Vayu Stuti

Vaayu stutih'

Atha nakhastutih' |

Paantvasmaan puruhootavairibalavanmaatangamaadyadghat'aa-
-kumbhochchaadrivipaat'anaadhikapat'u pratyeka vajraayitaah' |
Shreematkant'heeravaasyapratatasunakharaa daaritaaraatidoora-
-pradhvastadhvaantashaantapravitatamanasaa bhaavitaa bhooribhaagaih' || 1 ||

Lakshmeekaanta samantato'pi kalayan naiveshituste samam'
Pashyaamyuttamavastu doorataratopaastam' raso yo'sht'amah' |
Yadroshotkara daksha netra kut'ila praantotthitaagni sphurat
Khadyotopama visphulingabhasitaa brahmeshashakrotkaraah' || 2 ||

Atha vaayustutih' |

Shreemadvishnvanghrinisht'haatigunagurutamashreemadaanandateertha-
-trailokyaachaaryapaadojjvalajalajalasatpaam'savo'smaan punantu |
Vaachaam' yatra pranetree tribhuvanamahitaa shaaradaa shaaradendu-
-jyotsnaabhadrasmitashreedhaval'itakakubhaa premabhaaram' babhaara || 1 ||

Utkant'haakunt'hakolaahalajavavijitaajasrasevaanuvri'ddha-
-praajnyaatmajnyaanadhootaandhatamasasumanomauliratnaaval'eenaam |
Bhaktyudrekaavagaad'hapraghat'anasadhat'aatkaarasanghri'shyamaana-
Praantapraagryaanghripeet'hotthitakanakarajah'pinjaraaranjitaashaah' || 2 ||

Janmaadhivyaadhyupaadhipratihativirahapraapakaanaam' gunaanaam'
Agryaanaamarpakaanaam' chiramuditachidaanandasandohadaanaam |
Eteshaamesha doshapramushitamanasaam' dveshinaam' dooshakaanaam'
Daityaanaamaartimandhe tamasi vidadhataam' sam'stave naasmi shaktah' || 3 ||

Asyaavishkartukaamam' kalimalakalushe'smin jane jnyaanamaargam'
Vandyam' chandrendrarudradyumaniphanivayonaayakaadyairihaadya |
Madhvaakhyam' mantrasiddham' kimuta kri'tavato maarutasyaavataaram'
Paataaram' paaramesht'yam' padamapavipadah' praapturaapannapum'saam || 4 ||

Udyadvidyutprachand'aam' nijaruchinikaravyaaptalokaavakaasho
Bibhradbheemo bhuje yo'bhyuditadinakaraabhaangadaad'hya prakaand'e |
Veeryoddhaaryaam' gadaagryaamayamiha sumatim' vaayudevo vidadhyaat
Adhyaatmajnyaananetaa yativaramahito bhoomibhooshaamanirme || 5 ||

Sam'saarottaapanityopashamadasadayasnehahaasaambupoora-
-prodyadvidyaanavadyadyutimanikiranashrenisampooritaashah' |
Shreevatsaankaadhivaasochitatarasaral'ashreemadaanandateertha-
-ksheeraambhodhirvibhindyaadbhavadanabhimatam' bhoori me bhootihetuh' || 6 ||

Moordhanyesho'njalirme dri'd'hataramiha te badhyate bandhapaasha-
-chchhetre daatre sukhaanaam' bhajati bhuvi bhavishyadvidhaatre dyubhartre |
Atyantam' santatam' tvam' pradisha padayuge hanta santaapabhaajaa-
-masmaakam' bhaktimekaam' bhagavata uta te maadhavasyaatha vaayoh' || 7 ||

Saabhroshnaabheeshushubhraprabhamabhaya nabho bhooribhoobhri'dvibhooti-
-bhraajishnurbhoorri'bhoonaam' bhavanamapi vibho'bhedi babhre babhoove |
Yena bhroovibhramaste bhramayatu subhri'sham' babhruvaddurbhri'taashaan
Bhraantirbhedaavabhaasastviti bhayamabhibhoorbhokshyato maayibhikshoon || 8 ||

Ye'mum' bhaavam' bhajante suramukhasujanaaraadhitam' te tri'teeyam'
Bhaasante bhaasuraiste sahacharachalitaishchaamaraishchaaruveshaah' |
Vaikunt'he kant'halagnasthirashuchivilasatkaantitaarunyaleelaa-
Laavanyaapoornakaantaakuchabharasulabhaashleshasammodasaandraah' || 9 ||

