Skanda Vedapada Stava
Skanda vedapaada stavah'
Yo devaanaam' puro ditsurarthibhyo varameepsitam |
Agre sthitah' sa vighnesho mamaantarhri'daye sthitah' || 1 ||
Mahah' puraa vai budhasaindhavashree-
-sharaat'aveemadhyagatam' hri'dantah' |
Shreekant'haphaalekshanajaatameed'e
Tatpushkarasyaayatanaaddhi jaatam || 2 ||
Maho guhaakhyam' nigamaantapankti
Mri'gyaanghripankeruhayugmameed'e |
Saambo vri'shasthah' sutadarshanotko
Yatparyapashyatsarirasya madhye || 3 ||
Tvaameva devam' shivaphaalanetra-
-mahovivartam' paramaatmaroopam |
Tisht'han vrajan jaagradaham' shayaanah'
Praanena vaachaa manasaa bibharmi || 4 ||
Namo bhavaaneetanujaaya te'stu
Vijnyaatatattvaa munayah' puraanaah' |
Yameva shambhum' harimabjayonim'
Yamindramaahurvarunam' yamaahuh' || 5 ||
Kot'eerakot'isthamahaarghakot'i-
-maniprabhaajaalavri'tam' guham' tvaam |
Ananyachetaah' pranavaabjaham'sam'
Vedaahametam' purusham' mahaantam || 6 ||
Sa no'vatu svaalikapanktijeeva-
-graham' gri'heetaayata chandrakhand'ah' |
Guhaadaseeyantamidam' svaroopam'
Paraatparam' yanmahato mahaantam || 7 ||
Svargaapagaamadhyagapund'areeka-
-dalaprabhaajaitravilochanasya |
Akshnaam' sahasrena vilokyamaanam'
Na sandri'she tisht'hati roopamasya || 8 ||
Hemadvishatkund'alamand'alaad'hya-
-gand'asthaleemand'itatund'ashobhah' |
Brahma tvameveti guho muneendraih'
Hri'daa maneeshaa manasaa'bhiklaptah' || 9 ||
Supakvabimbaadharakaantirakta-
-sandhyaamri'gaankaayitadantapanktih' |
Guhasya nah' paatu viloladri'sht'ih'
Yenaavri'tam' kham' cha divam' maheem' cha || 10 ||
Kareendrashund'aayitadoh'prakaand'a
Dvishat'kakeyooraviraajamaanam |
Guham' mri'd'aaneebhavamaprameyam'
Na chakshushaa pashyati kashchanainam || 11 ||
Svakeeyadordand'agri'heetachand'a-
-kodand'a nirmukta pri'shatkashand'aih' |
Trivisht'apaandhankaranairashoonyaan
Yah' saptalokaanakri'noddishashcha || 12 ||
Sauvarnahaaraadivibhooshanojjvala-
-nmaniprabhaaleed'ha vishaalavakshaah' |
Skandah' sa maam' paatu jitaabjayonih'
Ajaayamaano bahudhaa vijaayate || 13 ||
Devah' sa vaihaarikaveshadhaaree
Leelaakri'taasheshajagadvimardah' |
Shikhidhvajah' paatu bhayankarebhyo
Yah' saptasindhoonadadhaatpri'thivyaam || 14 ||
Shad'aanano dvaadashabaahudand'ah'
Shrutyantagaamee dvishad'eekshanaad'hyah' |
Bheetaaya mahyam' girijaatanoojo
Hiranyavarnastvabhayam' kri'notu || 15 ||
Yo daanavaaneekabhayankaraat'avee
Samoolakotpaat'anachand'avaatah' |
Shaanmaaturah' sam'hri'ta sarvashatruh'
Athaikaraajo hyabhavajjanaanaam || 16 ||
Ateeva baalah' pravayaah' kumaaro
Varnee yuvaa shanmukha ekavaktrah' |
Ittham' mahastadbahudhaa''viraasee-
-dyadekamavyaktamanantaroopam || 17 ||
Yadeeyamaayaavaranaakhyashakti
Tirohitaantah' karanaa hi mood'haah' |
Na jaanate tvaam' guha tam' prapadye
Parena naakam' nihitam' guhaayaam || 18 ||
Guroopadeshaadhigatena yoga-
-maargena sampraapya cha yoginastvaam |
Guham' param' brahma hri'dambujastham'
