikyaam' trivikramam || 39 ||

Kanisht'haayaam' nyasedvishnum' karapri'sht'he tu vaamanam |
Evamevaangul'inyaasah' pashchaadangeshu vinyaset || 40 ||

Shikhaayaam' keshavam' nyasya moordhni naaraayanam' nyaset |
Maadhavam' cha lalaat'e tu govindam' tu bhruvornyaset || 41 ||

Chakshurmadhye nyasedvishnum' karnayormadhusoodanam |
Trivikramam' kant'hamoole vaamanam' tu kapolayoh' || 42 ||

Naasaarandhradvaye chaapi shreedharam' kalpayedbhudhah' |
Uttarosht'he hri'sheekesham' padmanaabham' tathaa'dhare || 43 ||

Daamodaram' dantapanktau vaaraaham' chubuke tathaa |
Jihvaayaam' vaasudevam' cha taalvoshchaiva gadaadharam || 44 ||

Vaikunt'ham' kant'hamadhye tu anantam' naasikopari |
Dakshine tu bhuje vipro vinyaset purushottamam || 45 ||

Vaame bhuje mahaayogam' raaghavam' hri'di vinyaset |
Kukshau pri'thveedharam' chaiva paarshvayoh' keshavam' nyaset || 46 ||

Vakshah'sthale maadhavam' cha kakshayoryogashaayinam |
Peetaambaram' stanatat'e harim' naabhyaam' tu vinyaset || 47 ||

Dakshine tu kare devam' tatah' sankarshanam' nyaset |
Vaame ripuharam' vidyaatkat'imadhye janaardanam || 48 ||

Pri'sht'he kshitidharam' vidyaadachyutam' skandhayorapi |
Vaamakukshau vaarijaaksham' dakshine jalashaayinam || 49 ||

Svayambhuvam' med'hramadhye oorvoshchaiva gadaadharam |
Jaanumadhye chakradharam' janghayoramri'tam' nyaset || 50 ||

Gulphayornaarasim'ham' cha paadayoramitatvisham |
Angul'eeshu shreedharam' cha padmaaksham' sarvasandhishu || 51 ||

Nakheshu maadhavam' chaiva nyasetpaadatale'chyutam |
Romakoope gud'aakesham' kri'shnam' raktaasthimajjasu || 52 ||

Manobuddhyorahankaare chitte nyasya janaardanam |
Achyutaananta govindaan vaatapittakapheshu cha || 53 ||

Evam' nyaasavidhim' kri'tvaa yatkaaryam' dvijatachchhri'nu |
Paadamoole tu devasya shankham' chaiva tu vinyaset || 54 ||

Vanamaalaam' hri'di nyasya sarvadevaabhipoojitaam |
Gadaam' vakshah'sthale nyasya chakram' chaiva tu pri'sht'hatah' || 55 ||

Shreevatsamurasi nyasya panchaangam' kavacham' nyaset |
Aapaadamastakam' chaiva vinyasetpurushottamam || 56 ||

Evam' nyaasavidhim' kri'tvaa saakshaannaaraayano bhavet |
Tanurvishnumayee tasya yatkinchinna sa bhaashate || 57 ||

Apaamaarjanako nyaasah' sarvavyaadhivinaashanah' |
Aatmanashcha parasyaapi vidhiresha sanaatanah' || 58 ||

Vaishnavena tu kartavyah' sarvasiddhipradaayakah' |
Vishnustadoordhvam' rakshettu vaikunt'ho vidishodishah' || 59 ||

Paatu maam' sarvato raamo dhanvee chakree cha keshavah' |
Etatsamastam' vinyasya pashchaanmantraan prayojayet || 60 ||

|| atha moola mantrah' ||

Om namo bhagavate kleshaapahartre namah' |

Poojaakaale tu devasya japakaale tathaiva cha |
Homakaale cha kartavyam' trisandhyaasu cha nityashah' || 61 ||

Aayuraarogyamaishvaryam' jnyaanam' vittam' phalam' labhet |
Yadyatsukhataram' loke tatsarvam' praapnuyaannarah' || 62 ||

