ಶ್ರೀ ನಿಂಬಾದ್ರೀ ಲಕ್ಷ್ಮೀನೃಸಿಂಹ ಸುಪ್ರಭಾತಂ

ಕೌಸಲ್ಯಾ ಸುಪ್ರಜಾರಾಮ ಪೂರ್ವಸಂಧ್ಯಾ ಪ್ರವರ್ತತೇ .
ಉತ್ತಿಷ್ಠ ನರಶಾರ್ದೂಲ ಕರ್ತವ್ಯಂ ದೈವಮಾನ್ಹಿಕಂ ..

ಉತ್ತಿಷ್ಠೋತ್ತಿಷ್ಠ ಲಕ್ಷ್ಮೀಶ ನಿಂಬಾದ್ರಿನಿಲಯಾಚ್ಯುತ .
ಉತ್ತಿಷ್ಠ ನರಹರ್ಯಕ್ಷ ತ್ರೈಲೋಕ್ಯಂ ಮಂಗಲಂ ಕುರು ..

ಮಾತರ್ವಿರಂಚಿಮುಖ ವಿಶ್ವಚರಾಚರಾಣಾಂ
ವೈಕುಂಠಮಂದಿರ ಮನೋಹರ ದೀಪರೇಖೇ .
ವಂದಾರುಭಕ್ತಜನವಾಂಛಿತದಾನಶೌಂಡೇ
ನಿಂಬಾದ್ರಿನಾಥ ದಯಿತೇ ತವ ಸುಪ್ರಭಾತಂ .. 1..

ತವ ಸುಪ್ರಭಾತಮಖಿಲಾರ್ಥಸಾಧಿಕೇ
ಮಧುವೈರಿಪಲಿಜಲಜಾತಪುತ್ರಿಕೇ .
ನವಪುಂಡರೀಕದಲದೀರ್ಘನೇತ್ರಿಕೇ
ವರ ನಿಂಬಶೈಲಪತಿಭಾಗ್ಯಜೀವಿಕೇ .. 2..

ವಸಿಷ್ಠ ಕುಂಭಭವಭವ್ಯತಪಃಪ್ರಭಾವ
ಕೌಂಡಿಣ್ಯಸಿದ್ಧಋಷಯಃ ಕೃತಕಲ್ಯಕೃತ್ಯಾ .
ನೈಹೀಂ ತನುಂ ತವ ವಿಲೋಕಯಿತುಂ ಪ್ರವಿಷ್ಟಾಃ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 3..

ಪ್ರಹ್ಲಾದನಾರದಮುಖಾಃ ಪರತತ್ತ್ವವಿಜ್ಞಾಃ
ಪ್ರಾತರ್ವಿಧಿ ಪರಿಸಮಾಪ್ಯ ಸಮಾಗತಾಸ್ತೇ .
ಪಂಕೇರುಹೈಸ್ತವ ಪದೌ ಪರಿಪೂಜನಾಯ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 4..

ಸೇನೇಶಶೇಷಗರೂಡಾದಿಸಮಸ್ತನಿತ್ಯಾಃ
ದಿವ್ಯಾನಿ ಭೂರಿ ವಿರಜಾ ಜಲಜಾನಿ ನೀತ್ತ್ವಾ .
ಪ್ರಾಪ್ತಾಸ್ತ್ವದೀಯ ಪದಪಂಕಜಪೂಜನಾಯ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 5..

ಸನ್ನಿಂಬವೃಕ್ಷಸಮುಸಂಗಿ ಸಮೀರಡಿಂಭಾಃ
ಶೀತೈರ್ಲತಾಂತಮಕರಂದಕಣೈಶ್ಚ ಯುಕ್ತಾಃ .
ಮಂದಂ ಪ್ರವಾತಿ ತವ ಕಂದರಮಂದಿರಾಂತೇ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 6..

ಮಾರ್ತಂಡಮಂಗಲಕರಸ್ಫುಟಪದ್ಮಮಧ್ಯಾತ್
ಭೃಂಗಾಃ ಪ್ರಕರ್ಷಮಧುಪಾನವಿಶೇಷಮತ್ತಾಃ .
ಗಚ್ಛಂತಿ ಪುಷ್ಪಮನುಪುಷ್ಪಮದಭ್ರಗೀತ್ಯಾ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 7..

ತ್ವಂ ಕ್ಷೇತ್ರಗೋತ್ರಪರಿತಸ್ಥಿತಘೋಷಯೋಷಾಃ
ಮಧ್ನಂತಿ ಮಂಗಲರವಂ ದಧಿಚಂದ್ರಿಕಾಭಂ .
ತಧ್ವಾಂತಮುಕ್ತತಮಸಃ ಕಕುಭಃ ಪ್ರಭಾಂತಿ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 8..

