Sri Mahalakshmi Stava Kavacha Pooja
śrīgaṇeśāya namaḥ |
nārada uvāca |
āvirbhūya haristasmai kiṃ stotraṃ kavacaṃ dadau |
mahālakṣmyāśca lakṣmīśastanme brūhi tapodhana ||1||
nārāyaṇa uvāca |
puṣkare ca tapastaptvā virarāma sureśvaraḥ |
āvirbabhūva tatraiva kliṣṭaṃ dṛṣṭvā hariḥ svayaṃ || 2||
tamuvāca hṛṣīkeśo varaṃ vṛṇu yathepsitaṃ |
sa ca vavre varaṃ lakṣmīmīśastasmai dadau mudā || 3||
varaṃ dattvā hṛṣīkeśaḥ pravaktumupacakrame |
hitaṃ satyaṃ ca sāraṃ ca pariṇāmasukhāvahaṃ || 4||
madhusūdana uvāca |
gṛhāṇa kavacaṃ śakra sarvaduḥkhavināśanaṃ |
paramaiśvaryajanakaṃ sarvaśatruvimardanaṃ || 5||
brahmaṇe ca purā dattaṃ viṣṭape ca jalaplute |
yaddhṛtvā jagatāṃ śreṣṭhaḥ sarvaiśvaryayuto vidhiḥ || 6||
babhūvurmanavaḥ sarve sarvaiśvaryayutā yataḥ |
sarvaiśvaryapradasyāsya kavacasya ṛṣirvidhiḥ || 7||
paṃktiśchaṃdaśca sā devī svayaṃ padmālayā varā |
siddhyaiśvaryasukheṣveva viniyogaḥ prakīrtitaḥ || 8||
yaddhṛtvā kavacaṃ lokaḥ sarvatra vijayī bhavet |
mastakaṃ pātu me padmā kaṃṭhaṃ pātu haripriyā || 9||
nāsikāṃ pātu me lakṣmīḥ kamalā pātu locane |
keśānkeśavakāṃtā ca kapālaṃ kamalālayā || 10||
jagatprasūrgaṃḍayugmaṃ skaṃdhaṃ saṃpatpradā sadā |
oṃ śrīṃ kamalavāsinyai svāhā pṛṣṭhaṃ sadā'vatu || 11||
oṃ hrīṃ śrīṃ padmālayāyai svāhā vakṣaḥ sadā'vatu |
pātu śrīrmama kaṃkālaṃ bāhuyugmaṃ ca te namaḥ || 12||
oṃ hrīṃ śrīṃ lakṣmyai namaḥ pādau pātu me saṃtataṃ ciraṃ |
oṃ hrīṃ śrīṃ namaḥ padmāyai svāhā pātu nitaṃbakaṃ || 13||
oṃ śrīṃ mahālakṣmyai svāhā sarvāṃgaṃ pātu me sadā |
oṃ hrīṃ śrīṃ klīṃ mahālakṣmyai svāhā māṃ pātu sarvataḥ || 14||
iti te kathitaṃ vatsa sarvasaṃpatkaraṃ paraṃ |
sarvaiśvaryapradaṃ nāma kavacaṃ paramādbhutaṃ || 15||
gurumabhyarcya vidhivatkavacaṃ dhārayettu yaḥ |
kaṃṭhe vā dakṣiṇe bāhau sa sarvavijayī bhavet || 16||
mahālakṣmīrgṛhaṃ tasya na jahāti kadācana |
tasyacchāyeva satataṃ sā ca janmani janmani || 17||
idaṃ kavacamajñātvā bhajellakṣmīṃ sa maṃdadhīḥ |
śatalakṣaprajāpe'pi na maṃtraḥ siddhidāyakaḥ || 18||
nārāyaṇa uvāca |
dattvā tasmai ca kavacaṃ maṃtraṃ vai ṣoḍaśākṣaraṃ |
saṃtuṣṭaśca jagannātho jagatāṃ hitakāraṇaṃ || 19||
oṃ hrīṃ śrīṃ klīṃ namo mahālakṣmyai svāhā |
dadau tasmai ca kṛpayā ceṃdrāya ca mahāmune || 20||
dhyānaṃ ca sāmavedoktaṃ gopanīyaṃ sudurlabhaṃ |
siddhairmunīṃdrairduṣprāpyaṃ dhruvaṃ siddhipradaṃ śubhaṃ || 21||
śvetacaṃpakavarṇābhāṃ śatacaṃdrasamaprabhāṃ |
vahniśuddhāṃśukādhānāṃ ratnabhūṣaṇabhūṣitāṃ || 22||
īṣaddhāsyaprasannāsyāṃ bhaktānugrahakārikāṃ |
kastūrībiṃdumadhyasthaṃ siṃdūraṃ bhūṣaṇaṃ tathā || 23||
amūlyaratnaracitakuṃḍalojjvalabhūṣaṇaṃ |
bimratī kabarībhāraṃ mālatīmālyaśobhitaṃ || 24||
sahasradalapadmasthāṃ svasthāṃ ca sumanoharāṃ |
śāṃtāṃ ca śrīhareḥ kāṃtāṃ tāṃ bhajejjagatāṃ prasūṃ || 25||
dhyānenānena deveṃdro dhyātvā lakṣmīṃ manoharāṃ |
bhaktyā saṃpūjya tasyai ca copacārāṃstu ṣoḍaśa || 26||
stutvā'nena stavenaiva vakṣyamāṇena vāsava |
natvā varaṃ gṛhītvā ca labhiṣyasi ca nirvṛtiṃ || 27||
stavanaṃ śṛṇu deveṃdra mahālakṣmyāḥ sukhapradaṃ |
kathayāmi sugopyaṃ ca triṣu lokeṣu durlabhaṃ || 28||
nārāyaṇa uvāca |
