Hanuman Bahuk (Tulasidas Krutam)

Hanumaan baahuk (tulaseedaasa kri'tam')

– chhappaya –

Sindhu-tarana, siya-socha-harana, rabi-baalabarana-tanu |
Bhuja bisaala, moorati karaala kaalahuko kaala janu ||
Gahana-dahana-niradahana-lanka nisanka, banka-bhuva |
Jaatudhaana-balavaana-maana-mada-davana pavanasuva ||
Kaha tulasidaasa sevata sulabha, sevaka hita santata nikat'a |
Gunaganata, namata, sumirata, japata, samana sakala-sankat'a-bikat'a || 1 ||

Svarna-saila-sankaasa kot'i-rabi-taruna-teja-ghana |
Ura bisaala, bhujadand'a chand'a nakha bajra bajratana ||
Pinga nayana, bhri'kut'ee karaala rasanaa dasanaanana |
Kapisa kesa, karakasa langoora, khala-dala bala bhaanana ||
Kaha tulasidaasa basa jaasu ura maarutasuta moorati bikat'a |
Santaapa paapa tehi purusha pahim' sapanehum' nahim' aavata nikat'a || 2 ||

– jhoolanaa –

Panchamukha-chhamukha-bhri'gumukhya bhat'a-asura-sura,
Sarva-sari-samara samarattha sooro |
Baankuro beera birudaita birudaavalee,
Beda bandee badata paijapooro ||
Jaasu gunanaatha raghunaatha kaha, jaasu bala,
Bipula-jala-bharita jaga-jaladhi jhooro |
Duvana-dala-damanako kauna tulaseesa hai
Pavanako poota rajapoota rooro || 3 ||

– ghanaaksharee –

Bhaanusom' pad'hana hanumaana gaye bhaanu mana –
Anumaani sisukeli kiyo pheraphaara so |
Paachhile pagani gama gagana magana-mana,
Kramako na bhrama, kapi baalaka-bihaara so ||
Kautuka biloki lokapaala hari hara bidhi,
Lochanani chakaachaundhee chittani khabhaara so |
Bala kaidhaum' beerarasa, dheeraja kai, saahasa kai,
Tulasee sareera dhare sabaniko saara so || 4 ||

Bhaaratamem' paarathake rathaketu kapiraaja,
Gaajyo suni kururaaja dala halabala bho |
Kahyo drona bheeshama sameerasuta mahaabeera,
Beera-rasa-baari-nidhi jaako bala jala bho ||
Baanara subhaaya baalakeli bhoomi bhaanu laagi,
Phalanga phalaangahoontem' ghaat'i nabhatala bho |
Naayi-naayi maatha jori-jori haatha jodhaa johaim',
Hanumaana dekhe jagajeevanako phala bho || 5 ||

Gopada payodhi kari holikaa jyom' laayee lanka,
Nipat'a nisanka parapura galabala bho |
Drona-so pahaara liyo khyaala hee ukhaari kara,
Kanduka-jyom' kapikhela bela kaiso phala bho ||
Sankat'asamaaja asamanjasa bho raamaraaja,
Kaaja juga-pooganiko karatala pala bho |
Saahasee samattha tulaseeko naaha jaakee baam'ha,
Lokapaala paalanako phira thira thala bho || 6 ||

Kamat'hakee peet'hi jaake god'anikee gaad'aim' maano
Naapake bhaajana bhari jalanidhi-jala bho |
Jaatudhaana-daavana paraavanako durga bhayo,
Mahaameenabaasa timi tomaniko thala bho ||
Kumbhakarna-raavana-payodanaada-eendhanako
Tulasee prataapa jaako prabala anala bho |
Bheeshama kahata mere anumaana hanumaana –
Saarikho trikaala na triloka mahaabala bho || 7 ||

Doota raamaraayako, sapoota poota paunako, too
Anjaneeko nandana prataapa bhoori bhaanu so |
Seeya-socha-samana, durita-dosha-damana,
Sarana aaye avana, lakhanapriya praana so ||
Dasamukha dusaha daridra daribeko bhayo,
Prakat'a tiloka oka tulasee nidhaana so |
Jnyaana-gunavaana balavaana sevaa saavadhaana,
Saaheba sujaana ura aanu hanumaana so || 8 ||