Evam' bhaktyaa samabhyarchya harim' sarvaarthadaayakam |
Abhayam' sarvabhootebhyo vishnulokam' sa gachchhati |
Shreevishnulokam' sa gachchhatyom' nama iti || 63 ||

|| atha apaamaarjana nyaasah' ||

Asya shreemadapaamaarjana stotramahaamantrasya pulastyo bhagavaanri'shih' anusht'upchhandah' om shreevaraaha-nri'sim'ha-vaamana-vishnu-sudarshana-paanchajanyaa devataah' om haraamukasyaduritamiti beejam om achyutaanantagovindeti shaktih' om jvalatpaavakalochaneti keelakam om vajraayudhanakhasparsheti kavacham shree-varaaha-nri'sim'ha-vaamana-vishnu-sudarshana-paanchajanya prasaadasiddhyarthe sarvaarisht'aparihaaraarthe jape viniyogah' |

Om shreevaraahaaya angusht'haabhyaam' namah' |
Om shreenri'sim'haaya tarjaneebhyaam' namah' |
Om shreevaamanaaya madhyamaabhyaam' namah' |
Om shreevishnave anaamikaabhyaam' namah' |
Om shreesudarshanaaya kanisht'hikaabhyaam' namah' |
Om shreepaanchajanyaaya karatalakarapri'sht'haabhyaam' namah' ||

Om varaahaaya nri'sim'haaya vaamanaaya mahaatmane jnyaanaaya hri'dayaaya namah' |
Om namah' kamalakinjalkapeeta nirmalavaasane aishvaryaaya shirase svaahaa |
Om namah' pushkaranetraaya keshavaayaadichakrine shaktyai shikhaayai vashat' |
Om daamodaraaya devaaya anantaaya mahaatmane balaaya kavachaaya hum' |
Om kaashyapaayaatihrasvaaya ri'gvajussaamamoortaye tejase netraabhyaam' vaushat' |
Om namah' paramaarthaaya purushaaya mahaatmane veeryaaya astraaya phat' |
Om bhoorbhuvassuvaromiti digbandhah' ||

|| atha apaamaarjana dhyaanam ||

Atha dhyaanam' pravakshyaami sarvapaapapranaashanam |
Varaaharoopinam' devam' sam'smarannarchayejjapet || 64 ||

Om jalaughamagnaa sacharaacharaa dharaa
Vishaanakot'yaakhila vishvamoortinaa |
Samuddhri'taa yena varaaharoopinaa
Sa me svayambhoorbhagavaan praseedatu || 65 ||

Chanchachchandraardhadam'sht'ram' sphuradurudashanam' vidyududdyotajihvam'
Garjatparjanyanaadam' sphuritaravirucham' chakshurakshudraraudram |
Trastaashaahastiyoodham' jvaladanalasat'aa kesarodbhaasamaanam'
Raksho raktaabhishiktam' praharatuduritam' dhyaayataam' naarasim'ham || 66 ||

Ativipulasugaatram' rukmapaatrasthamannam'
Sulalitadadhikhand'am' paaninaa dakshinena |
Kalashamamri'tapoornam' vaamahaste dadhaanam'
Taratisakaladuh'kham' vaamanam' bhaavayedyah' || 67 ||

Vishnum' bhaasvatkireet'aam' gadavalayagal'aakalpahaarojjvalaangam'
Shroneebhooshaasuvaksho manimakut'amahaakund'alairmand'itaangam |
Hastodyachchhankhachakraambuja gadamamalam' peetakausheyavaasam'
Vidyotadbhaasamudyaddinakarasadri'sham' padmasam'stham' namaami || 68 ||

Shankham' chakram' sachaapam' parashumasimishoonmoolapaashaankushaagneen
Bibhraanam' vajrakhet'am' halamusalagadaakuntamatyugradam'sht'ram |
Jvaalaakesham' trinetram' jvaladanalanibham' haarakeyoorabhoosham'
Dhyaayetshat'konasam'stham' sakalaripujanapraanasam'haari chakram || 69 ||

