ಶ್ರೀ ವೈಭವಲಕ್ಷ್ಮೀ ಅರ್ಚನಾ ಅಥವಾ ಮಹಾಲಕ್ಷ್ಮೀಸ್ತವಂ

ಶ್ರೀಪಾರ್ವತಿ ಸರಸ್ವತಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವಿಷ್ಣುಪ್ರಿಯೇ ಮಹಾಮಾಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕಮಲೇ ವಿಮಲೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕಾರುಣ್ಯನಿಲಯೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ದಾರಿದ್ರ್ಯದುಃಖಶಮನಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಶ್ರೀದೇವಿ ನಿತ್ಯಕಲ್ಯಾಣಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸಮುದ್ರತನಯೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ರಾಜಲಕ್ಷ್ಮಿ ರಾಜ್ಯಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವೀರಲಕ್ಷ್ಮಿ ವಿಶ್ವಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮೂಕಹಂತ್ರಿ ಮಂತ್ರರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ . 10
ಮಹಿಷಾಸುರಸಂಹರ್ತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮಧುಕೈಟಭವಿದ್ರಾವೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಶಂಖಚಕ್ರಗದಾಹಸ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ವೈಕುಂಠಹೃದಯಾವಾಸೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಪಕ್ಷೀಂದ್ರವಾಹನೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಧಾನ್ಯರೂಪೇ ಧಾನ್ಯಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸ್ವರ್ಣರೂಪೇ ಸ್ವರ್ಣಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವಿತ್ತರೂಪೇ ವಿತ್ತಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಹರಿಪ್ರಿಯೇ ವೇದರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಫಲರೂಪೇ ಫಲಧಾತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ . 20
ನಿಸ್ತುಲೇ ನಿರ್ಮಲೇ ನಿತ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ರತ್ನರೂಪೇ ರತ್ನಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕ್ಷೀರರೂಪೇ ಕ್ಷೀರಧಾತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವೇದರೂಪೇ ನಾದರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಪ್ರಾಣರೂಪೇ ಪ್ರಾಣಮೂರ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಪ್ರಣವಾನಂದಮಹಸೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಬ್ರಹ್ಮರೂಪೇ ಬ್ರಹ್ಮಧಾತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಜಾತವೇದಸ್ವರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಆಧಾರಶಲ್ಕನಿಲಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸುಷುಮ್ನಾಸುಷಿರಾಂತಸ್ಥೇ ಮಹಾಲಕ್ಷ್ಮಿ ನಮೋಽಸ್ತು ತೇ . 30
ಯೋಗಾನಂದಪ್ರದಾಯಿನ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸೌಂದರ್ಯರೂಪಿಣಿ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸಿದ್ಧಲಕ್ಷ್ಮಿ ಸಿದ್ಧರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸರ್ವಸಂತೋಷಸದ್ರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ತುಷ್ಟಿದೇ ಪುಷ್ಟಿದೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ರಾಜರಾಜಾರ್ಚಿತಪದೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸರ್ವಸ್ವರೂಪೇ ದಿವ್ಯಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಚಾರಿತ್ರ್ಯದಿವ್ಯಶುದ್ಧಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವೇದಗುಹ್ಯೇ ಶುಭೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಧರ್ಮಾರ್ಥಕಾಮರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ . 40
ಮೋಕ್ಷಸಾಮ್ರಾಜ್ಯನಿಲಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸರ್ವಗಮ್ಯೇ ಸರ್ವರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮೋಹಿನಿ ಮೋಹರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಪಂಚಭೂತಾಂತರಾಲಸ್ಥೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ನಾರಾಯಣಪ್ರಿಯತಮೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕಾರಣಿ ಕಾರ್ಯರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಅನಂತತಲ್ಪಶಯನೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಲೋಕೈಕಜನನಿ ವಂದ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಶಂಭುರೂಪೇ ಶಂಭುಮುದ್ರೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಬ್ರಹ್ಮರೂಪೇ ಬ್ರಹ್ಮಮುದ್ರೇ ಮಹಾಲಕ್ಷ್ಮಿ ನಮೋಽಸ್ತು ತೇ . 50
ವಿಷ್ಣುರೂಪೇ ವಿಷ್ಣುಮಾಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಆಜ್ಞಾಚಕ್ರಾಬ್ಜನಿಲಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಫಕಾರ ರೇಫ ಶಕ್ತ್ಯಾಭೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಹೃದಯಾಂಬುಜದೀಪಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವಿಷ್ಣುಗ್ರಂಥಿ ವಿಶಾಲಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಆಧಾರಮೂಲನಿಲಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಬ್ರಹ್ಮಗ್ರಂಥಿ ಪ್ರಕಾಶಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕುಂಡಲೀಶಯನಾನಂದಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಜೀವಾತ್ಮಾರೂಪಿಣಿ ಮಾತಃ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸ್ಥೂಲಸೂಕ್ಷ್ಮಪ್ರಕಾಶಸ್ಥೇ ಮಹಾಲಕ್ಷ್ಮಿ ನಮೋಽಸ್ತು ತೇ . 60
ಬ್ರಹ್ಮಾಂಡಭಾಂಡಜನನಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಅಶ್ವತ್ಥವೃಕ್ಷಸಂತುಷ್ಟೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕಾರುಣ್ಯಪೂರ್ಣೇ ಶ್ರೀದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮೂರ್ತಿತ್ರಯಸ್ವರೋಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಭಾನುಮಂಡಲಮಧ್ಯಸ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸೂರ್ಯಪ್ರಕಾಶರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಚಂದ್ರಮಂಡಲಮಧ್ಯಸ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ವಹ್ನಿಮಂಡಲಮಧ್ಯಸ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಪೀತಾಂಬರಧರೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ದಿವ್ಯಾಭರಣಶೋಭಾಁಗೇ ಮಹಾಲಕ್ಷ್ಮಿ ನಮೋಽಸ್ತು ತೇ . 70
ಬ್ರಹ್ಮಣಾಽಽರಾಧಿತೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ನಾರಸಿಂಹಿಕೃಪಾಸಿಂಧೋ ಮಹಾಲಕ್ಷ್ಮಿ ನಮೋಽಸ್ತು ತೇ .
