ಶ್ರೀ ವರಾಹ ಸ್ತೋತ್ರಂ

ಶ್ರೀ ವರಾಹ ಸ್ತೋತ್ರಂ

ತತಃ ಸ ರಾಜಾ ಶ್ರೀಮುಷ್ಣೇ ನಿತ್ಯಪುಷ್ಕರಿಣೀ ಜಲೇ |
ಸ್ನಾತ್ವಾ ಸಂತರ್ಪ್ಯ ದೇವಾದೀಂ ಶುಚಿರ್ಭೂತ್ವಾ ಜಿತೇಂದ್ರಿಯಃ ||1||

ಪಿಪ್ಪಲದ್ರುಮಮಾಸಾದ್ಯ ಜಿತಸಾನಪರಿಗ್ರಹಃ |
ತುಷ್ಟಾವಜವತಾಮೀಶಂ ನಾರಾಯಣಮನಾಮಯಂ ||2||

ರಾಜಾ ಉವಾಚ -
ಶುದ್ಧಸ್ಫಟಿಕಸಂಕಾಶಂ ಪೂರ್ಣಚಂದ್ರನಿಭಾನನಂ |
ಕಠಿನ್ಯಸ್ತ ಕರದ್ವಂದ್ವಂ ಶ್ರೀಮುಷ್ಣೇಶಂ ನಮಾಮ್ಯಹಂ ||3||

ಸ್ರಷ್ಟಾರಂ ಸರ್ವಲೋಕಾನಾಂ ಪ್ರೇರಗಂ ಸರ್ವದೇಹಿನಾಂ |
ಪಾಲಕಂ ಪಾಲನೀಯಾನಾಂ ಶ್ರೀಮುಷ್ಣೇಶಂ ನಮಾಮ್ಯಹಂ ||4||

ಹರ್ತಾರಂ ಪ್ರಲಯೇಕಾಲೇ ರಕ್ಷಕಂ ಮಧ್ಯವರ್ತಿನಾಂ |
ವೈರಾಗ್ಯದಂ ಸ್ವಭಕ್ತಾನಾಂ ಶ್ರೀಮುಷ್ಣೇಶಂ ನಮಾಮ್ಯಹಂ ||5||

ಚಿದಾನಂದಘನಂ ಪೂರ್ಣಂ ಸರ್ವದೋಷವಿವರ್ಜಿತಂ |
ಸ್ವಾಭಿನಂ ಸರ್ವಲೋಕಾನಾಂ ಶ್ರೀಮುಷ್ಣೇಶಂ ನಮಾಮ್ಯಹಂ ||6||

ಯೇನಂ ವ್ಯಾಪ್ತಮಿದಂ ಸರ್ವಂ ಬಹಿರಂ ತಶ್ಚ ಸರ್ವದಾ |
ಸರ್ವಾ ವಹ್ನ್ಯಾ ಪ್ರೇರಕಂಚ ಶ್ರೀಮುಷ್ಣೇಶಂ ನಮಾಮ್ಯಹಂ ||7||

ಭೂತಂ ಭವ್ಯಂ ಭವಿಷ್ಯಚ್ಚ ಜಗದೇ ತಚ್ಚರಾಚರಂ |
ತದ್ವಶೇ ವರ್ತತೇ ನಿತ್ಯಂ ಶ್ರೀಮುಷ್ಣೇಶಂ ನಮಾಮ್ಯಹಂ ||8||

ಓತಪ್ರೋತಮಿದಂ ಯತ್ರ ವಟವನ್ವಿಶ್ವತೋ ಮುಖಂ |
ಸುಮುಖಂ ಸುಸ್ಮಿತಂ ಶಾಂತಂ ಶ್ರೀಮುಷ್ಣೇಶಂ ನಮಾಮ್ಯಹಂ ||9||

ಅನಾದಿಮಂತಕಾಲೇಽಪಿ ಯಸ್ಸ್ವಾಮೀ ಸರ್ವದೇಹಿನಾಂ |
ನಮಾದಿದೇವಂ ದೇವೇಶಂ ಶ್ರೀಮುಷ್ಣೇಶಂ ನಮಾಮ್ಯಹಂ ||10||

ನಿರ್ಮಾಯಂ ಮಾಯಿನಾಮೀಶಂ ನಿರ್ಗುಣಂ ಷಡ್ಗುಣಾರ್ಣವಂ |
ನಿರ್ದೋಷಂ ನಿಶ್ಚಲಾನಂದಂ ಶ್ರೀಮುಷ್ಣೇಶಂ ನಮಾಮ್ಯಹಂ ||11||