Davana-duvana-dala bhuvana-bidita bala,
Beda jasa gaavata bibudha bandeechhora ko |
Paapa-taapa-timira tuhina-vighat'ana-pat'u,
Sevaka-saroruha sukhada bhaanu bhorako ||
Loka-paralokatem' bisoka sapane na soka,
Tulaseeke hiye hai bharoso eka orako |
Raamako dulaaro daasa baamadevako nivaasa,
Naama kali-kaamataru kesaree-kisorako || 9 ||

Mahaabala-seema, mahaabheema, mahaabaanayita,
Mahaabeera bidita baraayo raghubeerako |
Kulisa-kat'horatanu joraparai rora rana,
Karunaa-kalita mana dhaaramika dheerako ||
Durjanako kaalaso karaala paala sajjanako,
Sumire haranahaara tulaseekee peerako |
Seeya-sukhadaayaka dulaaro raghunaayakako,
Sevaka sahaayaka hai saahasee sameerako || 10 ||

Rachibeko bidhi jaise, paalibeko hari, hara
Meecha maaribeko, jyaaibeko sudhaapaana bho |
Dharibeko dharani, tarani tama dalibeko,
Sokhibe kri'saanu, poshibeko hima-bhaanu bho ||
Khala-dukha-doshibeko, jana-paritoshibeko,
Maangibo maleenataako modaka sudaana bho |
Aaratakee aarati nivaaribeko tihum' pura,
Tulaseeko saaheba hat'heelo hanumaana bho || 11 ||

Sevaka syokaaee jaani jaanakeesa maanai kaani,
Saanukoola soolapaani navai naatha naankako |
Devee deva daanava dayaavane hvai joraim' haatha,
Baapure baraaka kahaa aura raajaa raankako ||
Jaagata sovata bait'he baagata binoda moda,
Taakai jo anartha so samartha eka aankako |
Saba dina rooro parai puro jahaam'-tahaam' taahi,
Jaake hai bharoso hiye hanumaana haankako || 12 ||

Saanuga sagauri saanukoola soolapaani taahi,
Lokapaala sakala lakhana raama jaanakee |
Loka paralokako bisoka so tiloka taahi,
Tulasee tamaai kahaa kaahoo beera aanakee ||
Kesareekisora bandeechhorake nevaaje saba,
Keerati bimala kapi karunaanidhaanakee |
Baalaka-jyom' paalahaim' kri'paalu muni siddha taako,
Jaake hiye hulasati haanka hanumaanakee || 13 ||

Karunaa nidhaana, balabuddhike nidhaana, moda-
Mahimaanidhaana, guna-jnyaanake nidhaana hau |
Baamadeva-roopa, bhoopa raamake sanehee, naama
Leta-deta artha dharma kaama nirabaana hau ||
Aapane prabhaava, seetaanaathake subhaava seela,
Loka-beda-bidhike bidusha hanumaana hau |
Manakee, bachanakee, karamakee tihum' prakaara,
Tulasee tihaaro tuma saaheba sujaana hau || 14 ||

Manako agama, tana sugama kiye kapeesa,
Kaaja mahaaraajake samaaja saaja saaje haim' |
Deva-bandeechhora ranarora kesareekisora,
Juga-juga jaga tere birada biraje haim' |
Beera barajora, ghat'i jora tulaseekee ora
Suni sakuchaane saadhu, khalagana gaaje haim' |
Bigaree sam'vaara anjaneekumaara kije mohim',
Jaise hota aaye hanumaanake nivaaje haim' || 15 ||

– savaiyaa –

Jaanasiromani hau hanumaana sadaa janake mana baasa tihaaro |
D'haaro bigaaro maim' kaako kahaa kehi kaarana kheejhata haum' to tihaaro ||
Saaheba sevaka naate te haato kiyo so tahaam' tulaseeko na chaaro |
Dosha sunaaye tem' aagehunko hoshiyaara hvai hom' mana tau hiya haaro || 16 ||

Tere thape uthapai na mahesa, thapai thirako kapi je ghara ghaale |
Tere nivaaje gareebanivaaja biraajata bairinake ura saale |
Sankat'a socha sabai tulasee liye naama phat'ai makareeke-se jaale |
Bood'ha bhaye, bali, merihi baara, ki haari pare bahutai nata paale || 17 ||

Sindhu tare, bad'e beera dale khala, jaare haim' lankase banka mavaa se |
Taim' rana-kehari keharike bidale ari-kunjara chhaila chhavaa se ||
Tosom' samattha susaaheba sei sahai tulasee dukha dosha davaase |
Baanara baaja bad'he khala-khechara, leejata kyom' na lapet'i lavaa-se || 18 ||