Vibhraajadetadyatayo vishanti || 19 ||
Yo devasenaapatiraadaraadvai
Brahmaadibhirdevaganairabhisht'utah' |
Tam' devasenaanyamaham' prapadye
Vishvam' puraanam' tamasah' parastaat || 20 ||
Hri'dambujaantardaharaagravarti
Kri'shaanumadhyasthaparaatmaroopaat |
Guhaatsusookshmaanmunayah' prateeyu-
-ratah' param' naanyadaneeyasam' hi || 21 ||
Tapah' prasanneshabahupradatta-
-varapramattaasurabheetibhaajaam |
Suparvanaam' skanda bhavaan sharanyah'
Indrasya vishnorvarunasya raajnyah' || 22 ||
Sa eva devo girijaakumaaro
Raajaa sa mitram' sa hi no varenyah' |
Bhraataa sa bandhuh' sa guruh' svasaa cha
Sa eva putrah' sa pitaa cha maataa || 23 ||
Svaraajyadaatre svasutaam' viteerya
Taam' devasenaam' sukumaaragaatraam |
Aaraadhayatyanvahamaambikeyam'
Indro havishmaansagano marudbhih' || 24 ||
Devena yenaalaghuvikramena
Hateshu sarveshvapi daanaveshu |
Pureva devaah' svapade'dhichakruh'
Indrashcha samraad'varunashcha raajaa || 25 ||
Shaanmaaturo'sau jagataam' sharanya-
-stejo'nnamaapah' pavanashcha bhootvaa |
Sam'rakshanaayaiva jagatsu devo
Vivesha bhootaani charaacharaani || 26 ||
Karau yuvaamanjalimeva nityam'
Umaangajaataaya vidhattamasmai |
Esha prasannah' sukumaaramoorti-
-rasmaasu devo dravinam' dadhaatu || 27 ||
Nidhih' kalaanaamudadhirdayaanaam'
Patirjanaanaam' saranirmuneenaam |
Kadaa praseedenmayi paarvateyah'
Pitaa viraajaamri'shabho rayeenaam || 28 ||
Saundaryavalleetanusaukumaarya-
-sarojapushpandhayamaanaso yah' |
Chachaara kaantaarapatheshu devah'
Sa no dadaatu dravinam' suveeryam || 29 ||
Ito'pi saundaryavadastu deha-
-miteeva hutvaa shivaphaalanetre |
Jaatastatah' kim' sa kumaara eva
Kaamastadagre samavartataadhi || 30 ||
Mumukshulokaah' shri'nuta priyam' vo
Bhajadhvamenam' girijaakumaaram |
Asyaiva devasya paraatmateti
Hri'di prateeshyaa kavayo maneeshaa || 31 ||
Dhenurbahveeh' kaamadogdhreeh' suvatsaah'
Kund'odhneergaa dehi nastvam' sahasram |
Bhaktaartighnam' devadevam' shad'aasyam'
Vidmaahi tvaa gopatim' shooragonaam || 32 ||
Vandaamahe barhinavaahanasthitam'
Vaneepakaasheshamaneeshitapradam |
Tosht'ooyamaanam' bahudhaa pade pade
Sankrandanenaanimishena jishnunaa || 33 ||
Digbhyo dashabhyah' paritah' punah' punah'
Parah' shataayaatasishevishaavataam |
Anugrahaayaiva shad'aanano hyasau
Pratyangmukhastisht'hati vishvatomukhah' || 34 ||
Koormah' phaneendrashcha tathaa phanaabhri'to
Digdantinashchaiva kulaachalaa api |
Bhootvaa'mbikeyah' prathitah' prataapavaan
Brahmaadhyatisht'hadbhuvanaani dhaarayan || 35 ||
Yo vai skandah' pri'sht'ah' shambhoh' satyam' jnyaanam' brahmaadvaitam |
Omkaaraartham' praaha smettham' subrahmanyom' subrahmanyom || 36 ||
Yo jaahvaveesharaaranyahradaambhoje babhau puraa |
Tasmai namah' shanmukhaaya mahaasenaaya dheemahi || 37 ||
Yaddakshinakaraambhojamisht'adam' svaanujeevinaam |
Tebhya indraadisenaanaam' senaanibhyashcha vo namah' || 38 ||
Devataanaamri'sheenaam' cha bhaktaanaamapi yoginaam |