Kalpaantaarka prakaasham' tribhuvanamakhilam' tejasaapoorayantam'
Raktaaksham' pingakesham' ripukulabhayadam' bheemadam'sht'raat't'ahaasam |
Shankham' chakram' gadaabjam' pri'thutaramusalam' chaapa paashaankushaan svaih'
Bibhraanam' dorbhirasht'au manasi muraripum' bhaavayechchakrasanjnyam || 70 ||

|| atha apaamaarjana moola mantraah' ||

Om namo bhagavate shreemahaavaraahaaya dam'sht'roddhri'ta vishvambharaaya hiranyaakshagarvasarvankashaaya mama vighnaan chhindhi chhindhi chhedaya chhedaya svaahaa || 1 ||
Om namo bhagavate shreemahaanri'sim'haaya dam'sht'raakaraal'avadanaaya kharanakharaagravidaarita hiranyakashapuvakshassthalaaya jvaalaamaalaavibhooshanaaya mama vighnaan sam'hara sam'hara haahaaheeheehoohoo hum' phat' svaahaa || 2 ||
Om namo bhagavate mahaamaayaaya shreevaamanaaya padatrayaakraantajagattrayaaya ri'gyajussaamamoortaye mama vighnaan dhvam'saya dhvam'saya traasaya traasaya om hraam' hreem' hroom' shreem' kleem' t'haat'haat'haat'haat'haa aaaaaaaaaa eeeeeeeeee oooooooooo hum' phat' svaahaa || 3 ||
Om namo bhagavate shreemahaavishnave yaksharakshaam'si mama vighnaan matha matha svaahaa || 4 ||
Om namo bhagavate shreesudarshanaaya mahaachakraraajaaya maam' raksha raksha mama shatroonnaashaya naashaya dara dara daaraya daaraya chhindi chhindhi bhindhi bhindhi jvala jvala jvaalaya jvaalaya sahasrakiranaan prajvala prajvala shikhaa utpreshayotpreshaya dahanaatmaka chat'a chat'a chaat'aya chaat'aya garjaya garjaya traasaya traasaya choornaya choornaya paraprayuktaanaam' mantraanaamasht'ottarashatam' sphot'aya sphot'aya parashakteeh' peshaya peshaya paramantraan sam'hara sam'hara maam' raksha raksha sahasraara hum' phat' svaahaa || 5 ||

Etaanmantraan japenmantree uspri'shya ghat'odakam |
Asht'ottarashatam' maunee japetsiddhirbhavishyati || 71 ||

|| apaamaarjana dhyaanam ||

Bri'haddhaama bri'hadgaatram' bri'haddam'sht'ram' trilochanam |
Samastavedavedaangayuktaangam' bhooshanairyutam || 72 ||

Uddhri'tyabhoomim' paataalaaddhastaabhyaam' parigri'hyataam |
Aalingyabhoomimurasaamoordhni jighrantamachyutam || 73 ||

Ratnavaid'ooryamuktaadibhooshanairupashobhitam |
Peetaambaradharam' devam' shuklamaalyaanulepanam || 74 ||

Trayastrim'shaadidevaishchastooyamaanam' tu sarvadaa |
Ri'shibhissanakaadyaishcha sevyamaanamaharnisham || 75 ||

Nri'tyanteebhishchaapsarobhirgeeyamaanam' cha kinnaraih' |
Ittham' dhyaatvaa yathaa nyaayyam' japenmantramatandritah' || 76 ||

Sauvarnamand'apaantasstham' padmam' dhyaayetsakesaram |
Sakarneekairdal'airisht'airasht'abhih' parishobhitam || 77 ||

Kal'ankarahitam' devam' poornachandrasamaprabham |
Shreevatsaankitavakshaskam' teekshnadam'sht'ram' trilochanam || 78 ||

Japaakusumasankaasham' raktahastatalaanvitam |
Padmaasanasamaa(seenam')rood'ham' yogapat't'aparishkri'tam || 79 ||

Peetavastrapareetaangam' shuklavastrottareeyakam |
Kat'isootrena haimena noopurenaviraajitam || 80 ||

Vanamaalaadishobhaad'hyam' muktaahaaropashobhitam |
Pankajaasyam' chaturbaahum' padmapatranibhekshanam || 81 ||

Praatassooryasamaprakhyakund'alaabhyaam' viraajitam |
Anekasooryasankaashadeepyanmakut'amastakam || 82 ||

Keyoorakaantisam'spardhimudrikaaratnashobhitam |
Jaanooparinyastakaradvandvamuktaanakhaankuram || 83 ||

Janghaabharanasam'spardhi sushobham' kankanatvishaa |
Chaturtheechandrasankaasha sudam'sht'ramukhapankajam || 84 ||