Achchha-bimardana kaanana-bhaani dasaanana aanana bhaa na nihaaro |
Baaridanaada akampana kumbhakaranna-se kunjara kehari-baaro ||
Raama-prataapa-hutaasana, kachchha, bipachchha, sameera sameeradulaaro |
Paapatem', saapatem', taapa tihuntem' sadaa tulasee kaham' so rakhavaaro || 19 ||

– ghanaaksharee –

Jaanata jahaana hanumaanako nivaajyau jana,
Mana anumaani, bali, bola na bisaariye |
Sevaa-joga tulasee kabahum' kahaa chooka paree,
Saaheba subhaava kapi saahibee sambhaariye ||
Aparaadhee jaani keejai saasati sahasa bhaanti,
Modaka marai jo, taahi maahura na maariye |
Saahasee sameerake dulaare raghubeerajooke,
Baam'ha peera mahaabeera begi hee nivaariye || 20 ||

Baalaka biloki, bali, baaretem' aapano kiyo,
Deenabandhu dayaa keenheem' niroopaadhi nyaariye |
Raavaro bharoso tulaseeke, raavaroee bala,
Aasa raavareeyai, daasa raavaro bichaariye ||
Bad'o bikaraala kali, kaako na bihaala kiyo,
Maathe pagu baleeko, nihaari so nivaariye |
Kesareekisora, ranarora, barajora beera,
Baam'hupeera raahumaatu jyaum' pachhaari maariye || 21 ||

Uthape thapanathira thape uthapanahaara,
Kesareekumaara bala aapano sambhaariye |
Raamake gulaamaniko kaamataru raamadoota,
Mose deena dubareko takiyaa tihaariye ||
Saaheba samartha tosom' tulaseeke maathe para,
Sooo aparaadha binu beera, baandhi maariye |
Pokharee bisaala baam'hu, bali baarichara peera,
Makaree jyaum' pakarikai badana bidaariye || 22 ||

Raamako saneha, raama saahasa lakhana siya,
Raamakee bhagati, socha sankat'a nivaariye |
Muda-marakat'a roga-baarinidhi heri haare,
Jeeva-jaamavantako bharoso tero bhaariye ||
Koodiye kri'paala tulasee suprema-pabbayatem',
Suthala subela bhaalu bait'hikai bichaariye |
Mahaabeera baankure baraakee baam'hapeera kyom' na,
Lankinee jyom' laataghaata hee marori maariye || 23 ||

Loka-paralokahum' tiloka na bilokiyata,
Tose samaratha chapa chaarihum' nihaariye |
Karma, kaala, lokapaala, aga-jaga jeevajaala,
Naatha haatha saba nija mahimaa bichaariye ||
Khaasa daasa raavaro, nivaasa tero taasu ura,
Tulasee so deva dukhee dekhiyata bhaariye |
Baata tarumoola baam'husoola kapikachchhu-beli,
Upajee sakeli kapikeli hee ukhaariye || 24 ||

Karama-karaala-kam'sa bhoomipaalake bharose,
Bakee bakabhaginee kaahootem' kahaa d'araigee |
Bad'ee bikaraala baalaghaatinee na jaata kahi,
Baam'hubala baalaka chhabeele chhot'e chharaigee ||
Aaee hai banaai besha aapa hee bichaari dekha,
Paapa jaaya sabako guneeke paale paraigee |
Pootanaa pisaachinee jyaum' kapikaanha tulaseekee,
Baam'hapeera mahaabeera, tere maare maraigee || 25 ||

Bhaalakee ki kaalakee ki roshakee tridoshakee hai,
Bedana bishama paapa-taapa chhalachhaam'hakee |
Karamana koot'akee ki jantramantra boot'akee,
Paraahi jaahi paapinee maleena manamaam'hakee ||
Paihahi sajaaya nata kahata bajaaya tohi,
Baavaree na hohi baani jaani kapinaam'hakee |
Aana hanumaanakee dohaaee balavaanakee,
Sapatha mahaabeerakee jo rahai peera baam'hakee || 26 ||

Sim'hikaa sam'haari bala, surasaa sudhaari chhala,
Lankinee pachhaari maari baat'ikaa ujaaree hai |
Lanka parajaari makaree bidaari baarabaara,
Jaatudhaana dhaari dhooridhaanee kari d'aaree hai ||
Tori jamakaatari madodari kad'hori aanee,
Raavanakee raanee meghanaada mahantaaree hai |
Bheera baam'hapeerakee nipat'a raakhee mahaabeera,
Kaunake sakocha tulaseeke socha bhaaree hai || 27 ||