Bhootaanaamapi veeraanaam' pateenaam' pataye namah' || 39 ||
Namaste'stu maheshaana bheetebhyah' shoorapadmanah' |
Sunaaseeramukhebhyastvam' svastidaa abhayankarah' || 40 ||
Kat'aakshaveekshanaapaasta nikhilavyaadhibandhana |
Devasenaapate svaamin abhi tvaa shoora noonumah' || 41 ||
Antashcharasi bhooteshu tvamekah' sookshmaroopatah' |
Tvameva nigamaanteshu paramaatmaa vyavasthitah' || 42 ||
Mahee dyaurantariksham' cha vaayuraapo'nalo'mbaram |
Subrahmanya jagannaatha tvayi sarvam' pratisht'hitam || 43 ||
Shaishave tvam' mahaasena bandeekri'tya prajaapatim |
Asraaksheestaanyathaapoorvam' manushyaah' pashavashcha ye || 44 ||
Vedaantakandareevarti guhaashayashad'aanane |
Trilokeeyam' tvayi vibho naaveevaantah' samaahitaa || 45 ||
Kalaa muhoortaah' kaasht'haashcha maasaa varshaa yugaani cha |
Tvayi valleesha nihitaa nimeshaastrut'ibhih' saha || 46 ||
Rogakaantaaradaavaagne mri'tyukakshahutaashana |
Shooraghna tvatprataapena rejatee rodasee ubhe || 47 ||
Param' brahma vichinvanto hri'dayaambhojamadhyagam |
Yogino naaradaadyaastvaam' sadaa pashyanti soorayah' || 48 ||
Hatashooramukhaasheshadaiteyam' tvaam' guhaastuvan |
Agnaavishnoo chendravaayoo somo dhaataa bri'haspatih' || 49 ||
Vaachaalayasyavaacham' tvam' sachakshuh' kurushe'dri'sham |
Aashritebhyo jagannaatha shivo nah' sumanaa bhava || 50 ||
Sa eva jagatah' kartaa bhartaa hartaa jagadguruh' |
Kumaarah' sachchidaanandah' so'ksharah' paramah' svaraat' || 51 ||
Asuraan shoorapadmaadeen hatvaa sharavanodbhavah' |
Devaan svasvapade kri'tvaa samraad'eko viraajasi || 52 ||
Tava dri'sht'vaa vishvaroopam' saharshabhayavepathu |
Tvaamastuvannaaditeyaah' bri'haspatipurohitaah' || 53 ||
Kinnaraa garud'aa naagaa yakshaah' saadhyaa marudganaah' |
Aindreesham' tvaamaharahah' vishve devaa upaasate || 54 ||
Vishvaasaanmaanusheenaam' cha prajaanaam' pashupakshinaam |
Charaacharaanaam' jagataam' dhruvo raajaa vishaamayam || 55 ||
Ambhojasam'vartikaasu raajaham'saa iva prabho |
Madeeyahri'dayaambhoje dhruvastisht'haavichaachalih' || 56 ||
Leelaamaatrakri'taasheshabhuvanaadgirijaasutaat |
Atharva chaatha ri'ksaama yajustasmaadajaayata || 57 ||
Tile tailamiva protam' dadhnyaajyamiva shanmukhe |
Manau sootramiva syootam' brahma vishvamidam' jagat || 58 ||
Yastaptaadeenri'sheen shaapaaduddadhaara haraatmajah' |
Maatuh' stanasudhaapoore putrah' pramuditodhayan || 59 ||
Ijyayaa poojayaa stutyaa bhaktyaa cha paricharyayaa |
Dhyaanena tapasaa cha tvaam' devam' manasi eed'ate || 60 ||
Shrutismri'tyaagamaadyuktakarmanaam' phaladaayine |
Skandaaya tubhyam' makhibhih' shraddhayaa hooyate havih' || 61 ||
Moordhaa dyaurambaram' naabhirooroo bhooratalam' pade |
Shanmukhasyetyevamaahuh' antarvishvamidam' jagat || 62 ||
Bhaktasantaapashamana praavri'shenyaghanaaghanaat |
Skandaadanyam' mano maagaah' sa dri'sht'o mri'd'ayaati nah' || 63 ||
Jihve tvamuchchairnistandraa raatrindivamabhisht'uhi |