Aanandaanmandamandaa dadati hi marutah' kundamandaaranandyaa-
-vartaamodaan dadhaanaa mri'dupadamuditodgeetakaih' sundareenaam |
Vri'ndairaavandyamuktendvahimagumadanaaheendradevendrasevye
Maukunde mandire'sminnaviratamudayanmodinaam' devadeva || 10 ||

Uttaptaa'tyutkat'atvit' prakat'akat'akat'adhvaanasanghat't'anodya-
-dvidyudvyood'hasphulingaprakaravikiranotkvaathite baadhitaangaan |
Udgaad'ham' paatyamaanaa tamasi tata itah' kinkaraih' pankile te
Panktirgraavnaam' garimnaa glapayati hi bhavadveshino vidvadaadya || 11 ||

Asminnasmadguroonaam' haricharanachiradhyaanasanmangalaanaam'
Yushmaakam' paarshvabhoomim' dhri'taranaranikasvargisevyaam' prapannah' |
Yastoodaaste sa aaste'dhibhavamasulabhakleshanirmookamasta-
-praayaanandam' kathanchinna vasati satatam' panchakasht'e'tikasht'e || 12 ||

Kshut kshaamaan rooksharakshoradakharanakharakshunnavikshobhitaakshaa-
-naamagnaanaandhakoope kshuramukhamukharaih' pakshibhirvikshataangaan |
Pooyaasri'ngmootravisht'haakri'mikulakalile tatkshanakshiptashaktyaa-
-dyastravraataarditaam'stvaddvisha upajihate vajrakalpaa jalookaah' || 13 ||

Maatarme maatarishvan pitaratulaguro bhraatarisht'aaptabandho
Svaamin sarvaantaraatmannajara jarayitarjanmamri'tyaamayaanaam |
Govinde dehi bhaktim' bhavati cha bhagavannoorjitaam' nirnimittaam'
Nirvyaajaam' nishchalaam' sadgunaganabri'hateem' shaashvateemaashu deva || 14 ||

Vishnorattyuttamatvaadakhilagunaganaistatra bhaktim' garisht'haam'
Aashlisht'e shreedharaabhyaamamumatha parivaaraatmanaa sevakeshu |
Yah' sandhatte virinchashvasanavihagapaanantarudrendrapoorve-
-shvaadhyaayam'staaratamyam' sphut'amavati sadaa vaayurasmadgurustam || 15 ||

Tattvajnyaan muktibhaajah' sukhayisi hi guro yogyataataaratamyaa-
-daadhatse mishrabuddhim'stridivanirayabhoogocharaan nityabaddhaan |
Taamisraandhaadikaakhye tamasi subahulam' duh'khayasyanyathaajnyaan
Vishnoraajnyaabhirittham' shri'tishatamitihaasaadi chaakarnayaamah' || 16 ||

Vande'ham' tam' hanoomaaniti mahitamahaapaurusho baahushaalee
Khyaataste'gryo'vataarah' sahita iha bahubrahmacharyaadidharmaih' |
Sasnehaanaam' sahasvaanaharaharahitam' nirdahan dehabhaajaam'
Am'homohaapaho yah' spri'hayati mahateem' bhaktimadyaapi raame || 17 ||

Praakpanchaashatsahasrairvyavahitamahitam' yojanaih' parvatam' tvam'
Yaavatsanjeevanaadyaushadhanidhimadhikapraana lankaamanaishih' |
Adraaksheedutpatantam' tata uta girimutpaat'ayantam' gri'heetvaa
Yaantam' khe raaghavaanghrau pranatamapi tadaikakshane tvaam' hi lokah' || 18 ||

Kshiptah' pashchaatsatsaleelam' shatamatulamate yojanaanaam' sa uchcha-
-staavadvistaaravam'shchaapyupalalava iva vyagrabuddhyaa tvayaa'tah' |
Svasvasthaanasthitaatisthirashakalashilaajaalasam'shleshanasht'a-
-chhchhedaankah' praagivaabhoot kapivaravapushaste namah' kaushalaaya || 19 ||

Dri'sht'vaa dusht'aadhiporah' sphut'itakanakasadvarma ghri'sht'aasthikoot'am'
Nishpisht'am' haat'akaadriprakat'atat'atat'aakaatishanko jano'bhoot |
Yenaa'jau raavanaaripriyanat'anapat'urmusht'irisht'am' pradesht'um'
Kim' nesht'e me sa te'sht'aapadakat'akatat'itkot'ibhaamri'sht'akaasht'hah' || 20 ||