ಸದಾಽವ್ಯಕ್ತಂ ಸದಾಽಭಾಸಂ ಸದಾಸಂತೋಷ ಸಂವೃತಂ |
ಸದಾವಿಲಿಪ್ತ ವಿಜ್ಞಾನಂ ಶ್ರೀಮುಷ್ಣೇಶಂ ನಮಾಮ್ಯಹಂ ||12||

ದಯಾನಿಧಿಂ ದಯಾಹೀನಂ ಜೀವಾನಾಮಾರ್ತಿಹಂ ವಿಭುಂ |
ದೈತ್ಯಾಂತಕಂ ಗದಾಪಾಣಿಂ ಶ್ರೀಮುಷ್ಣೇಶಂ ನಮಾಮ್ಯಹಂ ||13||

ಪೀತಾಂಬರಧರಂ ದೇವಂ ದಂಡಕಾಂತಕಮಚ್ಯುತಂ |
ದೇವೇಂದ್ರದರ್ಪಹರ್ತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||14||

ಅಗ್ರಾಹ್ಯಮಕ್ಷರಂ ನಿತ್ಯಂ ನಿರ್ಭೇದ್ಯಂ ನಿರವಗ್ರಹಂ |
ನಿರಸ್ತಸಾಮ್ಯಾತಿಶಯಂ ಶ್ರೀಮುಷ್ಣೇಶಂ ನಮಾಮ್ಯಹಂ ||15||

ನಿರ್ಗಲಂ ನಿಶ್ಚಲಂ ವಿಷ್ಣುಂ ವೇದವೇದ್ಯಂ ಸನಾತನಂ |
ವಿದ್ಯಾಧೀಶಂ ವಿದಾಂ ಶ್ರೇಷ್ಠಂ ಶ್ರೀಮುಷ್ಣೇಶಂ ನಮಾಮ್ಯಹಂ ||16||

ಕಮಲೋದ್ಭವ ತಾತಂ ತಂ ಕಮಲಾಪತಿಮೀಶ್ವರಂ |
ಕಂಜಾಂಘ್ರಿಂ ಕಮಲಾಕ್ಷಂಚ ಶ್ರೀಮುಷ್ಣೇಶಂ ನಮಾಮ್ಯಹಂ ||17||

ಚೈತ್ರೇ ಕೃಷ್ಣಚತುರ್ದಶ್ಯಾಂ ರೇವತ್ಯಾಂ ಭಾನುವಾಸರೇ |
ಅಶ್ವತ್ಥರೂಪಂ ವಾರಾಹಂ ಶ್ರೀಮುಷ್ಣೇಶಂ ನಮಾಮ್ಯಹಂ ||18||

ಮುಹೂರ್ತೇ ಪಂಚಮೇ ಜಾತಂ ಚೈತ್ರೇಽಶ್ವಿನ್ಯಾಂ ಚ ಕೃಷ್ಣಕೇ |
ಅರ್ಕವಾರೇ ತ್ರಯೋದಶ್ಯಾಂ ಶ್ರೀಮುಷ್ಣೇಶಂ ನಮಾಮ್ಯಹಂ ||19||

ವರಾಹಂ ವರದಂ ಶಾಂತಂ ಪುಣ್ಯಶ್ರವಣಕೀರ್ತನಂ |
ಝಿಲ್ಲಿಕಾವನಹಂತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||20||

ನಿತ್ಯಪುಷ್ಕರಿಣೀತೀರವಾಸಿನಂ ವನಮಾಲಿನಂ |
ಮುನಿಹೃನ್ಪದ್ಮನಿಲಯಂ ಶ್ರೀಮುಷ್ಣೇಶಂ ನಮಾಮ್ಯಹಂ ||21||

ಯಜ್ಞಂ ಯಜ್ಞಪತಿಂ ಯಜ್ಞ ಕರ್ತಾರಂ ಯಜ್ಞಭಾವನಂ |
ಯಜ್ಞಾಂಗಂ ಯಜ್ಞಗೋಪ್ತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||22||

ಸಂಸಾರಭಯ-ಭೀತಾನಾಂ ಜಂತೂನಾಮಭಯಪ್ರದಂ |
ಸಾಮಗೀತಂ ಸುರಾಧ್ಯಕ್ಷಂ ಶ್ರೀಮುಷ್ಣೇಶಂ ನಮಾಮ್ಯಹಂ ||23||