Devasenam' mahaasenam' adugdhaa iva dhenavah' || 64 ||
Akalankasharachchandravilasattvanmukhasrutaah' |
Mandasmitasudhaadhaaraastaa me kri'nvantu bheshajam || 65 ||
Devaaneejimahe poorvam' tapashchakri'mahe puraa |
Yadguho devataasmaakam' kavirgri'hapatiryuvaa || 66 ||
Madeeyahri'dayaambhojaniryoohamanimanchake |
Shad'aanana tvatpaadah' syaadiyaan praadeshasammitah' || 67 ||
Chirantanavachah' stutyah' pranavaambujashat'padah' |
Karotu devaseneshah' shivaa nah' pradisho dishah' || 68 ||
Daiteyavadhasannaddho bhavaan pavanasaarathih' |
Dvilakshamarvato haime rathe yuktvaa'dhitisht'hati || 69 ||
Gaganochchhritakodand'akireet'am' shooramaahave |
Bibheditha tvam' naaraachaih' sahasrena shatena cha || 70 ||
Aishaallalaat'anayanaat jaatam' vahniryathaa'raneh' |
Mumukshavo guham' brahma vichinvantu maneeshayaa || 71 ||
Hiranyajyotisham' skandam' yaachadhvam' bho vaneepakaah' |
Esho'rthinah' poorayati prajayaa cha dhanena cha || 72 ||
Sannidhaasyati kim' svaamee bhavanaamburuhekshanah' |
Taavakam' manjulam' roopam' smaryate na cha dri'shyate || 73 ||
Yatastvam' jagataameshaam' aashishe shikhivaahana |
Tato dehi bahoonvreeheenakri'sht'aa ye cha kri'sht'ajaah' || 74 ||
Dhanadhaanyagri'haan putraan dehi deva dayaanidhe |
Tvamaashritesht'ada iti karnaabhyaam' bhoori vishrutam || 75 ||
Bhaktebhyo muchukundaakhyapramukhebhyo yathaa guha |
Praadaastathaa dehi mahyamachyutaam' bahulaam' shriyam || 76 ||
Bhaktaan tatputrasuhri'dah' tanmaatri'pitri'sodaraan |
Paahi skanda punashchaasya dvipado ye chatushpadah' || 77 ||
Choravyaaghrapishaachaakhusarpakeet'aadibaadhakaat |
Bhaktaannishaasu sam'rakshan trishu lokeshu jaagri'hi || 78 ||
Daanaveshvapi daityeshu raakshaseshvapyaraatishu |
Pishaacheshvapi gaangeya vikramasva mahaanasi || 79 ||
Aadhibhirvyaadhibhishchaiva peed'itaanaamaharnisham |
Dootaanaam' vapushi svaaminnaasuvorjamisham' cha nah' || 80 ||
Atiteevrena tapasaa tapyamaanaa aharnisham |
Upaasata tvaam' taptaadyaah' atha hainam' purarshayah' || 81 ||
Dhyaanaavaahanapoojejyaaparicharyaastutishvaham |
Ajnyo me saphalaam' poojaam' kri'nuhi brahmanaspate || 82 ||
Asuraan raakshasaan krooraan devayajnyavighaatakaan |
Jahi devesha yasmaattvam' rakshohaameevachaatanah' || 83 ||
Durvri'ttebhyo dhanam' dhatse neechebhyo'pi dhanam' bahu |
Na dadaasi kuto mahyam' etatpri'chchhaami samprati || 84 ||
Mukhairetaanmahaaraudraan dooreekuru jagatpate |
Mama svamabhikaankshante ye stenaa ye cha taskaraah' || 85 ||
Guha tvatpaadabhaktaanaam' gehe jaagratvahardivam |
Veerabaahumukhaa veera te nityaanucharaastava || 86 ||
Trishad'vilochaneshvekadri'kkat'aakshena lakshayan |
Aad'hyam' karotu maam' skandah' parjanyo vri'sht'imaaniva || 87 ||
Bhayaanakaasuraaneekakaandisheekaah' puraa khalu |
Guha tvaam' sharanam' praapuh' indrena saha devataah' || 88 ||
Tvaameva keertayan deva dhyaayan shri'nvan prapoojayan |
Guha tvatpaadabhakto'ham' jeevaani sharadah' shatam || 89 ||