devi tvāṃ stotumicchāmi na kṣamāḥ stotumīśvarāḥ |
buddheragocarāṃ sūkṣmāṃ tejorūpāṃ sanātanīṃ |
atyanirvacanīyāṃ ca ko vā nirvaktumīśvaraḥ || 29||
svecchāmayīṃ nirākārāṃ bhaktānugrahavigrahāṃ |
staumi vāṅmanasoḥ pārāṃ kiṃvā'haṃ jagadaṃbike || 30||
parāṃ caturṇāṃ vedānāṃ pārabījaṃ bhavārṇave |
sarvasasyādhidevīṃ ca sarvāsāmapi saṃpadāṃ || 31||
yogināṃ caiva yogānāṃ jñānānāṃ jñānināṃ tathā |
vedānāṃ vai vedavidāṃ jananīṃ varṇayāmi kiṃ || 32||
yayā vinā jagatsarvamabījaṃ niṣphalaṃ dhruvaṃ |
yathā stanaṃdhayānāṃ ca vinā mātrā sukhaṃ bhavet || 33||
prasīda jagatāṃ mātā rakṣāsmānatikātarān |
vayaṃ tvaccaraṇāṃbhoje prapannāḥ śaraṇaṃ gatāḥ || 34||
namaḥ śaktisvarūpāyai jaganmātre namo namaḥ |
jñānadāyai buddhidāyai sarvadāyai namo namaḥ || 35||
haribhaktipradāyinyai muktidāyai namo namaḥ |
sarvajñāyai sarvadāyai mahālakṣmyai namo namaḥ || 36||
kuputrāḥ kutracitsaṃti na kutrāpi kumātaraḥ |
kutra mātā putradoṣaṃ taṃ vihāya ca gacchati || 37||
stanaṃdhayebhya iva me he mātardehi darśanaṃ |
kṛpāṃ kuru kṛpāsiṃdho tvamasmānbhaktavatsale || 38||
ityevaṃ kathitaṃ vatsa padmāyāśca śubhāvahaṃ |
sukhadaṃ mokṣadaṃ sāraṃ śubhadaṃ saṃpadaḥ pradaṃ || 39||
idaṃ stotraṃ mahāpuṇyaṃ pūjākāle ca yaḥ paṭhet |
mahālakṣmīrgṛhaṃ tasya na jahāti kadācana || 40||
ityuktvā śrīharistaṃ ca tatraivāṃtaradhīyata |
devo jagāma kṣīrodaṃ suraiḥ sārdhaṃ tadājñayā || 41||
|| iti śrībrahmavaivartamahāpurāṇe gaṇapatikhaṃḍe
nāradanārāyaṇasaṃvāde lakṣmīstavakavacapūjākathanaṃ
nāma dvāviṃśo'dhyāyaḥ || 22||
Meaning
The Sri Mahalakshmi Stava Kavacha Pooja is a divine hymn that combines devotion, protection, and invocation of Goddess Mahalakshmi. It is narrated as a dialogue between Sage Nārada and Lord Nārāyaṇa, describing the sacred Kavacha (protective armor) of the Goddess.
Lord Vishnu reveals to Indra and the sages the Mahalakshmi Kavacha, which grants wealth, victory, health, and divine grace while destroying sorrow, poverty, and negativity.
The Kavacha invokes Lakshmi as Padmā (Lotus-born), Hari-Priyā (Consort of Vishnu), and Jagat-Prasūḥ (Mother of the Universe), offering protection to every limb of the body.
It concludes with a powerful stotram where the devotee seeks forgiveness, devotion, and the permanent presence of Mahalakshmi in their home and heart.
Highlights:
• Said to have been given by Lord Vishnu Himself for the benefit of all beings.
• Removes poverty, grants success in every endeavor, and blesses the devotee with eternal prosperity.
• Reciting it regularly brings divine radiance, peace, and spiritual upliftment.
• It is best recited on Fridays, full moon days, or during Lakshmi puja rituals.
Frequently Asked Questions
What is Sri Mahalakshmi Stava Kavacha Pooja?
When and how should one recite this stotra?
What are the benefits of reciting Sri Mahalakshmi Stava Kavacha Pooja?
Who should recite this stotra?
How many times should this Kavacha be recited?
What is the origin or source of this stotra?
Related Stotras
Comments
Please login to leave a comment
Loading comments...