ಶ್ರೀ ದಶಾಕ್ಷರ ಲಕ್ಷ್ಮೀ ಮಂತ್ರಂ

ಅಸ್ಯ ಶ್ರೀದಶಾಕ್ಷರೀಮಹಾಮಂತ್ರಸ್ಯ -
ದಕ್ಷ ಋಷಿಃ - ವಿರಾಟ್ ಛಂದಃ - ಶ್ರೀಲಕ್ಷ್ಮೀಃ ದೇವತಾ -
ಸರ್ವೇಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ .
ಋಷ್ಯಾದಿ ನ್ಯಾಸಃ
ದಕ್ಷ ಋಷಯೇ ನಮಃ ಶಿರಸಿ - ವಿರಾಟ್ ಛಂದಸೇ ನಮಃ ಮುಖೇ
ಶ್ರಿಯೈ ದೇವತಾಯೈ ನಮಃ ಹೃದಿ - ವಿನಿಯೋಗಾಯ ನಮಃ ಸರ್ವಾಂಗೇ
ಕರನ್ಯಾಸಃ
ಓಂ ದೇವ್ಯೈ ನಮಃ ಅಂಗುಷ್ಟಾಭ್ಯಾಂ ನಮಃ .
ಓಂ ಪದ್ಮಿನ್ಯೈ ನಮಃ ತರ್ಜನೀಭ್ಯಾಂ ನಮಃ .
ಓಂ ವಿಷ್ಣುಪತ್ನ್ಯೈನಮಃ ಮಧ್ಯಮಾಭ್ಯಾಂ ನಮಃ .
ಓಂ ವರದಾಯೈನಮಃ ಅನಾಮಿಕಾಭ್ಯಾಂ ನಮಃ .
ಓಂ ಕಮಲಾಯೈ ನಮಃ ಕನಿಷ್ಠಿಕಾಭ್ಯಾಂ ನಮಃ .
ಓಂ ಕಮಲವಾಸಿನ್ಯೈ ನಮಃ .
ಓಂ ಕರತಲಕರಪೃಷ್ಠಾಭ್ಯಾಂ ನಮಃ ..

ನೇತ್ರಹೀನಹೃದಯಾದಿ ಪಂಚಾಂಗನ್ಯಾಸಃ
ಓಂ ದೇವ್ಯೈ ನಮಃ ಹೃದಯಾಯ ನಮಃ .
ಓಂ ಪದ್ಮಿನ್ಯೈ ನಮಃ ಶಿರಸೇ ಸ್ವಾಹಾ .
ಓಂ ವಿಷ್ಣುಪತ್ನ್ಯೈನಮಃ ಶಿಖಾಯೈ ವಷಟ್ .
ಓಂ ವರದಾಯೈ ನಮಃ ಕವಚಾಯ ಹುಂ .
ಓಂ ಕಮಲವಾಸಿನ್ಯೈ ನಮಃ ಅಸ್ತ್ರಾಯ ಫಟ್ .
ಓಂ ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ ..

ಧ್ಯಾನಂ .
ಆಸೀನಾ ಸರಸೀರುಹೇ ಸ್ಮಿತಮುಖೀ ಹಸ್ತಾಂಬುಜೈರ್ಬಿಭ್ರತಿ
    ದಾನಂ ಪದ್ಮಯುಗಾಭಯೇ ಚ ವಪುಷಾ ಸೌದಾಮಿನೀಸನ್ನಿಭಾ .
ಮುಕ್ತಾಹಾರವಿರಾಜಮಾನಪೃಥುಲೋತ್ತುಂಗಸ್ತನೋದ್ಭಾಸಿನೀ
    ಪಾಯಾದ್ವಃ ಕಮಲಾ ಕಟಾಕ್ಷವಿಭವೈರಾನಂದಯಂತೀ ಹರಿಂ ..

(ಏವಂ ಧ್ಯಾತ್ವಾ ಪೀಠಶಕ್ತಿಭಿಃ ಪೀಠಪೂಜಾಂ ಕೃತ್ವಾ ಸ್ವರ್ಣಾದಿ ನಿರ್ಮಿತಂ ಯಂತ್ರಂ
ಅಸ್ತ್ರಮಂತ್ರೇಣ ಆಸನಂ ದತ್ವಾ ಪೀಠಮಧ್ಯೇ ಸಂಸ್ಥಾಪ್ಯ ಪುನರ್ಧ್ಯಾತ್ವಾ
ಮೂಲೇನ ಮೂರ್ತಿಂ ಪ್ರಕಲ್ಪ್ಯ, ಆವಾಹನಾದಿ ಪುಷ್ಪಾಕ್ಷತೈಃ ಉಪಚಾರೈಃ ಸಂಪೂಜ್ಯ
ದೇವ್ಯಾಜ್ಞಾಂ ಗೃಹೀತ್ವಾ ಆವರಣಪೂಜಾಂ ಕುರ್ಯಾತ್ .)