ಶ್ರೀನಿಂಬಶೈಲವರಕಂದರಮಂದಿರಾಂತಃ
ವಿದ್ಯೋತಮಾನ ರಮಣೀಯ ರಮಾಶ್ರಿತಾಂಕ .
ರಾಕಾಸುಧಾಕರಸಹಶ್ಚ ನಿಭಾಸ್ಯ ಶೋಭಾ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 9..

ಪದ್ಮಾಲಯಾ ಸರಸಿ ನಿತ್ಯ ಕೃತಾವಗಾಹಾ
ಶುದ್ಧಶ್ಚ ವಾಸವಮುಖಾ ಸುರಭಕ್ತಸಂಘಾಃ .
ತಿಷ್ಠಂತಿ ದಾರ್ವಿ ತವ ಭೈರವಭಕ್ತರುದ್ಧಾಃ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 10..

ಶ್ರೀನಿಂಬಶೈಲ ಪಿಚುಮರ್ಥಕ ಪುಣ್ಯಭೂಭೃ
ನಿಂಬಾದ್ರಿ ನಿಂಬಗಿರಿಮಾಲಕ ಗೋತ್ರನಾಮ್ನಾ .
ನಿತ್ಯಂ ವದಂತಿ ನಿಪುಣಾಸ್ತವ ಗೋತ್ರರಾಜಂ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 11..

ದುಷ್ಟಂ ಸ್ವಪುತ್ರರಿಪುಮುದ್ಧತಗರ್ವಮತ್ತಂ
ಸ್ತಂಭೇ ರಮಂ ಕನಕಕಶ್ಯಪು ನಾಮಧೇಯಂ .
ಹರ್ತುಂ ನೃಸಿಂಹವಪುಷಾ ಸುಷುಷಾವಿರಾಜ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 12..

ಭಕ್ತಸ್ಯ ವಾಗವಿತಥಂ ಸತತಂ ಪ್ರಕರ್ತುಂ
ಸರ್ವೇಷು ವಸ್ತುಷು ಚ ನಿತ್ಯಮದಭೃವೃತ್ತಿಂ .
ಸಂದರ್ಶಯನ್ ದನುಜನಾಲಕೃತಾವತಾರ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 13..

ಆದಿತ್ಯಸೋಮಕುಜಸೌಮ್ಯ ಸುರಾರ್ಯಶುಕ್ರ
ಸ್ವರ್ಭಾನುಕೇತುಮುಖದಿವ್ಯನವಗ್ರಹಾಸ್ತೇ .
ತಿಷ್ಠಂತಿ ದಾಸ್ಯಮಿಹ ಕರ್ತುಮತಂದ್ರಭಾವಾಃ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 14..

ಮಾಲೂರರೂಪಧರ ಕಾಲಹಾರೌ ಚ ವಾಯು
ರಿಂದ್ರೋಥ ನೈಋತಿಮುಖಾಃ ಕಕುಭೀಶದೇವಾಃ .
ತದ್ವಾಸ್ಥದಂಡಹತಿಮಂಡಿತಶೀರ್ಷದೇಶಾಃ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 15..

ತ್ವತ್ಕಂದರೋಪರಿ ಲಸಚ್ಛಿಖರಾಗ್ರಭಾಗಂ
ದೃಷ್ಟವಾ ಪ್ರಹೃಷ್ಟಮನಸೋ ಭವಭೀತಿಬಾಧಾನ್ .
ತ್ಯಕ್ತ್ವಾ ಭಜಂತಿ ಭವದೀಯ ನಗಾಧಿರಾಜಂ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 16..

ಶ್ರೀ ಧರ್ಮಪಾಲನೃಪವಿಪ್ರ ವಿರಂಚಿರುದ್ರ
ತ್ರೈಶಂಕುಸಂಗತ ಮಹಾಷು ವಿನಾಶಕಾರಿನ್ .
ಭಕ್ತೈಕಭೋಗ್ಯ ಗುಣಮಂಗಲ ಧಾಮನಾಮನ್
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 17..

ಲಕ್ಷ್ಮೀನೃಸಿಂಹ ನಖರಾಯುಧ ವೀರಸಿಂಹ
ಗೀರ್ವಾಣಸಿಂಹ ಗಿರಿಶಾಷುವಿಭಂಗವಹಃ .
ದೈತ್ಯೇಯಜಿಹ ಕರಿಕುಂಭ ವಿಘಾತಸಿಂಹ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 18..

ಪ್ರಹ್ಲಾದಪಾಲಕ ಪರಾತ್ಪರಪಾಪನಾಶ
ಪಿಂಗಾಕ್ಷ ಪುಣ್ಯಜನ ಪೀವರ ತುಂಗಭಂಗ .
ಪದ್ಮಾಲಯಾರ್ಚಿತ ಪವಿತ್ರಪದಾರವಿಂದ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 19..