Muktaaphalaabhasumahaadantaaval'iviraajitam |
Chaampeyapushpasankaasha sunaasamukhapankajam || 85 ||

Atiraktosht'havadanam' raktaasyamaribheeshanam |
Vaamaankasthaam' shriyam' bhaktaam' shaantaam' daantaam' gareeyaseem || 86 ||

Arhaneeyorusam'yuktaam' sunaasaam' shubhalakshanaam |
Subhroom' sukesheem' sushroneem' subhujaam' sudvijaananaam || 87 ||

Suprateekaam' cha sugatim' chaturhastaam' vichintayet |
Dukoolachelachaarvangeem' harineem' sarvakaamadaam || 88 ||

Taptakaanchanasankaashaam' sarvaabharanabhooshitaam |
Suvarnakalashaprakhya peenonnatapayodharaam || 89 ||

Gri'heeta padmayugal'a baahubhyaam' cha viraajitaam |
Gri'heeta maatulungaakhya jaamboonadakaraam' tathaa || 90 ||

Evam' deveem' nri'sim'hasya vaamaankopari chintayet |

|| punardhyaanam ||
Om jalaughamagnaa sacharaacharaa dharaa
Vishaanakot'yaakhila vishvamoortinaa |
Samuddhri'taa yena varaaharoopinaa
Sa me svayambhoorbhagavaan praseedatu ||

Chanchachchandraardhadam'sht'rasphuradurudashanam' vidyududdyotajihvam'
Garjatparjanyanaadam' sphuritaravirucham' chakshurakshudraraudram |
Trastaashaahastiyoodham' jvaladanalasat'aa kesarodbhaasamaanam'
Rakshoraktaabhishiktam' praharatuduritam' dhyaayataam' naarasim'ham ||

Ativipulasugaatram' rukmapaatrasthamannam'
Sulalitadadhikhand'am' paaninaa dakshinena |
Kalashamamri'tapoornam' vaamahaste dadhaanam'
Taratisakaladuh'kham' vaamanam' bhaavayedyah' ||

Vishnum' bhaasvatkireet'aam' gadavalayagal'aakalpahaarojjvalaangam'
Shroneebhooshaasuvaksho manimakut'amahaakund'alairmand'itaangam |
Hastodyachchhankhachakraambuja gadamamalam' peetakausheyavaasam'
Vidyotadbhaasamudyaddinakarasadri'sham' padmasam'stham' namaami ||

Shankham' chakram' sachaapam' parashumasimishoonmoolapaashaankushaagneen
Bibhraanam' vajrakhet'am' halamusalagadaakuntamatyugradam'sht'ram |
Jvaalaakesham' trinetram' jvaladanalanibham' haarakeyoorabhoosham'
Dhyaayetshat'konasam'stham' sakalaripujanapraanasam'haari chakram ||

Om namo bhagavate shreemahaavaraahaaya krod'aroopine mama vighnaan daha daha svaahaa |
Om namo bhagavate shreemahaanri'sim'haaya karaal'adam'sht'ravadanaaya mama vighnaan pacha pacha svaahaa |
Om namo bhagavate shreemaayaa vaamanaaya trailokyavikraantaaya mama shatroon chhedaya chchhedaya svaahaa |
Om namo bhagavate shreemahaavishnave yaksharakshaam'si mama vighnaan matha matha svaahaa |
Om namo bhagavate shreesudarshanaayaa'suraantakaaya mama vighnaan hana hana svaahaa |

|| atha apaamaarjana phalapraarthanam ||

Om namah' paramaarthaaya purushaaya mahaatmane |
Aroopaaya viroopaaya vyaapine paramaatmane || 92 ||

Nishkalmashaaya shuddhaaya dhyaanayogaparaaya cha |
Namaskri'tya pravakshyaami yattatsiddhyatu me vachah' || 93 ||

Naaraayanaaya shuddhaaya vishveshaayeshvaraaya cha |
Namaskri'tya pravakshyaami yattatsidhyatu me vachah' || 94 ||

Achyutaaya cha govinda padmanaabhaayasam'hri'te |
Namaskri'tya pravakshyaami yattatsidhyatu me vachah' || 95 ||