ಸಹಸ್ರವದನಂ ದೇವಂ ಸಹಸ್ರಾಕ್ಷಂ ಸದಾಶುಭಂ |
ಸದಾಮಂಗಲಕರ್ತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||24||

ಜ್ಞಾನಗಂ ಕಾಮದಂ ಭುಕ್ತಿ-ಮುಕ್ತಿದಂ ಮುನಿವಂದಿತಂ |
ನಿರಾಶ್ರಯಂ ಸದಾಽಽಧಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||25||

ವಟಪತ್ರಪುಟೇಯೋಗಶಾಯಿನಂ ಬಾಲಮೀಶ್ವರಂ |
ತಮದ್ಭುತಾರ್ಧಕಾಕಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||26||

ದುಗ್ಧಾಬ್ಧಿ-ಶಾಯಿನಂ ದೇವಮನಂತೋರಸಿವಾಸಿನಂ |
ವೈಕುಂಠ-ನಿಲಯಂ ವಿಷ್ಣುಂ ಶ್ರೀಮುಷ್ಣೇಶಂ ನಮಾಮ್ಯಹಂ ||27||

ವಾಸುದೇವಂ ಜಗದ್ಯೋನಿಂ ಜಗಜ್ಜಾಡ್ಯ ಹರಂ ಹರಿಂ |
ಜಂಭಾರಿ-ಪ್ರಾಣದಂ ಪೂರ್ಣಂ ಶ್ರೀಮುಷ್ಣೇಶಂ ನಮಾಮ್ಯಹಂ ||28||

ಧರ್ಮಪ್ರಿಯಂ ಧರ್ಮರೂಪಂ ಧರ್ಮಗೋಪ್ತಾರಮವ್ಯಯಂ |
ಧರ್ಮದತ್ಪ್ರಲದಾತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||29||

ಜಾಹ್ನವೀ ಜನಕಂ ಕಾಲಂ ವ್ಯೋಮಕೇಶಂ ವೃಷಾಕಪಿಂ |
ಕವೇಂದ್ರವಾಹನಂ ಕೋಲಂ ಶ್ರೀಮುಷ್ಣೇಶಂ ನಮಾಮ್ಯಹಂ ||30||

ನಿತ್ಯಂ ಸ್ತವಂ ಪ್ರಮವ್ಯಕ್ತಂ ಭಕ್ತಾಧೀನಂ ಪರಾತ್ಪರಂ |
ದಾಮೋದರಂ ಹೃಷೀಕೇಶಂ ಶ್ರೀಮುಷ್ಣೇಶಂ ನಮಾಮ್ಯಹಂ ||31||

ಯನ್ನಾಮಸ್ಮೃತಿಮಾತ್ರೇಣ ಕೋಟಿಜನ್ಮಾಘನಾಶನಂ | 
ಭವೇತಂ ಭಾವಶುದ್ಧಾನಾಂ ಶ್ರೀಮುಷ್ಣೇಶಂ ನಮಾಮ್ಯಹಂ ||32||

ಕಂದರ್ಪಕೋಟಿಲಾವಣ್ಯಂ ಕೋಟಿಸೂರ್ಯಸಮಪ್ರಭಂ |
ಕೋಟೀಂದು-ಜಗದಾನಂದಂ ಶ್ರೀಮುಷ್ಣೇಶಂ ನಮಾಮ್ಯಹಂ ||33||

ಅನಧೇಹಾರಕೇಯೂರಕುಂಡಲಾಂಗದಮಂಡಿತಂ |
ನೀಲಾಲಕಂ ವಿಶಾಲಾಕ್ಷಂ ಶ್ರೀಮುಷ್ಣೇಶಂ ನಮಾಮ್ಯಹಂ ||34||

ಬ್ರಹ್ಮ-ರುದ್ರೇಂದ್ರ-ಗರುಡ-ಕಿನ್ನರೋ-ರಗ-ರಾಕ್ಷಸೈಃ |
ಸಂಸೇವ್ಯಮಾನದರಣಂ ಶ್ರೀಮುಷ್ಣೇಶಂ ನಮಾಮ್ಯಹಂ ||35||

ಹೃತ್ಪದ್ಮಕರ್ಣಿಕಾಮಧ್ಯೇ ಮುನಿಭಿರ್ಮನಸಾಽರ್ಚಿತಂ |
ಭಕ್ತಕಲ್ಪದ್ರುಮಂ ಶಾಂತಂ ಶ್ರೀಮುಷ್ಣೇಶಂ ನಮಾಮ್ಯಹಂ ||36||

