Sri Saraswati Rahasya Stotram
śrī sarasvatī rahasya stotraṃ
nīhārahāraghanasārasudhākarābhāṃ
kalyāṇadāṃ kanakacaṃpakadāmabhūṣām |
uttuṃgapīnakucakuṃbhamanoharāṃgīṃ
vāṇīṃ namāmi manasā vacasā vibhūtyai || 1 ||
yā vedāṃtārthatattvaikasvarūpā parameśvarī |
nāmarūpātmanā vyaktā sā māṃ pātu sarasvatī || 2 ||
yā sāṃgopāṃgavedeṣu caturṣvekaiva gīyate |
advaitā brahmaṇaḥ śaktiḥ sā māṃ pātu sarasvatī || 3 ||
yā varṇapadavākyārthasvarūpeṇaiva vartate |
anādinidhanānaṃtā sā māṃ pātu sarasvatī || 4 ||
adhyātmamadhidaivaṃ ca devānāṃ samyagīśvarī |
pratyagāste vadaṃtī yā sā māṃ pātu sarasvatī || 5 ||
aṃtaryāmyātmanā viśvaṃ trailokyaṃ yāni yacchati |
rudrādityādirūpasthā sā māṃ pātu sarasvatī || 6 ||
yā pratyagdṛṣṭibhirjīvairvyajamānānubhūyate |
vyāpinī jñaptirūpaikā sā māṃ pātu sarasvatī || 7 ||
nāmajātyādibhirbhedairaṣṭadhā yā vikalpitā |
nirvikalpātmanā vyaktā sā māṃ pātu sarasvatī || 8 ||
vyaktāvyaktagirāḥ sarve vedādyā vyāharaṃti yām |
sarvakāmadughā dhenuḥ sā māṃ pātu sarasvatī || 9 ||
yāṃ viditvākhilaṃ baṃdhaṃ nirmathyākhilavartmanā |
yogī yāti paraṃ sthānaṃ sā māṃ pātu sarasvatī || 10 ||
nāmarūpātmakaṃ sarvaṃ yasyāmāveśya tāṃ punaḥ |
dhyāyaṃti brahmarūpaikā sā māṃ pātu sarasvatī || 11 ||
caturmukhamukhāṃbhojavanahaṃsavadhūrmama |
mānase ramatāṃ nityaṃ sarvaśuklā sarasvatī || 12 ||
namaste śārade devi kāśmīrapuravāsinī |
tvāmahaṃ prārthaye nityaṃ vidyādānaṃ ca dehi me || 13 ||
akṣasūtrāṃkuśadharā pāśapustakadhāriṇī |
muktāhārasamāyuktā vāci tiṣṭhatu me sadā || 14 ||
kaṃbukaṃṭhī sutāmroṣṭhī sarvābharaṇabhūṣitā |
mahāsarasvatī devī jihvāgre sanniveśyatām || 15 ||
yā śraddhā dhāraṇā medhā vāgdevī vidhivallabhā |
bhaktajihvāgrasadanā śamādiguṇadāyinī || 16 ||
namāmi yāminīnāthalekhālaṃkṛtakuṃtalām |
bhavānīṃ bhavasaṃtāpanirvāpaṇasudhānadīm || 17 ||
yaḥ kavitvaṃ nirātaṃkaṃ bhuktimuktī ca vāṃchati |
so'bhyarcyaināṃ daśaślokyā nityaṃ stauti sarasvatīm || 18 ||
tasyaivaṃ stuvato nityaṃ samabhyarcya sarasvatīm |
bhaktiśraddhābhiyuktasya ṣaṇmāsāt pratyayo bhavet || 19 ||
tataḥ pravartate vāṇī svecchayā lalitākṣarā |
gadyapadyātmakaiḥ śabdairaprameyairvipakṣitaiḥ || 20 ||
aśruto budhyate graṃthaḥ prāyaḥ sārasvataḥ kaviḥ |
ityevaṃ niścayaṃ viprāḥ sāhovāca sarasvatī || 21 ||
iti śrī sarasvatī rahasya stotram ||
Meaning
The Sri Saraswati Rahasya Stotram reveals the secret nature of Goddess Saraswati as the embodiment of Advaita Brahman, the source of all speech, and the giver of divine knowledge.
Each verse unfolds a layer — from her physical beauty as the goddess of eloquence to her transcendental identity as the consciousness behind creation and speech.
• She is the single power manifest in the Vedas, beyond name and form.
• She pervades all words, thoughts, and meanings — the eternal sound (shabda brahma).
• Yogis who meditate upon her realize liberation.
• Her grace grants poetic brilliance, spontaneous speech, and unshakable wisdom.
• Practical result (Phalashruti):
Within six months of devoted recitation, one gains fluency, poetic insight, and spiritual knowledge. The devotee’s words flow effortlessly with clarity and divine sweetness.
Frequently Asked Questions
What is Sri Saraswati Rahasya Stotram?
When and how should one recite this Stotram?
What are the benefits of reciting Sri Saraswati Rahasya Stotram?
Who should recite this Stotram?
How many times should this Stotram be recited?
What is the origin or source of this Stotram?
Related Stotras
Comments
Please login to leave a comment
Loading comments...