Trivikramaaya raamaaya vaikunt'haaya haraaya cha |
Namaskri'tya pravakshyaami yattatsidhyatu me vachah' || 96 ||

Daamodaraaya devaaya anantaaya mahaatmane |
Namaskri'tya pravakshyaami yattatsidhyatu me vachah' || 97 ||

Janaardanaaya kri'shnaaya upendra shreedharaaya cha |
Namaskri'tya pravakshyaami yattatsidhyatu me vachah' || 98 ||

Hri'sheekeshaaya koormaaya maadhavaayaa'chyutaaya cha |
Namaskri'tya pravakshyaami yattatsidhyatu me vachah' || 99 ||

Yogeeshvaraaya guhyaaya good'haaya paramaatmane |
Namaskri'tya pravakshyaami yattatsidhyatu me vachah' || 100 ||

Bhaktapriyaaya devaaya vishvaksenaaya shaarngine |
Namaskri'tya pravakshyaami yattatsidhyatu me vachah' || 101 ||

Pradyumnaayaa'niruddhaaya purushaaya mahaatmane |
Namaskri'tya pravakshyaami yattatsidhyatu me vachah' || 102 ||

Athokshajaaya dakshaaya matsyaaya madhuhaarine |
Namaskri'tya pravakshyaami yattatsidhyatu me vachah' || 103 ||

Varaahaaya nri'sim'haaya vaamanaaya mahaatmane |
Namaskri'tya pravakshyaami yattatsidhyatu me vachah' || 104 ||

Varaahesha nri'sim'hesha vaamanesha trivikrama |
Hayagreevesha sarvesha hri'sheekesha haraa'shubham || 105 ||

Aparaajitachakraadyaishchaturbhih' paramaayudhaih' |
Akhand'itaanubhaavaishcha sarvaduh'khaharo bhava || 106 ||

Haraamukasyaduritam' dushkri'tam' durupadravam |
Mri'tyubandhaartibhayadamarisht'asya cha yatphalam || 107 ||

Paraabhidhyaanasahitam' prayuktaam' chaa'bhichaarikam |
Garasparshamahaarogaprayuktam' jarayaa'jara || 108 ||

Om namo vaasudevaaya namah' kri'shnaaya shaarngine |
Namah' pushkaranetraaya keshavaayaadichakrine || 109 ||

Namah' kamalakinjalkadeeptanirmalavaasase |
Mahaahavaripuskandha ghri'sht'achakraaya chakrine || 110 ||

Dam'sht'raagrena kshitidhri'te trayeemoortimate namah' |
Mahaayajnyavaraahaaya sheshabhogopashaayine || 111 ||

Taptahaat'akakeshaantajvalatpaavakalochana |
Vajraayudhanakhasparsha divyasim'ha namo'stu te || 112 ||

Kaashyapaayaatihrasvaaya ri'gyajussaamamoortaye |
Tubhyam' vaamanaroopaaya kramategaam' namo namah' || 113 ||

Varaahaasheshadusht'aani sarvapaapaphalaani vai |
Marda marda mahaadam'sht'ra marda marda cha tatphalam || 114 ||

Naarasim'ha karaal'asya dantapraantaanalojjvala |
Bhanja bhanja ninaadena dusht'aanyasyaartinaashana || 115 ||

Ri'gyajussaamaroopaabhi-rvaagbhirvaamanaroopadhri't |
Prashamam' sarvaduh'khaani nayatvasya janaardanah' || 116 ||

Kauberam' te mukham' raudram' nandino nandamaavaha |
Garam' mri'tyubhayam' ghoram' visham' naashaya me jvaram || 117 ||

Tripaadbhasmapraharanastrishiraa raktalochanah' |
Samepreetassukham' dadyaatsarvaamayapatirjvarah' || 118 ||

Aadyantavantah' kavayah' puraanaah'
Sanmaargavanto hyanushaasitaarah' |
Sarvajvaraan ghnantu mamaa'niruddha
Pradyumna sankarshana vaasudevaah' || 119 ||

Aikaahikam' dvyaahikam' cha tathaa tridivasa jvaram |
Chaaturthikam' tathaa tyugram' tathaiva satata jvaram || 120 ||

Doshottham' sannipaatottham' tathaivaagantuka jvaram |
Shamam' nayaashu govinda chchhindhichchhindhyasya vedanaam || 121 ||