Kri'paadugdhaabdhikallolaayamaanaapaangaveekshana |
Dehi me guha bahvaayurdeerghaayustvamiheshishe || 90 ||
Puraaraateekshanapayah' paaraavaarasudhaakara |
Shad'vaktra dhehi kri'payaa mayi medhaam' mayi prajaam || 91 ||
Bhaktachaatakabri'ndesht'avarshidhaaraadhara prabho |
Asmaan sanjeevaya svaaminasmin loke shatam' samaah' || 92 ||
Bheetaa vayam' mahaasena pathi durge vane yatah' |
Choravyaaghrapishaachebhyah' tato no abhayam' kri'dhi || 93 ||
Vyaadhayah' shoolakusht'haarshah' pramehaadyaa yatah' sadaa |
Peed'ayanti pishaachaadyaah' tato no dhehi bheshajam || 94 ||
Tvadeeyapaadakamaladhyaanavarmitavigrahaan |
Kuhakaa mohakaah' kshudraah' maa'smaanpraapannaraatayah' || 95 ||
Dhanadhaanyapashukshetrabaleshvasmadapekshayaa |
Devasenaapate'smaakam' adhare santu shatravah' || 96 ||
Araatikulanirmoolanaalankarmeenavikrama |
Akaaranena bahudhaa yo no dvesht'i sa rishyatu || 97 ||
Mantrairyantraistathaa tantrairaushadhairaayudhairapi |
Jighaam'sati cha yo'smaan sa dvishanme bahu shochatu || 98 ||
Aakhand'alaareenasuraan tvam' tu spardhaavato yathaa |
Jahi gaangeya tau martyau yam' chaaham' dvesht'i yashcha maam || 99 ||
Tvannaamakeertanaparakshemankarakaraambuja |
Tamimam' sam'hara svaamin yashcha no dveshate janah' || 100 ||
Doore'ntike vaa yah' shatruh' asmaananaparaadhinah' |
Shapatyenam' jahi skanda yashcha nah' shapatah' shapaat || 101 ||
Chakshushaa manasaa vaachaa mantrena havanena cha |
Tatkri'tyaam' naashaya svaamin bhraatri'vyasyaabhidaasatah' || 102 ||
Machchhidraanveshinah' shatroh' dhanamaayuh' prajaah' pashoon |
Sarvaannaashaya shooraghna maa tasyochchheshi kinchana || 103 ||
Avidvaam'sashcha vidvaam'sah' svapne jaagrati vaa guha |
Tebhyo mochaya maam' yadyadenaam'si chakri'maa vayam || 104 ||
Vayamoochima yaddeva jihvayaa devahelanam |
Enaso mochayaagneya tvam' hi vettha yathaatatham || 105 ||
Vittaartham' vaa tathaa'nyaartham' vipraartham' go'rthameva vaa |
Puneehyasmaam'statah' skanda yatkinchaanri'tamoodima || 106 ||
Tamaagasam' kshamasva tvam' svakeeyaabheesht'alipsayaa |
Sampraarthya tubhyam' vaa'nyasmai yadvaachaa'nri'tamoodima || 107 ||
Saundaryavallyaa sahitam' ambayaa devasenayaa |
Mahaasenam' bhaje devam' satyena tapasaa saha || 108 ||
Yo vai pat'hedguhasyainam' vedaantastavamaadaraat |
Skaandaah' kat'aakshaastasyochchairaayuh' keertim' prajaam' daduh' || 109 ||
Skandasyainam' vedapaadastavam' yo
Bhaktyaa nityam' shraavayedvaa pat'hedvaa |
Bhooyaasuste tasya martyasya sheeghram'
Ye ye kaamaa durlabhaa martyaloke || 110 ||
Iti skandavedapaadastavah' |
Meaning
Context & Core Intent:
The Skanda Vedapada Stava presents Lord Guha/Skanda not merely as a martial deity, but as the embodiment of Vedanta — the inner “Vedapada” (the foot or foundation of Vedic truth) nested within the human heart. The hymn shifts the reader’s perspective from external heroics to inner metaphysics: the warrior who is simultaneously the supreme Self.