Devyaadeshapraneetidri'hinaharavaraavadhyarakshovighaataa-
-dyaasevodyaddayaardrah' sahabhujamakarodraamanaamaa mukundah' |
Dushpraape paaramesht'hye karatalamatulam' moordhivinyasya dhanyam'
Tanvanbhooyah' prabhootapranayavikasitaabjekshanastvekshamaanah' || 21 ||

Jaghne nighnena vighno bahulabalabakadhvam'sanaadyena shocha-
-dvipraanukroshapaashairasuvidhri'tisukhasyaikachakraajanaanaam |
Tasmai te deva kurmah' kurukulapataye karmanaa cha pranaamaan
Kirmeeram' durmateenaam' prathamamatha cha yo narmanaa nirmamaatha || 22 ||

Nirmri'dnannatyayatnam' vijaravara jaraasandhakaayaasthisandheen
Yuddhe tvam' svadhvare vaa pashumiva damayan vishnupakshadvid'eesham |
Yaavatpratyakshabhootam' nikhilamakhabhujam' tarpayaamaasithaasau
Taavatyaa'yoji tri'ptyaa kimu vada bhagavan raajasooyaashvamedhe || 23 ||

Kshvelaaksheenaat't'ahaasam' tava ranamarihannudgadoddaamabaahoh'
Bahvakshauhinyaneekakshapanasunipunam' yasya sarvottamasya |
Shushrooshaartham' chakartha svayamayamatha sam'vaktumaanandateertha-
-shreemannaamansamarthastvamapi hi yuvayoh' paadapadmam' prapadye || 24 ||

Dri'hyanteem' hri'dri'ham' maam' dri'tamanila balaaddraavayanteemavidyaa-
-nidraam' vidraavya sadyorachanapat'umathaa'paadya vidyaasamudra |
Vaagdevee saa suvidyaadravinada viditaa draupadee rudrapatnyaa-
-dudriktaa draagabhadraadrahayatu dayitaa poorvabheemaa'jnyayaa te || 25 ||

Yaabhyaam' shushrooshuraaseeh' kurukulajanane kshatraviproditaabhyaam'
Brahmabhyaam' bri'm'hitaabhyaam' chitasukhavapushaa kri'shnanaamaaspadaabhyaam |
Nirbhedaabhyaam' visheshaadvivachanavishayaabhyaamamoobhyaamubhaabhyaam'
Tubhyam' cha kshemadebhyah' sarisijavilasallochanebhyo namo'stu || 26 ||

Gachchhan saugandhikaartham' pathi sa hanumatah' puchchhamachchhasya bheemah'
Proddhartum' naashakatsa tvamumuruvapushaa bheeshayaamaasa cheti |
Poornajnyaanaujasoste gurutama vapushoh' shreemadaanandateertha
Kreed'aamaatram' tadetat pramadada sudhiyaam' mohaka dveshabhaajaam || 27 ||

Bahveeh' kot'eerat'eekah' kut'alakat'umateenutkat'aat'opakopaan
Draakcha tvam' satvaratvaachcharanada gadayaa pothayaamaasithaareen |
Unmathyaatathyamithyaatvavachanavachanaanutpathasthaam'stathaa'nyaan
Praayachchhah' svapriyaayai priyatamakusumam' praana tasmai namaste || 28 ||

Dehaadutkraamitaanaamadhipatirasataamakramaadvakrabuddhih'
Kruddhah' krodhaikavashyah' krimiriva manimaan dushkri'tee nishkriyaartham |
Chakre bhoochakrametya krakachamiva sataam' chetasah' kasht'ashaastram'
Dustarkam' chakrapaanergunaganaviraham' jeevataam' chaadhikri'tya || 29 ||

Taddushprekshaanusaaraatkatipayakunarairaadri'to'nyairvisri'sht'o
Brahmaa'ham' nirguno'ham' vitathamidamiti hyesha paashand'avaadah' |
Tadyuktyaabhaasajaalaprasaravishatarooddaahadakshapramaana-
-jvaalaamaalaadharaagnih' pavana vijayate te'vataarastri'teeyah' || 30 ||

Aakroshanto niraashaa bhayabharavivashasvaashayaashchhinnadarpaa
Vaashanto deshanaashasviti bata kudhiyaam' naashamaashaadashaa'shu |
Dhaavanto'shleelasheelaa vitathashapathashaapaashivaah' shaantashauryaa-
-stvadvyaakhyaasim'hanaade sapadi dadri'shire maayigomaayavaste || 31 ||

Trishvapyevaavataareshvaribhirapaghri'nam' him'sito nirvikaarah'
Sarvajnyah' sarvashaktih' sakalagunaganaapoornaroopapragalbhah' |
Svachchhah' svachchhandamri'tyuh' sukhayasi sujanam' deva kim' chitramatra
Traataa yasya tridhaamaa jagaduta vashagam' kinkaraah' shankaraadyaah' || 32 ||