Tero baalakeli beera suni sahamata dheera,
Bhoolata sareerasudhi sakra-rabi-raahukee |
Teree baam'ha basata bisoka lokapaala saba,
Tero naama leta rahai aarati na kaahukee ||
Saama daana bheda bidhi bedahoo labeda sidhi,
Haatha kapinaathaheeke chot'ee chora saahukee |
Aalasa anakha parihaasakai sikhaavana hai,
Ete dina rahee peera tulaseeke baahukee || 28 ||

T'ookaniko ghara-ghara d'olata kangaala boli,
Baala jyom' kri'paala natapaala paali poso hai |
Keenhee hai sambhaara saara anjaneekumaara beera,
Aapano bisaarihaim' na merehoo bharoso hai ||
Itano parekho saba bhaanti samaratha aaju,
Kapiraaja saanchee kahaum' ko tiloka toso hai |
Saasati sahata daasa keeje pekhi parihaasa,
Cheereeko marana khela baalakaniko so hai || 29 ||

Aapane hee paapatem' tritaapatem' ki saapatem',
Bad'hee hai baam'habedana kahee na sahi jaati hai |
Aushadha aneka jantra-mantra-t'ot'akaadi kiye,
Baadi bhaye devataa manaaye adhikaati hai ||
Karataara, bharataara, harataara, karma, kaala,
Ko hai jagajaala jo na maanata itaatee hai |
Chero tero tulasee too mero kahyo raamadoota,
D'heela teree beera mohi peeratem' piraati hai || 30 ||

Doota raamaraayako, sapoota poota baayako,
Samattha haatha paayako sahaaya asahaayako |
Baankee biradaavalee bidita beda gaaiyata,
Raavana so bhat'a bhayo mut'hikaake ghaayako ||
Ete bad'e saaheba samarthako nivaajo aaja,
Seedata susevaka bachana mana kaayako |
Thoree baam'hapeerakee bad'ee galaanee tulaseeko,
Kauna paapa kopa, lopa pragat'a prabhaayako || 31 ||

Devee deva danuja manuja muni siddha naaga,
Chhot'e bad'e jeeva jete chetana acheta haim' |
Pootanaa pisaachee jaatudhaanee jaatudhaana baama,
Raamadootakee rajaai maathe maani leta haim' ||
Ghora jantra mantra koot'a kapat'a kuroga joga,
Hanoomaana aana suni chhaad'ata niketa haim' |
Krodha keeje karmako prabodha keeje tulaseeko,
Sodha keeje tinako jo dosha dukha deta haim' || 32 ||

Tere bala baanara jitaaye rana raavanasom',
Tere ghaale jaatudhaana bhaye ghara-gharake |
Tere bala raamaraaja kiye saba surakaaja,
Sakala samaaja saaja saje raghubarake ||
Tero gunagaana suni geerabaana pulakata,
Sajala bilochana biranchi hari harake |
Tulaseeke maathepara haatha phero keesanaatha,
Dekhiye na daasa dukhee tose kanigarake || 33 ||

Paalo tere t'ookako parehoo chooka mookiye na,
Koora kaud'ee dooko haum' aapanee ora heriye |
Bhoraanaatha bhorehee sarosha hota thore dosha,
Poshi toshi thaapi aapano na avad'eriye ||
Ambu too haum' ambuchara, amba too haum' d'imbha, so na,
Boojhiye bilamba avalamba mere teriye |
Baalaka bikaala jaani paahi prema pahichaani,
Tulaseekee baam'ha para laameelooma pheriye || 34 ||

Gheri liyo rogani kujogani kulogani jyaum',
Baasara jalada ghana ghat'aa dhuki dhaaee hai |
Barasata baari peera jaariye javaase jasa,
Rosha binu dosha, dhooma-moola malinaaee hai ||
Karunaanidhaana hanumaana mahaabalavaana,
Heri ham'si haanki phoonki phaujem' taim' ud'aayee hai |
Khaaye huto tulasee kuroga raad'ha raakasani,
Kesareekisora raakhe beera bariaaee hai || 34 ||