ಶ್ರೀಮಾನ್ ಶ್ರಿತಾರ್ತಿಹರಸಿಂಧುಸುತಾಮನೋಬ್ಜ
ಲೋಲಂಬ ಪತ್ರರಥಶಂಖರಥಾಂಗಪಾಣೇ .
ವಾತ್ಸಲ್ಯಪೂರ್ಣ ವರದಾಯಕ ವಾಸುದೇವ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 20..

ಶ್ರೀಮಾನ್ನೃಸಿಂಹ ಸುಸಟಾಬ್ದ ವೃತಾಬ್ಜವಕ್ತ್ರಾ
ದಂಷ್ಟ್ರೋರುದಂತನಖಶಸ್ತ್ರಧರತ್ರಿನೇತ್ರ .
ಚಂಚಲ್ಲಗುದ್ರಸನಗರ್ಜಿತನಿರ್ಜಿತಾರೇ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 21..

ವೈಕುಂಠಸೀಮ್ನಿ ವಿತತಾ ವಿರಜಾ ಸುಧೋದ್ಯಾ
ಲೀಲಾವಿಭೂತಿಮಧಿಗಮ್ಯ ಪದಾಶ್ರಿತಾ ತೇ .
ಮೋಕ್ಷಪ್ರದೇತಿ ವಿದಿತಾ ರುಚಿರಪ್ರವಾಹ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 22..

ಶ್ರೀಬೇಮುಗಲ್ಪುರಸಮಾಗತವೇದರೂಪಾಃ
ತೇ ಮಾಧ್ವವೈಷ್ಣವಗಣಾಃ ಶತಶೋ ವಸಂತಿ .
ನೇತ್ತ್ವಾ ಪಯೋದ್ಯ ಕಮಲಾಲಮಲಾ ಕರೀಯ್ಯಂ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 23..

ಲಕ್ಷ್ಮೀಪತೇ ನರಹರೇ ನಖದಂಷ್ಟ್ರಶಾಲಿನ್
ದಾರಿದ್ರಯದಾವದಹನ ಕ್ಷಮಕಾಲಮೇಘ .
ಭಕ್ತಾರ್ತಿಭಂಜನ ಬಹುಪ್ರದಶೇಷಶಾಯಿನ್
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 24..

ಪ್ರಹ್ಲಾದಕಾರಿಜ ಯತೀಂದ್ರ ನರಾದಿ ಮೌನಿ
ನಾರಾಯಣಾನಿಲ ತನುಜವರೈಶ್ಚ ಲಕ್ಷ್ಮ್ಯಾ .
ತಾಕ್ಷರ್ಯೇಣ ಭೈರವಮುನೀಂದ್ರಗಣೈಶ್ಚ ಸೇವ್ಯ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 25..

ಕಲ್ಯಾಣರೂಪ ಕಮಲಾಶ್ರಿತವತ್ಸಭಾಗ
ಕಂದರ್ಪಕೋಟಿ ಸುಕುಮಾರ ಕರಾಲದಂಷ್ಟ್ರಾ .
ಕಾರುಣ್ಯಪೂರ್ಣ ಘನಕೌಸ್ತುಭರತ್ನಹಾರ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 26..

ಕಾರ್ತಿಕಮಾಸಶರದಿಂದು ವಿಕಾಸಪೂರ್ಣ
ರಾಕಾತಿಥೌ ತವ ರಥೋತ್ಸವಸೇವನಾಯ .
ಪ್ರತ್ಯಬ್ದಮಬ್ಜಭವ ವೃಂದಮಿತೋಭಿಯಾತಿ
ನಿಂಬಾದ್ರಿನಾಥ ನೃಹರೇ ತವ ಸುಪ್ರಭಾತಂ .. 27..

ಶ್ರೀನಿಂಬಶೈಲ ನೃಹರೇರಿಹ ಸುಪ್ರಭಾತಂ
ಲಿಂಗಾಪುರೀನಿಲಯ ಲಕ್ಷ್ಮಣನಾಮಕೇನ .
ಭಕ್ತ್ಯಾಕೃತಂ ಪ್ರತಿದಿನಂ ಸರಸಂ ಪಠಂತಿ
ತೇಷಾಂ ದದಾತಿ ನೃಹರಿರ್ಧನಪುತ್ರಭೋಗಾನ್ .. 28..

ಇತಿ ಶ್ರೀನಿಂಬಾದ್ರೀಲಕ್ಷ್ಮೀನೃಸಿಂಹ ಸುಪ್ರಭಾತಂ ಸಂಪೂರ್ಣಂ .
ಶ್ರೀಲಕ್ಷ್ಮೀನೃಸಿಂಹಾರ್ಪಣಮಸ್ತು .