Udyanmandasmitashreemri'du madhumadhuraalaapapeeyooshadhaaraa-
-pooraasekopashaantaasukhasujanamanolochanaapeeyamaanam |
Sandrakshye sundaram' sanduhadiha mahadaanandamaanandateertha
Shreemadvaktrendubimbam' duratanududitam' nityadaa'ham' kadaa nu || 33 ||

Praacheenaacheernapunyochchayachaturataraachaaratashchaaruchittaa-
-natyuchchaam' rochayanteem' shrutichitavachanaam' shraavakaam'shchodyachunchoon |
Vyaakhyaamutkhaataduh'khaam' chiramuchitamahaachaarya chintaarataam'ste
Chitraam' sachchhaastrakartaashcharanaparicharaanchhraavayaasmaam'shcha kinchit || 34 ||

Peet'he ratnokapaklri'pte ruchiraruchimanijyotishaa sannishannam'
Brahmaanam' bhaavinam' tvaam' jvalati nijapade vaidikaadyaa hi vidyaah' |
Sevante moortimatyah' sucharita charitam' bhaati gandharva geetam'
Pratyekam' devasam'satsvapi tava bhagavannartitadyovadhooshu || 35 ||

Saanukroshairajasram' janimri'tinirayaadyoormimaalaavile'smin
Sam'saaraabdhau nimagnaan sharanamasharanaanichchhato veekshya jantoon |
Yushmaabhih' praarthitah' san jalanidhishayanah' satyavatyaam' maharshe-
-rvyaktashchinmaatramoortirna khalu bhagavatah' praakri'to jaatu dehah' || 36 ||

Astavyastam' samastashrutigatamadhamai ratnapoogam' yathaa'ndhai-
-rartham' lokopakri'tyai gunagananilayah' sootrayaamaasa kri'tsnam |
Yo'sau vyaasaabhidhaanastamahamaharaharbhaktitastvatprasaadaat
Sadyo vidyopalabdhyai gurutamamagurum' devadevam' namaami || 37 ||

Aajnyaamanyairadhaaryaam' shirasi parisaradrashmikot'eerakot'au
Kri'shnasyaaklisht'akarmaa dadhadanusaraanaadarthito devasanghaih' |
Bhoomaavaagatya bhoomannasukaramakarorbrahmasootrasya bhaashyam'
Durbhaashyam' vyasya dasyormanimata uditam' vedasadyuktibhistvam || 38 ||

Bhootvaa kshetre vishuddhe dvijagananilaye raupyapeet'haabhidhaane
Tatraapi brahmajaatistribhuvanavishade madhyagehaakhyagehe |
Paarivraajyaadhiraajah' punarapi badareem' praapya kri'shnam' cha natvaa
Kri'tvaa bhaashyaani samyag vyatanuta cha bhavaan bhaarataarthaprakaasham || 39 ||

Vande tam' tvaam' supoornapramatimanudinaasevitam' devavri'ndaih'
Vande vandaarumeeshe shriya uta niyatam' shreemadaanandateertham |
Vande mandaakineesatsaridamalajalaasekasaadhikyasangam'
Vande'ham' deva bhaktyaa bhavabhayadahanam' sajjanaanmodayantam || 40 ||

Subrahmanyaakhyasooreh' suta iti subhri'sham' keshavaanandateertha-
Shreematpaadaabjabhaktah' stutimakri'ta harervaayudevasya chaasya |
Tatpaadaarchaadarena grathitapadalasanmaalayaa tvetayaa ye
Sam'raadhyaamoo namanti pratatamatigunaa muktimete vrajanti || 41 ||

Atha shreenakhastutih' |

Paantvasmaan puruhootavairibalavanmaatangamaadyadghat'aa
Kumbhochchaadrivipaat'anaadhikapat'upratyekavajraayitaah' |
Shreematkant'heeravaasya pratata sunakharaa daaritaaraatidoora-
Pradhvastadhvaantashaantapravitatamanasaa bhaavitaa naakivri'ndaih' || 1 ||

Lakshmeekaanta samantato'vikalayan naiveshituste samam'
Pashyaamyuttamavastu dooratarato'paastam' raso yo'sht'amah' |
Yadroshotkaradakshanetrakut'ilapraantotthitaagnisphurat
Khadyotopamavisphulingabhasitaa brahmeshashakrotkaraah' || 2 ||

Iti shreetrivikramapand'itaachaarya virachitaa vaayustutih' samaaptaa ||