Sri Lalitha Stavaraja
śrī lalitā stavarājaḥ
devā ūcuḥ |
jaya devi jaganmātarjaya devi parātpare |
jaya kalyāṇanilaye jaya kāmakalātmike || 1 ||
jayakāri ca vāmākṣi jaya kāmākṣi suṃdari |
jayākhilasurārādhye jaya kāmeśi mānade || 2 ||
jaya brahmamaye devi brahmātmakarasātmike |
jaya nārāyaṇi pare naṃditāśeṣaviṣṭape || 3 ||
jaya śrīkaṃṭhadayite jaya śrīlaliteṃbike |
jaya śrīvijaye devi vijayaśrīsamṛddhide || 4 ||
jātasya jāyamānasya iṣṭāpūrtasya hetave |
namastasyai trijagatāṃ pālayitryai parātpare || 5 ||
kalāmuhūrtakāṣṭhāharmāsartuśaradātmane |
namaḥ sahasraśīrṣāyai sahasramukhalocane || 6 ||
namaḥ sahasrahastābjapādapaṃkajaśobhite |
aṇoraṇutare devi mahato'pi mahīyasi || 7 ||
parātparatare mātastejastejīyasāmapi |
atalaṃ tu bhavetpādau vitalaṃ jānunī tava || 8 ||
rasātalaṃ kaṭīdeśaḥ kukṣiste dharaṇī bhavet |
hṛdayaṃ tu bhuvarlokaḥ svaste mukhamudāhṛtam || 9 ||
dṛśaścaṃdrārkadahanā diśaste bāhavoṃbike |
marutastu tavocchvāsā vācaste śrutayo'khilāḥ || 10 ||
krīḍā te lokaracanā sakhā te cinmayaḥ śivaḥ |
āhāraste sadānaṃdo vāsaste hṛdaye satām || 11 ||
dṛśyādṛśyasvarūpāṇi rūpāṇi bhuvanāni te |
śiroruhā ghanāste tu tārakāḥ kusumāni te || 12 ||
dharmādyā bāhavaste syuradharmādyāyudhāni te |
yamāśca niyamāścaiva karapādaruhāstathā || 13 ||
stanau svāhāsvadhākārau lokojjīvanakārakau |
prāṇāyāmastu te nāsā rasanā te sarasvatī || 14 ||
pratyāhārastviṃdriyāṇi dhyānaṃ te dhīstu sattamā |
manaste dhāraṇāśaktirhṛdayaṃ te samādhikaḥ || 15 ||
mahīruhāste'ṃgaruhāḥ prabhātaṃ vasanaṃ tava |
bhūtaṃ bhavyaṃ bhaviṣyacca nityaṃ ca tava vigrahaḥ || 16 ||
yajñarūpā jagaddhātrī viṣvagrūpā ca pāvanī |
ādau yā tu dayā bhūtā sasarja nikhilāḥ prajāḥ || 17 ||
hṛdayasthāpi lokānāmadṛśyā mohanātmikā |
nāmarūpavibhāgaṃ ca yā karoti svalīlayā || 18 ||
tānyadhiṣṭhāya tiṣṭhaṃti teṣvasaktārthakāmadā |
namastasyai mahādevyai sarvaśaktyai namo namaḥ || 19 ||
yadājñayā pravartaṃte vahnisūryeṃdumārutāḥ |
pṛthivyādīni bhūtāni tasyai devyai namo namaḥ || 20 ||
yā sasarjādidhātāraṃ sargādāvādibhūridam |
dadhāra svayamevaikā tasyai devyai namo namaḥ || 21 ||
yathā dhṛtā tu dharaṇī yayākāśamameyayā |
yasyāmudeti savitā tasyai devyai namo namaḥ || 22 ||
yatrodeti jagatkṛtsnaṃ yatra tiṣṭhati nirbharam |
yatrāṃtameti kāle tu tasyai devyai namo namaḥ || 23 ||
namo namaste rajase bhavāyai
namo namaḥ sāttvikasaṃsthitāyai |
namo namaste tamase harāyai
namo namo nirguṇataḥ śivāyai || 24 ||
namo namaste jagadekamātre
namo namaste jagadekapitre |
namo namaste'khilarūpataṃtre
namo namaste'khilayaṃtrarūpe || 25 ||
namo namo lokagurupradhāne
namo namaste'khilavāgvibhūtyai |
namo'stu lakṣmyai jagadekatuṣṭyai
namo namaḥ śāṃbhavi sarvaśaktyai || 26 ||
anādimadhyāṃtamapāṃcabhautikaṃ
hyavāṅmanogamyamatarkyavaibhavam |
arūpamadvaṃdvamadṛṣṭigocaraṃ
prabhāvamagryaṃ kathamaṃba varṇyate || 27 ||
prasīda viśveśvari viśvavaṃdite
prasīda vidyeśvari vedarūpiṇi |
prasīda māyāmayi maṃtravigrahe
prasīda sarveśvari sarvarūpiṇi || 28 ||
iti śrībrahmāṃḍamahāpurāṇe uttarabhāge lalitopākhyāne trayodaśo'dhyāye viśvarūpa stotraṃ nāma śrī lalitā stavarājaḥ ||
Meaning
The Sri Lalita Stavarāja is the “King of Hymns,” where all the gods praise the supreme Mother Lalita as the cosmic form — the embodiment of creation, sustenance, and dissolution.
She is the one with a thousand heads, a thousand eyes, and a thousand arms — subtler than the smallest atom, greater than the greatest form. Her feet are the underworlds, her heart the mid-space, her face the heavens. The sun, moon, and fire are her eyes; the directions are her arms; the winds her breath; the Vedas her voice.
Her play is creation; her companion is consciousness itself; her dwelling is the heart of the wise.
The gods declare: “By her command, fire, sun, moon, air, and all elements move. She is the origin, support, and end of the universe.”
She transcends all three guṇas yet contains them; she is both mother and father of the cosmos — the very power behind all speech, mantras, and tantras.
This hymn reveals Lalita Tripurasundari as the infinite, formless awareness behind all forms — meditating on her grants wisdom, peace, and liberation.
Frequently Asked Questions
What is Sri Lalitha Stavaraja?
When should one recite Sri Lalitha Stavaraja?
What are the main benefits of reciting Sri Lalitha Stavaraja?
Who can recite this stotra?
How many times should Sri Lalitha Stavaraja be recited?
What is the origin of Sri Lalitha Stavaraja?
Related Stotras
Comments
Please login to leave a comment
Loading comments...