ಹೃಷೀಕೇಶಂ ಹೃಷೀಕಾನಾಂ ಲಿಯಾಮಕಮರಿಂದಮಂ |
ಹೃಷೀಕಮಲದಾತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||37||

ಯೋಂತಃ ಪ್ರವಿಶ್ಯ ಸತತಂ ಧಾರಯೇನ್ನಿಖಿಲಾಕೃತಿಂ | 
ಪ್ರಾಪಯಂತಂ ಫಲಂ ನಿತ್ಯಂ ಶ್ರೀಮುಷ್ಣೇಶಂ ನಮಾಮ್ಯಹಂ ||38||

ವಿಪದಾಂ ಪರಿಹರ್ತಾರಂ ದಾತಾರಂ ಸರ್ವಸಂಪದಾಂ |
ಕರ್ತಾರಂ ಸರ್ವಲೋಕಾನಾಂ ಶ್ರೀಮುಷ್ಣೇಶಂ ನಮಾಮ್ಯಹಂ ||39||

ಹಿರಣ್ಯಾಕ್ಷವಧೋದ್ದಂಡಬಾಹುದಂಡಮಹೀಧರಂ |
ದಂಡಿತೇಂದ್ರಿಯಹೃದ್ವಾಸಂ ಶ್ರೀಮುಷ್ಣೇಶಂ ನಮಾಮ್ಯಹಂ ||40||

ದಂಷ್ಟ್ರಾಕರಾಲವದನಂ ಭೃಕುಟೀ ಕುಟಿಲೇಕ್ಷಣಂ |
ಸ್ಫಟಿಕಾತೃಣಿಭಾತಾರಂ ಶ್ರೀಮುಷ್ಣೇಶಂ ನಮಾಮ್ಯಹಂ ||41||

ಶ್ರೀಶಂಕರಃ --
ಇತಿ ರಾಜಾ ಸ್ತುವನ್ನಾಸ್ತೇ ಶ್ರೀಮುಷ್ಣೇವಾಸಮಾವಹನ |
ಉದ್ವೇಲಾ ಅಭವನ್ಸರ್ವೇ ಸಮುದ್ರಾತ್ಕಾಲಚೋದಿತಾಃ ||42||

ಏಕಾರ್ಣವಮಭೋತ್ ತತ್ರ ಪಶ್ಯತಿ-ಕ್ಷಿತಿಶೇಶ್ವರಂ |
ಅಭ್ರಾಂತೋಯೋಗಮಾರೂಢಂ ನಿರೀಕ್ಷ್ಯ ಪ್ರಲಯಂ ತಥಾ ||43||

ಆತ್ಮನ್ಯಾತ್ಮಾನಮಾದಾಯ ಪರೇಬ್ರಹ್ಮನಿತಿಷ್ಕಲೇ |
ಸಜಹೋಭೋದಿಕಂ ದೇಹಂ ಪ್ರವಿವೇಶಾಚ್ಯುತೋದರಂ ||44||

ಪ್ರವೃತ್ತೇಸ್ಮಿನ್ ಬ್ರಹ್ಮಕಲ್ಪೇ ಸ ರಾಜಾ ಚ ಶತಕ್ರತುಃ |
ಯಜ್ಞೇ ಪುರಂದರೋ ನಾಮ ದೇವಾನಾಮಗ್ರಣೀರ್ಬಲೀ ||45||

ದೇವ-ದಾನವ-ಗಂಧರ್ವ-ಯಕ್ಷ-ರಾಕ್ಷಸ-ಕಿನ್ನರೈಃ |
ಸಂಗೀಯಮಾನ-ಸತ್ಕೀರ್ತಿಃ ಅಪ್ಸರೋ-ಗಣ-ಸೇವಿತಃ ||46||

ಪತ್ನೀ ಸ ಧುನೀ ಶಚೀನಾಮ್ನಾ ಲಲನಾನಾಂ ಶಿರೋಮಣಿಃ |
ದೇವೇಂದ್ರ ಇತಿ ವಿಖ್ಯಾತಃ ತ್ರೈಲೋಕ್ಯಾದಿ ಪತಿರ್ವಿಭುಃ ||47||

