Sri Kanakadhara Stotram
śrī kanakadhārā stotraṃ
vaṃde vaṃdāru maṃdāramiṃdirānaṃdakaṃdalaṃ |
amaṃdānaṃdasaṃdoha baṃdhuraṃ siṃdhurānanaṃ ||
aṃgaṃ hareḥ pulakabhūṣaṇamāśrayaṃtī
bhṛṃgāṃganeva mukul̤ābharaṇaṃ tamālaṃ |
aṃgīkṛtākhilavibhūtirapāṃgalīlā
māṃgal̤yadāstu mama maṃgal̤adevatāyāḥ || 1 ||
mugdhā muhurvidadhatī vadane murāreḥ
prematrapāpraṇihitāni gatāgatāni |
mālādṛśormadhukarīva mahotpale yā
sā me śriyaṃ diśatu sāgarasaṃbhavāyāḥ || 2 ||
viśvāmareṃdrapadavibhramadānadakṣa-
-mānaṃdaheturadhikaṃ muravidviṣo'pi |
īṣanniṣīdatu mayi kṣaṇamīkṣaṇārtha-
-miṃdīvarodarasahodaramiṃdirāyāḥ || 3 ||
āmīlitākṣamadhigamya mudā mukuṃda-
-mānaṃdakaṃdamanimeṣamanaṃgataṃtraṃ |
ākekarasthitakanīnikapakṣmanetraṃ
bhūtyai bhavenmama bhujaṃgaśayāṃganāyāḥ || 4 ||
bāhvaṃtare murajitaḥ śritakaustubhe yā
hārāval̤īva harinīlamayī vibhāti |
kāmapradā bhagavato'pi kaṭākṣamālā
kal̤yāṇamāvahatu me kamalālayāyāḥ || 5 ||
kālāṃbudāl̤ilalitorasi kaiṭabhāre-
-rdhārādhare sphurati yā taṭidaṃganeva |
mātussamastajagatāṃ mahanīyamūrtiḥ
bhadrāṇi me diśatu bhārgavanaṃdanāyāḥ || 6 ||
prāptaṃ padaṃ prathamataḥ khalu yatprabhāvāt
māṃgalyabhāji madhumāthini manmathena |
mayyāpatettadiha maṃtharamīkṣaṇārdhaṃ
maṃdālasaṃ ca makarālayakanyakāyāḥ || 7 ||
dadyāddayānupavado draviṇāṃbudhārā-
-masminna kiṃcana vihaṃgaśiśau viṣaṇṇe |
duṣkarmagharmamapanīya cirāya dūraṃ
nārāyaṇapraṇayinīnayanāṃbuvāhaḥ || 8 ||
iṣṭā viśiṣṭamatayo'pi yayā dayārdra
dṛṣṭyā triviṣṭapapadaṃ sulabhaṃ vacaṃte |
dṛṣṭiḥ prahṛṣṭakamalodaradīptiriṣṭāṃ
puṣṭiṃ kṛṣīṣṭa mama puṣkaraviṣṭarāyāḥ || 9 ||
gīrdevateti garuḍadhvajasuṃdarīti
śākaṃbharīti śaśiśekharavallabheti |
sṛṣṭisthitipral̤ayakel̤iṣu saṃsthitāyai
tasmai namastribhuvanaikagurostaruṇyai || 10 ||
śrutyai namo'stu śubhakarmaphalaprasūtyai
ratyai namo'stu ramaṇīyaguṇārṇavāyai |
śaktyai namo'stu śatapatraniketanāyai
puṣṭyai namo'stu puruṣottamavallabhāyai || 11 ||
namo'stu nāl̤īkanibhānanāyai
namo'stu dugdhodadhijanmabhūmyai |
namo'stu somāmṛtasodarāyai
namo'stu nārāyaṇavallabhāyai || 12 ||
namo'stu hemāṃbujapīṭhikāyai
namo'stu bhūmaṃḍalanāyikāyai |
namo'stu devādidayāparāyai
namo'stu śārṅgāyudhavallabhāyai || 13 ||
namo'stu devyai bhṛgunaṃdanāyai
namo'stu viṣṇorurasisthitāyai |
namo'stu lakṣmyai kamalālayāyai
namo'stu dāmodaravallabhāyai || 14 ||
namo'stu kāṃtyai kamalekṣaṇāyai
namo'stu bhūtyai bhuvanaprasūtyai |
namo'stu devādibhirarcitāyai
namo'stu naṃdātmajavallabhāyai || 15 ||
saṃpatkarāṇi sakaleṃdriyanaṃdanāni
sāmrājyadānavibhavāni saroruhākṣi |
tvadvaṃdanāni duritāharaṇodyatāni