ಷಟ್ಕೋಣ ಕೇಸರೇಷು -
ಆಗ್ನೇಯಕೋಣೇ        ಓಂ ದೇವ್ಯೈ ನಮಃ ಹೃದಯಾಯ ನಮಃ .
ನಿರೃತಿಕೋಣೇ        ಓಂ ಪದ್ಮಿನ್ಯೈ ನಮಃ ಶಿರಸೇ ಸ್ವಾಹಾ .
ವಾಯವ್ಯಕೋಣೇ        ಓಂ ವಿಷ್ಣುಪತ್ನ್ಯೈ ನಮಃ ಶಿಖಾಯೈ ವಷಟ್ .
ಈಶಾನ್ಯಕೋಣೇ        ಓಂ ವರದಾಯೈ ನಮಃ ಕವಚಾಯ ಹುಂ .
ದೇವೀ ಪಶ್ಚಿಮೇ ಕೋಣೇ  ಓಂ ಕಮಲವಾಸಿನ್ಯೈ ನಮಃ ಅಸ್ತ್ರಾಯ ಫಟ್ .
ಇತಿ ಪಂಚಾಂಗಾನಿ ಪೂಜಯೇತ್ ತತಃ ಪುಷ್ಪಾಂಜಲಿಂ ಆದಾಯ ಮೂಲಮಂತ್ರಂ ಉಚ್ಚಾರ್ಯ,
ಓಂ ಅಭೀಷ್ಟಸಿದ್ಧಿಂ ಮೇ ದೇಹಿ ಶರಣಾಗತವತ್ಸಲೇ .
ಭಕ್ತ್ಯಾ ಸಮರ್ಪಯೇ ತುಭ್ಯಂ ಪ್ರಥಮಾವರಣಾರ್ಚನಂ ..

ಇತಿ ಪುಷ್ಪಾಂಜಲಿಂ ವಿಕೀರ್ಯ ವಿಶೇಷಾರ್ಘ್ಯಾತ್ ಬಿಂದುಂ ನಿಕ್ಷಿಪ್ಯ ಪೂಜಿತಾಃ ತರ್ಪಿತಾಃ ಸಂತು
ಇತಿ ವದೇತ್ - ತತಃ ಅಷ್ಟದಲಪದ್ಮೇಷು -
ಪೂರ್ವೇ        ಓಂ ಬಲಾಕ್ಯೈ ನಮಃ .
ಆಗ್ನೇಯೇ        ಓಂ ವಿಮಲಾಯೈ ನಮಃ .
ದಕ್ಷಿಣೇ        ಓಂ ಕಮಲಾಯೈ ನಮಃ .
ನೈರೃತ್ಯೈ        ಓಂ ವಿಭೀಷಿಕಾಯೈ ನಮಃ .
ಪಶ್ಚಿಮೇ        ಓಂ ಮಾಲಿಕಾಯೈ ನಮಃ .
ವಾಯವ್ಯೇ   ಓಂ ಶಾಂಕರ್ಯೈ ನಮಃ .
ಉದೀಚ್ಯಾಂ        ಓಂ ವಸುಮಾಲಿಕಾಯೈ ನಮಃ .
ಈಶಾನ್ಯೇ        ಓಂ ವನಮಾಲಿಕಾಯೈ ನಮಃ .
ಇತಿ ಭಕ್ತ್ಯಾ ಪೂಜಯಿತ್ವಾ ಪುಷ್ಪಾಂಜಲಿಂ ಗೃಹೀತ್ವಾ,
ಓಂ ಅಭೀಷ್ಟಸಿದ್ಧಿಂ ಮೇ ದೇಹಿ ಶರಣಾಗತವತ್ಸಲೇ .
ಭಕ್ತ್ಯಾ ಸಮರ್ಪಯೇ ತುಭ್ಯಂ ದ್ವಿತೀಯಾವರಣಾರ್ಚನಂ ..