– savaiyaa –

Raamagulaama tuhee hanumaana
Gosaam'yi susaam'yi sadaa anukoolo |
Paalyo haum' baala jyom' aakhara doo
Pitu maatu som' mangala moda samoolo ||
Baam'hakee bedana baam'hapagaara
Pukaarata aarata aananda bhoolo |
Shreeraghubeera nivaariye peera
Rahaum' darabaara paro lat'i loolo || 36 ||

– ghanaaksharee –

Kaalakee karalataa karama kat'hinaaee keedhaum',
Paapake prabhaavakee subhaaya baaya baavare |
Bedana kubhaanti so sahi na jaati raati dina,
Soee baam'ha gahee jo gahee sameerad'aavare ||
Laayo taru tulasee tihaaro so nihaari baari,
Seenchiye maleena bho tayo hai tihum' taavare |
Bhootanikee aapanee paraayekee kri'paanidhaana,
Jaaniyata sabaheekee reeti raama raavare || 37 ||

Paayampeera pet'apeera baam'hapeera mum'hapeera,
Jarajara sakala sareera peeramaee hai |
Deva bhoota pitara karama khala kaala graha,
Mohipara davari damaanaka see daee hai ||
Haum' to bina molake bikaano bali baarehee tem',
Ot'a raamanaamakee lalaat'a likhi laee hai |
Kumbhajake kinkara bikala bood'e gokhurani,
Haaya raamaraaya aisee haala kahoom' bhaee hai || 38 ||

Baahuka-subaahu neecha leechara-mareecha mili,
Mum'hapeera-ketujaa kuroga jaatudhaana hai |
Raama naama japajaaga kiyo chahom' saanuraaga,
Kaala kaise doota bhoota kahaa mere maana hai ||
Sumire sahaaya raamalakhana aakhara dooo,
Jinake samooha saake jaagata jahaana hai |
Tulasee sambhaari taad'akaa-sam'haari bhaaree bhat'a,
Bedhe baragadase banaai baanavaana hai || 39 ||

Baalapane soodhe mana raama sanamukha bhayo,
Raamanaama leta maangi khaata t'ookat'aaka haum' |
Parayo lokareetimem' puneeta preeti raamaraaya,
Mohabasa bait'ho tori tarakitaraaka haum' |
Khot'e-khot'e aacharana aacharata apanaayo,
Anjaneekumaara sodhyo raamapaani paaka haum' ||
Tulasee gosaayeem' bhayo bhond'e dina bhooli gayo,
Taako phala paavata nidaana paripaaka haum' || 40 ||

Asana-basana-heena bishama-bishaada-leena,
Dekhi deena doobaro karai na haaya-haaya ko |
Tulasee anaathaso sanaatha raghunaatha kiyo,
Diyo phala seelasindhu aapane subhaayako ||
Neecha yahi beecha pati paayi bharuhaayigo,
Bihaayi prabhu-bhajana bachana mana kaayako |
Taatem' tanu peshiyata ghora baratora misa,
Phoot'i-phoot'i nikasata lona raamaraayako || 41 ||

Jiyom' jaga jaanakeejeevanako kahaayi jana,
Maribeko baaraanasee baari surasariko |
Tulaseeke duhoom' haatha modaka hai aise t'haavum',
Jaake jiye muye socha karihaim' na lariko |
Moko jhoot'ho saancho loga raamako kahata saba,
Mere mana maana hai na harako na hariko |
Bhaaree peera dusaha sareeratem' bihaala hota,
Sovoo raghubeera binu sakai doora kariko || 42 ||

Seetaapati saaheba sahaaya hanumaana nita,
Hita upadesako mahesa maano gurukai |
Maanasa bachana kaaya sarana tihaare paam'ya,
Tumhare bharose sura maim' na jaane surakai ||
Byaadhi bhootajanita upaadhi kaahoo khalakee,
Samaadhi keeje tulaseeko jaani jana phurakai |
Kapinaatha raghunaatha bholaanaatha bhootanaatha,
Rogasindhu kyom' na d'aariyata gaaya khurakai || 43 ||

Kahom' hanumaanasom' sujaana raamaraayasom',
Kri'paanidhaana sankarasom' saavadhaana suniye |
Harasha vishaada raaga rosha guna doshamayee,
Birachee biranchi saba dekhiyata duniye |
Maayaa jeeva kaalake karamake subhaayake,
Karaiyaa raama beda kahaim' saanchee mana guniye |
Tumhatem' kahaa na hoya haahaa so bujhaiye mohi,
Haum' hoom' rahom' mauna hee bayo so jaani luniye || 44 ||

Iti shubham ||