ವರದೇ ಮಂಗಲಮಾನ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಪದ್ಮಾಟವಿನಿಲಯನೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ವ್ಯಾಸಾದಿ ದಿವ್ಯಾಂಗಸಂಪೂಜ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಜಯಲಕ್ಷ್ಮಿ ಸಿದ್ಧಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ರಾಜಮುದ್ರೇ ವಿಷ್ಣುಮುದ್ರೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸರ್ವಾರ್ಥಸಾಧಕಿ ನಿತ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಹನುಮದ್ಶಕ್ತಿಸಂತುಷ್ಟೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮಹತಿ ಗೀತನಾದಸ್ಥೇ ಮಹಾಲಕ್ಷ್ಮಿ ನಮೋಽಸ್ತು ತೇ . 80
ರತಿರೂಪೇ ರಮ್ಯರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕಾಮಾಂಗಿ ಕಾಮ್ಯಜನನಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸುಧಾಪೂರ್ಣೇ ಸುಧಾರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಇಂದ್ರವಂದ್ಯೇ ದೇವಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಅಷ್ಟೈಶ್ವರ್ಯಸ್ವರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ಧರ್ಮರಾಜಸ್ವರೂಪಿಣ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ .
ರಕ್ಷೋವರಪುರಿಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ರತ್ನಾಕರಪ್ರಭಾರಮ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮರುತ್ಪುರಮಹಾನಂದೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕುಬೇರಲಕ್ಷ್ಮಿ ಮಾತಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ . 90
ಈಶಾನಲಕ್ಷ್ಮಿ ಸರ್ವೇಶಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಬ್ರಹ್ಮಪೀಠೇ ಮಹಾಪೀಠೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮಾಯಾಪೀಠಸ್ಥಿತೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಶ್ರೀಚಕ್ರವಾಸಿನಿ ಕನ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಅಷ್ಟಭೈರವಸಂಪೂಜ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಅಸಿಥಾಂಗಪುರೀನಾಥೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸಿದ್ಧಲಕ್ಷ್ಮಿ ಮಹಾವಿದ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಬುದ್ಧೀಂದ್ರಿಯಾದಿನಿಲಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ರೋಗದಾರಿದ್ರ್ಯಶಮನಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮೃತ್ಯುಸಂತಾಪನಾಶಿನ್ಯೈ ಮಹಾಲಕ್ಷ್ಮಿ ನಮೋಽಸ್ತು ತೇ . 100
ಪತಿಪ್ರಿಯೇ ಪತಿವ್ರತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಚತುರ್ಭುಜೇ ಕೋಮಲಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಭಕ್ಷ್ಯರೂಪೇ ಭುಕ್ತಿಧಾತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸದಾಽಽನಂದಮಯೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಭಕ್ತಿಪ್ರಿಯೇ ಭಕ್ತಿಗಮ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸ್ತೋತ್ರಪ್ರಿಯೇ ರಮೇ ರಾಮೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ರಾಮನಾಮಪ್ರಿಯೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಗಂಗಾಪ್ರಿಯೇ ಶುದ್ಧರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ವಿಶ್ವಭರ್ತ್ರಿ ವಿಶ್ವಮೂರ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಕೃಷ್ಣಪ್ರಿಯೇ ಕೃಷ್ಣರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ . 110
ಗೀತಾರೂಪೇ ರಾಗಮೂರ್ತೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸಾವಿತ್ರಿ ಭೂತಸಾವಿತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಗಾಯತ್ರಿ ಬ್ರಹ್ಮಗಾಯತ್ರಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಬ್ರಾಹ್ಮಿ ಸರಸ್ವತಿ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಶುಕಪಾಲಿನಿ ಶುದ್ಧಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ವೀಣಾಧರಸ್ತೋತ್ರಗಮ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಆಜ್ಞಾಕಾರಿ ಪ್ರಾಜ್ಞವಂದ್ಯೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ವೇದಾಂಗವನಸಾರಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ನಾದಾಂತರಾಸಭೂಯಿಷ್ಠೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ದಿವ್ಯಶಕ್ತಿ ಮಹಾಶಕ್ತಿ ಮಹಾಲಕ್ಷ್ಮಿ ನಮೋಽಸ್ತು ತೇ . 120
ನೃತ್ತಪ್ರಿಯೇ ನೃತ್ತಲಕ್ಷ್ಮಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಚತುಷ್ಷಷ್ಠಿಕಲಾರೂಪೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಸರ್ವಮಂಗಲಸಂಪೂರ್ಣೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ದಿವ್ಯಗಂಧಾಂಗರಾಗಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ .
ಮುಕ್ತಿದೇ ಮುಕ್ತಿದೇಹಸ್ಥೇ ಮಹಾಲಕ್ಷ್ಮಿ ನಮೋಽಸ್ತು ತೇ .
ಯಜ್ಞಸಾರಾರ್ಥಶುದ್ಧಾಂಗಿ ಮಹಾಲಕ್ಷ್ಮಿ ನಮೋಽಸ್ತು ತೇ . 126

ಇತಿ ವೈಭವಲಕ್ಷ್ಮೀ ಅರ್ಚನಾ ಸಮಾಪ್ತಾ .