ತತಃ ಭೂಪುರೇ ಕ್ರಮೇಣ -
ಪೂರ್ವೇ        ಓಂ ವಂ ವಜ್ರಾಯ ನಮಃ        ಓಂ ಇಂದ್ರಾಯ ನಮಃ .
ಆಗ್ನೇಯೇ        ಓಂ ಶಂ ಶಕ್ತಯೇ ನಮಃ        ಓಂ ಅಗ್ನಯೇ ನಮಃ .
ದಕ್ಷಿಣೇ        ಓಂ ದಂ ದಂಡಾಯ ನಮಃ        ಓಂ ಯಮಾಯ ನಮಃ .
ನೈರೃತ್ಯೇ        ಓಂ ಖಂ ಖಡ್ಗಾಯ ನಮಃ        ಓಂ ನಿರೃತಯೇ ನಮಃ .
ಪಶ್ಚಿಮೇ        ಓಂ ಪಂ ಪಾಶಾಯ ನಮಃ        ಓಂ ವರುಣಾಯ ನಮಃ .
ವಾಯವ್ಯೇ        ಓಂ ಅಂ ಅಂಕುಶಾಯ ನಮ        ಓಂ ವಾಯವೇ ನಮಃ .
ಉತ್ತರೇ        ಓಂ ಗಂ ಗದಾಯೈ ನಮಃ        ಓಂ ಕುಬೇರಾಯ ನಮಃ .
ಈಶಾನ್ಯೇ        ಓಂ ತ್ರಿಂ ತ್ರಿಶೂಲಾಯ ನಮಃ        ಓಂ ಈಶಾನಾಯ ನಮಃ .
(ಇತಿ ಭಕ್ತ್ಯಾ ಪೂಜಾಂ ಕೃತ್ವಾ ಧೂಪಾದಿ ನೀರಾಜನಾನಂತರಂ ಪೂಜ್ಯ
ಹಸ್ತೇ ಪುಷ್ಪಾಂಜಲಿಂ ಗೃಹೀತ್ವಾ -)
ಓಂ ಅಭೀಷ್ಟಸಿದ್ಧಿಂ ಮೇ ದೇಹಿ ಶರಣಾಗತವತ್ಸಲೇ .
ಭಕ್ತ್ಯಾ ಸಮರ್ಪಯೇ ತುಭ್ಯಂ ತೃತೀಯಾವರಣಾರ್ಚನಂ ..

ಅಥ ದಶಾಕ್ಷರಲಕ್ಷ್ಮೀ ಮಂತ್ರಃ .

  ಓಂ ನಮಃ ಕಮಲವಾಸಿನ್ಯೈ ಸ್ವಾಹಾ .

ಜಪಪ್ರಕಾರಃ
ದಶಲಕ್ಷಂ ಜಪೇನ್ಮಂತ್ರಂ ಮಂತ್ರವಿದ್ವಿಜಿತೇಂದ್ರಿಯಃ .
ದಶಾಂಶಂ ಜುಹುಯಾನ್ಮಂತ್ರೀ ಮಧುನಾಽಽಕ್ತೈಃ ಸರೋರುಹೈಃ ..

ಇತಿ ಸಂಪೂಜಯೇದ್ದೇವೀಂ ಸಂಪದಾಮಾಲಯಂ ಭವೇತ್ .
ಸಮುದ್ರಕನ್ಯಾಂ ಸರಿತಿ ಕಂಠಮಾತ್ರೇ ಜಲೇ ಸ್ಥಿತಃ ..

ತ್ರಿಲಕ್ಷಂ ಪ್ರಜಪೇನ್ಮಂತ್ರೀ ಸಾಕ್ಷಾದ್ವೈಶ್ರವಣೋ ಭವೇತ್ .
ಆರಾಧ್ಯೋತ್ತರನಕ್ಷತ್ರೇ ದೇವೀಂ ಸ್ರಕ್ಚಂದನಾದಿಭಿಃ ..

ನಂದ್ಯಾವರ್ತ್ತಭವೈಃ ಪುಷ್ಪೈಃ ಸಹಸ್ರಂ ಜುಹುಯಾತ್ತತಃ .
ಪೂರ್ಣಮಾಸ್ಯಾಂ ಫಲೈಃ ಚಿತ್ರೈಃ ಜುಹುಯಾನ್ಮಧುರಾಪ್ಲುತೈಃ ..

ಪಂಚಮ್ಯಾಂ ವಿಶದಾಂಭೋಜೈಃ ಶುಕ್ರವಾರೇ ಸುಗಂಧಿಭಿಃ .
ಅನ್ಯೈರ್ವಾ ವಿಶದೈಃ ಪುಷ್ಪೈಃ ಪ್ರತಿಮಾಸಂ ಫಲಾವತೀಃ ..

ಸ ಭವೇದಬ್ದಮಾತ್ರೇಣ ಸರ್ವದಾ ಸಂಪದಾಂ ನಿಧಿಃ ..

ಇತಿ ದಶಾಕ್ಷರಲಕ್ಷ್ಮೀಮಂತ್ರಂ ಸಂಪೂರ್ಣಂ .