Netraduh'kham' shiroduh'kham' duh'kham' chodarasambhavam |
Atishvaasamanishvaasam' paritaapam' cha vepathum || 122 ||

Gudaghraanaanghrirogaam'shcha kukshirogam' tathaa kshayam |
Kaamalaadeem'stathaarogaa-npramehaam'shchaatidaarunaan || 123 ||

Bhagandaraatisaaraam'shcha mukharogaam'shcha phalguneen |
Ashmaree mootrakri'chchhraam'shcha rogaananyaam'shcha daarunaan || 124 ||

Ye vaataprabhavaarogaa ye cha pittasamudbhavaah' |
Kaphodbhavaashcha ye rogaah' ye chaanyesaannipaatikaah' || 125 ||

Aagantukaashcha ye rogaah' lootaavisphot'akaadayah' |
Sarve te prashamam' yaantu vaasudevaa'pamaarjanaat || 126 ||

Vilayam' yaantu te sarve vishnoruchchaaranena tu |
Kshayam' gachchhantvasheshaaste chakrenopahataahareh' || 127 ||

Achyutaa'nantagovinda naamochchaarana bheshajaat |
Nashyanti sakalarogaah' satyam' satyam' vadaamyaham || 128 ||

Satyam' satyam' punah' satyamuddhri'tya bhujamuchyate |
Vedaachchhaastram' param' naasti na daivam' keshavaatparam || 129 ||

Sthaavaram' jangamam' vaapi kri'trimam' vaapi yadvisham |
Dantodbhootam' nakhodbhootamaakaashaprabhavam' visham || 130 ||

Lootaadiprabhavam' chaiva vishamatyantadussaham |
Shamam' nayatu tatsarvam' keertito me janaardanah' || 131 ||

Grahaan pretagrahaanbhootaam' stathaa vai d'aakineegrahaan |
Vetaal'aam'shcha pishaachaam'shcha gandharvaanyaksharaakshasaan || 132 ||

Shaakinee pootanaadyaam'shcha tathaa vainaayakagrahaan |
Mukhamand'alikaankrooraan revateenvri'ddharevateen || 133 ||

Vri'shchikaakhyaan grahaam'shchograam'stathaa maatri'ganaanapi |
Baalasya vishnoshcharitam' hantu baalagrahaanimaan || 134 ||

Vri'ddhaanaam' ye grahaah' kechidye cha baalagrahaah' kvachit |
Naarasim'hasya te dri'sht'yaa dagdhaa ye chaapi yauvane || 135 ||

Sadaa karaal'avadano naarasim'ho mahaaravah' |
Grahaanasheshaannishsheshaankarotu jagato harih' || 136 ||

Naarasim'ha mahaasim'ha jvaalaamaalojjvalaanana |
Grahaanasheshaansarvesha khaadakhaadaa'gnilochana || 137 ||

Ye rogaa ye mahotpaataah' yadvisham' ye mahaagrahaah' |
Yaani cha kroorabhootaani grahapeed'aashcha daarunaah' || 138 ||

Shastrakshateshu ye rogaah' jvaalaakardamakaadayah' |
Yaani chaanyaani dusht'aani praanipeed'aakaraani vai |
Taani sarvaani sarvaatmanparamaatmanjanaardana || 139 ||

Kinchidroopam' samaasthaaya vaasudevaashunaashaya |
Kshiptvaa sudarshanam' chakram' jvaalaamaalaavibhooshanam || 140 ||

Sarvadusht'opashamanam' kuru devavaraa'chyuta |
Sudarshanamahaachakra govindasya varaayudha || 141 ||

Teekshnapaavakasankaasha kot'isooryasamaprabha |
Trailokyarakshaakartaa tvam' dusht'adaanavadaarana || 142 ||

Teekshnadhaaramahaavega chhindi chhindi mahaajvaram |
Chhindhi vaatam' cha lootam' cha chhindhi ghoram' mahadvisham || 143 ||

Krimidaahashcha shoolashcha vishajvaalaa cha kardamaah' |
Sudarshanena chakrena shamam' yaanti na sam'shayah' || 144 ||

Trailokyasyaa'bhayam' kartumaajnyaapaya janaardana |
Sarvadusht'aani rakshaam'si kshapayaashvaribheeshana || 145 ||