ಕಥಿತಂ ಪ್ರಾಪ್ತುಮಖಿಲಂ ಶ್ರೀಮುಷ್ಣೇಶಃ ಪ್ರಸಾದತಃ |
ಏವಮನ್ಯೇ ಚ ಭೂಪಾಲಾಃ ದೇವಾಶ್ಚ ಋಷಯೋಽಪರೇ ||48||

ಯಕ್ಷ-ಕಿನ್ನರ-ಸಾಧ್ಯಾಶ್ಚ ಶ್ರೀಮುಷ್ಣ-ಕ್ಷೇತ್ರವಾಸಿನಃ |
ಸಿದ್ಧಿಮಾಪುರ್ಮಹಾತ್ಮಾನೋ ಯೋಗಿನಾಮಪಿ ದುರ್ಲಭಂ ||49||

ದೇವಾಶ್ಚ-ಸಿದ್ಧ-ಸಂಕಲ್ಪಾಃ ಮುನಯೋಽಮಲಚೇತಸಃ |
ಶ್ರೀಮುಷ್ಣೇ-ವಾಸಮಿಚ್ಛಂತಿ ಮನುಷ್ಯಾಣಾಂ ತು ಕಾ ಕಥಾ ||50||

ಶ್ರೀಮುಷ್ಣೇಶಸಮೋದೇವಃ ಕ್ಷೇತ್ರಂ ಶ್ರೀಮುಷ್ಣಸನ್ನಿಭಂ |
ವಿಚಾರಿತೇಷು ಶಾಸ್ತ್ರೇಷು ನಾಸ್ತಿ ನಾಸ್ತಿ ನ ಸಂಶಯಃ ||51||

ಶ್ರುತ್ವಾ ಶ್ರೀಮುಷ್ಣಮಾಹಾತ್ಮ್ಯಂ ದೃಷ್ಟ್ವಾ ಶ್ರೀಮುಷ್ಣನಾಯಕಂ |
ಸ್ನಾತ್ವಾ ಶ್ರೀಮುಷ್ಣತೀರ್ಥೇಷು ಪುನರ್ಜನ್ಮ ನ ವಿದ್ಯತೇ ||52||

ಸತ್ಯಂ ಸತ್ಯಂ ಪುನಃ ಸತ್ಯಮುದ್ಧೃತ್ಯ ಭುಜಮುಚ್ಯತೇ |
ಶ್ರೀಮುಷ್ಣೇ ಮರಣಾದೇವ ಮುಕ್ತಿಮೇತಿ ನ ಸಂಶಯಃ ||53||

ಬ್ರಹ್ಮಜ್ಞಾನಮೃತೇತ್ವಾಪಿ ಮುಕ್ತಿರ್ನೈವೋಪಜಾಯತೇ |
ಗಂಗಾಯಾಂ ತಾರಕಬ್ರಹ್ಮ-ಜ್ಞಾನಂ ಸೋಪತಿಶೇದ್ಧರಃ ||54||

ಶ್ರೀಮುಷ್ಣೇ ಗರುಡೋ ಬ್ರಹ್ಮಜ್ಞಾನಂ ಚೋಪತಿಸತ್ಯಲಂ |
ಶ್ರೀಮುಷ್ಣೇಶವರಾಹಸ್ಯ ಪರಿತೋ ಯೋಜನತ್ರಯಂ ||55||

ಗಯಾಪ್ರಯಾಗಕಾಶೀದ್ಯಃ ಸತ್ಯೇ ಶತಗುಣಾಧಿಕಂ |
ತಸ್ಮಾನ್ನಾರದ ಸಂಸೇವ್ಯಂ ಶ್ರೀಮುಷ್ಣಂ ಪಾಪನಾಶನಂ ||56||

ಶ್ರೀಮುಷ್ಣಾಭಿಮುಖೋ ಭೂತ್ವಾ ಸದಾ ವೃದ್ಧಾಚಲೇ ಮುನೇ |
ತಪಶ್ಚರಂ ವಸಾವ್ಯಂಗ ಶ್ರೀಮುಷ್ಣೇಶಂ ಚ ವಿನಯನ್ ||57||

ಇತಿ ಶ್ರೀಬ್ರಹ್ಮಾಂಡಪುರಾಣೇ ಶ್ರೀಮುಷ್ಣಮಾಹಾತ್ಮ್ಯೇ ಶಂಕರ-ನಾರದ-ಸಂವಾದೇ
ಶ್ರೀವರಾಹಸ್ತೋತ್ರಂ-ನಾಮ ಏಕಾದಶೋದ್ಯಾಯಃ ||