Symbols & Manifestations:
References to six-faced (Shanmukha) forms, multiple eyes and arms, and divine weapons are not mere ornamentation — they signify pervasive function: omnidirectional awareness (many eyes), manifold capacity to act (many arms/weapons), and simultaneous engagement in creation, preservation and dissolution. The peacock, the banner, the radiant hue, and the Krittika (nursing mothers) episodes indicate both cosmic role and tender nurturance of devotees.
Guha as Hidden Wisdom:
The title “Guha” stresses an inner, hidden aspect — the “cave” of the heart where supreme knowledge resides. For seekers this image is vital: Skanda acts as the guru of secret practices, the revealer of mantric and heart-centered knowledge, the guide who makes Vedanta experiential. He is the deity of both battle and meditation — the polarity of action and insight reconciled.
Cosmic Authority & Protector Role:
Beyond being a regional or martial god, the stava ascribes universal jurisdiction to Skanda — he is the leader of celestial armies, the remover of demons, the protector of gods and men. At philosophical depth, he stands for the dynamic, protecting aspect of the Absolute — the power that sustains dharma and dispels adharma.
Ethical–Spiritual Teaching:
The hymn implicitly teaches that divine protection is tied to inner transformation. Victory is not merely external conquest but the conquest of inner passions, ignorance and fear. Skanda’s weapons are metaphors for discriminative wisdom, disciplined will, and compassionate force — tools by which a devotee overcomes bondage.
Practice & Promised Fruits:
Consistent, reverent recitation — ideally coupled with right conduct, meditation on the heart (hridaya), and devotional service — is said to grant tangible and subtle benefits: removal of obstacles, recovery from illnesses, protection from hostile forces, prosperity, progeny, prolonged life, and eventual access to the divine realm associated with Skanda. The text urges śraddhā (faith) and disciplined practice for these results.
Summary
The Skanda Vedapada Stava elevates Skanda from warrior-hero to inner guru and cosmic refuge. It weaves together mythic imagery and Vedantic teaching, promising both worldly protection and spiritual liberation to sincere practitioners. Reciting it with devotion aligns the heart to inner Vedanta, strengthening courage, clarity, and compassionate power.
Frequently Asked Questions
What is Skanda Vedapada Stava?
When and how should one recite Skanda Vedapada Stava?
What are the main benefits of reciting this Stava?
Who should recite Skanda Vedapada Stava?
How many times should Skanda Vedapada Stava be recited?
What is the origin or source of Skanda Vedapada Stava?
Related Stotras
Comments
Please login to leave a comment
Loading comments...