Praachyaam' prateechyaam' dishi cha dakshinottaratastathaa |
Rakshaam' karotu bhagavaan bahuroopee janaardanah' || 146 ||

Vyaaghrasim'havaraahaadishvagni chorabhayeshu cha |
Rakshaam' karotu bhagavaan bahuroopee janaardanah' || 147 ||

Bhuvyantarikshe cha tathaa paarshvatah' pri'sht'hato'gratah' |
Rakshaam' karotu bhagavaan naarasim'hah' svagarjitaih' || 148 ||

Yathaa vishnurjagatsarvam' sadevaasuramaanusham |
Tena satyena sakalam' dusht'amasya prashaamyatu || 149 ||

Yathaa yajnyeshvaro vishnurvedaanteshvabhidheeyate |
Tena satyena sakalam' dusht'amasya prashaamyatu || 150 ||

Paramaatmaa yathaa vishnurvedaanteshvapi geeyate |
Tena satyena sakalam' dusht'amasya prashaamyatu || 151 ||

Yathaa vishnoh' stute sadyah' sankshayam' yaati paatakam | [vishnau]
Tena satyena sakalam' yanmayoktam' tathaa'stu tat || 152 ||

Jale rakshatu vaaraahah' sthale rakshatu vaamanah' |
At'avyaam' naarasim'hashcha sarvatah' paatu keshavah' || 153 ||

Shaantirastu shivam' chaa'stu pranashyatvashubham' cha yat |
Vaasudevashareerotthaih' kushaih' sam'maarjito mayaa || 154 ||

Apaamaarjatu govindo naro naaraayanastathaa |
Mamaa'stu sarvaduh'khaanaam' prashamo vachanaaddhareh' || 155 ||

Shaantaah' samastaarogaaste grahaassarvevishaani cha |
Bhootaani cha prashaantaani sam'smri'te madhusoodane || 156 ||

Etatsamastarogeshu bhootagrahabhayeshu cha |
Apaamaarjanakam' shastram' vishnunaamaabhimantritam || 157 ||

Ete kushaa vishnushareerasambhavaa
Janaardanoham' svayameva chaagatah' |
Hatam' mayaa dusht'amasheshamasya
Svastho bhavatvesha yathaa vacho hareh' || 158 ||

Shaantirastu shivam' chaastu dusht'amasya prashaamyatu |
Yadasya duritam' kinchittatkshiptam' lavanaambhasi || 159 ||

Svaasthyamastu shivam' chaastu hri'sheekeshasya keertanaat |
Yata evaagatam' paapam' tatraiva pratigachchhatu || 160 ||

|| atha apaamaarjana maahaatmyam ||

Etadrogaadipeed'aasu janaanaam' hitamichchhataa |
Vishnubhaktena kartavyamapaamaarjanakam' param || 161 ||

Anena sarvaduh'khaani shamam' yaanti na sam'shayah' |
Vyaadhyapasmaara kusht'haadi pishaachoraga raakshasaah' || 162 ||

Tasya paarshvam' na gachchhanti stotrametattu yah' pat'het |
Yashcha dhaarayate vidvaan shraddhaabhaktisamanvitah' || 163 ||

Grahaastam' nopasarpanti na rogena cha peed'itah' |
Dhanyo yashasyah' shatrughnah' stavoyam' munisattama || 164 ||

Pat'hataam' shri'nvataam' chaiva vishnormaahaatmyamuttamam |
Etat stotram' param' punyam' sarvavyaadhivinaashanam || 165 ||

Pat'hataam' shri'nvataam' chaiva japedaayushyavardhanam |
Vinaashaaya cha rogaanaamapamri'tyujayaaya cha || 166 ||

Idam' stotram' japechchhaantah' kushaih' sam'maarjayechchhuchih' |
Vaaraaham' naarasim'ham' cha vaamanam' vishnumeva cha || 167 ||

Smaran japedidam' stotram' sarvaduh'khopashaantaye |
Sarvabhootahitaarthaaya kuryaattasmaatsadaivahi || 168 ||
Kuryaattasmaatsadaivahyom' nama iti |

Iti shreevishnudharmottarapuraane shreedaalbhyapulastyasam'vaade shreemadapaamaarjanastotram' naamaikonatrim'shodhyaayah' |