māmeva mātaraniśaṃ kalayastu mānye || 16 ||
yatkaṭākṣasamupāsanāvidhiḥ
sevakasya sakalārthasaṃpadaḥ |
saṃtanoti vacanāṃgamānasai-
-stvāṃ murārihṛdayeśvarīṃ bhaje || 17 ||
sarasijanilaye sarojahaste
dhaval̤atamāṃśukagaṃdhamālyaśobhe |
bhagavati harivallabhe manojñe
tribhuvanabhūtikari prasīda mahyaṃ || 18 ||
digghastibhiḥ kanakakuṃbhamukhāvasṛṣṭa-
-svarvāhinīvimalacārujalaplutāṃgīṃ |
prātarnamāmi jagatāṃ jananīmaśeṣa-
-lokādhināthagṛhiṇīmamṛtābdhiputrīṃ || 19 ||
kamale kamalākṣavallabhe tvaṃ
karuṇāpūrataraṃgitairapāṃgaiḥ |
avalokaya māmakiṃcanānāṃ
prathamaṃ pātramakṛtrimaṃ dayāyāḥ || 20 ||
stuvaṃti ye stutibhiramūbhiranvahaṃ
trayīmayīṃ tribhuvanamātaraṃ ramāṃ |
guṇādhikā gurutarabhāgyabhājino
bhavaṃti te bhuvi budhabhāvitāśayāḥ || 21 ||
iti śrī kanakadhārāstotraṃ yacchaṃkarācārya nirmitaṃ
trisaṃdhyaṃ yaḥpathennityaṃ sa kuberasamobhavet |
Meaning
The Kanakadhara Stotram was composed by Adi Shankaracharya to invoke Goddess Mahalakshmi’s compassion upon a poor woman. Moved by his prayer, the Goddess showered a stream of golden fruits — hence the name Kanakadhara (“stream of gold”).
Each verse glorifies the divine beauty, compassion, and power of Lakshmi Devi — whose glance alone bestows fortune, peace, and liberation.
- Verses 1–5: Describe the divine radiance and compassionate glance of Goddess Lakshmi seated on Lord Vishnu’s chest, adorned with lotus, pearls, and divine ornaments.
- Verses 6–10: Praise her cosmic role as the consort of Vishnu, remover of misfortunes, and the source of creation, protection, and dissolution.
- Verses 11–15: Offer salutations to her various forms — Shakti, Pushti, Bhumi, Lakshmi — the universal Mother of all beings.
- Verses 16–21: Emphasize the power of her divine grace, which destroys poverty and brings abundance to those who recite this hymn with devotion.
Summary
The Kanakadhara Stotram is a hymn of divine grace and abundance. Reciting it daily purifies the heart, removes karmic obstacles, and invokes Goddess Mahalakshmi’s blessings for wealth and inner peace. It is believed that sincere recitation makes one as prosperous as Kubera himself.
Frequently Asked Questions
What is Sri Kanakadhara Stotram?
When should one recite Kanakadhara Stotram?
What are the benefits of reciting Kanakadhara Stotram?
Who can recite Kanakadhara Stotram?
How many times should this stotram be recited?
What is the origin of Kanakadhara Stotram?
Related Stotras
Comments
Please login to leave a comment
Loading comments...